大興餐廳 (第尾牛扒) (已結業)

雖然午餐食扒好平但係未坐都未坐就問你食咩話諗下先個叔叔就話: 諗下?諗下就諗到出年架啦喎! 之後和朋友點了牛扒餐等等食到尾先發現個鐵板有黑漆漆既穫"NO"仲有d上手食剩既飯....好硬架!真係超噁心!!到走時又miss左salad & 甜品個d叔叔突然唔見曬人問收錢姐姐佢就靜係比返個salad仲話:甜品剛剛無曬啦!咁就算...做得平又有咩用,其他方面都幾差唔會再去再係咁就不如收檔啦～　

服務態度差.食物質素惡劣以為呢間係同花園餐廳差唔多的扒房,點知.....................................入到去,明明有張大少少的枱,點知兩個人要迫O係個一人卡位度,都算,之後坐左陣,O個張大少少的枱咪又係俾兩個人坐,咁點解唔可以俾我地坐呢?再之後,有個卡位有人走,問問個黑面侍應可唔可以轉位,佢回答:「小姐,樓下好多人等緊位呀!」OK,唔轉就唔轉啦,但係麻煩你唔好用呢種口氣黎對「客人」說話!落單,佢地係用記憶力黎落,叫西冷牛扒可以唔問幾成熟,最後係俾5成熟人,頂唔順要佢拎返廚房再整,最後變左10成熟返出黎......等個周打蟹肉湯可以等半個鐘,飲落去仲差過大家樂D忌廉湯,完全無質素可言...個個侍應黑口黑面,我以為入左黑店,完全無禮貌無服務,後面張枱黎左4個人,聽住個侍應催佢地落餐,又因為無寫單而記錯哂,黑椒豬扒變肉眼扒......拎錯俾人仲怪人地講野唔清楚,如果有得俾負分,我一定會俾負100分去大排檔,茶餐廳食野都唔會受到呢種待遇,以後唔會再黎呢間餐廳!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

第一次去"第尾".... 估佢唔到甘好食..... 又大件..味道都好好... 叫5成熟.. 就係5成熟...... 蒜茸汁勁好味... 不過舊薯菜就唔係好店... 得5條超膿薯條．．．　牛尾湯又係好味之選..... 勁大塊　肉眼扒　牛扒!! 　成塊面甘大塊．．　大件又抵食！！

夜晚黎到呢度 8 點零度﹐前面有一對公公婆婆等緊位﹐奇怪點解距地兩個唔入去等﹐入面又無人等緊.. 原來係個侍應要距地0係出面等﹐仲關埋門﹐當然我同男友都唔例外﹐拒客人於門外都係第一次見﹐加上侍應一副唔休做既態度﹐真係幾有性格下.等左一陣就有位﹐未叫野侍應已經放低兩個餐包同牛油﹐但無食到叫左兩個鐵板晚餐($68)﹐一個肉眼扒(蒜蓉汁)﹐一個西冷牛扒(黑椒汁)先黎兩個紅湯﹐幾好飲! 雖然係飲得出有師傅﹐但係好足料﹐我果碗有4﹐5舊牛肉。而且味道唔錯! 開胃之後個扒黎到﹐發現兩件都十分巨型。我地嗌時無講到要幾成熟﹐但男友份西冷應該只有四五成熟﹐我果份就六七成度﹐又未致於有血水﹐但係都算幾生下﹐好彩我地都比較鐘意食生既﹐所以覺得OK. 西冷蒜蓉汁無咩蒜蓉味﹐黑椒汁好食好多. 兩種扒食落其實都差唔多﹐好稔﹐肉眼食落肉質好似較西冷好少少﹐但西冷就較厚. 應該一定有用鬆肉粉﹐但係就食唔出果種化學味﹐以價錢黎講其實唔錯. 薯條都幾好. 之後有雪糕送﹐可選雲呢拿或朱古力. 但未揀得切侍應已放低一啡一白. 朱古力味道很濃﹐有D D 苦﹐唔錯. 雲呢拿食落好似麵花糖﹐有D似雪糕車雪糕陣味﹐我鐘意! 可惜隻羹

2008-8-25今天，我偶然經過近花園街，發現開咗第尾牛扒，開了分店，於是去試吓！我叫咗下午茶餐－味菜牛柳絲紋米『下午茶餐，若湯烏冬或麵收＄24、炒粉麵收$26，另需加一服務費，附帶一提此間下午餐有紅豆冰、雜果賓治，熱飲送埋』。需且，此間舖下午茶餐時段由下午二時正就開始，我眼見其他客人叫咗鐵板餐，出曬煙，不知道此間好唔好味，我有朋友去過第尾牛扒食過（是指近樂園牛丸王那間），她指態度差，故我來咗此間試試下午茶餐，我覺得此間態度過得去，不如朋友說般態度差，可能此間是分店關係，暫時不是太多人知道，不是太忙掛？我既味菜牛柳絲紋米，一見真是不是太開胃，牛柳絲望落好似不是太新鮮，雖牛柳絲入口是嫩，米粉好硬，真是後悔叫咗此碟，吃後可能米粉硬既關係，有點胃部不適，下次一定不會再來啦！埋單共＄29。

