天 · 悠蔬食 (已結業)

呢間餐廳嘅裝修花咗好多心思，以粉紅色同埋天藍色嘅色調為主，令人少女心爆發🥰我揀左晚市套餐，加$20有前菜及湯品，湯係舞茸淮山黃耳竹笙雪蓮子燉湯 😝超級足料，幾乎每一啖都食到舞茸或蓮子，同埋唔會太甜，係一個養生嘅湯水啊，好啱女仔飲❤️配左一個小小嘅沙律，就係香樁萵筍黑木耳伴青瓜苗， 我好鍾意，因為佢啲萵筍好清甜，仲有健康嘅黑木耳同埋青瓜了，好快就清晒成碟！主食叫左大啡菇南瓜🎃紫薯藜麥焗千層闊麵，賣相好靚，勁多芝士係面頭，裏面都好多料，雖然佢無肉，但係佢啲配菜令我覺得好似食緊肉，千層麵做得唔錯喎☺️☺️嘢飲揀咗柚子青檸蘆薈冰茶（ 凍） 呢杯嘢飲消暑又解渴，同埋裏面有粒粒蘆薈同埋柚子蜜，好鍾意！加$25 椰香班蘭千層班㦸好濃郁嘅班蘭味，帶淡淡椰香，佢嘅cream唔膩，呢個千層蛋糕都令人回味無窮。仲送左滋潤糖水，應該係雪梨木耳，滋潤到爆炸！

晚市套餐有好多選擇，揀咗一段時間先揀到，我係有加到錢要前菜同湯品 1.蘆筍西蘭花桃膠忌廉濃湯 個湯好creamy好濃郁，好味道，裏面仲有桃膠添，幾特別，好滋潤😝2.華都夫薯仔合桃冰菜沙律 呢個沙律口感豐富，我鍾意佢放咗提子乾落去，啲蘋果薯仔都好新鮮，開胃！3.菠菜合桃野菌忌廉燴意大利飯 配香脆椰菜花 $168 呢個意大利飯真係一定要叫，實在太好味啦！❤️❤️❤️菠菜野菌呢個搭配係完美，意大利飯質感好好，每一啖都充滿忌廉香味，好creamy，奶油味重。仲有個椰菜花都好香口，正！4.加$30 鮮果脆脆芭菲 呢個亦都係一定要點！靚到震！每一層嘅配搭都係完美，oreo加忌廉，仲有好多鮮果，每一啖都好香甜可口，救命，好幸福！5.用$18加配手卷，我揀左香芒牛油果🥑苜蓿芽手卷呢個新鮮感十足，牛油果加香芒仲有一啲脆脆，當然唔少得好嫩嘅苜蓿芽，紫菜勁香，總之成個配搭都非常好，有驚喜！呢一餐食得好滿足，佢啲忌廉菜式都非常出色，同埋甜品都好正，令人回味啊！

今次悠蔬食午市餐牌嘅菜式同上一次唔同。我係IG到見到佢話有「宇治抹茶之旅」，好想試，去到先知原來係尖沙咀店限定。前菜&湯品 野菜粟米雪耳忌廉濃湯 配香脆法包粟米忌廉湯之前都係呢到試過，今次就連埋法包一齊食。法包外脆內軟，本身已有香濃嘅香草味，沾埋忌廉湯好夾，有畫龍點睛嘅效果。 印度椰子花生雪耳湯 配西瓜哈蜜瓜藜麥黑醋沙律味道正常，普通中湯嘅感覺。主食: 牛油果蕃茄未來牛肉墨西哥卷餅 配紅菜頭蘋果藜麥沙律 及香脆薯角 ($98)墨西哥卷餅入面有未來牛肉、蕃茄、牛油果、大量生菜，配搭唔錯。餅皮軟硬適中，但我唔係好食得出餅皮有咩味道。 台式大滷麵 配香酥雲吞 ($98)食落超濃滷水味，每樣食材都好入味。麵條彈牙，不過份量真係好少。雲吞入面嘅餡料口感結實，似係用大豆纖維整嘅素肉。飲品: 柚子青檸蘆薈冰茶 韓風蘆薈柚子蜜附送抗疫糖水:雪梨海底椰南北杏燉雪耳糖水好滋潤，又唔會太甜。

