天天海南雞飯 (ELEMENTS圓方)

营业中

休息中

圓方真係一個行得好舒適嘅商場，而且餐廳選擇好多，今日就揀左去食天天海南雞，雖然係平日嘅六點幾，但入去已經坐咗好多人！見到有個好吸睛嘅蛇羹二人餐餐牌，但因前幾日食過類似嘅嘢，所以都係揀返主餐牌嘢食！第一樣最吸引我嘅就係黑豉油炆豬手，因為佢標明係美顏救星！連埋砂窩上枱，保證唔會好快結到一嚿嚿。豬手炆得非常非常軟淋但不失煙韌，咬開盡是骨膠原！😍配埋側邊大大塊花膠，真係夠晒滋補夠晒美顏！我同好姊妹除咗鍾意骨膠原之外，仲鍾意飲啖湯水，呢個海菜魷魚就真係fit晒！一嚟海鮮加海菜唔怕肥，二來因為有魷魚，啖湯就更加鮮甜！一樣係砂窩熱著上枱，入口充滿海帶香味同魷魚嘅鮮甜味，呢度連海菜都有返咁上下質素，啖湯飲落特別清甜舒喉，確實唔錯！我地愛靚亦都愛美食，邪惡嘅黑松露蝦多士當然唔會放過，多士厚薄適中，面頭係好rich嘅黑松露醬，入口充斥著滿滿嘅黑松露香同埋脆口嘅感覺，再品嚐到嘅係蝦膠嘅鮮甜味，朋友食到耳仔係咁郁！呢度坐得舒服～又可以一路嘆茶一路傾偈，今餐真係食得好滿足！！