大越越南餐廳

营业中

休息中

今日喺沙田收工，咁啱有個好耐冇見嘅朋友又住喺呢度附近，所以我哋就搵咗呢間餐廳諗住舒舒服服坐低食嘢🤩海南雞喇沙（ $68 ）諗咗好耐食海南雞飯定係食喇沙好😆因為減緊肥我都叫咗少粉，點知上枱都係超大碗，🍜海南雞份量食極都仲有，喇沙湯底椰香味濃微辣，好開胃😘烤豬頸肉湯河（ $58 ）🥓烤豬頸肉一樣係另上，分量又係超多，仲要厚切🤤🤤通常跟餐都係得四五片咋嘛，性價比真係好高！越南湯河湯底清甜，感覺冇落味精，好味👍🏻蒜蓉牛油雞翼（ $46 ）呢個雞翼本身冇乜期待，點知食咗一啖不得了！🍗🍖超級好味，鍾意蒜蓉嘅朋友一定要試！唔知點解佢個皮係可以充滿左牛油蒜蓉🧄🧈好似用蒜蓉包面嗰浸包住隻雞翼咁😍😍😍另外我哋都叫咗個馬拉盞灼通菜（$28 ）🥬🥬又係超大碗，感覺仲多過阿媽喺屋企煮個碟菜🤣🤣餐廳舒服嘢食又抵食，下次可以再試吓其他餸啊！

😬😬咁岩去到朋友屋企附近，見到沙田圍有呢一間越南野食，就諗住試一試😘值得一提嘅係，估唔到個職員咁好禮貌😍😍好主動咁推薦邊一個餐比較抵食，又問我哋冷氣大唔大！服務一流！因爲套餐冇我鍾意食嘅野，所以我最後都係散叫左1. 脆炸鮮牛腩必試小食，因為牛腩炸到外脆內軟，牛腩唔會有太多炸粉😍而且比較特別，一定要試😍2. 豬扒喇沙豬扒份量好大，食落都feel到有整鬆d肉🤪🤪所以好林，喇沙湯底唔算辣🤭岩唔食辣嘅人試一試3. 海南雞飯海南雞好滑😍😍！不過油飯比較硬，我鍾意麵多d！

搭正12點半一點黎既中午時間黎到已經好多人，坐滿哂，
好貼心咁比左紙巾我地包住口罩
Lunch Set峴港蕃茄蟹膏蝦丸扎肉湯檬 $62估唔到午餐既份量係咁大，選擇左湯檬，扎肉係有五六片，蟹丸都有三粒以上，濃郁既番茄湯入味得黎仲有好多番茄蓉，湯底正之餘材料紮實充足。大越生牛肉雜錦湯粉 $62牛既足料係用到物超所值形容，有生牛肉，牛腩片同牛丸。生牛肉片同牛腩片都好林又好味道，牛丸有咬口又彈牙。除左主吃足料外，連配料份量也絕不馬虎。另外湯底都好好飲，食得出以及証實左湯底係用上牛骨熬製，格外入味。如兩者比較，我更偏好牛湯這一款。午餐加$28 有小食，蝦餅大大件蝦餅，加埋泰式辣醬一向是無敵，爽脆香口。但係28蚊就有咁大件賓在太開心了，而且好有水準，擺切都好靚，蝦餅彈牙，膨脹更鬆化，點甜酸醬一流〒大越越南餐廳 (沙田)沙田沙角街8-12號花園城一期地下2號舖大越越南

今日同屋企人係屋企附近再食呢間大越越南餐廳，因為佢個三寶湯粉同小食都好出色，所以再食多次不過黎野食之前首先就放左幾舊豬手俾我地試，話係新菜式，又真係幾淋幾入味，下次再叫我地叫左個燒豬頸肉好香脆 juicy 唔會好咸 大大份好抵食軟殼蟹米紙卷軟殼蟹新鮮炸起 熱辣辣 配埋清新既米紙卷真係好好食海鮮喇沙個油面好食 好足料 有蜆 有蝦 有魷魚大越三寶湯金邊粉 百吃不厭每次都要叫 有豬扒雞翼同扎肉 配湯粉大大碗 仲有好多洋蔥做配菜 好香好滿足