一直以來齋菜喺我腦海裡只局限於甜酸咖喱齋叉燒齋鵝芋頭魚等食物，近年大趨健康素食文化，素菜亦推陳出新增添咗唔少新式料理。以粉紅為主色嘅空間充滿少女心，驟眼睇以為係主打英式下午茶嘅cafe，但實則係一間提供多國料理嘅素食餐廳。到達餐廳時已係下午3點鐘，仍有午餐套餐供應，價錢由$58至$88不等，包有冷熱餐飲，加$10可轉full set配前菜及餐湯。加入椰子、粟米、紅蘿蔔取替肉類，煲出嚟嘅湯水既清甜又無油膩感；加上花生、紅腰豆、黃豆、南北杏、眉豆多種豆類，口感豐富又高纖健康👍🏻👍🏻👍🏻中湯搭沙律呢個搭配感覺有啲奇特🌝同瓜果配黑醋沙律一樣，兩者好似唔多關事咁。但同時食用，微酸嘅黑醋反而突顯咗哈蜜瓜嘅香甜。估唔到素菜都有我最愛嘅wrap，餅皮烘成金黄，外脆內軟韌，入口帶微弱清草香。餡料豐富飽滿，一咬即時品嚐到牛油果同素芝士嘅軟滑細膩、蕃茄嘅稔軟酸甜、唐生菜嘅爽脆清新；加上幾可亂真嘅未來肉，素食都可以食出100%牛肉漢堡啲口感😍😍是日第二兜沙律🥗個人口味比較鍾意呢款，沙律菜靠紅菜頭同蘋果嘅原味達致酸甜平衡，原汁原味感覺特別健康。價錢定位以荃灣區而言偏高，但外食族鮮少有機會食菜，難得午餐能夠食得有

經過citywalk2期見到呢間素食餐廳，叫左一人餐外賣試下大啡菇白松露手作薄餅推介未打開已經聞到好香松露味。個批比想像中大，相信一個女仔系食5哂架皮夠薄，拎到番屋企都冇淋哂，唔錯＜有菇，黃蕉，紅蕉，菠蘿，怱，菜，海量芝士>勁邪惡不過全素5怕啦跟餐配榛子咖啡乳酪蛋糕咖啡味好濃，反而食5出乳酪味。我中意佢消化餅底再飲埋柚子青檸蘆薈冰茶中和番甜度抗疫仲送蘋果雪梨海底椰南北杏燉雪耳糖水<幾足料下次試埋其他素食先

環境很好，很大很童話。服務也非常不錯，很快很貼心。但食物就很失望⋯⋯餐牌上的選擇比較少。最終揀左三個菜，但都係比預期既味道有點落差...可能我地平時比較重口味吧⋯⋯如果有個調味架係旁邊會更好，方便食客調合適自己既口味。我地估呢間應該係甜品做主打，所以最後都叫左個芭菲杯....貌相係好得既，第一層都係好好食😋即刻符合預期。但係，往下既層數味道真心又係有好大落差。最好食應該係當晚送既糖水....唉...仲要唔算平

平時成日覺得食素食嘅話一定係淡口無味今次嚟到荃灣呢間素食餐廳發現原來素食都可以好好味好似肉蜜汁脆鱔 $98其實即係蜜汁炸冬菇有啲似咕嚕肉嘅質地同感覺但係食落去幾開胃幾好送飯 第一次食到呢一度素菜 個人幾鍾意唔講真係唔知佢係素菜泰式鳳梨炒飯$98🍛食得出入面加咗少少鰻魚汁同平時食嘅鳳梨炒飯唔同雖然見唔到大大粒嘅鳳梨但係炒飯質地比較濕 食落去味道好濃好出 加埋入邊嘅蔬菜材料好似冬菇嗰啲咁樣食落去真係可以媲美平時食開嘅港式炒飯海鮮炒飯 總括嚟講發現原來素菜都唔係想像中咁差可以整得好有特色我食如果食素又想搵一啲外食嘅餐廳可以嚟呢度試吓👍🏻

多菜少肉對減肥好有幫助，最近我收工，成日都會搵吓附近有咩素食/少鹽少甜餐廳～今次我就揀咗荃灣嘅天·悠蔬食！ 一系列粉色餐桌、藍天白雲加熱汽球，布置好賞心悅目。 鍾意呢度充滿童話風格嘅布置。提起食素，好多人都以為會好Dry，味道好單一，但天·悠蔬食就完全無呢啲Feel！打開Menu，晚餐由中式嘅豆腐煲、意式嘅Pizza、美式漢堡，以至係印度式薄餅及咖啡飯都有，每款主食都包含至少4～5款蔬果，菜款口味包羅萬有，唔難揀到心水料理！ 晚市餐單，美食超多選擇！另外，佢哋除咗主食，套餐亦包前菜、湯、飲品、甜品及糖水！一餐下來，枱上擺咗6、7碟嘢，超豐富！針對武漢肺炎，老闆仲係餐單加咗多款潤肺、增強免疫力嘅食材，如百合、淮山、雪耳、牛蒡…等等，非常用心。 大啡菇南瓜紫薯藜麥焗千層闊麵～ 滿滿嘅芝士，好正！   今次我就揀咗D餐嘅「大啡菇南瓜紫薯藜麥焗千層闊麵」！呢個焗闊麵面層係薄切啡菇、芝士，底層係南瓜、紫薯、藜麥及蕃茄等，喺闊麵之間仲有兩層腐皮添，用料勁豐富！食上口，香濃嘅芝士，啖啖夾雜唔同蔬菜，味道似平時食開嘅千層麵，但又無咁油膩，唔錯！ 我至愛跟餐餐湯，多款菇菌燉製，好鮮甜！   另

