大興餐廳 (第尾牛扒) (已結業)

係度食過兩次咁大把,兩次都係食鐵板牛扒既.第一次食既係牛扒,個扒都算ok. 生熟程度適中. 個黑淑汁都ok既. 第二次食果個係雜扒, 講真無牛扒咁好食, 只可以算係一般. 值得一提既就係d伙計好似趕時間咁,如果你重視服務態度既話,你就最好食第二間啦. 至於個環境方面,我覺得都可以接受. 價錢方面, $70 可以食到咁大塊扒,仲有雪糕同餐飲同餐前包,都叫抵食既.

大家如果抱住一個茶餐廳既標準去食既話，咁都OK既，起碼羅宋湯都叫做有好多菜。幾廿蚊就梗係食勁重黑椒汁味既梳打粉無牛味牛扒架啦，唔通可以食到和牛級數咩？服務？唔駛你親自入廚房拎野都已經算好好架勒。

係度食扒…味道：一般價錢：平囉服務：''有型''，叔叔侍應不用落單，只靠腦記…粗豪的外型+聲線+服務態度…令你難忘講完P.S: 要求優質服務的請別來~

昨日，約了阿妹到旺角吃飯，咁就順路入左呢間餐廳食嘢，一入去，感覺環境好暗、懷舊，一坐底，都未諗到食乜，就有個侍應企係側邊就問:「紅湯、白湯?」，我都未嚟得切反應，就要答佢，真係犀利!!之後佢地出食物都出得快，白湯味道一般，咁我叫左個粟米'石斑'飯 ，d白汁太少，個"石斑"既肉質似"龍利柳"多d，凍檸茶味道ok，仲有個啫喱加花奶，都幾好味。我地差不多食完，就有個侍應好快咁收晒d碟、杯，好似趕客咁，真係想坐多一陣都唔得，食完好走喇!!希望佢地改善下d服務態度啦!!

星期六中午，這裡很旺場，一樓二樓都座無虛席。難怪的，這裡的午餐的確抵食，款式多，最昂貴的鐵板牛扒連加一亦只是40元，比到連鎖快餐店吃鐵板餐還便宜，更有湯、餐包、鐵板主菜連薯菜、炒飯、餐茶和甜品。餐廳內環境昏暗，暗紅色的牆壁、深綠色的卡位，很有港式的懷舊情調，就是在粵語長片和七、八十年代的電視劇中出現的那種西餐廳格局。甫一坐下，侍應首先做的竟然不是遞來餐牌，而是端來餐具，同時問我「喝甚麼湯？稍後才給你菜牌吧。」稍後，餐湯、餐包和餐牌是同時端來的。主菜是黑椒梳打粉牛柳，肉質算嫩滑，切開的時候仍然可見牛排外啡內紅的層次，不過當然不能期望這裡的牛排帶有很鮮很濃的肉味。其他食物味道不過不失吧，除了凍奶茶味道苦澀以外。到這裡吃餐，不要太執著於傳統上菜次序的規定，否則一定會失望，因為侍應們不理會上菜次序的，當你仍然享用主菜時，甜品會突然出現於你面前，甚至連餐茶都同時端來。

呢間餐廳雖然價錢平.不過服務態度差到無人有.食左咁多餐廳都未試過服務態度咁差...........有次同個fd去食.面包梗到無人有..侍應走去廚房唔知做咩用手指搞餐湯..個餐30分鐘都未黎,,跟住我地問個侍應.十問九唔應..好似扮聽唔到你叫佢咁樣.跟住同佢講完...佢幾個侍應圍埋一齊陰陰嘴笑咁望住你.但係個扒依然等左好耐好耐都未黎..我朋友果次食完仲肚痛.............今日去旺角行街見就腳再去多次.我叫個牛扒餐.佢唔問我幾多成熟.....黎到既時候成塊都係血.仲要塊牛扒跌埋落個鐵板到.成塊好似牛根咁樣.刀都切唔開..食都食唔到.你同侍應反映.服務惡劣....佢地十問九唔應..點知一問口就大大聲好似鬧交咁鬧你:極度唔推介大家食呢一間..食物不太好...食完真係一肚氣...........

