大興餐廳 (第尾牛扒) (已結業)

同朋友去試下呢間野因為我未食過~入到去, 環境好有懷舊feel而侍應ge態度真係令人側目...一路落單一路行黎行去好唔尊重人的感覺仲要比錯湯同野飲, 聽唔切就企定聽人講啦....叫左肉眼扒,但食落一d都唔腍=.=仲要好多筋..../_\總之唔好食啦!而且係冇得揀ge, 一定係薯菜野飲普通, 甜品係雪糕,但完全冇問過你就比左一個朱古力一個venila...咁ge service同質素sorry, 我唔會再黎啦...

我都幾鐘意食第尾ge扒~~由其o係 lunch。點解呢？？其實lunch 同tea ge扒係一樣~~無論價錢同份量。。但有樣唔係ge係個甜品~~~因為如果lunch派晒d甜品呢。就無架啦。。><"所以就一定要lunch食。態度？係差小小架啦。。d人好似好趕甘。。但係呢度都叫懷舊得黎味道幾好ge餐廳~~~我鐘意呢度ge jelly ~唔係太甜。好好味。。。如果接受到佢地ge態度。呢度真係好抵食~~

和很久無見的朋友聚餐,大家都係半工讀,負擔太大了,所以只係食d唔太貴的,見到呢度d lunch set 平均$38(要加一),太餓了,唔想搵,一直地鐵站就係,就入去了.一行3人入左門口,完全冇人招呼,最奇怪係侍應用奇怪ge目光望住你,算,上上層.上到去都係自己搵位,有d座位比較爛(卡位d座位).環境都比較古舊,不過比花園餐廳的感覺好,起碼乾淨d.一坐低就問我地食乜,洗一洗開佢之後佢廿秒唔夠又黎過"(真奇怪,明明佢地好得閒,點解要搞到咁趕?_?)最後3個人都叫左西冷扒,2蒜1黑椒.冇炒飯,淨係得薯菜.......雖然餐牌上2樣都有.先食餐湯+餐包,2者都是正常的質素.主菜賣相一般,味道就其實唔錯,同服務質素唔同,D牛有番咁上下質素,林得黎唔太生(冇得自己揀幾熟),熱度亦剛剛好.不過薯菜真係少左D,每人八條薯條都唔夠.甜品(JELLY)賣晒,冇補償 唔得.凍檸菜冇乜茶味,檸檬3小片,似飲凍檸水.好彩坐多陣唔會俾人趕.主菜GE味道唔錯,不過服務真係好hea,好似唔休做咁,咁都要收加一有d搞笑.個人應該唔會點再去,除非想鋸扒,但又唔想食得太貴就還可以,因為有餐飲,餐湯同餐包,唔洗驚唔飽.始終,

今晚去左第尾牛扒食飯 , 已經係第2次光顧了 !呢間餐廳既裝潢比較似80's既感覺 , 大部份都係卡座 , 都幾舒服 是日晚餐 $68我地一坐底 , 野食都未叫 , 侍應即刻擺底左2個餐包+牛油可能佢覺得我地一定係叫set dinner呱 友人 : 西冷牛扒+黑椒汁我 : 肉眼扒+黑椒汁餐湯1分鐘內送到 我飲羅宋湯 , 個湯好足料好多菜 , 而且睇得出煲左好耐 (因為有d菜已經融融地)令我驚訝既係 , 湯入面竟然右左好多蒜頭碎 , 我估應該係用鑊爆香過既估唔到呢d蒜頭碎 , 竟然令到個湯變得好香 !! 2份扒餐 , 等左10-15分鐘左右有得食 !好香好香呀 ! 用鐵板盛上 , 送上桌既時候仲聽到d "si le sa la"既聲 !(即係d黑椒汁倒上鐵板時會發出果d聲 )不過....我地突然醒起 , 個侍應落單時 , 冇問我地要幾多成熟 ?? 西冷牛扒 : 好似平板咁既一塊野 , 但都幾大塊下 , d肉比較實d , 好有口感肉眼扒 : size比西冷牛扒小一點 , d肉比較林 , 易咀嚼伴碟 : 小量薯條同雜豆粒粒 , 撈埋黑椒汁 , 好惹味 !其實2碟扒既味道好似差唔多d黑椒汁

上個月同女朋友去旺角睇戲下午諗唔到食乜, 見近就去咗第尾鋸個扒一坐低個侍應已經幫我落咗單,唔駛一分鐘仲放低埋湯同包個扒5分鐘就到, 個海鮮焗飯慢d, 都係10分鐘左右 (拍得住pizza hut 買take out)個扒味道真係幾好, 個飯d 汁幾夾味, 但係乾咗少少我一放低刀叉個侍應已經黎收碟, 勁快如果唔計服務同環境!茅屋牛扒的確可以話抵食夾大件

第一次寫食評~發現左呢間餐廳之後就再冇去其他餐廳食扒!因為我覺得真係好味上次食係月尾的事啦!同朋友一次食飯!講到食!去親必定係食黑椒牛柳!d野食同以前一樣好味(因為好耐冇去食啦)個份量又多~又有野飲同雪糕食!不過佢地通常都set定你係要7成黑椒汁!如果落單的時候你唔講!

