影片
更多
2020-05-22
148 浏览
多菜少肉對減肥好有幫助，最近我收工，成日都會搵吓附近有咩素食/少鹽少甜餐廳～今次我就揀咗荃灣嘅天·悠蔬食！ 一系列粉色餐桌、藍天白雲加熱汽球，布置好賞心悅目。 鍾意呢度充滿童話風格嘅布置。提起食素，好多人都以為會好Dry，味道好單一，但天·悠蔬食就完全無呢啲Feel！打開Menu，晚餐由中式嘅豆腐煲、意式嘅Pizza、美式漢堡，以至係印度式薄餅及咖啡飯都有，每款主食都包含至少4～5款蔬果，菜款口味包羅萬有，唔難揀到心水料理！ 晚市餐單，美食超多選擇！另外，佢哋除咗主食，套餐亦包前菜、湯、飲品、甜品及糖水！一餐下來，枱上擺咗6、7碟嘢，超豐富！針對武漢肺炎，老闆仲係餐單加咗多款潤肺、增強免疫力嘅食材，如百合、淮山、雪耳、牛蒡…等等，非常用心。 大啡菇南瓜紫薯藜麥焗千層闊麵～ 滿滿嘅芝士，好正！ 今次我就揀咗D餐嘅「大啡菇南瓜紫薯藜麥焗千層闊麵」！呢個焗闊麵面層係薄切啡菇、芝士，底層係南瓜、紫薯、藜麥及蕃茄等，喺闊麵之間仲有兩層腐皮添，用料勁豐富！食上口，香濃嘅芝士，啖啖夾雜唔同蔬菜，味道似平時食開嘅千層麵，但又無咁油膩，唔錯！ 我至愛跟餐餐湯，多款菇菌燉製，好鮮甜！ 另
多菜少肉對減肥好有幫助，最近我收工，成日都會搵吓附近有咩素食/少鹽少甜餐廳～今次我就揀咗荃灣嘅天·悠蔬食！
一系列粉色餐桌、藍天白雲加熱汽球，布置好賞心悅目。
鍾意呢度充滿童話風格嘅布置。提起食素，好多人都以為會好Dry，味道好單一，但天·悠蔬食就完全無呢啲Feel！打開Menu，晚餐由中式嘅豆腐煲、意式嘅Pizza、美式漢堡，以至係印度式薄餅及咖啡飯都有，每款主食都包含至少4～5款蔬果，菜款口味包羅萬有，唔難揀到心水料理！
晚市餐單，美食超多選擇！另外，佢哋除咗主食，套餐亦包前菜、湯、飲品、甜品及糖水！一餐下來，枱上擺咗6、7碟嘢，超豐富！針對武漢肺炎，老闆仲係餐單加咗多款潤肺、增強免疫力嘅食材，如百合、淮山、雪耳、牛蒡…等等，非常用心。
大啡菇南瓜紫薯藜麥焗千層闊麵
$168
6 浏览
0 赞好
0 留言
滿滿嘅芝士，好正！ 今次我就揀咗D餐嘅「大啡菇南瓜紫薯藜麥焗千層闊麵」！呢個焗闊麵面層係薄切啡菇、芝士，底層係南瓜、紫薯、藜麥及蕃茄等，喺闊麵之間仲有兩層腐皮添，用料勁豐富！食上口，香濃嘅芝士，啖啖夾雜唔同蔬菜，味道似平時食開嘅千層麵，但又無咁油膩，唔錯！
我至愛跟餐餐湯，多款菇菌燉製，好鮮甜！ 另外，我最鍾意佢嘅餐湯，黃金菇、黃耳、蟲草花、竹苼同雪蓮子，超鮮甜，滿滿嘅黃耳，好爽口，高質呀！🤤
杏汁紅豆糕～味道清香微甜，紅豆粉粉的，味道比想像中好。
套餐另外附送潤肺湯水，好多海底、椰雪耳，充滿膠質！食完主食，我就揀咗椰汁紅豆糕，正想擺入口，店員又送上糖水，佢話係疫情期間附送嘅，天呀，心諗一條友點食得晒？😂
呢款糖水用蘋果雪梨海底椰雪耳燉成，又係勁足料，勁滋補，最終我休息一陣，飲埋先走，捧住個肚回家。
冇諗過食素都可以好似食肉咁滿足，推薦！😍
张贴
