天吉屋 (已結業)

近日睇FB有朋友介紹左呢間日本過江龍 天吉屋大讚佢地晚軟殼蟹天婦羅有幾好食好耐無食天婦羅既我 覺得女吸引😍適逢今日咁得閒有時間行下街就拉埋我朋友呢到試一試坐低之後就奉上熱辣辣嘅牛蒡茶呢到只有4款set選擇雖然唔多但每款亦都吸引沙律菜是任吃的我推介呢到軟殼蟹天婦羅一黎到..我已經嘩左聲分量好大呢到應該有2隻軟殼蟹平時出去食既天婦羅會覺得炸得好油都唔會想食得多而呢到完全無呢個問題發生好好食最開心既連蛋都有天婦羅撈埋一齊食簡直係無得輸另外，再叫左呢到既推介‘天幕御’入邊有蝦、魷魚、軟殼蟹同蔬菜等等炸物而呢一款就有4個唔同食法一個set可食到4個唔到感覺都幾特別😌

天婦羅飯喺香港都開咗幾間專門店，然而我一間都未食過，點解嘅話當然係因為成日要排隊，我懶。今次點解會食呢間呢完全係因為朋友幫我排著隊！入到嗰啲位都坐得幾舒服，好多都係梳化位，一人叫一個餐，我叫咗烏冬配天婦羅飯嘅組合。我都有啲擔心食唔晒，但係佢啲烏冬真係超級煙靭而且個汁好清新，啱啱好同天婦羅嘅油膩感中和返。講返個天婦羅飯，佢個size同我朋友嗌個普通天婦羅飯嘅size係一樣嘅。不過朋友呢個有多兩三件天婦羅，主要都係魚為主。入邊超級足料，蝦就當然唔少得啦，仲有魚，豆類，南瓜茄子等等，如果一個女仔食都可能會食唔晒。其實我最欣賞嘅係佢個無限添食嘅椰菜絲同埋個牛蒡茶，佢令到成餐飯好有營養同埋好養生。

服務態度極差落單果時諗住問下個餐牌里面個飯可唔可以轉鳥冬，同事Jess態度極差：冇！冇得轉烏冬！（態度極度惡劣）然後我地話：咁落左要個先，我地再睇睇。佢竟然連個餐牌都搶走埋。我地無奈地再問返佢，佢先好不耐煩地俾返我地！食物雖然好大份，一個人都未必食得晒，但唔算太好食太好食，好油，但還可以接受。基於態度非常惡劣而且極差，我諗就算有幾好食都好都唔會再去食。服務都唔祈求話好好，但求唔好咁差就好了，希望會改進。

入到去，我地2個人，職員叫我地坐4人卡座並因會搭台，要求我地坐埋一邊。但因當時仲有好多吉台同埋時間尚早，我地就話想坐住先，一陣多人會坐返埋一邊。然後隔左陣，聽到入面員工係到討論，仲聽到：咁把閉去酒店食米有成張台。因為唔係當我地面講，我地都唔想追究。到左點餐，我問：可唔可以轉烏冬？職員一句：冇！冇得轉！咁我就話點左一個先，我再睇睇。點知佢咩都冇講一野搶走餐牌，我只好按住再加強語氣同佢講我再睇睇。佢先放低，一句野都冇講走左去。到埋單時我地問經理點投訴，佢只係叫我上facebook投訴，但一句都冇問咩事，完全冇打算處理。由頭到尾，一句唔好意思都冇講過。即使有幾好食，咁既服務態度我都唔會再去，更何況唔好食，啲野好油，好似炸好放左一段時間咁。

知道朗豪坊開左一間所有材料由日本直送既天婦羅店當然要試下啦!2點幾來到都要排一陣隊入到去見到個menu真係不得了D天婦羅多到呢朋友就叫左個天吉丼 我就叫左香港限定的軟殼蟹丼叫完驚喜就開始出現首先茶係牛蒡茶 甘甘甜甜 食咁多天婦羅 幫助下胃既郁動都係唔錯的之後當然都會有日本必備的椰菜絲重點 係個柚子汁其實我係外面的日本店多用沙律醬配椰菜絲成日覺得柚子汁太酸 唔好食但係呢到個秘製柚子胡椒沙律汁 係剛剛好連菜都食多左好多終於上main啦天婦羅多到唔見D飯!天吉丼有黑虎蝦 魷魚 海紅鯛 茄子 南瓜 四季豆 炸紫菜及溫泉蛋而軟殼蟹丼有軟殼蟹 皇帝菜 櫻花蝦 茄子 南瓜及溫泉蛋朋友一上碟就食 所以影唔到個天吉丼…但係可以見到佢地d粉係好簿食落去唔會覺得都係粉我食到一半天婦羅 先開始食飯 – 用北海道七星米D飯粒粒分明 同埋因為本身已經加左秘製醬汁唔會乾 再加埋溫泉蛋 非常Perfect!不過如果係女士或者細食人士既 記住要好肚餓先去唔係就飲幾多牛蒡茶都食唔哂架啦!PS Miso soup唔係即開 亦係真材實料!