同男友兩個人食晚飯, 食到一肚氣去到等位, 等左陣一位個樣好惡既亞叔叫我地坐得一邊既卡位, 男友大份, 天寒地凍我地又著得多衫, 非常咁迫. 我見到有空既四人檯, 但以為佢要留比4人坐, 所以諗住算啦. 點知轉頭佢比遲過我地到既一對人坐. 咁男友好聲好氣問該位阿叔可唔可以等後面埋緊單張檯埋完單轉去0個張檯, 阿叔好惡咁一句得埋黎話"唔得喎! 下面排緊隊架!" ok fine. 我們原來頭先無等位. 卒之要去嘈佢先肯比我地轉.service非常差. 食物都唔好得去邊. 我地order 1個T骨, 1個肉眼, 同樣要medium rare. 前者熟到唔恨(起碼9成), 明顯overdone. 後者非常生. 扒毫無肉味, 靠個sauce. 塊扒食兩啖已經上晒餐飲雪糕, 以前會問要咩味既雪糕, 而家當然無! 擺低咩味食咩味, 理得你鐘唔鐘意, 理得你15分鐘食完塊扒後雪糕會唔會溶哂, 熱飲會唔會凍晒.埋單$150. 差唔多價位去食金鳳好過! 人地$60, 塊扒起碼有牛味, 連跟餐既湯都做得好好多, service更加唔使講.

大興我想很多人也知道，就是在新之城的對面那很舊的扒房。店內仍是老樣子沒有什麼戀化，只是聖誕的關係添了一點裝飾。員工態度依然的不算親切應該說是十分有性格，看其他人的食評就知道了其實不是不好吃只是服務不是現有的貼心。但說實在我滿喜歡他們這樣的性格，他們其實還滿好的去了很多次很次，落餐什麼的他們都會自動的走過來，專業得不用紙筆去落單。而且上菜時間也滿好的不會堆在一起。好了~重點是說那牛扒。很舊式的扒房不論陣設到坐位，樓上雅座也是一樣的舊式，其實我真的很喜歡。只是如果四個人座卡位就有點逼了。點了一客西冷扒配蒜溶汁，先是餐湯配著一個暖暖的餐包，然後就是超大的牛扒跟著鐵板上桌，厚厚的但刀子能夠輕易一切下，很軟的但沒有一點鬆肉粉的味道，牛扒滿帶著肉汁，叉子一叉進去那肉汁就要流出來，放進口美味得無話可說那是一種幸福感。吃到筋的部份要稍用力去切，但入口只是比較帶咬勁，但不是咬不開，為那軟趴趴的牛扒帶來一點不同的口感，平常不喜歡吃那些筋位的我也吃得很高興。帶著脂肪的部份更不要說什麼味道，入口就要溶掉似的，那味道真的難以言喻。配菜只是很簡單的薯條跟蕃茄，但蕃茄是靠那鐵板跟牛扒的溫度弄熱的，剛剛好軟了一點帶著

1月1日又放假la，又可以出去四圍行街食野，09年第一個午餐便到這裡食la，很久沒有來了。叫了一客羊扒餐及蝦球湯伊麵羊扒不肥不瘦適中蝦球湯伊麵只有3隻中蝦，伊麵不太淋so good。環境和以前一樣沒有進步過，都是這麼舊。侍應都有禮貌，但其中一位不對客人時便滿口粗言的。

第一次和他們夾歌仔心情都幾緊要 呵 結果我又係發台瘟 唔記得其中一首點彈 呵!唔好意思呢之後4條友八條腿就去左呢度食tea對上一次黎 已經係年半前時 時間真係快快快大家叫了雞翼薯條, 沙律, 公司治, 蝦球e麵阿叔既服務一流 真係惡到嚇死你我個公司治真係麻麻麻麻麻麻麻 係見到友人食既薯條同雞翼比較對板有時唔明d阿叔點解可以惡成咁...

