大越越南餐廳

营业中

休息中

見到行呢間野有好多人幫襯佢外面有個好大嘅油畫越南風味好濃就決定入去試吓午餐好抵食不同的越南泰國粉可以加不同錢去換唔同嘅小食我就嗌左個生牛肉什綿湯河加左$12要食呢個春卷再叫咗個鮮蝦咪紙卷再配埋一個新鮮嘅椰青先講生牛肉雜錦湯河內面生牛肉牛腩同埋牛丸上枱外貌好吸引湯底牛味濃但係清加埋芽菜同埋呢個生洋蔥絲生牛肉啱啱浸熟全個湯河越南風味好濃郁春卷外皮炸到好香脆入邊係豬肉再加埋木耳同埋呢個紅蘿蔔絲皮脆內涵足鮮蝦米紙卷真係成個鮮蝦俾你配上米紙山菜檬粉少少花生蝦米嘅香再加埋嗰個特製甜酸汁清新又開胃最後飲埋個冰凍椰青呢個午餐果然係Perfect難怪咁多人過嚟幫襯啦

去到邊都要搵豬頸肉飯食，冇去錯地方！而且值得推介添👅👅首先去豬頸肉嘅份量非常合理而且每一舊都大大塊厚厚的，另外每一次食飯我都好注重佢嘅口感💕💕凍凍地打個邊路暖下身都唔錯~晚飯都有一人火鍋！！！唔好睇佢細細份其實入邊好足料😛 喇沙湯底(有少少難)其實我唔食得辣都可以接受到😘 而且牛肉,牛柏葉都好新鮮。另外都有一份生菜，冬菇，豆卜，蘿蔔等等。食晒以上嘅嘢可以食河粉，通常我都會食河粉原因係佢易入味帶出個湯嘅精髓😍😍

好少可嚟到沙田區，突然想食越南野，搵搵下就嚟咗呢一間餐廳。好特別，呢一間餐廳可以打邊爐，但係我哋都係揀咗最傳統嘅越南河粉。我叫咗牛肉雜錦河粉，朋友就叫咗豬頸肉湯濛粉，再加埋個牛油蒜香雞翼，就真係啱啱好。雖然味道非常之唔錯，但全場得一至兩個侍應，有時未能招呼得切在座嘅顧客。另外，我杯凍檸茶係走甜少冰，結果變咗正常甜正常冰🤦🏻‍♂️🤦🏻‍♂️應該都係人手唔夠嘅關係，同埋點解呢間餐廳仲係可以只收現金！ ！ ！

某日黃昏在沙田區散步，行到去沙田圍。那裡食肆臨立，今次嘗試在外圍搵食，見到在花園城有一間越南餐廳，於是就入去試試。餐廳的外觀是時下眾多新式越南食店的裝潢，比較簡約整潔，原來這裡也有套餐以及火鍋供應。我們來得早，客人不多，可以坐到裡面的四人枱，較為寬闊。我們點了大越海南雞配雞油飯 ($68)、大越生牛肉牛腩片湯粉($60)、柚子鮮蝦沙律 ($72)及芝心蝦多士4件 ($48)，加配椰汁三色冰 ($12)。大越海南雞配雞油飯外觀與一般食到的沒有多大分別，海南雞肉也不錯，配有一些蘿蔔絲，跟有蔥油及甜辣醬，但那個飯就較為硬及有些細小的棵粒，沒有黏性而鬆散，有改善的空間。大越生牛肉牛腩片湯粉湯底比一般的味精少，湯裡只有蔥花及芽菜，上面放一棵九層塔，反而較為清甜。生牛肉很大片，但牛腩片就較少。柚子鮮蝦沙律以開邊的蝦肉及柚子，襯以一些沙律菜，加上一點醋，味道不錯，開胃。芝心蝦多士4件煎得很鬆脆，裡面夾著蝦膠及醬汁，面頭鋪滿芝麻，食時還是熱烘烘的。由於夾著蝦膠的外層是很薄的，真有點疑惑是麵包還是純粹用麵粉煎成薄餅。最後是椰汁三色冰，椰汁味香，內有由綠豆粉做的珍多、紅豆及開邊綠豆。