週末連著在朗豪坊吃了兩家，這家之前就有收藏，喜歡天婦羅的我打算試試，軟殼蟹味道還可以，略有腥味，覺得108的就可以了，感覺和158差別不大，服務費百分之十，一次性就把天婦羅吃膩了，都不想再吃了，沙拉無限供應，解膩好物

上星期同朋友相聚，選擇左旺角呢個中心地帶為落腳點。朋友話朗豪坊有間好受歡迎既餐廳叫「天吉屋」，自開業以黎反應非常熱烈，深受食客既愛戴，所以我地就決定去朝聖。我同朋友大約 7 點45 分先到達餐廳，發現人龍排到去遙遠既店外，冇諗過真係咁多人黎捧場。我地見到店內牆上掛左多張獎狀，原來「天吉屋」連續五年榮獲日本丼聯盟天丼金賞獎，係有品質保證既天婦羅食店🍤。有見及此，我地決定多人都要排隊等下～餐牌係以一頁既單張為藍本，囊括左各款特色天婦羅丼飯。除左介紹每一個套餐既食材之外，仲有埋精美既插圖添，好照顧到顧客既需要 👍🏼我同朋友分別揀左招牌「天吉丼」同埋「天幕御膳」。我地都滿心期待食物到來，希望可以一嚐美食佳餚。😋食物黎到之前，我地可以先茗茶同埋食啲沙律菜。「天吉屋」用既並唔係平時常見既綠菜或者玄米茶，而係牛蒡茶！牛蒡既營養價值好好，可以防癌、排毒、降低膽固醇，令人恢復標準體重。高質既牛蒡茶味道甘醇柔滑，飲後口有餘香同埋淡淡回甘。除左牛蒡茶之外，仲有一大碗前菜，係傳統日本個種沙律菜🥗 可以自己加入柚子醋，酸度適中，帶點鹹味，非常開胃 😋天吉丼 $118呢碗係我點既天吉丼，呢款有齊黑虎蝦、茄子、四季

大家平時行朗豪坊 有冇發現有一條長長嘅人龍原來係日本過江龍天吉屋登陸我同MY BOSS 又點會錯過呢👅等食期間店員捧上整盤沙律菜絲任你吃撈入酸酸的柚子醬好食又清新👍🏻我就叫左天吉雙品 ($108) 一次可以試到天丼及烏冬 烏冬可二選一有溫食的讚崎烏冬 天掃羅都多👍🏻而MY BOSS 就叫左天幕御膳 ($148)有黑虎蝦 軟殼蟹 海紅鯛 魷魚同洋蔥額外仲有茄子 南瓜 同四季豆食法有三個 而且可以無限添飯第一種係傳統天婦羅食法 點天婦羅醬汁食！第二種係配將天婦羅放於米飯上 再均勻淋上秘製天丼醬汁！第三種食法就天婦羅放於米飯上 再澆下秒製高湯 最後可自行添加芥末或紫菜調味～對我黎講 呢餐好豐富 性價比高😬________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

之前見到已經想食， 但次次都排長龍， 小子唔想等， 今日撞岩係朗豪坊返工，小子姐又係附近返工， 小子姐先去排隊等位 大約等左15分鐘 （大約18:20到達排隊） 。依度有最低消費$100/人， 用餐時間1hr, 有加一服務費枱上有牛蒡、蘿蔔 生菜絲-任添天幕御膳： $148（白飯任添）有3個食法， 餐到店員會講解，再枱下食法好細心好豐富呀好味、 脆口， 但食到尾有d 膩軟殼蟹丼： $158（香港限定）見到個丼好震撼好味吖！ 但可能全炸食野， 食到尾都少少膩， 好飽，食唔哂

今天下午有空，便來到朗豪坊這間過江龍的天婦羅店吃個late lunch。既然有時間，便點了最華麗的天幕御膳試試看。套餐裡有多款炸物，包括虎蝦、紅鯛、軟殼蟹、Kakiage及野菜等，比起上次吃甜醬油丼還多出了天汁、天茶的吃法，炸物又不會被醬汁浸軟，可以慢慢享用。炸衣以配天丼來說尚算適中，不會過厚，虎蝦肉也新鮮彈牙。除此以外，紫蘇紅鯛也嫩滑多汁，薄薄的炸紫菜、茄子也相當吸引。唯一美中不足的是Kakiage是洋蔥和魷魚，如果加入蝦肉或帶子會更開心！

