大越越南餐廳

营业中

休息中

去沙田找阿哥拎野後，佢話附近有間食撈檬唔錯，叫我去買比謙謙食，呢個舅父真錫謙，仲記得佢鍾意食撈檬。去到比佢門口大大的畫吸引住，對面馬路望過來都好靚。禁堂唯有外賣回家同謙謙食啦！⚛ 大越三寶撈檬 ～ 有香茅雞翼，豬扒和扎肉， 雞翼和豬扒夠入味和香， 扎肉質感幾好，最抵讚係佢的魚露唔會過酸好醒胃， 又多生菜和青瓜絲拌在檬粉一齊食好味道，謙謙一人KO 哂。⚛ 西頁咖哩牛腩飯 ～ 好似好耐冇食咖哩，今晚唔洗同謙謙 share 即作反一下， 開始以為會好辣，點知咖哩香濃得來帶一點點甜， 送飯一流，牛腩炆得好腍，但如果可以加兩舊薯仔就仲正。⚛ 大越半隻海南雞 ～ 呢到最出名食海南雞就叫返半隻同謙謙嘆， 食落外皮爽，肉質鮮嫩唔會韌，點一點醬汁夠哂滋味， 由於冇骨啖啖肉，謙謙都係咁食 🤗希望疫情快過，可以同謙謙係到堂食啦。