大越越南餐廳

营业中

休息中

豬頸肉 煮得非常好食 軟硬適中 有焦香 very gooooood 起碼有5-6塊 正份量夠多 價錢合理 食過返尋味芝士蝦多士 整得熱辣辣好鬆脆 必食沙田圍朋友有口福 好過隔離街嗰間越X仔 😂

這天行完山，沿路走過來河畔花園，找到附近有這間越南餐廳，見到網上評價都不錯。從河畔花園走到這間餐廳，感覺都有一點路程，可能行完山比較累。六時多來到，只有幾枱客，但一到晚飯時間，便很快滿座了。大越火車頭(二人份量) 火車頭餸菜豐富，有生牛肉、牛腩片、牛丸、牛筋、牛柏葉，充滿了🐮🐮滋味。每款餸菜都有一定份量，湯底清甜。法式蒜蓉牛油雞翼食越南菜必點的蒜蓉牛油雞翼，雞翼炸得十分香脆鬆化，帶點蒜蓉味。可惜只有四隻，令人想一食再食。餐廳價錢相宜，性價比高，下次行山經過可以再來試試。

喺沙田做完嘢，行到去花園城嗰邊，望一望錶，差五分鐘先至六點，即刻跑入去大越越南餐廳食個下午茶。對大越嘅第一印象係好抵食。我好鍾意食越式法包，於是就叫咗個經典越南扎肉法包，再加杯咸檸七。法包入面有扎肉，肝醬，芫茜，酸蘿蔔絲，青瓜等，餡料唔算多，不過由於價錢平，所以都收貨。呢度用咗通花嘅裝飾紙墊包，好配合越式傳統風格，食食下，個心又飛咗去胡志明市啦😂。

今日媽咪生日 佢話想食越南野 我就搵咗呢間隱世小店 大越越南餐廳💛💛💛雖然話佢隱世但其實都好方便去 馬鐵站沙田圍站行過去都係5分鐘左右👍🏻 其實佢有好多唔同嘅嘢食 但我唔記得咗影餐牌🥺餐牌好多都係有圖片俾你睇住你嗌嘢食👍🏻 今次我哋都叫咗好多嘢食😋 香茅豬扒叻沙 $58越式烤豬頸肉 $62芒街烤雞肉串 $38/3串大越海南雞飯配雞油飯 $68芝心蝦多士 $48/4件牙車快 $58廣寧魚餅撈檬 $55泰原香茅豬扒撈檬 $58蒜蓉包 $38/4片 仲叫左3杯椰汁珍多冰 加配價$12 不過冇影到🥺 因為我係OpenRice訂位嘅時候 打咗係慶祝生日嘅 然後食食吓嘅時候老闆突然間拎咗呢碟 酸辣無骨鳳爪過嚟 我仲呆咗咁樣話冇嗌到呢個🤨 然後老闆話因為你哋生日所以送小小心意俾我哋🤩 超好人老闆👍🏻 良心小店💛 價錢平 食物質素高 真係想推介俾多啲人去試吓🤤 真心推👍🏻

📍大越越南餐廳📮沙田沙角街8-12號花園城一期地下2號舖.又係時候陪🙎🏽‍♂️食佢最愛既越式生牛河喇, 發掘下新餐廳先.今次去咗沙田嘅河畔搵食, 馬鐵站行過去3分鐘左右, 發現到呢間外牆裝修好有特色嘅餐廳, 所以決定入去試吓.大越生牛肉什錦湯粉🐮HKD62🙎🏽‍♂️賣相唔錯, 成碗湯粉望落好豐富, 湯頭牛味濃郁, 生牛肉正常發揮, 用湯既餘溫整熟佢, 牛腩炆到好淋, 仲有大大舊煮到好入味既蘿蔔, 而最滿意既地方係湯粉入面有好多洋蔥同香葉, 加埋青檸同辣椒提起牛既鮮味, 令湯底味道更上一層樓👍🏻美中不足係牛丸唔夠彈牙, 除此之外都無咩好挑剔大越生牛肉牛丸湯粉🐮HKD57💁🏻‍♀️同岩岩果碗唔同既地方就係無牛腩, 其餘都無任何分別, 一樣咁好食飲品·青檸梳打🥤+8天時暑熱, 當然叫返杯凍野飲下啦, 青檸梳打就岩晒, 清新消暑😎越南小食·酸辣無骨鳳爪 +HKD26無諗過跟餐加二十幾蚊就有咁大份, 好似同個full portion一樣😳味道酸辣適中, 入味爽口, 配埋啲生既紫洋蔥食辣辣地好鬼正越南小食·芒街地度煎扎肉+HKD22或者係我唔識欣賞, 呢個味道只係一般, 扎肉嘅質地又唔夠爽口.總括黎講非