與兩位朋友吃午餐自己點羊仔扒特餐($32)朋友點牛扒午餐($38)紅湯味道比平常吃飯喝的紅湯好附雞翼兩隻及沙律雞翼一般且不夠熱但沙律味道不錯(另..碟是冷的看來是為了盛沙律的緣故？)個人喜歡有羊臊味的羊所以覺得羊仔扒好吃但抗拒羊臊味的就不要試了試了一小塊牛扒沒什麼味道但又不算難吃順帶一提牛扒的大小是大約鐵板的三分二 厚度...大概1cm以$38這個價錢不能不說超值啫喱味道不會太淡就是了服務是差了一點但也不算沒禮貌總結是可以一試但不要太大期望(另收加一)

今日午飯又是一個人在旺角街頭覓食,想著吃完就逛街輕鬆下.今天想去旺角中心,所以去著那邊街尋找吃飯落腳點,走到第尾附近,想到見到食評好壞參半,倒不如進去試一試吧!入門後被指引往樓上坐,一坐下就有侍應端來餐包並問: "飲咩湯?" 因為沒想到連餐也未點就先被問要什麼湯,所以要聽多一次才知他在問什麼. 到答了之後不用2秒已經有湯送到....快到令人驚嚇!羅宋湯一般勒,沒要求入得口就可以.在湯來後侍應還沒摧我叫什麼餐,真令我感到奇怪!後來我叫了午餐羊扒....之後又不用幾分鐘就來了餐飲和甜品o者哩......果然係超速....但熱奶茶的味道怪怪的,很難喝!及後幾分鐘羊扒送來...2塊小小的羊扒沒什麼肉味,只有飯汁有少少羊味,但不至於入不到口.....賣單32蚊....吃了只有10分鐘的扒屋午餐...史無前例那麼快! 勁!不過,我應該不會再去光顧了......

8/11 同皇子又要搵飯吃，佢想吃扒；行下行下就貢左入這間見到好多年，但一直無咩意欲入既店舖。開頭門口服務員叫我地入去，入到去又話搞錯；之後過左陣佢再次叫我地上樓上，皇子笑問上左去會又話搞錯架? 服務員又笑答再搞錯就幫你XX(動詞既粗口)上面既同事。我同皇子即時笑住O嘴，都唔知話佢有責任定有承擔好。上到樓上，我望見張梳化係穿哂隆(我其實好驚D穿隆坐位，會坐得好唔舒服)一坐低服務員已經放低餐包同水；跟住無人催促我地叫咩餐喎，所以可以慢慢睇想食咩。我叫左個T骨餐 $81，皇子叫左個西冷扒$81，兩個餐都係跟牛尾湯同凍檸檬茶；不過就無人問我地個扒幾成熟既。我地等左一段時間，有個加水既服務員問我地叫左咩? 原來我地兩個餐出左好耐，不過搵唔到人認領，所以個扒黎到已經唔係熱騰騰。湯好咸，牛扒好重梳打粉味(已經無哂肉味)，凍檸茶係無味既，朱古力雪糕唔好食。成餐飯眼見D服務員態度，無傳聞咁咁兇惡，仲成日見到個矮既服務員行來行去咁幫人加水(雖然唔多見有人會飲水杯既水)，不過漏單、落錯單既情況就有唔少。

今晚突然有人陪我一同食飯---“肥豬和漲爆”這倆公婆 首選係「宜豐」，但因為無位，所以就改地點，去左都係食扒類既「第尾牛扒」呢度真係咩都快...一坐低唔駛10秒就要落order 跟住第二個10秒內就有餐湯同麵包 飲完湯10秒內就有人來收哂d野 主菜就要多少少時間至到...大約是完成餐湯後3分鐘內吧...速度真係快得驚人 呢度既落單至埋單既速度，真係好配合現今香港咩都快、快、快，講求效率既時代...但其實又真係駛唔駛急成咁呢﹖﹖ 諗諗下...我地都唔係好趕時間啫...哈哈 是晚，我地試左﹕肥豬 歎的「鐵板牛仔排配黑椒汁」，$5X﹕我無試呀，因為我都唔食牛肉既...但我訪問左肥豬，佢話都ok好食，不過就有d “un”，佢話呢個價錢，呢個鐵板都可以接受架喇漲爆 要既「咖哩石斑飯」，$5X﹕漲爆先生好好人，佢分左一塊俾我同佢老婆---肥豬 試食 唔...d咖哩一般貨色啦 香就唔係咁夠香...辣就又係唔夠辣...味就...唔難食啦魚味就一定無乜架喇...但起碼唔係雪味啦 飯就無試到...因為我怕「漲先生」唔夠食啦...哈哈我度過後才叫的「鐵板蝦皇豬雞扒配黑椒汁」﹕我無試到隻蝦呀因為呢樣野我可食可

上星期,難得同男朋友一齊放假,就出旺角行街.當然順便係附近食埋個Dinner.其實都唔係第一次去呢度開餐.不過男朋友無肉不歡,都冇乜其他選擇.時間關係~~~去到都要等位,不過只係數分鐘因為呢間店~~出名乜都快上到去.位都未坐,餐牌又未睇個侍應已經放低個餐飽,即刻問你食乜我連睇都未睇.唔駛咁急.揀好,好似估到你要咩汁.幾成熟可惜,我連有咩汁都未知.個塊扒一落,就問你飲咩我男朋友食得快,但我只係食到一半佢地落埋個甜品~~雪糕我食飽,杯雪糕都溶一半啦!