天吉屋 (已結業)

充滿日本風既設計既專食天婦羅餐廳🍴提供無限添飲牛蒡茶，好甘香，仲提供白蘿蔔同牛蒡漬物做前菜。之後仲有免費沙律配佢地獨家既柚子汁做開胃菜。今次就叫左天幕御膳餐，超多天婦羅，有炸茄子、魚、洋蔥，南瓜、豆、蝦、紫菜同魷魚，仲有麵豉湯同白飯仲添，另外仲叫左天吉雙品配冷烏冬，之後先發現仲跟一碗飯，真係好大份！開始食之前職員仲會同你講解天婦羅有3種食法（見上圖），真係好細心，我試哂3種食法不過最鐘意最後一種食法（天茶泡飯）。呢種食法係要問職員拎鰹魚湯（尾圖），用湯泡飯同天婦羅，再加少少紫菜同芥末，佢個湯先係精髓，好濃既魚味，單單泡飯食都已經好好味。而其餘兩種食法配天婦羅汁都吾錯架！