大越越南餐廳

营业中

休息中

話咁快又來光顧，之前特別想食生牛肉河，所以第一次去試永遠最好食😋今日再食已經平平無奇，其他小食都不錯的，都係啦：下午茶時間人手不多，明白的，速度可以快返少少更佳，食物呢：煎扎肉出餐有點慢，味道可以的，豬頸肉有少少過火，肉質可以接受，蝦多士外形吸引，已經成功第一步，芝士OK，但蝦膠有點實，服務0k，加油💪

朋友話屋企個頭有新開張既食肆，仲要係我的最愛越南野，就梗係一定要去試下LA~呢個地方之前好似係食西餐，依家轉左比較平民化既越南野，價錢都比較親民，$50-60左右就有一碗湯粉食，在依家經濟唔係太明朗的環境，對於我地呢D打工仔，價錢真係好重要~所以呢到既價位OK~!炸春卷4件$ 42，先來一個餐前小食，唔錯，脆卜卜而且入面都幾多料，同朋友每人2件剛剛好, 唔係太熱氣~生牛肉湯粉$56，呢個真係必食既越南食物，河粉夠滑，牛肉都多而且有味，湯式既香料都好濃郁，唔錯。海南雞飯配雞油飯$68，比想像中大碟呢~油飯都唔錯幾香，雞就要依賴個汁，整體都滿意。

路過見到呢度有一間新開張嘅越南餐廳，就叫埋朋友一齊嚟試吓，呢度交通都方便，由沙田圍站行過嚟，都只係5分鐘左右。餐廳新裝修，環境都幾光猛，坐得舒服，睇餐牌就有大路嘅越南美食。首先叫咗一個大越香茅豬扒叻沙，價錢$58。個湯底睇起上嚟好正，食落都有好香嘅香料味，啱晒鍾意食德濃味嘅朋友。價錢$58 ，都算經濟實惠。 另外又叫咗咖喱牛腩煲，配一盒蒜蓉包。牛腩嘅份量好多，咖喱汁亦算香濃，配蒜蓉包真係好正，其實可以叫多個白飯，咖喱汁真係送飯嘅佳品。我哋有好豪氣咁叫咗個椒鹽軟殼蟹，椒鹽炒得好香，非常好食，價錢係128元，份量都夠大跌，所以好夠食而且好滿足。

每次放假經過睇住呢間越南餐廳裝修、佈置，終於開張，今日突然好想食越南火車頭湯河粉，就入去試試，下午茶時間都有約6枱，但係樓面只有2人，等一會很快就有人點餐，我哋5大1B點了5個餐，上菜速度很快，生牛肉河好食，牛肉全生❤️💕湯底非常好味，但不夠膽飲怕係滴滴金，希望唔係，因為我想再去光顧媽同細女叫左2個小食蝦餅同越南春卷，2個都話好食，細妹同我一樣，細妹男友叫左個咖喱牛肉飯，兩個都話好食，呢次下午茶大家都話好食滿意，下次再去。重點係好低食，平靚正！大家都唔記得影食物🤣

今日去沙田河畔探望朋友，朋友極力推介呢間佢做咗飯堂既平民食肆比我，話一定可以滿足我呢個餓底而且又平又抵食，咁我當然要探吓虛實啦，反正都經過咪試吓囉，一去到門口就比佢幅壁畫吸睛，坐位好闊落店鋪內間格四四正正而且好光猛🌝🌝見佢餐牌有一個勁抵之選推介係星期一至五30蚊一碗😱😱現在食碗魚旦粉30蚊都未必得啦，唔怪得我朋友當佢係飯堂啦，真係勁抵喎👍🏽👍🏽👍🏽店員見我兩個人就推介我地不如叫餐啦，話份量十足一定夠食，咁就叫咗個二人餐炸春卷＋灼通菜＋火車頭湯河，果碗湯河一嚟到真係比佢嚇親囉，個碗好似受過輻射變大咗，老實講正常三個人先食得哂，好彩我係一名餓底先食得哂，真正抵食夾大件

