天然豚骨拉麵專門店一蘭

营业中

休息中

日本拉麵名店"一蘭"最近落戶至尖咀，但偏偏選址在棉登徑盡頭轉角的一條小巷內，拖著太太不斷在附近周圍轉了幾圈最後才找到，真不容易....年前麵店進軍到灣仔時已來嚐新，感覺已是挺一般的無甚過人之處。如今在這新分店，除了以往有名的自閉位擺設之外，店還在旁邊開了一個屋台區，事實上這地方的設計就和一個企理點的排檔沒有兩樣....但對於小弟來說，這似乎就失去了"一蘭"原有的特色了，而且屋台內所提供的東西和舊有的基本上沒有太大區別....我想，這樣做除了算是迎合香港人那種愛新鮮的風格外，也沒有其他原因要作出如斯的改變....裝修上的變，當然沒有問題。不過最大的問題是，麵的質素卻無改善之餘，還好像越來越差....湯是沒有大問題，入口還算帶微微膠口甜度尚足；但麵就真的不行 ---- 幼身的白麵處理得軟撻撻淰得可以而且吸湯能力極為一般；肉又只是聊聊數片，提供的並不是平常吃開的鹵叉燒而是像超市買回來的肥牛，咬進口嚡嚡的又沒有任何味道....所謂的特製醬汁只是一小撮下了辣椒粉杰杰的東西。除了令湯多了一點辣味外，請恕小弟不才，是真箇嚐不出一個所以然來....最最重要的是，這般水平的麵也要賣至接近九十大洋一碗，而

話說一蘭喺香港開店時，好多朋友都叫我去食，但每次見到條龍好似水蛇春咁長，我都冇哂意欲要去食啦！就係咁。。。冇食過，到尖沙咀開店一段時間，有一日下午4點左右行過，冇人...okay，就入去試下啦！尖咀店喺地庫的，電話收得唔係幾好，不過有wifi俾你免費用20分鐘，店內裝修簡約而乾淨，不過我估人多時會幾嘈，檯同檯之間都好貼，冇乜私隱可言，不過食拉麵都係速食架啦！有咩就吔完先出去講啦 (爆)。下午茶時間食唔得多野，所以碗麵冇追加其他野啦。我揀左濃味湯 + 硬麵 +雙倍辣，一上檯第一時間唔好攪勻d辣汁，飲啖湯先...umm 都唔係好濃咋喎，入口冇果種好rich既感覺，而且偏咸左d，朋友果碗普通濃都係差唔多，濃湯 & 普通湯冇乜分別囉！⊙_⊙ 攪勻d辣，初初唔覺好辣，但會越食越辣，平時食少辣既我都頂得住。至於硬麵其實唔會好硬，只係我食得慢怕食到尾d麵浸林哂啫，我覺得叫普通硬會比較林，不過個人口味唔同，我中意食硬身d既麵啫。講到呢度，其實要排隊等好耐去食呢碗麵我覺得唔值，真心覺得係好好好普通既一碗拉麵 -_-#

生熟程度本身已經唔合格，蛋白竟然出奇地變得好似腐乳咁「綿」！如果唔係制作過程出現問題就可能係蛋已經壞咗？最特别係隻蛋好凍好凍，一啲都唔正常(๑˙ー˙๑)，唔會再試

是日兩點幾黎到竟然得小貓三四隻，銅鑼灣就食過幾次⋯但尖沙咀就第一次試食，由於兩個人都冇食早餐情況之下⋯各自各都有加底，因為若果唔加底兩三啖就已經可以K.O.左碗麵⋯份量實在太少喇。店內食嘅味道好多人都已經試過，因為都係得一種拉面揀，味道都係嗰種⋯反而我想講自己買返屋企整嘅一蘭拉麵。是日夜晚即刻返屋企煮嚟試吓⋯⋯究竟同唔同喺鋪頭食嘅一樣呢？！答案係分別不大嘅。湯底其實同喺店舖做嘅差唔多，只係面嘅口感有啲出入⋯而係包裝紙入邊都有寫明教你煮幾分鐘就係咩硬度，其實都好容易掌握。係鋪頭食閒閒地都要過百，但係係屋企煮＄40就已經可以食到一蘭既風味⋯其實本人覺得都幾底下。

