大越越南餐廳

营业中

休息中

今日去咗沙田探朋友～呢間餐廳朋友介紹話真材實料嘅一於就試吓！餐牌種類繁多～有沙律、米卷、撈檬丶湯河丶叻沙等等決定外賣兩個餸菜一齊食晚飯🤪我哋就叫咗個脆皮鮮牛腩同椒鹽軟殼蟹⭐️侍應態度好好😍等咗一陣就拎左返屋企啦脆皮鮮牛腩用炸粉將牛腩包住 揸得好靚， 外表金黃色～切咗成10多件 外脆內暖 超級好食！椒鹽軟殼蟹 大大件用咗炸蒜丶蔥丶再配上椒鹽好有風味 又夠惹味感覺相當不錯啊～呢間餐廳不錯啊，下次要試吓其他嘢先～

約咗人在沙田圍站交收，之前聽朋友說花園城一期有間越南餐廳幾抵食，於是乎就順便去試吓☺️大越越南餐位於花園成一期商場地下，沙田圍站C出口直行，過完條隧道上樓梯就看見了，很方便！2:30pm 下午茶，$38-$46 不等，跟一杯餐飲！轉特飲只係加$8！真係又幾抵😝芒街烤雞肉串撈檬$38 ，份量大到吖🙈，雞肉串有三串，啖啖肉，夠惹味.芒街炸蝦餅，跟餐加$28。蝦餅外脆內彈牙，亦不算油膩，配埋個酸辣醬惹味！酸辣無骨鳳爪，跟餐加$26。酸辣適中，無骨鳳爪份量也不少，抵食！椰汁綠豆冰,是沙冰形式上，沙冰混合綠豆蓉，甜剛好！

抵食午市套餐沙田圍站花園城附近，呢間越南餐廳提供價錢相當優惠嘅午市套餐，款式都多，傳統嘅越南食品都有提供，而且餐廳環境都幾好錯，係一個唔錯嘅地方。海南雞飯套餐海南雞飯嘅份量都算多，飯雞油香味，海南雞都算滑，加埋兩個醬汁，都係一個幾唔錯嘅午餐。扎肉越南式蒸粉包一個我都幾鍾意嘅越南小食，粉包嘅皮好滑，入邊有木耳、紅蘿蔔等清新嘅食材，食咗個人覺得好Fresh好舒服。香茅雞翼凍撈檬粉香茅雞翼好香，凍檬粉夠爽口，而且配上青瓜、生菜絲等嘅新鮮蔬菜，係一個好味嘅傳統越南特色食物。越式滴漏咖啡，用煉奶開嘅咖啡，香滑又甜甜地，冬天飲好正。青檸梳打，好味

💛超滑海南雞 $88海南雞做梗抗疫價，$88 有半隻，梗係要食啦！不得了，滑到一個點，就算雞胸位都係滑滑架，雖然只係$88 但完全無將價就貨，分量超多！💛烤豬頸肉飯 $38仲係下午茶時間$38 有個烤豬頸肉飯食😍，即叫即整，拎到返去仲係熱架😍，豬頸肉有脆邊，好juicy ，而且飯夠晒多，超飽肚！💛超厚蝦餅 $28食得出入面一定有好多隻蝦，超彈牙，又夠味，加埋個辣醬無得輸呢到d 嘢就算下午茶都大大碟！價錢好合理，性價比超高，支持支持！大越越南餐廳 (沙田)沙田沙角街8-12號花園城一期地下2號舖

今日嚟到花園城附近搵食，一出隧道就見到呢間越式餐廳，出面幅壁畫創作得好靚！午市套餐好抵食阿！分別同先生點左份海南雞飯，一碗生牛肉什錦湯粉（生牛肉、牛腩片，牛丸）；小食方面就點左份炸蝦餅同烤豬頸肉......加插講返個環境，餐廳嘅佈置望落好古式，但仍然坐得好舒服😌真係好靚，原來除咗壁畫仲有係餐牌出現😊海南雞無骨嫩滑，油飯夠香！醬汁都好夾！餐飲點左鹹桔水同蜂蜜玫瑰柚子茶，兩杯都好香，好啱口味！甜度適中！讚！睇到相就知有幾豐富，係我識個份量最多嘅生牛肉湯河，加上佢係雜錦，口感相當豐富！配料都好足！好正！烤豬頸肉都好juicy!!!我哋另外叫咗份馬拉盞炒秋葵，好新鮮都好夠味！越式蝦餅點上甜辣醬係絕配！最後整個小食大雜燴，喜歡越式嘢食嘅朋友一定要試吓！