每逢星期四，女兒都需要外出上DSE的雞精補習班，奈何學校放學後，相隔三粒鐘才番補習班，時間兩頭唔到岸，唯有搵個地方捱吓時間，順便提早食埋晚餐。記得早兩個星期嚟過呢間"大越"，印象唔錯，便拖女過嚟撐檯腳，16:44分時間尚早，仲有下午茶食呢！ 我們叫了一份香茅豬扒飯(上次來有試過，香茅豬扒依然很入味，很鬆化。因我兒時曾寄住過開豬場的親友家，餐餐都係豬，所以，離開她家後已同豬肉冇friend做，平時也不會吃豬的我，都竟然覺得好味!😍)。 女兒叫了生牛河，我都有拿來試，生牛河的靈魂在於個湯頭，湯頭不油膩，很清甜，也有濃濃的香料味，牛肉浸一會，輕輕轉色便食得，牛肉也很嫩，粉就不用說了。 另叫了必食的芝心蝦多士，上次試過念念不忘，今次再同女兒share來食，依然好味!! 因以上三個都是下午茶餐，餐飲叫了兩杯凍蜂蜜玫瑰柚子茶(味道較淡)，凍滴漏咖啡(今次比上次更濃，有進步!💪)埋單$136，抵食又好食。 另再買了一個香茅豬扒撈檬粉，追加香茅雞翼及蝦餅、青檸梳打比家人，拿完外賣出門口後，才醒覺，吓....才五點幾，亞女仲未夠鐘上補習班噃，死死氣坐的士先回家放低食物比家人，休息一陣，再送女兒

今天走到沙田一間富有越式風味的餐廳首先被他店內牆上的一幅畫吸引着，然後進去餐廳內服務員都很熱情招呼我們，有舒適的沙發卡位，便安排了我們坐在這裏，看見了餐牌有很多套餐或者單點食品，又有二人套餐，經過一段時間商量後，便決定點以下特色越南小吃及粉面：一客大越海南雞例牌*****海南雞非常嫩滑，就算不是雞髀位置都很嫩，配上他特製的醬汁是一種味覺的享受酸辣無骨鳳爪（必點）都幾辣****我個人本身不太吃辣，如果能夠吃辣的朋友，必點無骨鳳爪真的十分彈牙一客招牌生牛肉湯河****生牛肉煮得剛剛好配上粵式秘製湯及配料絕配椰子冰****味道不錯，不太甜

有日經過沙田圍，原來新開左間越南野，一行過就俾佢幅圖畫吸引，色彩繽紛又有風格既繪彩，頓時覺得呢間餐廳好有心思，就入去試左一餐。個banner紅紙都未拆就知道呢間真係好新😂新裝修既餐廳環境好干淨企理，裡面都有唔少壁畫，非常賞心悅目。因為仲做緊新店推廣，有30蚊全日供應既兩款粉麵，我就叫左雞絲扎肉湯檬粉加左杯三色椰汁冰。全部野都好快上枱，檬粉好大碗，扎肉大大塊，雞都足料，用料新鮮，附上有辣椒同青檸俾你調味。質素唔錯，以30蚊黎計超抵食，以後佢唔做推廣可能就跟佢餐牌其他類似既野5-60蚊到，係一般decent小小餐廳既價格，尚可接受。椰汁冰係好味既，同普通出面椰汁冰差唔多。再加左一個牛油雞翼（$44）試下，呢個同千島醬雞翼都係職員推薦既。一份四隻，的確香口，非常惹味，過下口癮十分滿足。呢度午市下午餐都有set，跟set食會好抵，晚餐暫時未有，不過見佢咁新，仲有好多野可以慢慢改良，但就目前黎講我覺得都已經唔錯，環境，服務，食物質素都有返咁上下，我諗我遲少少會再黎食一次。

