天然豚骨拉麵專門店一蘭

营业中

休息中

對於一蘭的印象，莫過於他那一格格像自修室的座位格局。前陣子吹韓風，什麼炸雞、部隊鍋、韓式甜品店都通通大排長龍，拉麵熱潮也是，什麼特式拉麵店，還是標榜濃豬骨湯底的，沒有那耐性和時間也絕對等不到，你可以很具體地說出他們的分別嗎？有個別幾間店的拉麵，仔細嚐還是吃得出分別，但每間的分別⋯其實也沒有太大的差異。你說好吃嗎？我就說⋯「都係咁啦」。也許，愛潮流是人類不變的定律。拉麵熱潮過去了，但店舖還在。想吃一蘭也再不需要排隊，那人潮跟舊日的Facebook上狀況一樣，都已成歷史了。但想不到的是，冷清清的一蘭於尖沙咀開店竟然有種起死回生的作用，不但把一蘭的場子也炒旺起來，甚至變成小日本的感覺。走過那樓梯直達地庫⋯跟銅鑼灣的一樣，門口收銀處不乏一些特色的一蘭盒裝拉麵、杯墊等等的紀念品。大致上沒有什麼大改動，也是以拉麵為主。除了有自修室的格局外，更仿照日本福岡山的傳統小食路邊攤設計。充滿日本風情～比自修室的格局更為熱鬧，跟朋友聊天和喝酒聊天就最合適不過了。加插了兩款新款式的食物⋯⋯釜醬汁豚肉燒。豚肉加入秘製的釜醬和蔥花，更顯鮮味。另外，抹茶杏仁豆腐也是尖沙咀店的新品，杏仁的味道不太強，但抹茶的味道算為相

新分店點都要支持吓於是食晏就同同事去左會一會新店驚要等位 同事就諗住去攞定位先可惜要人齊先可以入座入到去點完等左30分鐘都無野食隔離遲過我地既人都食完埋單我地6碗先黎左2碗明明一齊入單問佢地就話煮緊... ...之後追左3次就再黎左6碗但完全分唔到邊碗打邊碗唔關油唔油事係味好鹹 可能食唔慣太濃而且絕對有味精然後個加麵竟然同碗麵一齊黎所以到食加麵時個麵餅已經變成一舊好難拆返散黎食今日個Tasting 好失望

朋友又過開黎尖沙咀開工, 話想食日本野.. 最後o係列舉出既一埋店後, 選擇左新開既一蘭分店。之前食銅鑼灣分店既一蘭時都要起碼排10pair 人左右先拎到牌落order. 今次等左唔駛5mins 就可以落order 啦!!! 一直都以為同銅鑼灣一樣, 但原來呢度係有屋台! 同一班朋友一齊食就更開心啦 (唔駛隔住塊板傾計).屋台有"屋台限定"既menu items.. 但由於朋友唔飲酒既, 所以只試左其中一個。麵: 湯-普通濃度, 油膩-濃厚, 1份香蒜, 白蔥, 叉燒, 1/2倍秘製醬汁, 超軟麵首先上菜既係屋台限定"釜醬汁豚肉燒" Premium sliced pork -kamadare style-:如果會黎既朋友, 絕~~對唔可以錯過! 自己本身都唔怕食油/肥既野食, 但如何怕既話, 可以伕夾埋放o係上面既蔥一口食!~ 有入口即溶既感覺。下次食, 一定要order 埋sake/beer,配合一齊食+飲! 拉麵~湯-普通濃度, 油膩-濃厚, 1份香蒜, 白蔥, 叉燒, 1/2倍秘製醬汁, 超軟麵記得第一次食時, 唔知點解食到個湯有魚味 (其實都係因為自己唔鐘意je).. 所以有段

星期六下午1704pm, 專程去試尖沙咀新開分店的一蘭九州猪骨湯拉麵。餐廳位處地牢，就在以前Fat Angelo美式意大利餐廳的舊址。可能是位置偏僻或新開張的關係，未有長長人龍排隊。入座前店員會問: 堂座或個人位? 本人想懷念福岡風味，當然選了個人位靜靜享受九州拉麵。店員帶我到個人位後，沒有餐牌及價錢。面前有自助飲水機, 就好像迴轉壽司的熱水喉, 自斟自飲,但無杯子供應 。本人先拿拉麵自選單, 詳細選擇湯底濃淡程度, 拉麵軟硬, 要青葱,白葱或走葱。再按鈴叫拉麵師傅收單。未幾，師傅端上水杯及底單，再等了大約十分鐘, 我的自選拉麵終於來了！大致上賣相跟九州沒大分別, 三片义燒薄薄的浸在湯麵旁, 麵條軟度合意, 但湯底只吃到咸味 ,沒有猪骨湯味! 本人喝了多杯凍水也未能解渴。甜品選擇不多,也頗貴, 抹茶豆腐凍要$49, 速速埋單走人! 八達通卡埋單，盛惠$89一碗九州豬骨湯拉麵。