剛放寬了4人限聚令，由4人到可以8人，終於可以趕及在母親節與分散的家人坐埋一齊聚餐，實在要把握機會食返餐豪好的，天悠蔬食沒有令人失望，坐位的非常時期的間隔都令人食得放心嘅，以素食餐廳來說食品質素很好了，特別推介土匪腐皮卷及綜合水果茶，真心好食好飲，晚餐的set 餐就中規中矩啦，沒太大驚喜，但都好食嘅，散叫的食物就真係好有水準，廚房師傅諗菜式都好辛苦啦🙏，服務員的態度亦好nice, 知道疫情期間都辛苦了，人手少左要做多幾倘，加油呀

三五知己聚會，又有素食者生日，試吓呢一間。叫了三個晚市套餐，再加咗兩樣嘢和苜蓿手卷，估唔到手卷就是重點所在：Alfafa 好新鮮、好香，手卷紫紙好爽趣，加$18 就可以試到，價錢合理。至於其他主要素食就......套餐送三件甜品，可以話 below standard，可惜。

之前見到社交平台賣廣告，午餐便當好似好吸引，看了餐牌之後覺得午抵食d。叫了一份泰式鳳梨炒飯，餐湯椰菜花忌廉，凍西柚茶，外賣送餐的包裝不是很穩妥，一杯咖啡倒了半杯，弄到個袋同其它也有咖啡，好呢hea。原來好多盒嘢，一盒飯，湯，蒜蓉包，飲品，仲有一杯糖水，好豐富呀。個飯幾靚仔喎，乾身的，唔會一patpat咁。又唔會好濃味，都真是有菠蘿粒粒，仲係鮮菠蘿呀，青瓜同沙律菜，份量也好多。蒜蓉包也夠脆，幾香的。湯我覺得太多奶糖水係南北杏雪耳雪梨，好足料，好味。西柚茶正常，仲有蘋果添同事叫了一個便當，有四格的，賣相也好靚的。和風淮山燴扁意粉配紫菜豆卷，扁意粉感覺似伊麵多d，所以有點失望。

今日是佛誕所以打算外賣一些齋回家吃首先當然是佛誕傳統食物 - 欒樨，用欒樨做成的手卷，入面又有蜜桃又有芽菜，也有一些脆脆的我不知道是什麼，加上沙律醬，意外地清新又好食。也叫了焗牛油果千層麵，焗得香也吃得飽。

老友生日，疫情下都要去慶祝一下！專誠老遠跑來一嚐美食！在素食群裡看到這兒的環境，新開業兼童話式的設計，立即訂枱同老友相聚。果然不負所望，樓底高，面向街道夠光猛，我們選了玻璃幕牆邊卡位，4人座恰好！粉紅及淺綠背景。吊掛了十多個玩具氫氣球，好有旅遊的幻覺！雖說疫情持續 ，午飯時間也是全院滿座！不愧是悠蔬食集團，的確有號召力！今天朋友選了一客午餐，又有湯及前菜沙拉，主菜，飲品，仲有糖水送，才收$98，超值。追加跟餐點了春季限定甜品，更超值！然後，點了幾個 a la carte。好滿足喔！

我俾100分既素食。晚餐，呢度$433。。。有人話湯好好味，加單。。。連點2碗個pizza好好味（白松露味好香，面灑上七味粉，微辣惹味，畫龍點睛），個pasta都好味（牛油果足料，唯有薯仔又pasta感覺澱粉質感重了一點），糖水又好味（南北杏香味很出，清而不太甜），蘋果茶又好清爽，燉湯多料。。。唉呀。。。無野唔好味。。。

餐廳環境確實得女士們芳心。在「藍天白雲」下看着漫天熱氣球，如在童話世界一樣。有別於傳統「齋鋪」，餐牌上全是新派菜式。脆鱔甜甜酸酸，十分開胃，也甚有「鱔味」。喜歡土匪雞翼的人一定要點「土匪素雞鎚」，非常香脆惹味。牛柳粒當然不是真牛，但不論口感還是味道，都和牛柳相似。素鰻魚炒飯少甜，飯粒分明，鰻魚更加幾可亂真！黑松露乾燒伊麵香氣撲鼻，用料十足，令本來平凡的炒麵生色不少。晚飯怎可沒有甜品！士多啤梨撻真是盡得少女心，鋪滿了士多啤梨🍓，餅皮鬆化；伯爵茶千層班戟洋溢芳郁茶香，完全好評！每位客人都奉送就蘋果雪梨雪耳糖水，滋養潤肺，心意更是甜在心頭。