大越越南餐廳

营业中

休息中

星期日一班朋友，西貢行完山想喺沙田區搵間越南菜食晚餐，見到呢一間新開冇耐嘅越南餐廳，人多但又唔洗點排隊，就拍板決定去試下。結果都有驚喜，味道唔錯，價錢都相宜，唯一問題係位置比較遠，行過去要花一d時間，但係都值得去試試既。需然仲做緊新張優惠，有$30一個撈檬/湯粉，但係行完山當然要食好d。一行人叫左個4人套餐，有小食拼盆，雞翼，越式春卷，一碟菜，咖哩牛腩+蒜蓉包，2人份量火車頭，我地再另外加一份蝦多士，一人大杯飲品4個人食夠曬飽了。服務唔錯，餐具環境亦乾淨，地方比平時小店闊落唔少，老闆仲有落場親力親為。傾左二句，發現老闆都係行山既朋友，呢個價位，行完山過來食，或者食完再去行夜山都係唔錯既選擇~

剛同朋友經過花園城，見到新開張嘅越南餐廳，門口有個牌好吸引，新張期勁抵之選多款食品$30，即刻入去食一入到去光線非常充足環境十分寧靜，位置亦好闊落，不嬲都鍾意食生牛肉湯河既我，😋就叫咗嚟食，我朋友就叫咗香茅豬扒湯河，然後仲叫咗個小食蝦多士，🍹另外仲叫咗杯菠蘿熱情果梳打，個生牛肉湯河(⭐️⭐️⭐️⭐️⭐️)個湯底好出色,牛肉亦都剛剛熟👍🏻👍🏻香茅豬扒(⭐️⭐️⭐️⭐️⭐️)炸得恰到好處,唔會乾又juicy ,蝦多士(⭐️⭐️⭐️)上面好多芝麻，另外入面有餡，個餡好食，不過我冇問店員入邊個餡係咩，有驚喜嘅係杯熱情果菠蘿梳打好好飲（⭐️⭐️⭐️⭐️⭐️)，雖然唔知新張期優惠去到幾時，但就算冇優惠我都會再去食👍🏻值得推介😋

話說同事Ｔ住附近發現左佢樓下新開左間越南餐廳，佢食完後不停向我和其他同事推介，講到好抵食所以和朋友走左試試。餐廳位於沙田圍和第一城之間，沙田圍港鐵站出行花5分鐘便到，前往尚算方便。餐廳環境光鮮，枱與枱佈陣密。牆角有梳化，坐位比較寬鬆舒適。望望餐牌見選擇甚多，新張期優惠各式河粉都只係三十蚊，其他小菜價錢唔貴，唔小心叫左成枱野，埋單都只係三百蚊，算經濟實惠。招牌生牛肉湯河粉 $30賣相吸引配料金不換芽菜都見，湯底色清但入口牛骨味很濃，牛肉呈粉紅薄身，肉質鬆化有肉香。河粉爽彈幼滑，三十蚊碗份量足，超值好食！香茅豬扒撈檬粉 $30豬扒厚度有番咁上下，而且份量多相當慷慨，大半碗都係豬扒。豬扒肉質鬆軟，輕輕一咬好易撕開，香茅味滲透肉內好香好入味。檬粉除左有生菜絲外，仲有甘筍絲、青瓜絲口感豐富，淋上碌冧青檸榨汁，成碗粉相當美味，大大碗又係抵食到你唔信。扎肉蒸粉包 $28賣相精緻，粉包兩件趁熱食，扎肉放面蔥花炸蒜片灑上面，粉皮厚咬落彈牙，內餡有木耳絲甘筍絲沙葛等，餡料爽口富口感。千島雞翼4件 $42平均十蚊隻雞翼不算便宜，難得侍應推介就試試。雞翼面層嘅秘製千島醬汁確係美味無盡，醬汁甜美味道豐富，幾乎沾

和朋友沙田行街，見沙角街8-12號花園城一期地下，門口掛有多款湯粉新張特價$30超級抵食 ，餐廳裝修簡單優雅，牆壁上的畫畫很美觀，乾淨企理，坐位寬闊。我們點左炸豬扒金邊粉$30，超抵食都美味，豬扒夠腍夠入味，炸得香口。炸春卷跟餐加$12兩件，香脆可口。芝心蝦多士$48，上層🦐蝦肉片夾中間芝士夾麵包，蝦肉片煙煙靭靭、芝士香香滑滑、麵包薄薄脆脆，炸得很香脆可口，非常好吃👍海鮮叻沙$75，有蝦、蜆、魚蛋、魚片，海鮮很新鮮，椰香味濃，極不錯。

走過，見兩artists正制作 Graffiti，未完成的越南少女面孔帶來新食店，隨緣一試！試業，一系列的湯粉和檬粉只售$30碗，低食試了‘招牌生牛肉湯河‘ 加配鹹桔水，粉來，嚐湯，濃濃牛骨湯加羅勒和蔥花。生牛肉份量十足，入口嫩，牛味足，不錯河粉滑，不油膩，配濃湯，味道剛好。高CP值的一餐 ，滿足

今日去左河畔花園搵食，見到呢間新嘅越南菜， 見到晚餐有30蚊粉麵包嘢飲唔洗加一， 咁抵真係好值得試下。我叫咗越式生牛肉湯檬， 朋友就叫咗越式生牛肉牛丸湯河，未試過嘅一定要下啲穩陣嘢。 食落有驚喜，生牛肉質素唔錯， 分量好足夠又夠牛味😋之後我追加咗個海南雞同埋胡椒豬肉串，個泰式海南雞滑溜，肥瘦比例適中真係唔錯。 但胡椒豬肉串同我心目中諗嘅泰式串燒有啲分別， 佢唔係一般串燒跟喇沙嗰一種， 我會覺得比較似台灣山豬肉腸，食落口感比較油膩。最後梗係唔少得飲番個椰青😀我諗一支公夜晚想快食個麵，都係唔錯嘅選擇👍

椰汁紅豆冰就試得多啦，椰汁綠豆冰我都系第一次飲，正👍🏻冇紅豆冰甘甜又可以食到粒粒豆無骨鳳爪正到不得了 唔夠喉最後仲要打包多一份招牌生生牛肉湯河 必須推薦唔系味精湯 飲埋都唔會口干 抵贊 濃湯好好味 正正正👍🏻👍🏻👍🏻仲有個牛油雞翼 仲可以炸到包住啲汁 夠晒入味新開期間仲有好多優惠好值得去試吓雖然新開期間爆曬場但係服務都仲可以跟得上，最好都係提前book位唔使去到等位

新張小店 環境舒適 地方寬敞 新張特價 有多款湯粉 特價30蚊 街坊超級抵食 生牛肉河粉 湯底冇得頂好重牛味 海南雞超嫩滑仲要冇骨嘅 千島汁雞翼 又做得皮脆肉香喎其實仲有好多嘢想食 要等下一次囉 因為30蚊 真係平過自己煮公仔麵