差不多食渾沙田既美食今日黎到呢間越南餐廳食最愛的檬粉😌打開餐牌 平民既價錢真係抵食夾大件呀！！！係真抵食👏👏👏👏雞絲扎肉撈檬 扎肉好彈口 雞肉係有口感唔會係（梅）👍生牛肉湯河一上台 呆了😳超多牛肉啊～ $56係$56就有甘大碗質素係有的👏👏👏👌🏻如果喜歡食牛的 係必叫😛酸辣鳳爪 大大碟😌芝士蝦🦐多士 一共4塊平時出面食既都係細細塊呢到好似三文治🥪甘大塊仲要係脆口 👏👏唔係軟林林真多冰 唔係hea 的夠料👍👍之後晚餐又多個食堂又多個選擇 下次會再食其他有另外既海南雞湯檬都想食😋😋

放工去食飯，見好耐冇食過越南野,就去呢間食下。軟殼蟹紙米卷，入面有軟殼蟹腳同米粉，仲有菜，一食落口感覺覺得好健康。因為佢真係有好多菜同埋米粉，唔會話覺得好熱氣蝦多士。蝦多士大大嚿，全部麵包嘅表面都會有蝦滑。每一啖都可以食到蝦滑味。個蝦多士上邊仲會有芝麻。可以食到淡淡芝麻香，而且非常脆口。建議大家一上枱就食。因為呢啲熱辣辣係最好食的蒜蓉雞翼嘅蒜蓉味好夠。好香食落。又唔會話過咸。肉汁仲保存到，炸粉亦唔厚。個火鍋都有幾多配料，我哋揀咗蕃茄湯底。蕃茄湯底有濃濃嘅蕃茄味，甜甜地酸酸地好開胃，個餐仲有好多配料,有牛丸，金菇，生菜，滑牛，蝦，仲有牛柏葉。我哋仲叫咗金邊粉。烚吓烚吓幾好玩,夠晒兩個人食。估唔到越南餐廳都有打邊爐。我哋平日夜晚時間嚟，都坐得幾舒服，餐廳氣氛唔嘈吵。輕輕鬆鬆

約左朋友同埋佢仔仔去食越南野，去左沙田果間大越越南餐廳！2大1細叫左個2人餐，份量勁多，多到食唔曬！海南雞雞皮好爽，雞肉好滑唔鞋。魚露秋葵第一次試，估唔到又幾好食，魚露鹹鹹地同秋葵好夾大越火車頭檬粉勁大碗，上枱果下真係嘩左出聲。有生牛肉、牛肉片、牛筋、牛丸、牛柏葉，相當豐富。湯底好好味，檬粉份量好多跟餐加左椰青同椰汁冰，椰青夠凍夠清甜，而椰汁冰都好重椰汁味，唔會好淡！成個餐先$138埋單，超級抵食，下次實再去

疫情很久沒找朋友了，探望後便到附近吃晚飯了 ～ 不遠處印象是意大利餐廳，換成了越南菜！環境寬趟又有梳位～ 很舒適用餐期間多人在等候外買，挺受歡迎 ～ 軟殼蟹米紙卷 HKD 56 米紙簿富彈性，內裡夾有一絲絲的青瓜、粉條、軟殼蟹等材料。 味道清爽中帶脆口～ 香茅雞翼 HKD 42 共有4件，雞翼外層炸得香脆，內裡沒血水👍🏻 海鮮喇沙 HKD 75 內有豐富材料 有蝦、蜆、魷魚等等。整體味道調較不錯，辣度也能接受（有隔枱客人還要求加辣😂）而麵爽口彈牙 ！ 最後還點了解喝之選鮮椰青HKD 28 職員落單準確，上菜很快還細心的主動提供碗放骨 贊 。 態度良好，這裡服務家坊為主，堂食、外買者也不少。回港鐵沙田圍站約步行5分鐘而已～