一蘭的第二家分店位於尖沙咀棉登徑，一個不怎麼起眼的地庫大概是新開張的緣故，不用等位就能入坐。拉麵的選擇就只有一個 ---- 豚骨拉麵，盛惠 $89 元。以下就是我的選擇:大多是如我所願，但秘制醬汁選兩倍會更合我心意。叉燒的份量少得可憐，只有兩三片而已......還好追加了釜醬汁燒豚肉 $59，個人認為此燒豚肉只不過半肥瘦豬肉而已，但掛上醬汁加上蔥粒是挺好吃的， 值不值得就見仁見智了。

喜歡光顧日式餐廳的原因，第一是味道，第二是服務，今天來到一蘭位於棉登徑的分店就有點失望而回。下午三點去到餐廳，餐廳分左兩部份：屋台同普通既間隔位起初以為朋友已到，所以入左屋台搵左陣，原來未到，所以同門口兩位妹妹講兩位，明明見到只有約三四成人客，但都唔比我入，要兩個到曬先入得 一支公企係門口有點尷尬同無奈⋯⋯ 企左陣有位較高級的店員示意她們帶我到另一邊坐住先，其實唔明點解鋪頭咁多位都要咁硬性處理，我只係二人枱呀～尖沙咀分店既日籍店員係較少，把關不足令昔日大排長龍的畫面不再。公道一點食物係保持水準的發現了甜品抹茶杏仁豆腐，並標榜使用八女產的豆腐，知道八女茶係生產長在濃霧迷漫，氣候涼爽基礎八女地區。茶香而味濃，屬於高級名茶。不太好杏仁既我都點了一個試下起初以為佢賣成＄49，份量應該都有番咁上下，話曬都半碗面既價錢，但原來細到不得了，三兩下就食完

一窩蜂要排隊求吃的我從來都深惡痛絕，因之直至一蘭在尖沙咀立店，口耳相傳不必排隊才願一試。星期日早上十一時多的棉登徑十分清靜，遠看舊樓加老店，本應是不錯的風景，走近點卻原來滿街都充斥着垃圾酸腐味，未吃已倒胃。臭味沒溜進地庫裡的一蘭，屋台風光是賣點，但我去慣、也祇喜歡小店，是小得人人擠得要肩並肩、恐怕熱湯濺到鄰座客人的臉、燙熱拉麵的蒸氣會濔漫整間鋪那種，一蘭卻很大，佈置似道具，像在片場吃麵。枱鐘是壞的，久按也沒反應，惟有捉着送麵到鄰枱的侍應，他們可能真要聽鐘不聽人話，一臉驚惶，眼神望着遠方的侍應，周張幾番才落到單。是我太看得起一蘭，抑或是太少看自己？滿以為一碗拉麵可二人分吃，再加小吃，一看那碗，便知一人一碗無可避免。我的麵是濃厚油脂、硬麵、白蔥和普通辣，送來的麵被所謂濃厚油脂蓋着也不燙熱，白蔥不是一絲絲的白蔥，是滲着青蔥，不純粹不認真，麵不爛，但也絕不夠咬囗，功力不夠，那被形容為特製之辣，混在湯中，全沒辣吃，义燒兩小片，味道賣相不會令人留下什麼記憶，外加的木耳青蔥和蛋也祇是不過了了，整碗麵最美味的是那濃厚油脂，令那平凡的豬骨湯底變得油香滿口，掙回一點分。那釜醬汁豚肉是一個迷，幾片肥得沒瘦肉