唔想煮飯，同女兒想出去搵食，又唔想離開沙田區，上OpenRice睇吓有甚麼啱心水的新店，剛巧見到這間大越，試吓先!專程坐50幾蚊的士過嚟，嚟到看到位置，原來前身係M3，再前身係PizzaHut的位置，左邊係食過幾次的少爺泰，有新店開，當然要call埋住在隔離屋苑的舊同事落嚟，一齊試吓囉！我們到達時才17:40分，門口看到仲有下午茶，哇～最平既小食餐$28，粉及飯餐才$38，最貴的小食下午茶才$42。趁18:00前，先叫了牛肉撈檬，香茅豬扒飯，芝心蝦多士餐，但山長水遠嚟到，唔試埋小食，真係對唔住自己個胃，另叫了主餐牌的串燒，軟殼蟹米紙卷，蒸粉包。香茅味濃，肉都醃得好夠味，其餘的小食都好好味，最精彩的是那個芝心蝦多士，有點懷舊酒樓做的風格，除了飲品(滴漏咖啡唔夠濃及口感唔夠厚，另外那杯忘了名字，好像熱情果定百香果既飲品較遜色外)，食物真係冇得輸!!因有三個是下午茶餐的關係，埋單三百有找，(就算正價，價錢都唔貴的)，食完即刻大力推介比我住在沙田區的老友，希望這店能一直保持食物水準!!好快會再嚟!!

原本西餐的舖位轉個頭就開左越南餐廳，效率真心高。門口的大壁畫，有個可愛越南小妺妹，又幾吸睛喎！原來價錢比壁畫更吸睛，多款越式河粉，全日都係 $30 咋！新張優惠期抵食之選，沒有不試的理由。招牌生牛肉河粉 $30 ，認真益街坊。有樣你睇，一D都冇馬虎的，好鍾意佢香葉同配料多多。而湯底幾濃肉味，清甜而且唔覺重味精，飲得過生牛肉幾高質，一片片靚色靚牛，浸兩浸就熟，仲好淋滑有肉味。朋友就食生牛肉牛丸湯河，同樣都係三十蚊。都幾大碗架。牛丸都幾彈牙，唔肥膩。佢仲讚河粉夠滑，配上湯底真的好好味。沒有將貨就價，欣賞佢 ！ 希望呢個價錢同質素可以 keep 住，長食長有 越式烤豬頸肉 $62小食揀左烤豬頸肉，食得出是即叫即烤，熱辣辣好好味架。外皮烤到脆脆地，而內裡的肉地又肥瘦適中，爽肉有口感。再配合辣汁，簡直不得了。建議大家可以叫碟一齊開心 share 鮮蝦米紙卷 $46一客兩條，肥肥白白幾足料的。生菜好新鮮，食到爽脆的感覺，清清地唔會膩。柚子玫瑰茶，加$8 有交易，抵呀！凍檸茶，套餐加配價都係 $8 。

呢間越南野真係抵食，而且價錢又平，食物好食。通常食越南野都會叫蒜蓉牛油雞翼，因為我真係好鍾意食；但係香港真係冇乜邊間好食，一直喺度搜尋，直至去到呢一間！真係有驚喜！炸得夠香脆，而且蒜蓉牛油味好香，食咗一隻之後真係立即想食晒佢，冇誇張！而且蒜蓉牛油味嘅香唔會太濃味或太鹹，恰到好處！新開張最抵就係指定越南粉$30！超抵！我就叫咗扎肉雞絲金邊粉，越南粉嘅湯底都幾香幾好味。雖然價錢平，但係仍然購足料，有好多扎肉及雞！另外仲叫咗海南雞例牌海南雞夠滑，點埋醬汁幾好食！小食仲叫咗春卷春卷一客有四件，新鮮炸起夠脆，味道都唔錯！餐廳食物質素高，價錢經濟，推介！