原要造訪 棉登徑的日本餐廳這天小休，在照相。便趁機 試試 大名鼎鼎的一蘭在尖沙咀開不久的新店。一行五人，完全不用等位子。服務員有些生手但算有禮。超簡單的菜單，細列成十樣八樣的選擇如 蔥、油、蒜等等每樣裏再有幾款的淺至深 好像有點「整色整水」😉湯底調味、麵的軟硬幾好 但 不算難忘。每碗消費 起碼 $89, 定價高了些。很仰慕一蘭大名的即管試試吧。

其實一蘭拉麵已經吃了第N次，第一次是朋友帶我去的，他說一蘭在日本很出名，但我本人不是特別喜歡拉麵，所以我沒有很期待，第一次去的時候是銅鑼灣分店，大概等了一個鐘，餓得發慌，終於被叫進去，但發現裡面還有一條隊，實在把我激死，然後繼續等，幸好沒有很久，大概等多十五分鐘左右。終於可以進去吃了，我第一次吃的時候，一啖湯一啖麵，我突然枱起頭對我朋友說︰「好味啊！」。然後就這樣，帶了幾次未吃過的朋友來，跟我的反應完全一樣，突然枱起頭說︰「好味啊！」。是不是有點誇張，請原諒我誇張，大概是因為我沒去過日本，也未吃過幼的拉麵，一吃便愛上！以前我吃的都是粗的拉麵，所以我一進去一蘭，我奇怪為什麼是幼的，但幼的拉麵原來是非常有口感。不過不喜歡有豬味的朋友，建議可以不用去，不然就叫4倍辣。因為我發現有朋友不喜歡豬味的，都不大喜歡一蘭拉麵。因為那可是非常入味的豚骨湯這次，我是第一次一個人去，但我去的是尖沙咀分店，明明有新設計，可以一班人吃，但我卻未能體驗，然後繼續坐在自修室的設計。這裡的服務仍然非常好，拉麵同樣是一樣，但好像辣了一點，是否我已經唔再食得太辣(我叫了2倍辣)。但味道依然吸引！叉燒也依舊的薄，不過重點依

事隔很久才再嚐一蘭香港分店的味道。只因一蘭在香港開幕後試過後，記憶中覺得價錢不便宜又細碗，所以一直沒有再幫襯。這天路過才發現到尖沙咀有另一分店，又多給一次機會吧。店內的裝修有點不一樣，翻查資料才知道是'一蘭屋台' 限定店，更是最大的一蘭店。之前沒有聽過，相比起一蘭初登場的情況，實在差太遠。仍然是自己選擇適合自己的口味的湯及麵，至於味道不錯是好味。但，跟記憶中同樣是不便宜（$8x) 一細碗。雖然對一蘭有種情意結，還是將quota留下去日本才回味。

之前係東京旅行，都有經過一蘭嘅日本店，可惜當時過門而不入。呢一日黎到尖沙咀終於試到呢度嘅拉麵係唔係真係咁出色！晏晝下午茶時間，人流唔算十分旺，所以一落單之後，好快就有得食。叫左呢碗叉燒拉麵，湯底味道唔錯，幾惹味。麵條亦都係我中意嘅軟硬程度，叉燒亦都好鬆化，所以配料都好好食。若只計味道，呢碗麵絕對有90分以上。但係因為實在太細碗，叉燒只得3片，仲要稍為薄切，對於我黎講就唔太夠飽...

今朝一早到，一個人都無，咁都好，靜靜地。於是點個麵，加隻蛋，就耐心等候啦！等就緊係諗住上網嘛…竟然乜都收唔到，連電話都收唔到，好無奈。個麵同隻蛋都好快到，味道幾好嘅，但一諗到食個早餐要與世隔絕，我就高速食完走人啦…真係現代人唔可以無啦啦失蹤㗎嘛！咁大品牌，真係要搞搞佢啦～

是日跟sister吃一蘭, 佔地數千呎, 當然不用等候. 可選擇坐在自修室位置或是普通進食區, 筆者選擇了後者.店內走著和風路線, 暗暗的燈光, 配上全木的裝修, 加上一些日式背景音樂, 是挺有風味的! 唯一不大欣賞的是, 飲用的水要自行領取, 真的有點不便.等了大概十分鐘, 侍應送上拉麵 (HK$89), 先喝一口湯, 很香濃的豬骨湯, 帶一點點的油膩, 但仍可接受. 再試一口麵條, 點選了硬身, 也做到硬身, 很有咬口, 不錯! 最欣賞的是, 麵條的掛湯能力挺高, 湯的香氣也很掛在每口的麵條, 很好!叉燒反而不大好, 很乾很鞋, 還要是薄切.由於這個拉麵只有麵條和叉燒作為配料, 沒有什麼栗米, 紫菜, 溏心蛋作為配菜, 吃至中段時已感覺單調泛味, 加上價錢偏高, 不會經常吃呢!

