影片
开饭介绍
现时「一兰屋台」只有在福冈、大分、广岛及大阪分店限定登场，而全新尖沙咀店设有「味集中Counter」及「一兰屋台」，是全球最大的一兰。另外新店将会云集日本各地分店的人气料理，再加入香港限定的饮品，以答谢港人的长期爱载和支持。
新店除了设有脍炙人口的「味集中Counter」之外，还引入仿照日本福冈传统小食路边摊设计的「一兰屋台」。而配合「一兰屋台」首度登陆香港，尖沙咀店将会推出多款日本限定的屋台料理，令食客一边感受一兰发源地福冈的街头风情，可以一边品尝一兰严选的美食。
继续阅读
营业时间
今日营业
09:00 - 03:00
星期一至日
09:00 - 03:00
以上资料只供参考，请与餐厅确认详情
【油尖旺区】【一兰】呢间日本拉面舖出咗名好耐，即使系咁，我都冇乜点食过佢哋，就算有次喺福冈经过佢哋嘅总店门口，都毫无兴趣。呢间标榜系「天然豚骨拉面专门店」嘅拉面店嘅香港分店喺尖沙咀都有一间，有次我喺呢头谂唔到食乜，无奈地选择咗佢哋，一次半次算啦。入到去话冇小毒毒嘅一人位坐，唔紧要啦坐返普通位，都系用 QR Code 落单。叫咗 $283 嘅「一兰极满足套餐」，好似睇唔到其实有啲乜，净系幅细到好似梁国雄议员咁嘅 preview 图依稀见到好似乜都有咁。谂住揿入去睇都有得拣吓嘢食挂，点知都系冇嘅。我可以拣嘅就净系个拉面嘅口味浓淡、油腻度、蒜泥、葱、叉烧、赤红秘制酱汁、面的硬度，其他嘢全部都冇得拣，唔讲以为自己食紧 omakase。咁冇得拣都唔紧要，至少都要话畀我听大约有啲乜吖。上菜嘅时候真系上错咗畀隔离枱，隔离枱都唔知自己食乜。佢唔讲就我讲啦，佢个主食其实系「天然豚骨拉面」，之但系佢啲配料又分开，就系佢哋个「一兰精选配料组合」。碗面本身都系普普通通嘅日式拉面加几块豚肉，加咗啲「一兰特制赤红秘制酱汁」同啲葱咁。堆配料就系紫菜、木耳丝同增量豚肉，冇特别。而仲有碟「炖煮豚肉烧」，就似系拉面啲豚肉嘅头头尾尾煮埋一碟咁，味道亦都只系普通炖肉咁，点埋「一兰特制赤红秘制辣粉」都系好普通，食到后段仲有啲咸。个甜品「一兰特浓抹茶布甸」，加埋抹茶酱系有啲仪式感，但系咁样夹埋 $311 真系游客先食。。。（地址：尖沙咀棉登径8号地库B号舖及地下入口大堂）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #尖东 #尖沙咀 #红磡 #1am红馆 #天然豚骨拉面专门店一兰 #天然豚骨拉面专门店 #一兰 #一兰极满足套餐 #天然豚骨拉面 #一兰精选配料组合 #炖煮豚肉烧 #一兰特浓抹茶布甸 #1am1683 #1ambackup
继续阅读
约客开会快食个饭就行咗去尖沙咀𠮶间一兰，自己一个唔想讲太多嘢又想要一个私人空间，佢又啱啱好一人一格，超方便。落单系统好快，十分钟唔使就上咗碗豚骨拉面。汤底够浓，饮完真系醒晒；拉面够弹牙，我选咗硬面口感啱晒。叉烧唔多但够腍，入口即溶。最欣赏佢设计俾你专心食，唔洗社交，啱晒我呢啲赶头赶命又想食得好嘅上班族。价钱虽然偏贵，但食完真系有种满足感。食完拉面行去开会都仲觉得暖住个胃，下次再去尖沙咀应该会再嚟。
继续阅读
讲到豚骨拉面，唔少人第一时间谂起嘅就系 一兰。而尖沙咀呢间分店就开喺 棉登径，设有标志性嘅 「味集中counter」，一人一格、私隐度高，专心一意对住碗面，啱晒独食或者想静静地叹返餐拉面嘅人。🍜 天然豚骨拉面 $98汤底浓厚香滑，经典一兰风味，饮落骨香味十足，唔会太咸。面条可以自选硬度，今次拣咗硬面，弹牙挂汤，口感一流。叉烧薄切带微肥，入口即化；加埋秘制赤红酱汁，辣度可调整，几提味又唔会抢主角。虽然价钱偏高，但整体稳定、有水准，环境又干净舒适，有啲日本旅行 feel～如果你系豚骨汤控，或者未试过一兰嘅私密式食面体验，呢间值得嚟打一次卡！
继续阅读
今日放工去咗尖沙咀攞嘢，行过见到一兰，心谂好耐都冇食过，于是我就入咗去食。今日好彩唔驶等位就可以直接入去食，入到去见到大多数都系游客，依家呢到系用QR code 落单及落完单后即刻付款，方便快捷！仲有个自助斟水区自行斟水饮。我叫咗个豚骨汤拉面$98汤底浓郁，加埋一兰秘制辣酱汁，辣得嚟同个汤底好夹，而个拉面质地就有啲腍，薄身嘅叉烧肥瘦适中，份量方面其实都系偏细碗，但对于我嚟讲就啱啱好。另外我仲加左一只半熟盐味蛋$18，都几好食。整体：地方环境宽敞，但座位有啲迫，我觉得有少少贵，真心有啲唔抵食。
继续阅读
平日12时半左右便要排队不过进程非常快及流畅屋台时开放时关闭没有特定通知如怕人多就要留意今次与身处日本一样点了鸡蛋和软身面蛋半熟有流心肉腍面软度控制非常好没有负面的意见
继续阅读
您可能会有兴趣的...