萬聖節🎃⋯落街食碗PHO，好鬼👻好食！大越越南🇻🇳是超新店，招牌紅紙都未搣，坐落美食集中地沙田圍，竟人山人海，🤔真係要食喎！餐廳有特價PHO🍲.....試業期間30蚊碗，叫番2碗先！生牛肉河粉🥓來了，我嘩一聲！🕺🏾老闆見慣不怪答：我哋係好足料嘅 （自豪的👽眼神），而牛骨🦴湯底是我哋用五十幾種材料日淆夜淆的 🧟‍♀! 飲一啖，味鮮、牛味濃又唔鹹....😺有食力喎！再用生牛肉卷起湯汁食，鮮嫩多汁，加埋🌿金不換… 香！再嚟🐥鳳爪撈檬粉，將菜絲、青瓜絲、金蒜片.....撈起🥢，涼涼哋、脆脆哋、酸酸哋，好食😋又有益！主角鳳爪大小適中，所以骨脆而肉彈，連骨都食埋💃🏻！好食要加單🥊大越小食拼盤（春卷、扎肉、牛肉蝦片和🐖串）春卷和豬串🐽是我的最愛！🥤仲有杯真多冰👉🏼是細密的椰汁沙冰底+幼條‘真多’！📌好俾心機⋯🥁已納入我的搵食名單！

全場滿，應該好抵食？哈哈，入嚟一試新店。魚露灼秋葵 $28Fish sauce scalded okra馬拉盞都得，少食魚露就試下。上枱好似一碟綠色粗薯條。魚露咸為主，要控制得好份量。依個咸度剛好，面反而唔咸，係入面粒粒種子吸左魚露。二人食夠，三人應該都ok。軟殼蟹米紙卷 $56Rice paper roll filled with soft shell crab脆啵？唔係講緊軟殼蟹，而係講緊生菜。生菜好多同米粉嘅比例差唔多，軟殼蟹係當中，皮凍凍地一咬就破了，嘻，不過不失。清沅扎肉蒸粉包 $52Vietnamese sausage steamed rice pancake肉碎、木耳、紅蘿蔔、沙葛、青蔥花同蝦米。材料多，性價比好！粉皮雖厚，但扎肉蔥花令咸度增好味！新開試業全日款款$30，枱枱都叫。我地無理由唔跟風既！香茅豬扒撈粉Pork chop cold vermicelli成碗都係蔬菜，生菜、紅蘿蔔絲、白蘿蔔絲同埋青瓜絲，面頭一碗滿。粉超多，混埋菜超健康。每口有菜有粉。豬扒每件入面都粉嫩，香茅味重，煎到外皮焦香，仲有好多花生碎。香茅雞翼撈粉Chicken wings cold ver

最近樓下新開了一間越南餐廳，每次經過都很想進去，無奈一直未有時間。今晚沒有買餸煮飯，於是就跟老公去看看。門口有一幅很大很美的手繪壁畫，之前看到的一位女孩子在繪畫，今天終於看到成品，可見餐廳都花了點心思。餐廳環境很大，每次經過都看到都有很多人。新張期間有幾款湯河粉及撈檬，只要30蚊一碗，非常抵食。但我們很肚餓，所以就點了兩客飯，一客小食及兩杯飲品。老公點了海南雞飯配雞油飯，海南雞是無骨的，口感滑滑，油飯很香，好好味。我點了香茅牛肉飯，牛肉份量很多。牛肉炒得很香，上面有蔥油及炸蒜，夾著一起吃，非常夠味道，香口。我們還點了一款小食，炸蝦餅。上面充滿蔥油及炸蒜，蝦餅味道很好，很香，點著旁邊的甜辣醬一起吃，甜甜的辣味，不錯。飲品方面我點了椰汁珍多冰，而老公就點了椰汁紅豆冰。這款飲品很特別，餐廳將椰汁打成沙冰，甜度剛剛好。當吃紅豆及珍多時，可連冰一起吃，非常冰涼。

區內新開的越南餐廳，新張期內有特價湯粉撈檬，湯粉份量夠又熱辣辣，加$8-12仲有飲品或特飲，環境舒適闊落，服務唔錯，食物味道亦不俗，希望keep住有特價湯粉優惠