天然豚骨拉麵專門店一蘭

营业中

休息中

香港咁多間日式拉麵店 始終中意一蘭無論環境定味道 都好似去左日本咁😚麵條一如既往揀左硬麵條 湯底非常濃郁 配埋啲葱真係好香令人忍唔住要飲哂🤣友人仲加多左個麵底添另外配左隻溏心蛋 無得頂呀🥚

成日聽人講一蘭，又知道啲人瘋狂排隊，攪到我都想試下佢係咪真係咁好味。叫左碗叉燒拉麵。嘩！我未見過一碗拉麵係乜配料都無，紫菜、荀、粟米等等乜！都！無！所有野都要另外加錢，真係好老屈！仲要一碗麵成舊水，都唔係平！你比碗咁既野我，真係超失望😔😔一夾起塊叉燒，薄到紙咁，仲要得兩塊咋！😧 又細塊到死！有無咁cheap?? 湯底又唔係特別出色，個麵都還可以，都叫軟硬適中，但個麵底好細，我同老公都食唔飽！食完碗麵仲好頸渴，即刻要衝去買野飲！真心以後唔會黎！

有時一個人想自閉吓，去食碗拉麵係最好不過😆🍜話晒係香港咁耐，都係第一次食一蘭，今日準時收工係尖沙嘴一個人先去食好西😋尖沙嘴棉登徑有唔少好嘢食，種類繁多，當中有日本嘢、西班牙、茶記等，平時經開呢頭都唔知道地褲有間一蘭，諗都唔諗就入去lu~一入去如果係一個人就會被指示牌指去右邊長凳坐著等，我等無耐就被安排入座。因為肚餓，所以叫左拉麵+精選套餐，無叫嘢飲。前排睇電視節目有講解點解拉麵店唔俾熱水/暖水，依家終於意識到😆大家快啲上網查吓啦！每人嘅空間都唔大😂面前塊簾落左一半，但可見一蘭職員用禮貌嘅服務態度，90度鞠躬+雙手送拉麵過黎，再一度用日文講請慢用🙇🏻‍♀️🙇🏻送完碗拉麵，會再幫手拉上簾🙏🏻好坦白講如果只叫拉麵應該係唔夠我食嘅😂叉燒方面我十分欣賞佢夠瘦🍖；黑木耳放入湯一陣會好啲，可以索湯汁🥣，咬落幾脆口；半熟鹽味蛋帶有少少鹹味，如果係溏心蛋有多啲蛋汁流出黎會更好🥚平時食拉麵都接近$100，但一蘭嘅價格要再升🔝，我最後埋單係$176 (齋叫拉麵唔加套餐就$95碗+10%)，都幾貴，但見餐廳仍然吸引著好多遊客同本地人去食，相信係佢地嘅食物水準+禮貌👍🏻原來一蘭係開到凌晨5、6點，等我搵日「好早」

次次想食一蘭都要經得起排隊呢一關，因為一蘭係日本好出名，好多食客會慕名而來。今次人龍不是很長但都排左30分鐘，我地選擇了坐在自修室單人位。點餐時，客人可以係點餐紙上根據自己的口味選擇湯的濃度、油膩度、是否需要香蒜、蔥、叉燒、秘製醬汁及麵的軟硬度。我就選擇左全部都是普通及有叉燒的湯麵，店員會直接把麵從前面的空位送進，送餐完畢會把簾子拉下。 先試湯底，湯的部分很出色，香濃而不油膩，麵的軟硬程度適中，配上湯底及其秘製醬汁，雖有點濃味但令人食到停不了口。叉燒的部分分量不多，但也好食。$100碗有點貴，但是值得的。

一碗麵真係唔夠食，同老公晚餐撐臺腳，他未食過一蘭來左尖沙咀呢間!行樓梯落去後，好似行迷宮咁向右手邊行過去，見點長長隊伍，分大堂位同房位，我地選房，有feelD一人一個位，有專人行過來用日語服務，好似置身日本咁好專業哦！麵可以自由選擇配菜，湯底，味道等等。我自己都好中意食拉麵，一蘭係食完都想再食