今晚去親戚屋企一齊食飯，我地就一齊去左佢屋企附近一間有好大嘅壁畫嘅越南餐廳度買外賣返去食。泰原香茅牛肉飯 $58牛肉份量幾多，面頭亦都有炸香蔥碎，十分惹味香脆，不過略嫌鹹左少少，如果淡少少應該再正啲。佢有跟一細樽豉油，但因為本身已經好夠味，所以我地無落到，但都好食。越式烤豬頸肉飯 $58豬頸肉幾大塊，份量多，豬頸肉嘅邊烤得幾香脆，肉質又嫩滑。抵食，推薦。蜆港胡椒豬肉串撈檬粉 $58撈檬粉份量都幾多，配菜都好豐富，有生菜、蘿蔔、紅蘿蔔同花生碎，加埋啲甜酸汁，食落都幾開胃同爽脆，幾refreshing。胡椒豬肉串口感有啲似香腸，幾得意。軟殼蟹米紙卷（$56）米紙卷外皮睇落似腸粉但就比較煙韌結實。餡好多料，蔬菜比較多，如果軟殼蟹再多啲會正啲。米紙卷有四舊，點埋甜酸汁之後都唔錯。整體嚟講，晚市咁嘅價錢都算經濟。餐廳入面裝修都幾靚，如果有機會我會想試吓黎堂食。

今日超級凍 凍到唔想煮去附近買外賣就算啦今次食呢間係花園城一角的越南餐廳一般越南餐廳食到的菜式 海南雞 越式湯河 喇沙都有蕃茄蟹膏蝦丸扎肉沙檬-$65檬同湯分開裝 唔錯蝦丸扎肉份量都足夠不過湯底油左D 平時食唔太覺 可能一分開就睇得清楚左香茅豬扒飯-$58香茅豬扒好香 仲要有好多件加埋唔少蔥同豉油 好快食哂蕃茄牛腩飯-$58蕃茄牛腩都煮得唔錯肉好淋 加上酸酸的蕃茄味都好好送飯店員都好有禮貌 服務唔錯 值得一讚

疫情持續，咁就冇辦法啦!點都要食飯，去到沙田呢附近，見到呢間越南餐廳有offer外賣，咁試下外賣越南嘢! 咁叫咗以下:大越生牛肉湯粉: 呢個生牛肉湯粉，我覺得 啲湯嘅味道都幾好，河粉都算幾滑而且牛肉嘅份量都算多， 不過如果湯再將佢整濃少少會好啲，因為我都幾鍾意飲濃湯。 可能因為外賣所以影響咗湯嘅水準。 overall 呢個湯河、價錢、份量質素都幾好，唔錯。峴港番茄蟹膏蝦丸扎肉湯檬: 呢一個湯檬係我朋友order，咁扎肉同埋蝦丸比例同分量都算ok， 而蕃茄湯底亦都幾好都有鮮蕃茄味。 不過我覺得如果用呢個湯底配返河粉可能會更加好啲。 每個人喜好唔同可能我鍾意食河粉。海南雞例牌: 海南雞都幾嫩滑，同埋雞肉有雞味，冇乜冰鮮味， 再加上你食海南雞點埋佢嗰啲醬汁(我幾like辣醬)，我覺得就更加好食。 另一個底讚嘅地方就係佢真係去曬骨 (雞翼除外)。Overall, 我覺得佢外賣都做得唔錯，不過希望有一日可以晚市試下佢個堂食，始終堂食食的話會熱辣辣同環保啲。

