大越越南餐廳

营业中

休息中

《大越越南餐廳》🍤芝心蝦多士蝦多士炸到金黃色，賣相好吸引🤤 炸到脆卜卜嘅多士上面鋪滿芝麻提升香味，加晒分！裡面嘅芝士🧀炸到半溶， 做到外脆內軟嘅效果，主角蝦肉亦好彈牙，整體配合得好好！呢個必試👍🏼.🦀軟殻蟹米紙卷米紙卷質地較煙韌，軟殻蟹亦炸得酥脆，加入青瓜絲同點吓醋汁，中和油膩感，整體唔錯！.🥢馬拉盞秋葵呢個有驚喜喎！首先灼秋葵唔係間間餐廳有，佢地仲可以揀馬拉盞添！特別惹味，呢個又係必食呀😍.🥢烤豬頸肉飯豬頸肉係餓底至愛！呢度嘅豬頸肉飯水準都屬中上，display已經加晒分！鍾意佢嘅飯夠爽，豬頸肉肥瘦適中，加埋調較過嘅甜豉油，正呀！.一直都好鍾意幫襯呢類街坊小店，今次食完印象唔錯，睇食評話呢度嘅大頭蝦都好出色，下次再嚟試試先🤤#eatisfun #hkfoodie#大越越南餐廳#vietnam 🔺🔺🔺🔺🔺🔺🔺🔺🔺🔺大越越南餐廳 沙田沙角街8-12號花園城一期地下2號舖🔻🔻🔻🔻🔻🔻🔻🔻🔻🔻

-{黃店💛沙田生牛肉河越南菜🍲}自從知道越北係唔食得之後就好耐冇食過越南河粉😭隔左唔知幾耐之後終於揾到間可以試喇😍🤤大越生牛肉什錦湯粉🤤 ($62)個碗係正常size嘅1.5倍😂有牛腩片 生牛肉 同牛丸好豐富🥰牛腩片夠淋 冇乜根都好入味 生牛肉肉味濃 唔太肥 牛丸好彈！牛味夠多 冇根😆河粉夠滑冇一pat咁一夾就散嘅問題 湯都夠濃🤩好鐘意啲香葉味😋唯一係差嚿青檸冇比到🥺👖褲評: 8/10🤤越式烤豬頸肉🤤 ($26)有6片 配埋泰式辣醬 豬頸肉烤到邊邊有小小焦香味 配埋面嘅炸蒜勁惹味😍唔錯☺️👖褲評: 7.6/10整體唔錯！平日午餐時間唔洗排 啲野食好快到仲要好大碗🤩不過位置有啲遠👀性價比: 8.6/10服務: 8.3/10環境: 6.5/10🔔小tips: 店員會俾紙寫低資料嘅🙊🚩大越越南餐廳🚩地址: 沙田沙角街8-12號花園城一期地下2號舖

今日放工又係屋企附近搵食呢間越南野其實都食過幾次，難得有得堂食，就入咗去坐低食去返餐廳地方好大，坐得都好放心同舒服食物方便，一般嘅越式粉面，撈檬都會有，仲會有啲廚師特別推介，例如羊腩煲，鹽酥小黃魚，都幾特別我同朋友就叫咗兩個湯粉，仲叫左個炸蝦餅share生牛肉牛腩湯檬：先要讚下佢個湯，湯既味道濃郁，牛肉好粉嫩，牛腩都唔錯香茅豬扒湯河：一見到呢塊豬扒就已經好想食，份量超足，炸得香口之餘又唔油膩，我差唔多食晒成碗湯河，仲有大半塊炸豬扒未食，真係好抵食炸蝦餅：蝦餅都炸得好香脆，而蝦肉都幾爽口呢間小店絕對好味過連鎖餐廳，住附近嘅不妨幫襯下

