大越越南餐廳

营业中

休息中

和朋友沙田行街，見沙角街8-12號花園城一期地下，門口掛有多款湯粉新張特價$30超級抵食 ，餐廳裝修簡單優雅，牆壁上的畫畫很美觀，乾淨企理，坐位寬闊。我們點左炸豬扒金邊粉$30，超抵食都美味，豬扒夠腍夠入味，炸得香口。炸春卷跟餐加$12兩件，香脆可口。芝心蝦多士$48，上層🦐蝦肉片夾中間芝士夾麵包，蝦肉片煙煙靭靭、芝士香香滑滑、麵包薄薄脆脆，炸得很香脆可口，非常好吃👍海鮮叻沙$75，有蝦、蜆、魚蛋、魚片，海鮮很新鮮，椰香味濃，極不錯。