呢間餐廳已經成為左我地一家成日黎食既聚腳點，一黎抵食二黎餐廳staff好好態度，又坐得舒服👍🏻所以今晚唔想煮，又落街食啦🤗🤗 原來最近出左新菜單，有秘製豬手😍 店員仲好好，每人派一份俾我哋試食，只是老公對豬手不太好，所我我地叫返舊菜式，但豬手好好味呀🥰大家可以一試☺️☺️今晚叫左（胡椒豬肉串撈濛粉$58），有三大條豬肉串，香茅味夠重，帶出豬肉碎既香味，我就最中意加埋個酸汁食☺️好好味 ！之後就係老公最愛既（三寶湯粉$65），60幾蚊有豬扒雞翼扎肉，仲要咁多份量，男人實中意🤣另外勁讚個湯底好香牛骨湯味，加埋洋蔥真係好香👍🏻小食就加左個（烤豬頸肉 $62）燒得岩岩好唔會太老，厚薄適中，好食。今晚加左個（椰汁綠豆冰+12 ）真心中意呢間既野飲，唔會死甜得黎又香綠豆椰汁味👍🏻 果然我地既飯堂係無令我失望❤️

沙田圍都好多小店餐廳，多家都有自己既特色。今次到呢家大越，門口就有好大幅彩色璧畫，好eye catching，令人印象深刻。午市套餐50至60元，包埋飲品，都好抵食。今次點了生牛肉牛腩牛丸湯河湯底好濃，河粉滑又彈牙，叫左多青，好香。餐廳推岀新菜式，免費請食客試食，就是我自己都叫左個小食，就是越式春卷了，好香又脆卜卜。黑椒豬肉撈檬粉，豬肉幾特別而且又香，爽口，配上撈粉真是啱夏天食。飲品有青檸可樂好正呀！

番茄蟹膏蝦丸扎肉湯檬：大量蕃茄，蕃茄味道超級無敵濃郁。蟹膏蝦丸彈牙，四片扎肉大大片有豬肉味。檬粉完全吸收蕃茄湯，蕃茄控一定大愛！香茅豬扒叻沙：油面拼喇沙湯底冇得輸，這個喇沙湯底帶點花生香味椰香，只是有丁點微辣。香茅豬扒剪開上枱容易入口。馬來黑叉燒：這款黑叉燒可算是招牌菜式，叉燒肥瘦均勻，叉燒汁甜甜的黑黑的，自己認為送飯一流！芝心蝦多士：蝦多士其實好普遍，但是有芝士夾心真的很特別，流心芝士和彈牙蝦膠配合天衣無縫，加上麵包面灑上大量芝麻，更添香口！回頭率極高！灼通菜：健康之選！價錢合理！吃肉之時不忘吃菜啊！荔枝沙冰：荔枝沙冰大杯扺飲，跟主菜只是加$12，沙冰慢慢溶化，整頓晚飯食完沙冰仍未喝完。椰汁綠豆冰：椰汁味濃郁，綠豆軟綿綿，口感和味道同樣不錯！

沙田圍真係好多好野食架！星期一至七都可以食唔同國家嘅菜😂 無得飛，今日去左食越南菜當去左旅行😌冷盆酸辣鳳爪酸酸甜甜，味道帶點微辣，好開胃！香炸芝心蝦多士，面底鋪滿芝麻好香口，啖啖流心芝士，內裡蝦仁爽滑，必食呀！馬來黑叉燒用花腩、醬油醃製，叉燒肥而不膩，鹹鹹地甜甜地，同港式叉燒有得比👍🏻馬拉盞灼通菜，健康清甜，加左馬拉盞醬，係健康版嘅馬拉盞炒通菜味道都一樣咁好香芧豬扒喇沙，炸豬扒另上，不會浸淋豬扒。香脆不油膩，偏乾身。叻沙濃郁椰香辣味，面條口感煙韌，有彈性，十足馬來風味。番茄蟹膏蝦丸扎肉湯檬，足料大碗，蕃茄湯底濃郁帶點鹹香，配搭新鮮。左起椰汁綠豆冰、椰汁三色冰、荔枝沙冰，椰汁冰不會死甜，每啜一啖都有topping 。荔枝冰好大杯，甜甜地好好飲，加$12就有，價錢適中。