河畔花園一帶餐廳好多，要喺度站得住腳都唔容易。午飯時間經過，見到呢間越南餐廳坐滿人，門口仲要等位，就試吓啦，質素都幾高喎，而且價錢合理，唔怪得知咁受附近返工嘅人歡迎。大越生牛肉什錦湯檬一碗麵裏面有齊牛丸、生牛肉、牛腩片，都只係$62配埋飲品，抵啊！推介牛腩片，入口即溶㗎 ！而且牛味濃郁，唔講仲以為自己食緊炆牛腩。生牛肉都唔錯，牛味出眾不過軔咗少少。牛丸就普普通通啦。蜆港番茄蟹膏蝦丸扎肉湯檬蕃茄味湯底都幾惹味開胃，蟹膏味唔算好濃。最欣賞係個蝦丸，食得出係手打，真材實料簡單先蝦膏味，唔係喺出邊食到嘅一般丸。午市時間非常多人，但係出餐速度非常快，侍應服務態度依然好好，值得一讚。下次一定會再食。

約咗朋友過河畔花園食lucnh見個面，最後揀咗呢間之前都試過一次嘅越南餐廳。餐廳環境都算大，週末lunch time都唔使等位，同朋友食飯傾下計都坐都幾舒服。Lunch time有lunch set可以選擇，主要都係以越式湯粉為主，亦有少部分飯類。而且加＄8就可以轉飲特飲！價錢都算好平易近人。呢碗番茄蟹膏蝦丸扎肉湯檬已經係我第二次encore。同第一次食嘅味道差唔多，最鐘意佢係蕃茄湯底入面真係食到淡淡嘅海鮮味，而且蕃茄落得幾足，夠哂味！啲蝦丸同扎肉味道都唔錯，比起普通扎肉多左啲咬口～湯粉可以自由配搭金邊粉／檬粉／河粉，朋友今次就揀咗金邊粉。牛肉肥瘦均勻，而且碗粉份量都唔小，＄53真係幾抵！

番茄牛腩檬粉個蕃茄湯甜酸度啱啱好， 湯底仲有少少芫茜添！再連埋個濛粉一啖送入口。 佢牛腩好淋依一點已經贏咗市面上七成嘅越南餐廳。Sorry太緊張，食咗少少先記得影相。依條黃花魚一睇就知道佢樣靚身材正。 一入口有魚味同魚油香 外皮煎得啱啱好又脆。

火炭間星叻唔錯，但第一城附近明明有間百個好評食肆，怎麼一直看不見？🙄原來位於花園城後邊一個比較暗角的位置，但內進之後，發現都不時有辦公一族進來午餐。看到有海南雞，亦都有豬頸肉，如果食飯就未能試到它真章🤔這次點了個豬頸肉撈檬。不算等得太久，豬頸肉份量也不少，燒豬頸肉果然比起浸湯比較乾但它中間的位置也不算太過乾，還帶點肉汁，兩邊邊皮當然比較乾燥，但烤得相當香脆。不知是否以往在小巴黎的印象太深，現在外出吃越南式午餐，總覺得撈檬的蔥油很少你看這碗撈檬，幾乎沒有蔥油，只有些炸蒜、炸洋蔥、蘿蔔絲、菜絲。因此需要用它桌面多款醬油去撈檬粉以及這些蔬菜絲，才能有味道。還以為越南醬油會很濃味？原來啡色的醬油，定還是青色嘅醬味道都偏淡，它的魚露醬油，輕微辣味，還帶點酸，味道都不算太濃。🤷🏾下單的時候，叫了杯珍多冰少冰，店員說因為是沙冰，因此不能少冰，我感莫名其妙。原來，這裏將冰粒打碎成沙冰，然之後再放入青綠色的粉條，相當可口，平日都很少會這樣珍多冰。第一，椰汁味道夠香甜，冰粒雖然是沙冰，但也不會淡化了椰汁的香氣；第二，青綠色的粉條相當彈牙煙韌，口感十足，比起低級的珍珠奶茶的珍珠更加彈牙出色，令人喜出望外。因

越南美食。風味夠，服務好，久違了的越南菜。老友記生日。一頓豐富的晚餐🥣。軟殼蟹紫米卷好味。一個套餐食得飽飽。真材實料。正！第一次喺度寫食評。好的街坊小店要特別推介。

平時好少過黎河畔呢頭，聽聞都好多好野食咁岩係西貢搭車出沙田又有站就決定黎呢頭食晚餐簡左呢間越南餐廳，餐廳內格局似茶記，不過地方都好闊落，舒服既，侍應服務都好友善，上菜時間亦唔會好耐，抵讚我地2個人，嗌左一碗2人份量火車頭再加2個小食越南火車頭雖然menu上寫明係2人份量，但上菜果時我都比佢嚇親，超級多料同埋份量好大，我同男朋友完全食唔晒麵底可以簡河粉，金邊粉等等。配料就有生牛肉，牛腩片，牛丸，牛筋，牛柏葉，仲有大大舊蘿蔔。真係完全冇諗到會係咁大份，而味道亦不錯，生牛肉唔係完全生咁上碟，本身應該半熟，再浸多浸就岩岩好食得好嫩口牛腩片好淋，蘿蔔入味同好淋牛丸同牛筋就略為普通，而且仲比我見到有舊牛筋有條毛，唔知係咪牛既毛定係眼眉毛 不過除此之外都好好，價錢128, 以份量黎講都好抵食蒜蓉牛油雞翼，46蚊。4隻雞翼都好肥美，亦唔會炸到乾身，十分juicy蒜蓉鋪係雞翼上面，一上菜就聞到滿滿既蒜蓉味肉身好嫩口，價錢廉宜抵讚芝心蝦多士，48蚊。皇牌小食之一，外形似一塊多士夾住中間既蝦肉，但食落其實上面果層都係蝦膠黎蝦多士上鋪滿芝麻，連包底都炸到好香口係我食過最好味既蝦多士不過我地2個人又炸雞翼又蝦多