之前來過大越，D pho (越南河粉）🍜相當出色，於是我哋就再次來幫襯！🤩看到門口有抗疫餐Poster, 價錢著數選擇多，仲有招牌菜！二話不說，落order 先！🤤🐔海南雞半隻（$88）～ 無骨海南雞啖啖肉，雞不肥，但相當嫩滑！配上越南醬汁，更顯鮮味！怪不得係皇牌雞了！🎖咖喱牛腩煲連蒜蓉包（$98）～ 🐂牛腩炆得非常稔，一咬即化！🥖蒜蓉包熱辣辣，蒜蓉又濃又香，沾上咖喱汁冇得頂！ 🍛咖喱汁再撈飯吃，不得了！馬拉盞通菜🥢（$25）～ 份量大，夠哂鑊氣！🔥馬拉盞又香又好味😋

本身住喺沙田，但係都好少去河畔花園嗰邊，今日去探朋友，晚上諗住叫外賣返去同屋企人食，朋友就推介話樓下呢個越南餐廳好唔錯，又好抵食，就一於去試吓。大概夜晚六點幾開始都有唔少人嚟買外賣，屋企煲咗湯，就諗住叫兩個主菜，同飲品返屋企食，質素幾好喎，真係性價比好高。咖哩牛腩煲配蒜茸包牛腩好入味，肉質鬆軟，咖哩汁相當濃郁，蒜茸包浸滿咖喱汁😋好好味！烤豬頸肉青木瓜沙律豬頸肉好有香烤肉味，青木瓜沙律配咗特制醬汁，好醒胃✅我地柯打了一杯椰汁綠豆冰，一杯椰汁三色冰，飲品甜味剛好，本身好怕太甜嘅飲品，所以好啱我口味。而且椰汁好香。呢餐都算係大滿足啊！所以誠意推介⭐️

今晚收工去左沙田圍搵朋友於是就打算買埋外賣一齊食! 經過見到E間越南餐廳有個2人餐價錢唔貴所以我地就決定試下! 個套餐包左一個2人份量嘅火車頭粉, 一個小食同一個灼時蔬, 小妹果陣有d口渴於是就叫多左杯沙冰飲🤣🌟荔枝沙冰荔枝味好香, 味道唔會太甜, 好解渴🌟廣寧炸春卷春卷炸得熱辣辣好香, 即使隔左一陣先食都仲係好脆🌟馬拉盞炒通菜🥬馬拉盞通菜炒得幾嫩, 味道夠好惹味!🌟大越火車頭🍜火車頭份量幾足, 湯汁濃味, 蘿蔔清甜無渣, 入面有生牛肉, 牛腩片, 牛丸, 牛筋同牛柏葉, 生牛肉鮮嫩肉味濃, 牛丸彈牙, 牛柏葉爽脆, 牛筋淡嫩不膩, 湯粉爽滑好吸湯, 整體味道唔錯!

可能冇去旅行太耐，好懷念食越南粉。今晚就去左近沙田圍站的越南餐廳叫外賣。一看餐牌已經被二人餐吸引住，因為有最愛的「火車頭」 ， 這碗火車頭份量多得不得了, 有牛腩、牛雜、牛丸、牛柏葉及牛筋牛丸、生熟牛肉， 非常豐富。當然少不了白蘿蔔的份兒。 鮮牛骨熬製湯底，濃郁鮮甜又不油膩，牛肉選用的美國肥瘦適中的牛肉，完全滿足到我對牛的渴望！海南雞例牌， 雞肉好滑，份量足，秘製醬汁同甜酸醬都好夾。仲有馬拉盞炒秋葵，多數人會揀通菜，不過識食一定食時令的秋葵。 蝦膏及蝦油爆香再燜成醬汁，所以用以炒菜, 味道比一般蝦膏炒更見鹹香!