次次都排長龍好彩今日排5分鐘就可以入到去😆其實已經食過好多次不過一樣咁好味，同日本食嘅一模一樣👍最鍾意個湯底夠濃郁，糖心蛋係一定必點的，最讚都係服務好好，我鍾意坐一格格可以安心咁食飯🙆‍♀️

每次細佬回港必定要食的便是一蘭，而我們去開的就是尖沙咀這間，因為地方較大也比較方便。預了排長龍的時間居然沒有人龍出現，很是驚喜。有分屋台和味集中counter，屋台很有日本拉麵店的感覺。味集中counter需要稍作等候，大約10分鐘。終於有位啦！很簡約乾淨，有水龍頭可以自己盛凍水飲。即刻落單先！燉煮豚肉燒這個之前來食並沒有，相信是新菜式。選用豬腰脊肉，經過慢火燉煮，醬汁滲透每塊肉片，推薦大家一試。天然豚骨湯拉麵拉麵口感一絕，是個人喜好的幼麵。豚骨湯底濃郁，好味到我每次也會飲光。另外，可以食辣的朋友真心建議根據自己既喜好加赤紅秘製醬汁，不是平時食到的辣，是唐幸子加胡椒，跟拉麵絕配。又吃光光啦，一滴不剩呢！總結因為實在是每次食過都返尋味，難得不用等位超過半小時就覺得很幸運！店員服務態度很好，還見到幾個店員是日本名字呢。

今次來到位於尖沙咀分店的一蘭拉麵 ，長長的樓梯空無一人 ，入到店內不用排隊 便直接可進入。裏面像 大排檔一樣的 坐位 。一蘭拉麵 跟我在北海道旭川市當地的拉麵很相似，都是用豚骨作為基底 ，並為了因應當地極寒的北海道氣候還特別讓些微油脂浮在拉麵上以免湯頭快速冷卻， 道理就跟我們的雲南米線一樣 ，所以一蘭拉麵會給予人一種比油膩的感覺，所以我建議女士們應 在落單紙 於油膩度的項目 挑選少量甚至乎沒有。一蘭拉麵是少數能夠 維持日本總店的品質味道 的過江龍食肆， 我喜歡濃郁的湯底的豬骨味道，令我不由自主地幾乎把整碗湯底都喝下，面條比較幼細 ，煙韌 ，入口容易 ，能掛更多的湯 。叉燒雖然薄但有口感 用來送麵一流!但因為湯頭較咸，吃完後會非常口乾，要飲很多的水去沖淡，所以還是建議不要常吃。

尖沙咀店睇門面已經feel到好大間，有傳統自閉位同普通枱面對面兩種，普通枱唔需要等，咁一場黎到梗係坐自閉位食😂，lunch time 時間排左10幾分鐘到算快，邊等邊剔定佢派既紙質落單紙(如圖)，由湯的濃度到麵的硬度都由你決定，下半有追加部分。.入座後按鈴落單，好快配菜同拉麵上枱，個席會拉低開始對住三面牆咁食，過程需要「替玉」(加麵)再按個鈴即可。.🍜拉麵（HKD 95）追加：黑木耳（HKD 13）半熟鹽味蛋（HKD 16）碗麵簡單得麵、蔥、辣醬，當然係底撩到2塊叉燒，真係2塊而且幾薄身🤔。我揀選項算佢推薦，係多左啲蒜，麵同配料同平時食相差無幾，叉燒份量少到已經忘記咩口感，🥚半熟蛋蛋白部分好柔軟，係偏熟左少少。唯一可取係個湯底係我杯茶，幾香濃豚骨味，見我飲曬就知，事後既口渴程度唔強烈。.落單至用餐全程無需交流無需表情連對方個樣都睇唔到，有時做野做到累都唔想講野面無表情咁去食飯，用餐方式我鐘意😂 。.需要細節位都做到：✨有掛勾掛袋✨枱面自助有無限凍水✨匙羹可以掛著碗✨座位背後牆上提供紙巾🧻.人均消費$130，算中上價位，本來想加更多配料睇完價錢無左意欲😅，服務質素的確幾好，印象好深刻係服