我好鍾意食蝦多士，經朋友介紹，今次出動試一試！小食篇：芝心 蝦多士：不單有外表更有內涵，炸得金黃鬆脆，多士表面鋪滿密密麻麻嘅芝麻，咬落去不得了，好厚嘅蝦滑同麵包嘅比例有一比一，再配上流心芝士，真係好有驚喜蒜蓉牛油雞翼：牛油味香濃，可以一試！扎肉蒸粉包：內有粉葛粒，扎肉粒，口感豐富，粉包上鋪上炸乾蔥，味道一流！主食篇：海南雞叻沙：海南雞好滑好有雞味，個叻沙香濃，椰香撲鼻，仲有半粉流心蛋飲品：加$8柯打熱鹹桔水，唔甜潤喉！朋友加$12柯打椰汁珍多冰，我好欣賞將所有冰打成沙冰，比較其他鋪頭細緻用心

當日踩完單車經過大圍,真係好想食正宗嘅越南餐廳。入到去先飲咗一杯椰汁綠豆冰,綠豆好爽口。男朋友食左個海南雞飯。雞肉彈牙,嫩滑。做到色香味俱全是也。尤其是配著佢哋嘅薑蓉,令到食指大動。加上獨有嘅越南春捲,調劑沉悶嘅生活。真係好食。我自己比較喜愛就係酸辣鳳爪,唔係太辣但係有酸味。而且鳳爪肉好好食。最後自己飲咗個鹹七喜,加上青檸。真係唔錯啊。希望聖誕大餐都同男朋友食。位置方便又唔錯。食物質素高。😊😊😊

💖馬來風味黑叉燒又香又好味屋企附近呢一間大越越南餐廳一直都好想試，咁啱今日放假就去食個晏咁啦！唔想嗌啲太重口味嘅嘢，點左一碗海南雞湯粉同埋例牌馬來風味黑叉燒。海南雞做得又香又滑，午餐份量也不少，至於湯粉方面，湯清甜得來唔似有味精，似係咬咗好耐嘅老火湯，加上煮得剛剛好嘅檬粉， 十分開胃😁最欣賞嘅係馬來風味嘅黑叉燒，叉燒部位半肥瘦剛剛好，特別嘅方法燒得又香又好味。本來諗住外賣打包返屋企食都唔覺意成碟食曬😂。下次如果屋企加餸應該會返嚟再買！午市選擇很多，除咗越南風味仲有其他東南亞嘅美食，免費跟熱飲。餐廳環境乾淨企理，外牆有一幅很特別的越南風味塗鴉，感覺不錯。大越越南餐廳📍 沙田沙角街8-12號花園城一期地下2號舖

2020年10月12號晚上7 時黎到沙田沙角街8-12號花園城一期地下2號舖 大越越南餐廳 可以搭馬鐵係沙田圍站C出口落車 10 分鐘內行到入座先探熱後消毒雙手餐廳地方闊落,坐得舒服侍應同廚房上菜都好快前菜沙律就叫左: 烤豬頸肉青木瓜沙律 $72豬頸肉燒得好脆同金黃色，唔會太薄沙律同豬頸肉份量好足夠: 有青瓜絲,蘿蔔絲,芽菜同花生碎, 好香口同有咬口沙律汁帶有酸酸甜甜嘅味道軟殼蟹米紙卷 $56咸香熱辣辣酥脆嘅軟殼蟹俾透光輕薄嘅米紙包住再配上蘿蔔絲同蘿蔔絲. 一次過有幾種口感, 有香脆,有蔬菜味大越三寶湯粉（香茅雞翼,香茅豬扒同扎肉）$65一個河粉，有哂三種餸超滿足湯河份量好大香茅雞翼煎香，每啖雞翼都食到香茅既清香味香茅豬扒：越南菜多數落香料，又喜歡用魚露。香茅豬扒味香甜仲都比足一整塊豬排 不得了扎肉: 煎香仲有幾片放 係河粉上做配料簡直係完美只係$200有找同朋友兩個人食簡直性價比一流