< 大越越南餐廳🇻🇳> 📍沙田圍前幾日黎咗呢度食Lunch 呢間越南餐廳環境幾大 而且出面仲有幅好靚嘅壁畫😍😍 野食都唔錯👍🏻🐷烤豬頸肉叻沙 $55豬頸肉同叻沙另上 豬頸肉好大碟😛 大約有七、八塊 烤得好香😆 脆邊 入面幾嫩 豬頸肉唔肥👍🏻👍🏻 叻沙味道濃郁 微辣 油麵索晒湯汁好食 配料有芽菜、豆卜同半隻溏心蛋😋😋 溏心蛋有驚喜 有流心效果 $55黎講好抵食‼️🐥海南雞金邊粉 $62海南雞份量都好多 有十幾舊🤣 啖啖肉 雞肉好嫩滑 另外個酸辣汁同雞好夾 唔錯👍🏻 金邊粉個湯底幾清 好飲😋😋🐔酸辣無骨鳳爪 +$26呢個雖然係跟餐加嘅小食 但係份量都好多😋😋 最鍾意食無骨鳳爪 好入味 酸辣味啱啱好 好開胃👍🏻☕️熱蜂蜜玫瑰柚子茶 (跟餐）冬天要飲熱野😛 呢個柚子茶上面仲有玫瑰花🌹幾靚🤣 飲落唔太甜 好滋潤❣️

.大份抵食越南菜💛一碗粉最緊要嘅係湯底～呢間嘅湯底好清甜又唔會太重口味，超啱冬天暖下個胃餸菜好豐富，有牛腩片、生牛肉同牛丸！牛腩煮到好稔，生牛肉片係半肥瘦，牛丸都好彈牙粉麵都幾大份，所以👧🏻小編同朋友決定嗌多幾個小食share🤣芝心蝦多士真係好好食，蝦滑好厚仲加埋溶左嘅芝士😍軟殼蟹米紙卷都推薦比大家👍🏻米紙外皮煙韌，再加埋脆卜卜嘅軟殼蟹，口感真係好正炸蝦餅都好食，不過$56得一塊就有啲失望，性價比唔高 ><椰汁珍多冰跟餐都係$12，好抵飲！個base仲係沙冰口感添～.之前都幫襯過呢間餐廳幾次～就一次過po埋啲食物相比大家睇啦👀海南雞飯超滑，而叻沙同峴港番茄蟹膏湯底都好出色㗎！.雖然地點唔算就腳，但係食物嘅質素同價錢都值得突登拜訪～兩分鐘路程內仲有小甜將同茶星人，滿足👧🏻小編第二個胃係沙田行完街唔知食咩嘅話，可以過河幫襯呢間啊💛.生牛肉雜錦湯粉 $65軟殼蟹米紙卷 $56芝心蝦多士 $48炸蝦餅 $56椰汁珍多冰 $12———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛💛推薦指數 👾: 💛💛💛💛🤍———📍大越越南餐廳 Da Vi

去完附近做嘢，預啱今日第一日晚市（又）冇堂食，就唯有買外賣返屋企食啦～ 唔係好熟呢一頭，上Openrice睇下就決定嚟呢間買個越南餐返屋企食～嘩，店員畀餐牌我睇，佢哋有一人火鍋‼️不過我太肚餓喇，所以揀咗啲返到屋企即刻可以開餐嘅🤭生牛肉什錦湯粉（有牛肉，牛腩，牛丸）：HK$65 分湯嘅，河粉好滑，湯底夠濃👍🏼因為係外賣，所以拎到返嚟生牛肉都變咗熟牛肉😝烤豬頸肉青木瓜沙律：HK$72 豬頸肉好好食呀!! 出乎我意料之外‼️ 烤嘅時間恰到好處，肉質嫩滑，一啲都唔鞋🤤我哋兩個人食，大家都爭住啲豬頸肉嚟食🤣青木瓜絲加上紅蘿蔔絲同埋青瓜絲，新鮮，好清新🥗醬汁酸酸甜甜，唔太辣～海南雞飯配雞油飯：HK$68雞件全部起咗骨，肉質都幾嫩滑，我鍾意配埋佢個青泰式辣醬‼️ 油飯如果再加多d香料，濃味啲會更加正（個人喜好，因為我係鍾意濃味d嘅）🤪總括嚟講我覺得呢間餐廳啲嘢幾好食呀‼️ 份量又幾大👍🏼外賣都有呢個質素嘅話，堂食應該更加好～

