大興餐廳 (第尾牛扒) (已結業)

昨晚又跟男友來這兒晚膳。我們二人各要了蒜蓉西冷和砵酒牛(加$15 轉了SET)。今次的羅宋湯好好味，冇上次咁甜，有少少辣，而且好多，分量剛剛好，唔會飲完就好飽，食唔落主菜。砵酒牛其實應該要改名為西汁牛，因為除了有砵酒味外，個SAUCE真係好似快餐店種西汁，不過當然比快餐店好味得多，牛依然入口即溶，但今次有一小塊過老，男友的西冷個汁好掂，勁香蒜蓉味，但塊扒就差了少少，肉質鬆散，同太多筋。最後，男友想將餐飲轉黑牛，點知那位叔叔說轉黑牛要加錢，佢教我︰餐飲要可樂，雪糕要朱古力味，然後兩樣一齋上，咁咪一樣囉！虧佢想得到，真係佩服~~~~

D紅湯一定要TRY食扒就食黑椒汁.. .好正但甜品一家係云尼喇雪糕我唔食云尼喇雪糕GA~

這類鐵板比花園餐廳好就人人都知.不過今次講講服務態度waitor 很粗魯,有次我帶友人來,友人立時被粗魯的「要乜? 食乜? 仲有無?」所嚇到,曬手是不會再來.waitor 放杯,碟時沒有減慢速度, 要預先掩耳,哈.他們常常像急時間般的,我估是唔憂做的心態下培養出獨特對客人的爽快真性情.別人覺得他們不認真,我卻喜歡他們的坦白食過扖後,我那朋友說:「味道真好,其實都可以再來既」你認同嗎?

跟花園、星加坡…一樣，很有風味，侍應是上了年紀的阿叔，好有格，好好服務，不時會住個水壺四圍加水，是次晚上要了一個SET DINNER(西冷牛扒)和一客砵酒牛，西冷煎得好香，但肉味唔多夠；牛個汁唔覺有酒香，不過好好味，牛真的有入口即溶的感覺，配上大量薯條和雜豆，超滿足。不過我覺得最過癮係個餐湯，從來未試過O的羅宋湯會咁甜，好似落糖去煲，但又一點也不覺溜，厲害，一個SET有湯、有包、有茶和甜品，連加一也不過$70，夫復可求？

上個月食過2次隔佐中個week ga ja, 第一次食扒餐,而第二次食飯餐,d湯okay , 而個飯餐d cheese 好好味呀, 唔係普通茶餐廳o個d , 而且價錢都合理,原來呢間o野的外表好似好新似高級少少o個隻但係原來入面係好有懷舊feel ga,好耐都無去過呢d 餐廳食飯luu~況且好食過金鳳好多倍tim~

我住屯門, 但每個月都總會來一次昨天放假, 又來了, 今次同女友一齊我覺得呢度d扒真係一流唔使一百, 已經可以食到好飽, 又好好食扒王之王, 真係叫佢行埋一邊又貴又唔好食不過, 店內環境比較舊, 唔係人人都接受到但侍應極有效率, 一個人可以五個鐵板餐, 勁!

我成日都上去食..我上左去成十年喇..一個星期都去1至2次.d牛扒好正..好多野都好食.waiter 好勁..一隻手攞好多野..唔似得扒王之王呀..金鳳o個d得個名.一d質素都冇..好似用錢買d垃圾比自己食咁

大興餐廳我讀書時已經有架喇﹐都幫襯過不少。上星期同好朋友來買DVD錄影機﹐出左地鐵站﹐就馬上想起佢。不過個招牌變左小小﹐係大興上面寫住「第尾餐廳」﹐幾攪笑。其實幾開心以前去過的地方重響度﹐可以懷念一下。上到去﹐咦﹐D裝修一的都冇變窩﹐先上一條樓梯﹐通常你未上到去﹐侍應已經問你幾位。暗暗的燈光﹐綠色的皮座椅﹐而家就叫做懷舊﹐其實係一切照舊。連個餐牌同價錢都照舊。午餐最平$28﹐貴的$38﹐真係冇變窩﹐唔知點解好開心﹐好似番番舊時果陣。我叫牛扒﹐黎到可能太開心﹐吃第一舊都重OK﹐之後就發覺越來越難吃﹐食左五分一都冇。好朋友個雞絲通粉反而變得好美味﹐我不停咁食。最後我發覺﹐原來的牛扒冇變到﹐同以前一樣咁﹐只不過我大個左(好多好多)﹐要求高左(好多好多)﹐所以覺得佢難食。佢冇變﹐變的﹐是自己。

應該係七八十年代的高級餐廳,播埋d n 年前的歌,牆上掛住d發晒黃的香港相...但食物,環境,價錢總算唔錯la餐包夠熱....但未叫餐就到..快左d點了:1)海鮮沙律餐, 沙律超多,成個大碟有沙律,2隻炸蝦,2隻炸帶子,一大塊炸石斑魚柳...細食d都真係食唔晒2)黑椒牛柳餐, 7x熟仍有肉汁,牛肉都淰但唔會好似金鳳咁冇晒質感...幾好幾好餐湯的羅宋湯~~足料餐飲可以要紅豆冰~~~ok

都幾抵食!我食個set lunch 都係40蚊.我叫左個芝士大蝦焗意粉.忌廉湯味道都唔錯.但感覺落左好多味精.d意粉就ok.d蝦都幾好味!又大隻又鮮味.d雪糕都ok,但有d甜得滯.整體黎講都唔錯.但係個waiter就麻麻地.好似黑口黑面咁.

我一向都幾like食牛. 而大興之前係一間茶餐廳.上次我同我男朋友去. 味道好, 好大塊. 總體係不錯. 不過環境一般我發覺呢間既waiter 都好勁, 一隻手可以拎3 碗湯

某日黎左mk,我frd想食西餐,就黎左呢度据扒~個招牌好似係新wor~叫"第尾牛扒",又會咁攪笑既~~先個環境,衛生...就...好污糟...我唔敢飲果杯水...之但係service唔差架,d waiter係會理到我地叫左兩個鐵版午餐~羅宋湯好好飲~有蒜蓉~不過應該係放左好多味精...見到我地飲晒d湯先會上扒~要讚下~~黑椒牛扒,都幾好味既~(可能係我肚餓)而果d jelly...食都唔敢食...不過兩個人$80,算係食得過架喇~~~*

Too bad for taste, service and cleanliness. I will never go there again.

呢間餐廳係值得一讚0既平呢，湯又可隨意轉，冇FIX死，餐飽又係熱的，唔算特別，不過有懷舊味道。扒就真材實料兼俾足份量。個什扒勁到食唔晒架。餐飲凍飲唔洗加2蚊又有雪糕當甜品，我比較喜歡VANILA味。65蚊算係超值，個人絕對認為好味過金雀好很多。

其實我時不時都會去大興食,因為中午時候的午餐,快餐,扒餐都好平,而食物質素相當不錯(尤其是羅宋湯極之好味),但環境同服務就一般啦,晚上o的人就食扒餐多,暫時食扒來說,大興可算是最好的一間!