呢個區域附近都多小店，有時平平哋想食個午餐就會揀啲小店。呢度係越南菜午餐價格非常抵食，性價比高。我哋兩個人唔想食太飽所以揀咗一個午市套餐及散叫一個拼盤share～午餐叫咗烤豬頸肉喇沙$55喇沙賣相非常之靚，而且充滿椰香辣辣地。烤豬頸肉肉質夠爽口，仲有醬汁點。喇沙份量相當多，我哋兩個人食一碗都相當足夠。飲品加$8轉左椰汁三色冰，足料非常滿足。小食拼盤$138小食拼盤有春卷、胡椒豬肉串、扎肉、牛肉蝦片。即刻食咗牛肉蝦片先，非常之香脆，而且牛肉上面有香蔥夠香；胡椒豬肉串夠大串、春卷亦都炸得香脆，扎肉味都唔錯。整個小食拼盤份量都多。

今日幫襯左一間超正嘅，色、香、味 都冇得閒嘅越南菜餐廳。 地點就喺 沙田花園城 因為門口有幾棵大樹的關係所以平時 是頗難察覺的。店主喺門口畫咗一個大大嘅壁畫， 其實都好可愛㗎。由於疫情關係我哋到最後都係選擇咗買外賣返屋企食。 咁啱 舖頭有提供咗一啲 外賣優惠 其實都幾抵食嘅。原來平之餘仲非常有料到， 海南雞係佢地主打嘅菜式， 新鮮嫩滑嘅海南雞。 當然係要 有黃油流出嚟先至係正嘢，配埋越式酸汁，令人流哂口水，食極唔停，肉質仲好滑添。套餐仲可以加各款小菜而今次我加咗軟殼蟹嘩好正呀諗起都想再食多啲 脆卜卜嘅軟殼蟹 鮮嫩好味 新鮮 豐富用心烹調 絕對係無可匹敵!一家大細搶住食呢個酥香可口嘅椒鹽軟殼蟹！一陣鮮嫩嘅黃油雞一啖脆卜卜嘅軟殼蟹， 一個脆一個軟， 簡直就係最佳嘅組合。

今日心血來潮想食越南野。雖然政府夜晚禁堂食，諗起呢度可以外賣, 實在啱哂對食有要求嘅我。必食「海南雞飯」🐓雞肉肥美鮮嫩，每件都起哂骨，啖啖肉。沾埋醬汁真係very good👍🏻「芒街炸蝦餅」🍤即炸熱辣辣．外層香脆，好香蝦肉味。「香茅豬扒湯河」🍲個湯底好好味呀，外賣好貼心．分開放。香茅豬扒都好正。「珍多冰」夠哂冰凍，啖啖都有咬口。「椰汁冰」入口似沙冰，香濃椰汁味，一定要飲。抵食有質數．下次一定要再嚟堂食🥰

大越越南餐廳沙田沙角街8-12號花園城一期地下2號舖黎到沙田，第一眼就比呢個有咁大個、咁得意既越南妹妹既呢幅壁畫吸引住😍😍餐廳睇落的，其實入面都有好多座位坐、感覺舒適😚😚下午茶人均：$50-80生牛肉什錦湯粉 $46湯粉份量十足、配料都好多🤩湯飲落去有陣陣清甜，越南湯粉食落都好滑☺️呢個下午茶餐加$8仲有特飲青檸梳打，非常抵食👍🏻👍🏻酸辣鳳爪 $26鳳爪望落去色澤鮮明，食落去酸辣汁岩岩好襯托出鳳爪既鮮味，加上特製醃蘿蔔，一絲絲既甘甜仲留係口入面，簡直令人齒頰留香，越食越惹味😋😋

朋友住花園城，好耐冇見佢，約佢食晚飯佢話樓下有間叫「大越越南餐廳」唔錯就買外賣上去佢屋企食。一去到就比門外嘅壁畫吸引住，畫得好靚～😍鐵板牛肉切成薄片，牛味濃，加上蔥同醬汁，份外惹味。芝心蝦多士外層有芝蔴粒，炸過嘅芝蔴特別香。多士香脆。兩塊多士夾住熔心嘅芝士同蝦，邪惡得黎又滋味～😋海南雞配雞油飯雞肉超滑！點埋酸酸辣辣嘅醬汁食，更開胃！🤤雞油飯好香，飯粒粒粒分明，唔會太油。雞同飯嘅比例啱啱好👍🏻，送飯一流！