應該係我食過最好食既喇沙🍜第一次食係食外賣, 湯同粉分開送就唔會過腍, 外賣都可以keep到咁好味真係好勁唔好睇佢好似紅卜卜咁, 連唔食得辣既我都覺得唔辣, 仲好有椰香好濃郁🥰 隻蛋仲要係流心架無骨海南雞肉超滑豬頸肉雖然好邪惡, 但佢整到有脆邊又好爽口, 又忍唔住唔叫想食fresh d都有番茄湯🍅或牛清湯揀有粒粒番茄係湯底, 酸酸甜甜好開胃呢個湯底就比較辣, 配料有扎肉牛腩肉丸等好豐富食完辣野都要飲返d凍飲特飲先爽 菠蘿熱情果特飲($26)🍍椰汁珍多冰($22)🥥荔枝沙冰 ($22)堂食流心拉絲既🧀芝士蝦多士.蒜蓉包🧄同埋招牌春卷都係炸到脆卜卜😋峴港番茄牛腩煲配蒜蓉包 ($118) 既牛腩都炆到好腍好入味 用蒜蓉包點埋d汁食一流馬拉盞灼通菜🥬($28)好大碟, 超抵食晚市散叫嗌到成枱野都係$100左右一位, 下午茶最平$3x有好大碗粉加玫瑰柚子蜜🌹無論堂食定外送已經回頭無數次🤤-大越沙田花園城1期地下2號舖1130-2230係沙田區有外送服務!

好耐冇食越南河粉了⋯⋯今日中午經開沙田，一行三人決定嚟依度食碗 pho 。生牛肉依然滑lu lu ， D湯如果再再再熱啲就好啦，加埋生辣椒🌶️ 嚟食，絕對係滿足！==============================臨走之前，見到牆上啱啱張貼的新優惠，緊係要去 look look 啦，一望之下，下午茶及晚市優惠 （平日）～ $30 一碗 ～ 真心覺得抵（可惜我今日早咗嚟）。下午茶依個價，一D都唔出奇，但晚市 ⋯⋯ 於是問吓份量有冇變，答案是不變！==============================晚市$30 一碗pho ，仲要係大大碗，我真係未食過，生意真的很難做吧 ⋯⋯ 其實望住個優惠單張，我第一感覺並唔係開心，而係感慨⋯⋯

⭐️【沙田搵食】大越越南餐廳 ⭐️聽威爾斯醫院工作的朋友介紹，附近的有間隱世正嘢 - 大越越南餐廳午膳。餐廳地方算大，但係遲啲都可能冇位，午市套餐款式選擇多亦商宜，今日嗌咗午市套餐：海鮮叻沙，有蝦丶魷魚丶蜆丶魚蛋丶魚片…十分足料！湯底椰香甜辣，十分開胃❤️鮮味十足！酸辣無骨鳳爪啖啖肉有趙口，最想番兜的小食是芒街地道煎扎肉，很香又爽口，諗起都想食！餐廳員工服務態度很好，有禮貌，歡迎大家去支持這樣的小店🥰大越越南餐廳📍沙田沙角街8-12號花園城一期地下2號舖

鋪頭裝修同整潔度都唔錯座位間距離都ok 唔會太逼每張枱自帶水杯水壺🫖非常方便🍽豬頸肉河粉/金邊粉呢個價錢有7-8塊豬頸肉連一大碗湯河其實幾抵清湯底有調味香料個酸度已經足夠個人覺得唔駛再落其他調味河粉幼滑有韌性食到埋單都無發生一夾就斷嘅情況好過唔少餐廳嘅河粉豬頸肉加咗蜜糖邪惡但係都係食到唔太想停寫到呢度先醒起應該試吓豬頸肉連湯連河一啖擺入口，酸甜配合應該幾滋味🍽炸春卷廁紙筒咁大條春卷料都非常足，絕無買空氣送春卷情況發生皮脆餡實，唔算驚豔但非常實惠🍽牛肉蝦片一塊大蝦片上面跟粉絲同牛肉碎牛肉碎調味非常好　食完意猶未盡　會主動夾埋盤上面剩低嗰啲肉碎食粉絲係呢一餐唯一美中不足嘅地方　凍凍地又無味💬不過整體算係唔錯咁多樣加埋先$200仲要免加一 超抵食