吃貨日常❤️ 東南亞美食通常都好啱我胃口而當中越南菜亦都係我最喜歡嘅菜式之一呢間舖頭見網上都好多人推介所以一於就同朋友一齊嚟試吓啦😆💖 烤豬頸肉青木瓜沙律 $72🐷豬頸肉每一塊都係金黃色，厚厚地軟綿綿，肉質唔會好韌，好有咬口😚😚豬頸肉通常都有醃過，所以食落唔會淡茂茂無味道，但係又唔會蓋過左豬肉嘅味道😋沙律方面🥗主要有青瓜絲、蘿蔔絲同芽菜組成🥒🥬🥕帶有酸酸地同甜甜地嘅味道。另外仲家有花生🥜碎，就算兩個人食一碟，我哋都唔會有好膩嘅感覺🥰🥰🥰💖 軟殼蟹米紙卷 $56🦀講到食蟹我真係百吃不厭🤩🤪咸香酥脆嘅軟殼蟹俾透光輕薄嘅米紙包住，當然配上青瓜絲🥒蘿蔔絲🥕等其他配料，呢個係可口又滋味嘅小食🤩🤩🤩而且一塊米紙只有20卡路里，所以不擔心會致肥🤣而且軟殼蟹含有豐富的鈣、磷、鐵等營養，營養價值頗高架🤪😚💖 大越三寶湯粉（香茅雞翼/香茅豬扒/扎肉）$65Order 一個粉，但有三種餸真係超級抵😯👍首先碗湯河係好大碗，我同朋友兩個人食都覺得好飽😌😌另外嗰三個餸分別有香茅雞翼、香茅豬扒同埋扎肉🐥🐷➡️ 香茅雞翼：雞翼係雞的眾多部位中運動量較大，是最鮮嫩可口的位置之一，含有豐富的膠原蛋白。用香茅醃雞翼架，醃好後

上次已經食過一次既越南野。因為覺得個蝦多士好正！同朋友飯聚再去！必定再點蝦多士 中間夾埋芝士加埋脆卜卜既多士，多士外面鋪住好香既芝麻！絕配！另外今次叫左生牛肉檬，生牛肉比湯浸熟原失牛味 又唔會太熟！牛油雞翼 香脆而且唔會食到一口油🤪岩哂中意香口野 又怕油既我地！上次記得依到喇沙個湯超好味 所以又翻兜 不過今次試海南雞喇沙 雞肉又滑又入味 冇骨 啖啖肉 好正呀！我諗我下次都仍然會簡依間鋪🥰

預祝朋友生日飯,大家都住沙田但未去過河畔食,就去搵下野食,呢間睇落食評唔錯就去左,疫情加上限聚令,630去到時只有一枱客7點等人齊先入座,揀左一個2人餐另外叫左小食2碗粉+軟殼蟹+牛油雞翼+馬拉盞炒通菜係2人餐(好似$268),粉最先到好大碗量亦多,生牛肉&雞絲,湯底幾鮮甜馬拉盞通菜,呢個係越南做法?醬直接放面頭,菜似烚,自己撈匀,但無左炒出黎果種香味牛油雞翼超邪惡!炸得好脆牛油味好香好好食!軟殼蟹,就係想食佢先叫餐,覺得份量太少,2隻4件,唔算大隻春卷,脆卜卜,燶左少少個底有d苦蒜蓉青口,極邪惡,每件牛油蒜蓉都好重手,超香好好食叫完先發現全部都熱氣唔記得醫護證件定醫管局證件有9折,但餐原來無架!埋單折後$39x