天然豚骨拉麵專門店一蘭

营业中

休息中

呢一晚行完k11，又冇book枱食飯，係tst行左大大個圈都未諗到食咩好，事關依家新年前後，食咩都貴，間間都有特別menu，我地點會隨波逐流比人劏啊。就不如簡簡單單食個麵啦。發現原來朋友冇食過 天然豚骨拉麵專門店一蘭🍜，咁就gogo啦。一蘭係日本已經有好多分店，以自修室既座位設計最搶眼，tst分店除左自己一格，仲有屋台既，姐係平時既枱，可以面對面坐，但等候時間耐d。呢碗麵$95，有2塊肉，湯底夠濃郁，有加一。

上個月去日本時終於食左一蘭拉面 番到香港之後念念不忘 早兩日去尖沙咀行街睇戲之後有d肚餓 就提議同女朋友去食一蘭拉面 等了大約20分鐘 我地去左自閉位 （即係好似一架架 望唔到隔離個隻）我自己就鐘意自閉位多過開放式 因為食面既時候可以唔駛顧儀態我叫了一個正常豚骨拉面 + 木耳 + 溏心旦 + 肉 + 紫菜 湯底 面 我全部都係揀正常 湯底係濃既 不過估到味精重 面份量有d少 不過飲埋個湯就差唔多會飽 肉可以 溏心旦最好 因為口渴所以加了支波子汽水 但幾貴

終於吃到了鼎鼎大名的一蘭拉面，今天很幸運，竟然不用排隊。進門問我的要一人位還是圓桌，果斷選擇一人位。日本的一蘭好像是用機器來點單的，香港的一蘭呢就是紙質菜單。標準化的很厲害，從湯的濃度到面的硬度，都可以分為很多個級別。面，叉燒，糖沁蛋，布丁，其實沒有給我很深的印象細節。方面倒給了我很深刻的印象，做得非常。掛鉤有兩個可以掛兩個東西，湯勺做了彎度，可以放在碗上不掉下去。單單這兩點其實就超過90％以上的飯店了，服務當然也是很不錯的。吃了一碗麵，加了一個布丁，加了一個溏心蛋，一共花費$167

係尖沙咀想食宵夜，無乜選擇，好彩有間一蘭開通宵，半夜食完全唔洗等位，仲有得坐唔係自閉位，坐底落完單大約五分鐘就有得食，快過平時好多，今次加左隻蛋，加落個湯度一齊食好夾，食到最尾仲加左個飯，飲哂d湯，半夜食感覺真係仲好過日頭，可能之後都係半夜先會再食。

四年前，第一次在銅鑼灣食一蘭，之後陸陸續續在日本食過，今日行K11見到一蘭，阿媽無試過.決定帶佢試下.TST分店在地下以為好似日本咁都係做counter 結果一落黎發現另有一片天地.叫屋台，其實就是一張張台.可以多個朋友一齊用餐.記得第一次好似70幾蚊一碗，宜家已經80幾了.面我鍾意食超硬，浸多一陣其實都會軟d. 一蘭比起傳統拉麵無咁油，如果你唔鍾意咁油都可以選擇無！最鍾意係佢嘅辣醬.加個蛋絕對係必點.係日本要自己剥殼.香港已經幫你正好！好方便

那天看完電影不餓不飽的狀態下來一蘭食碗麵做宵夜，出奇的是居然完全不用排隊。所以毫不猶豫就進去了。淨麵89元加了60元的精選套餐，還另外加了一小碗木耳。兩人各一另加一杯生啤，買單$421。所以是需另外付10%服務費的。價格是高，不過服務的確很好。麵選了硬的，感覺不錯，吃著吃著就會更軟了。沒有加麵，不過覺得吃完一整碗還是挺飽的。雖然看電影前吃了份沙律和生蠔。 湯選了最濃的，喝著喝著就喝不下了，的確有點鹹。豚肉很好吃，最喜歡還是溏心蛋和木耳。

琴日同女朋友係isquare睇完戲去醫肚，好多店都收左，最後就去左一蘭。大約十一點黎到，見到屋台同單人位都唔洗排隊，最後簡左單人位試下。一坐底我地二話不說圈自己想要嘅口味落單，等左五分鐘，拉麵就上到。食拉麵，最重要當然是湯底，先飲一啖，然後再慢慢搞混辣粉(愛吃辣的我選左三倍辣，最辣可以十倍，不過就應該會遮左香濃的豬骨漫味道。)拌混好再試下個湯底，真係好正。之後再品嚐個面同叉燒，好大滿足。不過今次食發現叉燒好似比之前簿左又細左，大打折扣

香港拉麵店黎講，我會一食再食再三食都係得一蘭。佢做足日本店既水準，湯底一流，麵底係好食。佢配製秘製辣醬，我會簡小辣。輕輕地調一調味，唔需要太辣，但會令你一食再食。叉燒薄身唔算太厚但恰到好處，當然佢總有木耳，蛋等配料可以選擇，不過我鐘意原汁原味。拉麵配上濃郁既湯底，真係會令人諗起日本架。再者佢既氣氛都相當富有日本風情，如果獨食可以選擇一格格，有私隱之餘總可以即時享用拉麵🍜。當然，如果係三五知己黎食，屋台等位都唔太耐，之前試過都相當有氣氛。