去沙田找阿哥拎野後，佢話附近有間食撈檬唔錯，叫我去買比謙謙食，呢個舅父真錫謙，仲記得佢鍾意食撈檬。去到比佢門口大大的畫吸引住，對面馬路望過來都好靚。禁堂唯有外賣回家同謙謙食啦！⚛ 大越三寶撈檬 ～ 有香茅雞翼，豬扒和扎肉， 雞翼和豬扒夠入味和香， 扎肉質感幾好，最抵讚係佢的魚露唔會過酸好醒胃， 又多生菜和青瓜絲拌在檬粉一齊食好味道，謙謙一人KO 哂。⚛ 西頁咖哩牛腩飯 ～ 好似好耐冇食咖哩，今晚唔洗同謙謙 share 即作反一下， 開始以為會好辣，點知咖哩香濃得來帶一點點甜， 送飯一流，牛腩炆得好腍，但如果可以加兩舊薯仔就仲正。⚛ 大越半隻海南雞 ～ 呢到最出名食海南雞就叫返半隻同謙謙嘆， 食落外皮爽，肉質鮮嫩唔會韌，點一點醬汁夠哂滋味， 由於冇骨啖啖肉，謙謙都係咁食 🤗希望疫情快過，可以同謙謙係到堂食啦。

大越我覺得是河畔花園 花園城一帶做越菜做得頗出色的一家。當鄰近博康乙明邨 只剩下清一色的連鎖店，大越 的確是我會 回頭又回頭的餐廳， 食物款式不斷推陳出身， 例如冬天到， 一人越式火鍋應市上場， 當然還有 四季都啱食的海南雞飯 或是越式咖哩雞， 各種檬粉 ，越式蕃茄牛腩湯河等等， 一年四季 無論任何日子都會啱食。一人火鍋套餐98一支公黎打邊奴 都唔使怕，因為牛肉份量勁多，滿滿的都是牛，不用怕同人爭食, 自己食就最滿足。安格斯牛頸脊片肉質鮮嫩爽滑，脂肪較少。 有咬口而且肉味濃郁。新鮮牛腩片肉多又帶點筋，有嚼勁。打邊奴一流。牛丸牛柏葉什錦時蔬份量超多，牛丸 爽彈有咬口， 雜錦時蔬最不得不提的是自家蘿蔔，已用牛湯煮得入味，你我都會愛。底下還有大量河粉，包飽到 撐住個肚離開。大越牛皇湯不得不提湯底牛皇湯，味道濃香而不過咸，用來灼牛肉，可以讓牛肉鮮味昇華。大越海南雞飯68一人打完邊爐當然要叫外賣比埋屋企人。海南雞飯雞肉份量都多，份量也不少，海南雞咬落皮爽肉滑， 雞肉已經去骨, 飯有雞油香，但不會太肥膩，停唔到口清沅扎肉蒸粉包嫰滑而有米香的粉皮，內裡包住豬肉碎、爽口本耳絲、冬菇粒同蝦米等等。面頭仲

限聚令又要延長多7日，大胃都係疊埋心水適應吓食外賣嘅夜晚，打末日長久戰你地以為大胃嗌佢個炸豬扒？都話不平凡，就當然唔係咁簡單啦，大胃稱佢為越式威靈頓，皆因佢係炸牛腩，外脆內嫩，媲美威靈頓牛柳蝦多士都好實淨，芝士唔會搶fo，蝦肉先係男一，好厚又好味，加埋面嗰浸芝麻，一試難忘雞翼一打開好香蒜味，食落牛油味都好出，而且攤咗咁耐，都仲係好脆生牛粉湯麵分開裝，已加分倒啲湯落去，牛肉仲烚得熟嘅，而且幾香牛味呢間越南嘢雖然個名好普通，但食物卻不平凡