兩個人吾係好想食太多正餐🤤食左好多小食😬😬😬叫左一個大越生牛肉什錦湯檬，加左$22 叫左個酸辣鳳爪，招牌脆牛腩，牛油雞翼！！佢而家好似係研發緊新口味 都俾左兩舊叉燒俾我地試下😀好中意個生牛肉😍好香牛味！！！佢個什錦係有牛丸,生牛肉同埋牛腩！！！牛丸係好食嘅！！！！！好香好彈牙，係我中意嘅牛丸！酸辣鳳爪好大份 $22 我就覺得幾抵食😀好酸！岩哂我中意重口味嘅😊😊😊招牌脆牛腩係炸嘅，好特別！未食過甘樣整嘅牛腩！！！！好香口！真係同一般食嘅吾一樣,好大件啊！食到飽一飽 好幸福🥰

大家都知道小編放假都會走遠少少去到唔同區到搵野食😗，而今次小編走到好遠去到沙田圍到搵一間風評好既越南餐廳🧐，餐廳名叫「大越越南餐廳」。從餐廳既外觀、餐牌上面既款式都覺得吸引😮，亦應該好受附近市民喜愛。小編一場嚟到都想試一試係唔係會一試難忘🤔，決定入去留下痕跡喇🐾。✦✦✦✦✦✦✦✦✦✦✦✦✦✦🎈馬來黑叉燒 $68一坐低聽到員工講有個菜式推出，其中就係呢個餐「馬來黑叉燒」🍽。先講一講湯河落左好大量蔥花，味道變得好偏向蔥花味😩，亦無左越式湯河應該有既啖啖清香湯底。而湯底亦唔係好濃郁，亦無乜香草同辣椒仔調味😦，小編只好落好多魚露令味道好鮮甜🥺。另外，聽老闆講因為都係啱啱出呢幾款菜式，所以味道同口感都仲要改善🧐，呢一點小編都好認同。叉燒口感太過硬，而且醬汁色澤同味道唔太吸引，仲有啲苦添😢。希望其他朋友嚟食之前都可以改善好啦，小編覺得叉燒可以先切成一件件🔪，咁樣多醬汁既食物又唔會食得好遴迍喇😗。而肉質方面應該係煮過龍喇，真係有啲太硬🥴，無左叉燒肉質感。✦✦✦✦✦✦✦✦✦✦✦✦✦✦🎈餐飲 凍鹹桔水 好多越式餐廳都有鹹桔水🥃，既開胃又幫助消化，食得飽就要飲鹹桔水喇☺。飲落亦有好多金桔肉💦，味道雖偏鹹，

好耐冇食 #越南菜 了，經過這一間位於沙田的大越 #越南餐廳，餐廳門面及牆上的女生油畫吸引了我進去晚餐。餐廳環境好大好闊落，感覺好舒服，隨即店員安排我哋坐梳化位置。餐牌食物的款式比較多選擇，當然不得不試這裏的招牌 #越南檬粉。見到 #古都湯檬 入面嘅配料都幾啱口味，入面有牛腩、扎蹄、扎肉及牛丸，湯底少少辣好濃郁，而且牛腩夠晒入味，肉質仲好林身，配料分量真係好足料，一次過滿足晒我嘅味覺😋另外還叫了一份小食 #椒鹽軟殼蟹，即叫即炸，脆卜卜嘅口感令我食得好滋味，每一件 #軟殼蟹 都好有份量好大件添！飲品熱 #鹹柑桔🍊 可以滋潤喉嚨，而且好濃郁添🤗這一餐越南菜性價比很高，埋單只係$200，感覺值回票價！