12:45入到去上樓梯坐低等埋朋友唻先叫飯.一路見到越來越多人上唻,13:00朋友到咗,叫嘢食,一個2號(xxxxx豬扒意粉)一個4號(黑椒肉眼扒),飲乜嘢?熱檸水,熱奶茶.等等等........一路等一路見到d伙記非常唔老脾咁招呼d客人, d人想落單,佢地就"等陣...等陣先啦!!!"從未見過咁惡嘅伙記.d伙記一人拎住幾碟嘢,幾杯嘢,係咁派碟,我睇到定晒眼,我真係比較少出街食飯,我個friend食過好幾次都見慣,話"其實似茶餐廳,仲衰過添呀."一直等到1點3,4個字,催咗兩次單,個主菜仲未唻,有位阿叔伙記埋唻拎住個餐牌問我哋食乜嘢餐,我個friend話:叫咗,好耐都仲未到.阿叔問:你講咗先啦!!! 我個friend up 咗1,4,我更正係2,4."1,4定2,4呀???"(係大聲嗰隻) 服務分我想俾0囉.結果,再等咗一陣,主菜終於到.全餐廳都好嘈好多人,十足酒樓咁.環境分係俾個懷舊裝修,nothing else.味道麻麻地啦,都冇咩特別,意粉少d咁囉(唔夠飽,我朋友俾d飯我),個包係唔熱嘅.衛生,我見到佢哋用五隻手指去拎起四杯嘢,唔知係收檯定係俾人飲喎.午市套餐:餐湯,餐包,主菜,

唔會特別好食,但價錢黎講都算ＯＫ。

上星期六朋友介紹，o黎o左呢度。佢哋話o的羅宋湯好掂，自不然要試o下，好彩都冇令人失望。(不過張相影得比較恐怖...)叫咗鐵板神戶牛柳？！係咪真正o既神戶牛我唔知。不過，縱使係神戶牛，都係 cheap 雞神戶牛o羅。冇乜牛味，肉質勁淋，勝在大塊o羅。反而o個個雜果沙律好新鮮好味喎！如冇特別心水都可以o黎o下。專登就唔使喇！

幾日前與友人第一次去此餐廳, 食完後真係好鬼沖動要叫 d 親朋好友唔好去呢間野.1. d 扒 真係麻麻 ; d 湯 都可以講係難飲, 個 bread 唔敢食.....有咩理由我未坐低已經見到個 包 放左o係台面, 都唔知係唔係上手唔食留低俾我. 感覺唔衛生.2. 服務 ~ 有乜理由係咁幫你決定幾多%熟, 7乘係嘛! ~.~'' ~ 黑椒汁呀! ok!.......嘩然, 好彩我無發夢, 即刻話 no........我好憎食黑椒, 個 waiter 真係......好幫你話事囉.3. 價錢....未食之前都 ok, 但食完就覺得唔得, 唔值, 老實講........~ 如果計食裝修 - 沒有~ 如果計食服務 - 真係差到無人有~ 唯一可取既係........諗唔到我有時真係唔係好明白其他食家會寫得出手讚揚呢間餐廳, 但我都會尊重他們, 只希望做人要過得到自己, 多謝各位朋友看此食評 !

啱啱同FD行完街...醒起我呀姨介紹既呢間鋸扒餐廳。於是同個FD入去食...因為大家無食Lunch太肚餓既關係...我地6點幾去到。全店都無咩人，我地坐上面。一入去覺得好有七八十年代Feel..本以為一直走在潮流尖端既fd會唔鍾意既..呀..點知佢又ok喎...我叫左個雜扒餐，而朋友就叫左個肉眼扒餐。跟住我地一叫完餐果一秒後，就即刻有包食.....我就覺得呢種禁快既服務好正啦~因為我地兩個禁啱就係超肚餓!!!哈哈..於是即食包。包係熱辣辣的，附上大快活果隻牛油。不錯呀~之後，食我地差唔多食完既途中，又隨即奉上湯。我飲既係羅宋湯，而朋友就飲忌廉湯，兩碗都係出曬煙錦，而且兩碗都好滿下，不錯不錯。到我地差唔多飲完湯，主菜又即刻到。我地分別叫既兩款汁都無錯到，我既係黑椒汁，而朋友叫既蒜容汁，試左朋友既肉眼扒，好好食，D肉好嫩，但係我就唔係好食得出蒜容味，唔知係咪比我既黑椒汁蓋過左呢~而我既雜扒就有豬、牛、雞、厚火腿、煙肉、腸仔.....本身以為會無牛扒，結果發現有埋就覺得幾正。但塊牛扒就一定唔夠朋友既好食，不過都唔差!!又係幾嫩~跟住待應見我地差唔多食完果陣，就問我地飲咩~Good呀!!完全唔