同朋友仔出街食生日飯，好友提議大興餐廳.. 咁就入左去試下首先評下餐湯 羅宋湯: 多料 -- 包括椰菜、蘿蔔、洋蔥、少少肉碎. 蔬菜份量多得黎又濃蕃茄味，但可能係茄膏既份量多左少少，變左有少少油.. 但總括黎講都幾開胃 忌廉湯: 同紅湯相反，冇乜料... d 湯太杰，令人有飽滯之感。主菜 鐵板肉眼羊扒 (配蒜蓉汁): 兩塊大牛扒。牛扒約七至八成熟左右，以呢個價錢黎講都算夠大塊夠厚，肉質口感都唔錯，肥瘦岩岩好。但係個汁就太鹹，懷疑可能係翻用，變左蓋左 d 肉味，要扣分。 鐵板羊仔肉 (配蒜蓉汁): 有四舊，中型 size，適合 d 冇咁大食既朋友仔。羊仔肉都係七至八成左右，個汁都係太鹹，蓋左肉味... 但又蓋埋 d 羶味，唔知係好事定唔好事了？﹗但奈何兩個鐵板都係落左汁先上，如果可以變成上菜後落汁... 會過癮好多。因為過早落汁，變左好鹹同埋淋晒。 椒鹽豬扒沙律: 沒有用鐵板上的。兩大塊厚厚的豬扒.. 份量係好足夠，但奈何唔夠 juicy，太乾身，唔夠鬆化... 椒鹽係另外自己沈上去，可以調較鹹度，都幾好。而個沙律以波蘿為主.. 應該位左八成左右. 其餘的有青瓜、薯仔、紅蘿蔔等等，不過佔

話說...一早在討論區上見過“第尾”，原來就系喺我經常出沒的旺角。好，今晚約了朋友吃飯，就去試試啦！一上去，首先已經俾人催落單,跟住先擺咗2個餐包喺臺度。不過我跟我朋友好耐冇見，掛住傾計...中間我地都開始啲餐牌，突然，個侍應話既然我地未點餸，收翻走啲餐包～（驚訝+暈～應該系俾其他臺，也好好奇，是否我地啲餐包都系走人地張臺再拿過來……中間會不會經歷過好多人都口水…..）好，唔理，點餸～我點咗個肉眼扒，我個frd點咗個雜扒，真系大大份！點知，我發現，我個牛扒太生，基本得4-5成熟，還有血水～我先諗起，佢一開始都冇問幾成熟～當時，我已經個朋友交互咗半塊雞扒，即系，我有本身個餐的半塊牛扒+朋友的半塊雞扒。但當我想試試個牛扒的時候，發覺自己真系接受唔到咁生嘅牛肉～馬上通知佢再煮熟啲～個侍應一開始當然不想～仲話已經好熟～系咁嘅！我話：還有血水啊，算熟？好，算佢肯翻整～我馬上拿翻我朋友嗰半塊，諗住一齊加熱，佢一手拿走我份扒。當時，個扒有我個餐的整份牛扒+半塊雞扒。5分鐘後，個餐翻來…發現，冇咗嗰半份雞扒～（勁暈～去咗邊？去咗人地度？）算～不敢追究～就算俾你追翻，都唔敢吃～唔知道系唔系原先嗰半塊！唉

入到去環境都唔錯,不過d服務態度就真係好差..同朋友去到揀個位想坐落去果時,點知個阿叔侍應以命令式又惡既態度:[ 坐果張呀!]( 叫我地坐另一張)OK,冇所謂..但唔該都唔洗咁惡呀!! 叫左個餐之後,連想講要咩餐飲都未講得切 個侍應就拿拿聲拎走晒d餐牌,走左去..好似好趕時間咁食物方面都唔錯,個餐都幾抵食幾飽..但侍應既服務態度 ,真係趕客