一個朋友無見幾年，再會覺得咬不上弦😣 呢份唏噓感慨，大既係人生既理所當然😭黎到尖咀，秉承番近日拉麵大匯集🇯🇵，好揀唔揀，心有戚戚然咁去咗一蘭🍜 走落佢既長樓梯，推門入去轉左十幾個灣，終於去到隊頭😨 時間尚早7點零，唔駛等位直入（我以為係早，原來。。。）坐低係佢霓紅燈，扮係日式⛩️屋台style 燈光下，我抽出佢既紅筆係個張點麵紙上挑選上一種又一種既選擇，望下紙下方，點解有啲唔同🤔比之前日本長啲同多啲嘢揀，係諗住唔駛加餸下送咗張紙出去👌尖咀一蘭店大到成個足球場咁，一邊有單個坐自閉位跟足日本本店，另一邊有無數細枱面對面吃🤼‍♀️ 個場大到啲服務員係跑住上菜咁滯😯等咗無耐碗麵🍜上枱，唔那係呀🤯 細蓉黎架😕 個麵面得葱同小小味粉🙄 咪住，了一下個麵底，噢。。。原來有叉燒，兩塊🐽🐽但。。。唔那係呀x2, 塊燒只係僅僅比個5蚊銀大少少😳😳 我再努力把握黃金72小時發掘，最後發現係無其他配料😲 由幾時開始一蘭係齋麵加兩粒叉燒上枱？品賞碗麵既湯底，我加咗蒜同小辣🌶️湯底有日本🇯🇵八成味道，但係個aftertaste 係有酸口同事後口乾，應該係佢無搞好個水源做成既差別😑麵身揀硬，其實還👌 同湯配合到，粒叉燒，

自從第一次👶🏻👶🏻帶我黎食過之後，都覺得幾好食、唔錯唔錯、從此就愛上食拉麵，以前都從未食過拉麵，不過覺得貴囉，一碗面成一百蚊但好彩佢都好味嘅、甘心理都平衡點，久唔久都幫襯下啦，不過有時太多人要排隊就好煩，所以要揀少人時段

一蘭拉麵相信好多去過日本嘅朋友一定都唔會陌生呢間係日本好出名嘅龍頭拉麵喺香港亦都開咗分店特別嘅地方係香港嘅分店係二十四小時嘅 所以有時玩嘢左嘅朋友唔使擔心食唔到呢度嘅拉麵由於係尖沙咀附近凌晨左右嚟呢度食都會見到好多啱啱飲完酒嚟呢度食返碗面醒酒嘅朋友 個人覺得呢度嘅拉麵同日本食嘅差唔多 湯底同拉麵嘅質地都係可以根據個人喜好自己揀 呢間拉麵出名嘅湯底同麵質黎到香港一樣keep到 都幾值得讚但係同日本一樣 呢間拉麵亦都唔算抵食價錢大概$89只係得一小撮面同埋幾舊叉燒 食嘅可能只係食佢嘅日本味道 撇除抵食同飽肚嘅因素個人覺得呢度嘅拉麵係幾出色 加上店員禮貌亦都好好會主動fill水 秉承左日本人嘅禮貌精神 所以對呢間拉麵店印象亦都幾好不過喺香港嘅話可能未必會再嚟呢度食 寧願去到日本食返地道嘅拉麵不過如果大家想喺香港過下口人都可以嚟呢度食碗有日本風味嘅拉麵

同朋友睇完演唱會見有少少肚餓, 凌晨時分其實都冇咩選擇, 朋友提議去一蘭食宵夜。之前係日本同港島分店都食過, 都係第一次食尖沙咀分店。雖然係深夜但原來佢座位安排同一般餐廳一樣, 唔係一蘭固有既"自修室"風格, 咁樣就比較適合同朋友一齊去食。叫左碗拉面加隻蛋, 要開水可以自己拎。拉面質地選擇左比較硬身, 因為自己鐘意比較有口感既麵質。尖沙咀都保持到一蘭既水準, 但價錢方面當然比日本貴, 所以都唔會成日食。如果佢價錢可以比較親民咁就好喇。

知道呢間拉麵店好出名 想食好耐 不過好少出銅鑼灣/尖沙咀 而且餐廳太多 未有衝動轉登去食 難得今日朋友提議去試 梗係一口贊成啦☺️ 下晝點幾兩點去好多人 不過可能因為閒日 所以只係等左大概五分鐘就有位 第一次去當然叫左推薦嘅拉麵啦 所有野都係揀店舖推薦嘅 不過因為鍾意硬啲嘅麵 所以揀左硬麵 朋友同我都分別加左隻蛋 碗麵都係等一陣就到 味道濃郁 湯底正 不過對我黎講偏油 下次可以揀清淡 麵方便我覺得可以叫最硬果隻😂 蛋就好食嘅 不過我果隻就熟左啲 一啲流心都冇😢 叉燒味道我都吾係咁鐘意 總括黎講碗麵比較普通 吾係特別出色 我唸下次都係去其他拉麵店算

食過好多間拉麵，但一蘭係我心目中既地位依然仡立不倒豬骨湯底濃郁得黎，一啲都唔膩，所以感覺唔會好Heavy,而我都會揀番少油，每次我都會飲晒啲湯。而秘製辣汁係必叫既，辣味令到豬骨湯底味到更加豐富，同埋令到成碗麵更加惹味拉麵既麵條係用普通幼麵，由於我次次都係揀偏硬，所以都幾彈牙我自己就覺得佢叉燒做得唔夠好，一蘭既叉燒係偏瘦，我自己就比較鍾意食半肥瘦既，會香啲啲，我就覺得一蘭既叉燒太瘦，所以咬落唔夠香同腍

一行六個同事食完想講粗口，邊有咁小家嘅鋪頭，一碗拉麵，麵又小，半隻蛋都冇連紫菜都唔畀，有相為証 $89+1%=$98， 可能佢淨係做坤遊客生意，唔做本地人生意，唔會有番頭客。