最近食越南野真係食上癮，沙田圍都有好食既越南菜！款式好多，見佢仲有一人越式火鍋，都係$100 內，都好吸引！我地叫左個軟殼蟹米紙卷，入面超足料，而且包得好實，唔會一夾就跌曬d料出黎架！之後叫左個三寶喇沙，有香茅雞翼、豬扒同埋扎肉，湯底好濃郁，用左油面，仲有豆卜吸曬湯既精華，好滿足。而朋友同樣叫左三寶，但配湯粉，湯底就相對比較清，鐘意清淡既朋友就可以試下呢個。野飲方面，我地叫左椰汁冰同椰汁珍多冰。入面有碎碎既冰粒，飲落好冰涼，椰汁味濃，而且唔會過甜，相信夏天飲呢杯一定會更加透心涼！總括嚟講，呢到都幾抵食，而且份量又多，下次一於試埋個火鍋先！

我和我的同事工作時經常都要周圍去，今日就嚟到沙田圍工作，去到午飯時間，在煩惱之今日午飯食咩好，映入眼簾的就是這間餐廳！大越海南雞飯（配雞油飯）$62 海南雞肉質鮮嫩而且多汁，每一件雞的雞皮層都帶啫喱，非常嫩滑！真心要給廚師比一百分💯。 雞油飯裏每一啖都有濃郁雞的香味，可能我比較大食，飯的份量比較少，適合胃口細的你。泰原香茅豬扒撈檬 $55 價錢超值，檬粉份量特大，香茅豬扒肉質鬆軟香口，保留着豐富的肉汁，蒜蓉和香茅的味道配合得天衣無縫，再配上個醒胃汁。四個字，清新原味。同場加映小食越式烤豬頸肉 $26 三個字，好正啊！香濃的豬肉味，齒頰留香！椰汁冰 跟餐+$8蚊我相信沙冰全部都是用椰汁雪的，因為飲到最後，完全沒有變變淡！

自己收咗工嘅時候，行咗嚟呢度食晚餐，見到呢度除咗有越粉面食之外，亦都有*一人火鍋*，好少越南餐廳有一人火鍋提供，而且見佢湯底有得揀蕃茄湯底，所以就決定試一試。我就一開始先食一個沙律，是呢度嘅牙車快。$58 ，價錢唔算特別貴，但如果淨打邊爐嘅話，就真係會比較熱氣，所以食個沙律就為咗自己可以舒服啲。牙車快有海南雞喺上面，雞肉都幾好食，幾嫩，而且佢設成一條條，口感啱啱好，唔會話太大舊。另外就係佢亦都有沙律菜喺下面，沙律菜亦都撈左酸酸甜甜嘅汁，幾開胃。所以食完佢之後，成個人個胃口都開晒，就開始食佢嘅一人邊爐🫕。一人邊爐有好多湯底可以揀，有一個係叫越南酸湯，其實我都唔知係咩嚟嘅，所以無試到，但如果鍾意探索新發現嘅朋友，其實可以試吓😂😂我就平平穩穩，叫咗個蕃茄湯底，貪佢湯底開胃。蕃茄湯底都幾濃郁下，搞吓個底發現，下面有好多番茄醬嘅配料。火鍋配料嚟咗一大份，有牛肉、牛丸、牛柏葉、濛粉等等，我估計呢度嘅份量可以夠一個半人食。牛肉都幾好食，當然如果你要同極高級嘅牛比，係會有距離，但係$98 可以食到咁嘅質素，在我看來係物超所值。另外呢度嘅魚露秋葵，我覺得係一個必點嘅菜，除咗因為火鍋係比較熱氣之外，呢度嘅

今日去左沙田花園城探朋友，午餐時間落左樓下食lunch，揀左呢間大越越南餐廳。環境寬敞舒適，卡位好寬落。大越生牛肉什錦湯檬充滿九層塔芳香，湯頭鮮甜，新鮮生牛肉充滿濃郁牛香有咬勁，牛腩片軟腍入味，牛丸爽口彈牙。峴港蕃茄蟹膏蝦丸扎肉湯檬蝦丸鮮味彈牙有韌性，扎肉綿軟帶爽脆唔會成口粉，蕃茄湯底濃郁酸甜夠晒開胃。午市套餐可以優惠價追加小食，都幾抵~廣寧炸春卷口感酥脆，蘸上魚露醬汁更惹味。泰原香茅雞翼炸至金黃香脆，啖啖肉勁juicy。套餐配熱飲，揀左熱奶茶同好滋潤蜂蜜玫瑰柚子茶。