早前終於去食左一蘭拉麵。係既，我係慢左好幾年，因為終於唔駛排隊啦，所以先至去食的。味道算係唔錯既，但認真覺得又無咩特別之處到需要排隊同禁貴囉！湯底唔會太咸太油膩、但又唔係太香濃！面無咩特別、叉燒真係好薄、有唔係整得特別好食。加$14一粒半熟蛋，但完全唔係半熟，已經差不多全熟。之前已經睇到有人話唔係半熟，早知聼話唔叫。本身basic一碗拉麵$89，加左一粒蛋，要一百幾一碗。但最重要係食唔飽。太貴太唔抵，傻一次一定唔會再去食！

一蘭拉麵依個名聽就聽得多喇，但食真係隔左勁耐先有機會試！當日中午lunch time時間去，都排左成20分鐘架！不過見個裝修咁有氣氛，好似入左主題樂園咁，咁就當佢無數喇之後我地點左一人一碗嘅拉麵，上到黎嘅時候覺得有小小吹大左，因為個湯底唔算話好特別，整體同一般拉麵店差唔多，略失望

一蘭拉麵超耐冇食過，雖然熱潮過左，但之前去日本旅行時食完都會想再食，最鍾意佢個湯底超濃郁，拉麵🍜又正，其實幸好不用排隊直接入座，又鍾意佢個環境好有日式feel～

今晚收工攰攰哋😪於是同friend一齊去尖沙咀間一蘭食個宵夜。咁來到一蘭， 一貫都係要排下隊㗎啦，好彩條隊唔長，好快就有得食啦🤤兩個friend口味都幾重下🤭一嚟就已經剔咗濃味同埋超濃厚嘅油膩度仲有十倍嘅唐辛子醬汁。 返工咁攰應該對自己好啲， 跟住追加埋個替玉同埋一蘭精選套餐，仲有就係每次嚟到都必點嘅豚肉燒，順手叫埋個抹茶生啤酒🍺就乖乖地等上菜🙇🏻‍♀️🙇🏻‍♂️個湯底係真係好濃好香，個唐辛子醬汁辣得好舒服好開胃。豚肉燒肥而不利，放少少糖唐辛子醬汁上去吊下味，再飲啖湯，食啖麵，就知道乜嘢叫做滿足🤤食咗個麵之後，就可以叫個店員幫你上埋另一個替玉，完全唔使擔心個麵會凍。而啤酒有淡淡嘅抹茶香味，麥味唔太重，會好適合女士飲用。到最尾埋單嘅時候會有少少肉赤，不過都覺得十分值得😌

作為拉麵迷 當然唔會錯過一蘭拉麵經常會聽人講 一蘭得過貴字 名過其實 所以我亦係抱住小小中伏心態去試 但係我又覺得唔算太差首先我覺得個到係好純正日本風 有單人位 入面燈光好有日本風 有日本大牌檔feel咁 入到去真係好似去左日本而坐低之後 梗係叫個拉麵啦其實我覺得佢湯底唔錯 味超濃 感覺到唔係味精湯 而佢有個秘制辣油 我都覺得隻辣油幾好味 好香 為個拉麵加左分佢個日本叉燒食落亦係有口感 薄薄地 加埋小小湯汁都唔錯但麵質就稍嫌唔合我心意 我就鐘意啲粗麵又有口感 佢幼麵得黎雖然唔係冇口感 但我就麻麻 但依啲都係見人見智最後走之後買左個麵諗住翻屋企試下煮 翻去煮個個麵同堂食分別唔大 但係係我係屋企洗碗時 油到洗3次都仲係油 我好似知道點解佢湯底可以咁濃了。。。但我覺得都係值得一試 但再去就要諗諗先了

這家店沒有品種繁多的菜餚，只有一種拉麵。不過對爆款做了細分，可以七種定制，每種2～5種搭配。湯味分濃淡普通，油膩有無到超濃五級，蒜泥有無到一份五級，蔥有二級，叉燒二級，秘制醬料五級（辣），面硬度五級。 口味香氣濃郁 口感厚重，滋味鮮，面口感適中，紫菜 海草 溏心蛋都是每樣精益求精。生意火爆，九點多還要排大隊。內部設置很日式，高密度高便捷的空間，高速翻台的設計。內部一條通道，高效上餐。可謂只求精，不求多，精緻到極致自然一招行走江湖。