首先講下侍應服務，呢點係令我最失望""員工 A 表示入面仲有位 並且有強調""但係員工 B 就截住左 唔比入去眼見入面有唔少位，睇落都夠多人手但係就冇解釋，都係叫我等 唯有就傻傻地等落單既時候，撳鐘已經兩三分鐘侍應們都係我身邊經過 但係冇理我見到我揮手示意 拋低句「等等」 就再冇見到佢入到去收左其中一個籃正係比一個籃我同朋友放袋，其後有對情侶到左，居然冇比籃佢地最後唯有四個袋放入一個籃 點夠放呀兩台客點會放同一個籃架！！點解其他台可以有兩個籃？終於有人幫我落單 好似遊緊雲咁分開遞比佢既單都可能搞亂 仲要問返邊個打邊個其二，佢同我 confirm order 期間，突然當我冇到，同其他侍應講野。其實等多廿幾秒先再講係咪咁辛苦？？？係咪當我冇到？？？定透明？？？蛋：由於我食拉麵先，所以除左鹽既咸味之外真係食唔到咩味。飲淡水再食，都係淡淡既蛋黃味，食唔出比本地蛋起碼貴 5 倍既地方拉麵：偏幼，唔夠口感。其實係我個人口味，我喜歡粗少少既麵。湯底：我所有選擇都係最基本果隻，飲完之後唔記得咩味。唯一係蒜味，豬骨味果 d 真係飲唔出其他餐廳賣緊 70-80 蚊一碗既拉麵湯底都比一蘭更出色。睇唔出一蘭

星期日18:45到餐廳，心諗新開無耐實有排排隊啦但點知去到即刻入得~ 嗚呀~先落樓梯，打開餐廳大門，已經見到屋台ge位置。但竟然，竟然要兜一大個圈，經過佢地d一人位，再行多陣先可以坐低坐低之後，侍應都好快比點麵紙我地，然後用英文介紹有咩好食落單後大約5-7分鐘左右，碗麵同其他配料已經放係你面前，之後個侍應會同你up一大咋日文先行開環境方面，幾有日本特色但欠缺日本風味，可能始終都係身處香港。冷氣溫度適中，等餐時無需穿上外套預寒。餐桌椅子高度軟硬度適中，幾好坐。配料方面，略嫌蔥花唔夠新鮮，食落唔算太香蔥味。叉燒有叉燒味，姐係唔太特別至於主角方面，碗麵溫度適中，夾一注放匙羹連湯吹兩吹就可以入口味道方面，我選擇左濃味+2辣。可能平時小弟喜歡重口味，d湯飲落覺得剛剛好，不太鹹亦不太辣份量方面，輕輕的我食完都唔覺飽，建議大食之人加多半個麵底(不過到時你就會覺得加半個麵底會好唔抵)食完返到屋企都唔覺太口渴，的確好過部份拉麵店FIN~

尖沙咀一蘭屋台聲勢比兩年前銅鑼灣店弱得多，地方闊落舒服而且不用怎樣排隊有好感，拉麵水準依舊，釜醬汁燒豚肉很不錯，日本酒甘醇易入口，整體不錯可惜有著一個最大問題：價錢。到底有多昂貴？以日本的數據和大家分析比較，還有現場服務員斟酒滿瀉的影片。2013年5月香港開設日本以外首家一蘭拉麵，成為城中熱話，當時在下報導過最高峰要排隊4小時，之後人龍不斷，直到半年後租下鄰舖，座位大幅增加後人龍才見回落，但還是經常有二三十人排隊。過去兩年在下寫不少和一蘭有關的文章，主要講述一蘭並非高水準拉麵，點菜紙系統不是正宗，沒有排隊的價值。可能很多一蘭支持者不認同，但一系列文章卻有很不錯的支持度，所以對一蘭只能用「又愛又恨」來形容。兩年後一蘭在尖沙咀開設香港第二家分店，聲勢明顯比兩年前弱得多，以在下所知只有部分傳媒被邀請，而且也不像兩年前那樣可以上A1頭版，只有副刊一角的小報導，Facebook上沒什麼人在分享，也聽不到要排隊的消息。如果是和銅鑼灣一模一樣的分店，在下應該不會理會，但今次尖沙咀店卻把日本的「屋台」模式帶過來，就讓對屋台文化有興趣的在下燃起想光顧的想法。所謂屋台，大概就像香港「大排檔」的日本版，當中