午餐來食牛扒平過晚餐好多,超低!黑椒汁牛扒套餐$68,其他餐只是$28.1]餐湯+餐包: 羅宋湯好好味,湯料夠多,真正的羅宋湯.熱飲超正,但有時人多便不夠熱;包會放在微波爐叮一會,所以會軟,牛油是一小盒的,不是雜嘜.2]黑椒汁牛扒跟薯菜或飯(無得跟意粉): 真正黑椒汁,薯條就算不脆都好味,牛扒軟口有彈性,食過無數次都無鞋口.正呀.3]甜品啫哩: 晚上可改為雪糕.像家中所做的,不錯.4]餐飲: 凍檸茶我必定要少甜.這裡的侍應好有性格.有些人會覺服務不好,但我愛這有性格的'老伙計',他們好有記性,身手敏捷,醒目.近排有班後生的伙計,沒有老伙計好,完全相反,無記性,手忙腳亂.後生伙計會留單的,老伙計見我們的主菜很久未到,便主動跟進.欣賞老伙計'的速度,我們一坐下他便好快記單,我還未說完他已走到老遠,別以為他不哩你,他耳聰目明,他只是去了拿餐湯給你,見你食完主菜便上甜品.真是後生的不夠老的伙計叻.

老牌港式扒房, 晚餐曾幾何時是試過的, 但印象已很模糊. 今日中午要同家人去旺角, 午餐在沒有太大意見下選了大興餐廰.裝修可能是十年如一日, 狹窄的通道, 古老的卡位, 以及位位年逾半百的伙記, 無不在提醒你這餐廳歷史的悠久. Set lunch是出奇的便宜, $28, 還有四款選擇: 豬, 牛, 雞扒及焗海鮮飯.二話不說點定了最愛的焗海鮮飯, 家人就選擇了肉眼牛扒及豬扒拼珍寶腸. 先端上來的是餐湯, 來到這些有點歷史的餐廳例點紅湯, 這裡的一點沒有令我失望, 材料十足而且味道正宗. 焗海鮮飯可能是午餐關係, 份量比正常的較少. 但味道及材料仍交足功課, 包括魷魚, 蝦及魚柳. 芝士的份量亦恰到好處, 沒有太漏的口感. 焗飯是炒底, 焗的時間掌握得很好, 沒有脫水的現象, 整體相當出色, 餐得還有甜品及飲品.下次再來的話, 我仍會選擇午餐的時段, 因為在旺角來說, 這個價錢可能在很多茶餐廳也吃不到一個似樣的午餐, 實在抵食!

在旺角第尾牛扒晚餐，點了一客肉眼扒餐和牛柳餐。套餐除了主菜之外，還有麵包、餐湯、餐飲和甜品。肉眼扒又厚身又大塊，肉質彈牙而不刃，有牛肉味，火喉剛好，肉色微紅。鐵板上夠熱騰騰，蒸氣四逸，配黑椒汁，簡直口水直流。愛吃血淋淋者另當別論。牛柳比較軟身，有另一種牛肉味，可是不及肉眼扒好吃。餐湯點了羅宋湯，伴著牛油餐包，很開胃。餐飲點了凍奶茶，保存傳統的味道，不會太多糖水。甜品是朱古力和雲尼拿雪糕，朱古力較好。價錢方面$68合理，一般茶餐廳沒有這個水準，連同級聞名的花園餐廳也相形見拙。吃過第尾，根本沒有理由再去快餐店鋸扒。

同屋企人出開旺角行街，想食西餐。於是想起之前曾經同朋友離過呢到食過牛扒好正，就決定左離呢到。好中意佢保留住傳統港式豉油西餐廳既風格。先講服務方面。來這裏食飯，千萬別期望會有甚麼服務可言，傳統的豉油餐廳本身就不是sale 服務的吧，否則只會自己受氣。侍應們雖然對顧客態度相比起宜家好多餐廳差好多，但正是這裏的特色之一。而且雖然沒甚麼態度，但工作效率絕對值得欣賞，好多出面d餐廳服務態度系好好，但做起野上離苯手苯腳咁。見上面好多人都話服務差，呢到根本就唔系有服務既地方。食物方面，要左個西冷扒餐。西冷扒做到我要既4成，肉汁都算系jucy既...八十幾蚊大大塊，算系咁啦。媽子要左個焗豬扒飯，佢話咁多年離水準都依然系咁好。痴左一舊仔豬扒離食，好林﹗﹗﹗好好食....至於阿妹的肉眼，$68離講我覺得系超晒水準。相比起日漸退步既同行花園餐廳，呢到實在更食得過。食完餐，侍應們會自動自覺問餐飲+奉上雪糕，餐茶要了凍檸茶，雪糕要了朱古力^^ps.呢到始終系一d老牌既港色平民豉油餐廳，根本不是甚麼高級地方，正如你去地mou茶餐廳食野冇可能要求人地有半島既服務。咁只會是自己受氣的吧......