今日中午到左這間黑店吃午餐，未上哂層樓梯，侍應已問飲咩湯？心諗唔做咁急呀，我同朋友叫左2個午餐(洋蔥腸仔豬扒飯)，食左餐湯同個包，跟住黎左個洋蔥腸仔豬扒飯，我個碟豬扒已經燒焦哂，唔緊要，我要求唔太高，等我試試用刀整走d燒焦左的黑色野，再試過，咬左2啖，真的食唔落口，我地問個侍應，同佢講左咁樣情況，佢十問九唔應，好似扮聽唔到你叫佢咁樣，我再問多好多次，只係叫佢換塊豬扒咋，腸仔同碟飯不用換，點知大聲一問，那平頭裝男侍應就大大聲鬧交咁鬧你：(係咁架啦，裡面廚房個d全部都係咁。)我朋友幫我口話佢個碟都一d都冇焦，平頭裝男侍應走開左，唔再理我地，佢地完全冇表示，我再找另外一個後生d的侍應問多佢一次，係咪換俾我地，佢又係冇反應，唔通佢地食左藥，聽唔到野，突然之間那平頭裝男侍應走黎，大大聲鬧：(唔好食啦，唔好食啦，同你取消佢啦)一路講一路收哂我碟飯同飲品，我地都黎唔切反應，等埋朋友極速吃埋立即走，佢冇收我個餐錢， 極度唔推介大家食呢一間，食物不太好，食完(係未食完)都一肚氣.......如果你想受下氣，都可以試下去感受一下呢間野仲係用咁既態度去serve客，真係遲早聽執罷啦~~~

可能e排食慣荃灣沙樂美.我會覺得E類餐廳都係平靚正la~所以入了去試試.門面好黑暗.企o係出面,其實都仲猶疑係咪搵過第二間野食算.但我真係好想食個扒呢.坐左o係位,未叫野個餐包就上了.(結果開餐時凍晒,好硬)到叫野ge時候,發生了一件不快的事件.要是心情差一點,我真係想鬧佢.話說同朋友一人叫個餐.到臨尾揀湯時.朋友猶疑左一下要咩湯好時.個waiter竟然走左去!!企返o係佢個"崗位".我同朋友即刻o左咀!算!搵個另一個waiter再叫過.!羅宋湯...普普通通la!(個味會比椰林閣好..)周打蟹肉湯 冇料. 同普通白湯冇分別.主菜,牛柳配黑椒汁 , 海鮮沙律餐.牛柳...兩份大大塊好腍.個味都唔錯ga!海解餐有魚柳,帶子,大蝦....全部都係炸. 但係冇乜雪味,不過不失.沙律用什果.唔係薯仔,比較岩我口味中途有waiter主動加水.服務態度比最初遇到的好得多.個餐有雪糕跟,仲有朱古力同雪尼拿 兩種味. 好滿足....咁ge 價食到咁多野.都係唔好要求咁高 會比較好......

三人光顧侍應即時送上三個餐包加三杯水經他們不斷的催促我們點了:雜扒餐蕃茄火腿燴意粉燒雞肉沙律由於我們只點了一個套餐,拒絕了'加十五元轉套餐'的建議他隨即用手將兩個餐包放在餐牌面拿走試想想那個餐牌會有多骯髒下一手吃這餐包的人......?我們面前這個餐包又......?大菌食細菌，點點牛油，把餐包吞下雜扒餐附送的羅宋湯，茄味濃，味精更濃雜扒有火腿，煙肉，豬扒，牛扒，薯條，腸仔，加上黑椒汁，惹味～燴意粉－特多火腿和汁，味道可接受燒雞沙律－一層罐頭生果沙律上加上燒雞肉，再加上一大片罐頭菠蘿．廚師刻意用上沙律醬再在上塗出網狀圖案，這多餘之舉令人嚇驚，沙律醬絕無黏性，能一條條整條拆出來，不禁懷疑沙律醬放置了多久－－－千萬不要點沙律－－－上兩次點了神戶牛柳都是不錯的下次再來都會是因為他們的扒餐，學懂了！

呢間野既服務態度超差個日同朋友去食係下午茶時間本身自己食左野, 陪兩個朋友去食,,入到去先知淨飲,淨坐 20蚊諗住同個fd 一齊食.share一個都唔得咁只好叫個下午茶啦。咁我就講好要紅豆冰之後俾錯野..又大聲夾惡話我地叫錯'個樣好似殺人咁 ,,又眼啤啤。下次點都唔會再去囉就算有幾好食都冇用啦我寧願俾多少少錢去第二到食啦。

i think this is called 芧屋牛扒...isn't it?as for the food....I think it's just like conventional restaurant, not bad but never a good one...The sirloin I ate was kinda tender, but I guess they used Soda powder to make it.

舊同事介紹話依間野ｄ牛扒去食，咪去食下囉，點知就食到一肚火，入面ｄ人簡直係冇服務冇禮貌！十問九唔應，ｄ湯送到過黎天一半地一半，係入面做野ｄ人好似啞甘架

其實我也分不清這間應該是叫大興餐廳還是第尾牛扒. 看外表以為是高檔餐廳,但原來只是間茶餐廳.Set lunch點了豬扒意粉,一般茶餐廳食物的味道. 我覺得那杯花奶o者喱才是最特別; 那個懷舊的軟膠o者喱杯令人想起從前... 陳舊的裝修也可算是特式之一吧...看其他食評大多不滿其衛生與服務水準,個人覺得都接受到(除了那加一服務費). 看店內的殘舊程度應該都有好一段歷史,相信那些侍應都做了很多年,還是不要期望太高吧...