約左朋友出尖咀食個快飯, 唸起剛開業不久的一蘭尖咀店, 就去碰碰運氣睇下駛唔駛排好耐隊.我地7點左右到, 兩個人人齊就可以開始落去排隊. 我地揀左坐屋台, 唔駛咁自閉又方便D傾偈. 等左五分鐘左右就入得lu.屋台選擇同外面一樣, 除了多左個單叫豚肉.豚肉不算很濃味, 我又唔係好食肥肉, 所以都無乜點食, 朋友食哂haha拉麵水準依然, 推介硬麵, 配2份秘製辣醬, 青荵. 秘製辣醬真係個拉麵嘅靈魂. 比起單叫的豚肉, 本人比較喜歡拉麵入面的叉燒, 淋D入味D.甜品賣相與圖片有點不同, 大概是因為花奶用完了吧haha.. 外圈的花奶不見了, 面頭是抹茶醬, 豆腐沒有太多杏仁味, 不過還挺滑的, 不過不失啦~

全新一蘭屋台尖沙咀分店終於開幕, 以後食一蘭唔洗特登過海到灣仔食了, 屋台特色始於日本福岡, 這裡裝潢別致, 位於棉登徑可謂靜中帶旺, 182個座位聽說是一蘭最多位的分店, 座位寛敞店員有效率, 食過一蘭既朋友都知這裡獨枯一味豚骨拉麵, 只是可選擇湯底濃度油膩度, 麵質軟硬還有各式各樣配料像叉燒青蔥黑木耳及香蒜等等, 2倍秘制辣醬是指定動作, 剛剛好不會蓋過豚骨的味道, 小弟每次都會追加青蔥同木耳, 特別肚餓時還會追加多碗白飯, 今天除了拉麵還點了釜醬汁豚肉燒, 厚厚的豚肉口感一流配上自家制赤胡椒的味道十分出色, 值得推介, 嗜酒的朋友就更加不要錯過, 絕對是佐酒最佳配菜。食飽走去埋單還有不同一蘭原創制品可供購買, T-shirt, 杯墊, 一蘭拉麵等任君選擇。

昨日到尖沙咀做野，做到下晝三、四點，個肚餓到咕咕叫，先記起自己成日都未有野落肚，諗住食餐好既，朋友提醒一蘭分店新開張，而且尖沙咀分店唔洗「面壁」，咁梗係拿拿臨執好野衝過去。一心以為新開張必定會大排長龍，點知又無喎，坐底後即刻點左個濃味、面硬、走葱、普通辣的叉燒拉麵醫醫肚。拉麵相繼端上，相機食先後就即刻開動了！湯夠濃，不會油膩同太咸，面有點過熟，可能下次要點超硬，普通辣對我來說就啱啱好，叉燒都幾好味，入味之餘肉質不會太老。整體上碗拉麵係唔錯既，之但係好果要我排成個鐘我又未必會排，下次試下週末夜晚試下使唔使排隊先！

等了又等，一蘭尖沙咀店終於開幕了好多人來一蘭係試拉麵的，我地特別D，反而試左天神西通店限定的釜醬汁豚肉燒，單點價錢合理，但配埋白飯就有D貴，（白飯要$22）豚肉好好味，雖然有D肥，但配埋白飯又真係好夾，偶然食一次半次無所謂啦！哈哈

是日刻意請假，為的就是希望能第一時間食到新開張的拉麵當日原本上午1130便到達尖沙咀了，但小弟完全找不到傳說中很大的招牌，問了街上派一蘭宣傳紙扇的職員後也迷迷糊糊地找了半小時才終於找到(或許我方向感太差了吧。。)正午到達，完全不用等位(是星期二的關係還是一蘭熱潮已過？)，出呼我意料之外，但也正合我心意，由門口走到地下之間，差不多有七八名店員向我打招呼，是新開張的關係吧，店員先問我想坐屋台還是'自修室'，獨行的我無疑選擇了自修室，怎料原來屋台才有'釜醬汁豚肉燒'(我有一半程度是為它而來的)，我馬上請求店員替我調到屋台，真是十分失禮～屋台的點餐方式跟'薩利亞'差無幾，就是按鈴然後有人替你落單，我今天選了平常吃的超硬麵普通濃度湯底超油膩走辣有青 白蔥有叉燒，然後當然是追加豚肉燒，既然它是佐酒小吃，我又點了生啤酒，然後我又看到介紹豚肉燒餐牌上寫著配白飯吃也一流之類的東西，我又點了一白飯未幾，餐就到齊了，一如以往先喝一口湯，感覺上比cwb分店的湯'鹹'，對此我十分失望，事關我一直認為一蘭的湯在香港的no.1的，但這湯底實在不太行，是第一天的關係還是甚麼甚麼，我不太想理會了麵，叉燒，其他等等都跟c