呢排天氣好熱都冇乜胃口，就決定去搵越南菜食，去咗大越越南餐廳，叫咗佢哋嘅海南雞套餐二人餐。入面有海南雞例牌一份，魚露生菜，大越火車頭河粉，另外叫咗一個椰青飲。個海南雞好滑而且唔肥，d雞肉同埋雞皮， 點埋特製嘅醬汁，簡直係一流，一啖雞一啖海南雞油飯真係食到好滿足。火車頭粉有生熟牛肉、牛筋、牛腩、牛柏葉、牛展、同埋牛丸，超大碗超好份量而且入面有充足嘅越式配料，夏天食絕對一流超開胃，而且牛肉、牛展、牛筋等等……全部都好新鮮好有越式風味。而最後個椰青就超解渴，飲到最後埋入面d果肉都刮埋黎食，又係好滿足嘅一夜。

放假在家休息，暫時都唔可以去街，不過難得放假，可以罷煮一日咁多，之前經過花園城發現有間越南菜價錢合理，今日決定試下!電話落單，10分鐘就有得拎啦，外賣自取有9折!今日點左香茅豬扒檬粉、蒜蓉牛油雞翼、扎肉蒸粉包同軟殼蟹米紙卷!牛油雞翼香脆充滿牛油香味扎肉蒸粉包同軟殼蟹米紙卷美味，特別一提其實唔係好多越南餐廳有蒸粉包，因為以前搵左幾間都無而我又好鍾意食哩！香茅豬扒脆而不油膩，檬粉份量好充足!整體非常滿意，一定會有下次，不過希望下次係可能夜晚堂食啦

沙田火車站附近，有家大越越南餐廳，路過時被它門口大大個食神GRAFFITI吸引住了。餐廳裝潢簡潔企理，寬敞舒服。越南風的壁畫賞心悅目。生牛肉湯河粉是餐廳的招牌菜，大大碗有生牛肉、洋蔥、銀牙、香茅等多種食材。牛肉新鮮軟腍，河粉好滑，湯底香濃可口。法式牛油蒜茸焗大頭蝦，濃郁的牛油與蒜香滲透到蝦肉里，蝦肉新鮮彈牙，食落好有滿足感。小食拼盆有春卷、扎肉、牛肉蝦片等。我至愛春卷，熱辣辣，脆卜卜，包生菜點上酸甜醬吃到停不了口。三五知已米紙卷拼盤，有軟殼蟹、鮮蝦、素菜等，各有風味，點酸甜汁，酸酸甜甜好開胃。越南滴漏咖啡是餐廳的特色，香濃的咖啡與煉奶攪拌后，口感厚實順滑，值得推薦。總而言之，從食材到味道都Ok，價格也非常平民。

話說沙角呢間越南餐廳取代咗一間我朋友好鍾意食嘅西餐廳，今日終於都有機會同佢嚟試吓。一打開食譜發覺佢嘅選擇都幾多，琳琅滿目，對於有選擇困難症嘅我哋來講都真係有啲難道啊！好多小食我都好想試！一口氣就叫咗幾個小食，最吸引人嘅係佢個芝士蝦多士！另外叫左脆皮鮮牛腩，軟殼蟹米紙卷，再叫咗一碟菜，一碟秋葵，另外再叫多咗一個古都湯檬，越南野一定要試吓佢啲湯檬啦！佢上菜都算快，軟殼蟹米紙卷用料豐富，軟殼蟹大大隻配上新鮮生菜，再配上酸甜又香既嘅魚露醬料，真係好開胃!脆皮鮮牛腩皮脆肉滑，都係上佳嘅食品。秋葵伴魚露味道非常濃味，我喜歡食濃味野既朋友好喜歡，而我就喜歡通菜配上馬拉盞，異常的相襯啊！另外一定要講一講佢個椰汁紅豆冰，椰汁非常之香，我諗佢係用左椰糖整架，極力推介呀！佢個古都湯檬個湯都非常之香濃，配料非常之多，檬粉入曬味，好好味呀！咁又過左飽足既一晚了！