朋友話旺角朗豪坊開左一間連續五年榮獲日本🇯🇵全國丼聯盟天丼金賞獎既日本過江龍食店「天吉屋」，當然要黎朝聖一下。未到七時已大排長龍，等左差不多30分鐘。店內地方不算大，裝潢以簡約木系為主調，配上典雅的木餐桌，很有日式小店既感覺。餐牌比較簡單，款式吾多，有香港🇭🇰限定嘅軟殻蟹丼，一場黎到都要試試🦀。最後簡左軟殼蟹丼同天幕御膳，因為咩都有，可以一試天婦羅🍤。餐廳好細心， 係候餐時間可以食住醃漬蘿蔔和牛蒡開開胃，仲有回甘降血脂的牛蒡茶提供。點餐之後，店員送上一碗椰菜絲和一樽柚子胡椒沙律汁，可按自己口味加減調味。柚子胡椒醬汁令人開胃怡神，而且店員好細心問需吾需要再添加椰菜絲🥬，原來是可以任食。天幕御膳 HKD 148 :當中包括了不同款式的天婦羅🍤（黑虎蝦🦐、海紅鯛、紫蘇葉 、軟毂蟹 ，野菜方面：仲有茄子 🍆南瓜🎃紫菜、四季豆。白飯1桶(無限添加)和味噌湯。店員細心解說有三種食法。用料豐富，單是賣相已很震撼。天婦羅只係用上一層薄薄的炸粉，金黃鬆脆而且不油膩。方法一：蘸上蘿蔔泥同薑未，熱辣辣嘅天婦羅🍤美味滿載，黑虎蝦爽口彈牙，中和油膩感。方法二：淋上天丼醬汁在天婦羅及米飯🍚上面，基本上不用再點醬汁

Went shopping with my wife at Mong Kok the other day. We shopped till about 19:00 and was craving for some Japanese food, so we searched and found this tempura restaurant and decided to give it a try. The restaurant was from Japan, and recently opened first shop in Hong Kong. And so there’s a line us of more than 10 people when we arrived. We waited for about 15 mins. Service was amazing, as one of the waitress noticed my wife is pregnant so she gave a glass of warm water instead of having h

近排行過朗豪坊總會見到一條人龍原來係排緊新開左一段時間人氣日本過江龍天吉屋一間主打天婦羅嘅日本食店如果大家想去試嘅話大約晚上6:30就去排隊如果唔係之後都要等成半個鐘以上其實天婦羅來來去去都係嗰幾種只不過配搭上可能有啲唔同All Star丼 $108如果大家想食多啲唔同種類嘅天婦羅🍤我會建議大家食All Star丼因為天婦羅種類最多而且價錢係最平其實個溫泉蛋本來係冇爆㗎不過呢度嘅服務質素麻麻佢好大力放落枱嘅時候我隻溫泉蛋就爆左啦天吉丼 $118呢個既分別在於天婦羅嘅蝦會多一隻亦都冇雞肉同埋冇軟殼蟹圖右 香港限定軟殼蟹丼 $158睇個名都知道主要係食軟殻蟹為主軟殼蟹嘅份量非常之多除咗天婦羅之外仲有任食嘅沙律菜另外仲會配上柚子醋汁酸酸地再加上柚子味都幾開胃總括嚟講雖然佢有好多唔同丼嘅選擇不過都只係左搭右有搭左天婦羅嘅質素有中上嘅水平全部都係即叫即炸而且份量非常之多可以講話淨係食天婦羅都飽所以大家記得唔好食咁多飯整體質素來講都算唔錯係服務態度真係有啲欠缺

見到呢間鋪頭係新開而且開喺朗豪坊商場裏便，咁啱就可以行完街喺度食晚飯，你間鋪頭轉系做天婦羅飯，所以唔會有其他選擇，但係佢哋嘅天婦羅份量都好多，一人一碗嘅話就一定夠飽，餐前亦都會有沙律菜，而且身材係俾你任添加架，而每一台亦都放左啲冷盤小食，有牛蒡同埋酸蘿蔔，俾你開一開位，本人誠意推介牛蒡，味道有啲麥味食落好開胃好好味，我哋就叫咗一個all star丼同一個天吉丼，當中嘅天婦羅炸物有啲配菜係一樣但係有啲配菜係唔一樣嘅，例如茄子同南瓜呢啲蔬菜嘅配菜就必定會有，亦都係用天婦羅形式去製造出嚟，不過每一夠食落都好似感覺一樣，整體來講還可以，可能我抱有太大期望吧

充滿日本風既設計既專食天婦羅餐廳🍴提供無限添飲牛蒡茶，好甘香，仲提供白蘿蔔同牛蒡漬物做前菜。之後仲有免費沙律配佢地獨家既柚子汁做開胃菜。今次就叫左天幕御膳餐，超多天婦羅，有炸茄子、魚、洋蔥，南瓜、豆、蝦、紫菜同魷魚，仲有麵豉湯同白飯仲添，另外仲叫左天吉雙品配冷烏冬，之後先發現仲跟一碗飯，真係好大份！開始食之前職員仲會同你講解天婦羅有3種食法（見上圖），真係好細心，我試哂3種食法不過最鐘意最後一種食法（天茶泡飯）。呢種食法係要問職員拎鰹魚湯（尾圖），用湯泡飯同天婦羅，再加少少紫菜同芥末，佢個湯先係精髓，好濃既魚味，單單泡飯食都已經好好味。而其餘兩種食法配天婦羅汁都吾錯架！