我成日都強調，一碗拉麵嘅精髓係個湯， 有味而不油膩係最高境界，一蘭係呢方面絕對有 90 分以上!!一蘭用嘅拉麵比傳統嘅日本拉麵幼， 更加容易吸收湯底味道， 而且按照傳統日本做法，加底係另上， 目的係令拉麵時刻保持最佳狀態， 唔會浸到淋晒丶無晒口感。講番個麵， 是次選擇左濃味丶 普通硬度拉麵丶另加黑木耳， 有一點絕對要投訴， 拉麵既溫泉蛋竟然要另點， 過分!! 拉麵根本應該跟一隻溫泉蛋吧！( 至少都應該比半隻)!!! 拉麵落台一刻，湯底溫度算高， 應該立即將另上嘅 item 全部掉落去， 先是一啖湯底，非常正!!! 再試一啖拉麵，OMG, 湯底同拉麵已經完美結合， 一啖湯丶一啖拉麵，好快食曬成碗， 而扣分位係唔夠蒜，辣味亦不算出眾!! 單點拉麵 $89，少至蒜、紫菜丶蛋都要另外加錢， 加齊一碗拉麵應有嘅材料，大概要 $150, 太貴啦!! 但味道確實非常好

我同老公係一蘭fans，去咗咁多次銅鑼灣竟然掛住食無影相寫食評～今日做完gym順便睇下尖沙嘴一蘭新鋪如何～去到門口個人好似唔係幾知入面嘅情況，同我地講話要等30-45分鐘，問佢自閉定唔自閉位快d，佢又答唔到，最後我地揀咗唔係自閉位，一入去就有位～試下呢度先有嘅釜醬汁豚肉$59，一碟得幾小塊，其實食唔出個釜醬汁即係點，其實係肥d嘅花腩/千層肉咁，同拉麵入面嘅义燒唔會太大分別～個拉麵黎到，其實唔係d人comments咁差話不及銅鑼灣，其實依然ok，揀了濃湯，一定要麵連一啖湯一齊食，依舊好味～當然唔小得配紫菜加木耳，同埋半熟蛋，無得頂！！個半熟蛋又係好好味，如果唔係怕肥真想自己食兩隻～

一直聽閒一蘭的大名，這次終於有朋友帶我去吃了! 據說銅鑼灣那間比較好食，但兩間我都未試過，所以無從比較。但這間因為在地庫，所以是在店內排隊的，我們排的時候還有椅子可以坐，排的時間也不長。不好的地方是因為在地庫，我的電話完全收不到訊號，不知道其他人有沒有同樣的情況? 不過也好，能吃一頓不受打擾的飯。第一次食一蘭的我，覺得很好吃。湯底豬骨味超濃，可自由選擇的麵軟硬度和辣度都很對我胃口。下次會再來的。

第一次食一蘭拉麵, D朋友仔講到好好食, 咁今次呢就試一試, 去到, 有得坐自閉同唔自閉位, 我就同朋友坐自閉位, 新鮮感嘛, 每個座位有個出水位, 同台下面有掛鉤放袋, 好方便因為第一次黎,就跟佢既建議, 所有野都普通, 而秘製醬汁就2分之1, 食落又幾好味, 普通湯底都已經夠濃味, 醬汁唔算太辣, 岩岩好, 麵質都OK, 但我比較鍾意淋少少, 下次可以再試, 整體平衡OK, 又可以自己調較味道同多少, 但下次會加定麵, 因為我就唔多夠食喇, 總括黎講, 好過我食過大部分既香港拉麵, 正呀

銅鑼灣開店時勁排長龍，我已為有咩禁巴閉，最憎等好耐所以冇去。到尖沙咀有分店開業，期望好大去試……點知好失望……唔知點解有勁多味精而份量又少的拉麵，都仲禁好生意！難道香港人喜歡食味精？同在日本食拉麵的湯底差好遠，不值賣這個價錢。我個人認為八X子的拉麵及湯底較真材實料，份量大價錢又唔貴。