大瀛喜日本料理 (已結業)

今日星期三 突然想食放題 就上網搵到呢間 便約同朋友一齊嚟6:30到達 咁諗住拎張飛等埋朋友先入 個女服務員同我講可能要8點半後先有 咁因爲都想試下呢間 咁我地選擇照等啦 張飛係8號飛3人枱我一路係佢隔離睇 的確好多訂枱 講緊有50-60張或者更多啦 咁都好明白人地有訂優先都係正常等左兩個鐘 我留意左好多「趣事」有人話訂左枱 佢話咩訂枱碼2324 跟住女同事同佢講 我地d訂枱號碼全部7字頭/8字頭 跟住個個人問多兩次又比佢入左起碼有4枱以上 無訂枱號碼 check唔到有呢個電話號碼有訂過枱 但都照幫佢寫底可以優先我呢刻心諗 早知我扮有訂枱啦 求奇比個電話號碼 又唔記得左訂枱號碼就可以打尖訂枱遲到半個鐘又有得補番 其實不如直接全部做訂枱唔受wall in啦亦都見到好多book左7點半即人等到8點都未有 而時個位女同事 2個鐘唔同問題都係答 未知等等先 真係冇第三句 不如放自動廣播算啦 睇見到辛苦哂終於到嗌wall in喇 一次過入左5-6張2人枱 過一陣都係入2人枱 岩岩有人行過話2位等幾耐 女同事話2位唔洗等上得去嫁喇 叫到38號飛都係未到我地8號飛我明白2人枱坐唔到3個人 但係咪真係

好耐無食放題啦！但係爸爸媽咪話想食，咁梗係陪佢哋啦。。呢到既魚生唔錯，好新鮮，個人覺得最好食既係赤海蝦同埋三文魚！赤蝦又爽又彈牙。三文魚夠晒肥美鹽燒三文魚迫晒d油脂出黎，好香口。佢既左口魚壽司都不錯，幾特別。我好中意佢地呢到既炸物！尤其是一口三角芝士！！雖然無拉絲，但超濃芝士味，一食上癮，食左4-5粒都仲想繼續食>< 其次就係榴槤炸彈，出面係用糯米粉包住，入面係超香既榴槤溶，正呀！最後就係炸鮮奶，好香奶味，口感好過癮，sofar係出面既放題未食過，幾特別！而呢到d芝麻雞翼都係我既心頭好，我見格黎枱一點點左十隻，哈哈！雞翼熱辣辣，又香又多汁，真係停唔到口呀~最後佢呢到既甜品都好多選擇，我樣樣都叫左d黎食，但最中意都係佢個心太軟，雖然無流心，但係軟心，超濃朱古力味，忍唔住食左2 粒。串燒都有好多選擇：最鐘意牛舌！呢間放題星期四夜晚9點去食都好多人，我諗想食既都真係要早少少去了。

朋友係英國番左黎，就約左夜晚去刷餐勁既我地9半入座，好似仲有8折添！店內裝修還不錯，係就係迫左d, 不過係香港地，算係咁啦。呢到既wasabi超級辣！唔食得辣既朋友落1/3包就夠啦。好多魚生簡呀！首推係赤海蝦！！！真心超彈牙！通常放題都只係得甜蝦，呢到有得食赤海蝦真係好surprise! 劍魚腩都超甜超好味 珍珠赤貝就比較細粒。芝士饅魚卷都係必吃！呢到既手卷都好迷你，大約手指公咁大，唔會食完之後超飽。迷你心太軟超正！！一啖一粒，勁濃朱古力味仲有我至愛既烏龍茶，唔洗驚飲汽水飲到飽

為食朋友聚，放題就最岩！刺身蝦都點幾款，大蝦、甜蝦、仲有生蝦，特別係大蝦新鮮爽口，啖啖肉 ！而必點的三文魚、北寄貝 鮑片、 榮螺，整體都新鮮，唔似雪左好多日，一浸雪味咁！帆立貝都好有口感， 而素鮑片黎講唔會話好薄身！蟹棒 大蝦天婦羅 炸物黎講炸粉算薄 咬到肉多過粉！金磚炸鮮奶 一開始可以先點 S版 ''星級海鮮宴 '' 需時會耐dd 15-20分鐘！好多都好惹味，芝士蒜香牛油焗虎蝦 黃金炒海蝦 瑤柱海鮮粥豉椒炒大蜆，成碟蜆，有肉無沙！清清地點返個牛肉菜鍋 ，湯底清清地 ，有點壽喜燒的味道！甜品我就放到最後先食，因為最愛食的放最後！焦糖燉蛋焦糖面燒得剛好，蛋味濃，好有心思！而家放題除左食物質素外，好多都將甜品質素提高！

文華商場都幾多野食，同朋友行完旺角就上去睇睇！上到去暗暗地既環境都幾舒服！食放題我好小叫手卷/壽司 因為飯會易飽，而呢間既手卷係好細卷，當然海膽份量相對都唔多，但夠新鮮！食完之後，仲可以試多幾款！E1版：壽司的確吸引，小點壽司既我都點左黎食！醬燒珍寶蟹棒啖啖肉，燒大蝦好夠香、蒜牛油味，北海道帶子都大粒！仲有香燒鵝肝帶子、黑松露赤蝦！炒雜菜菜爽身，唔會好油！喜歡鹽燒雞軟骨，香口惹味、唔太咸！香蒜牛肉粒，牛較煙韌！幾深刻既係果度既服務係唔錯，不斷接單都好有禮貌！

行過見到大瀛喜大大個易拉架 唔同時間 有唔同折扣優惠 剛巧我碰上的是八折時段 有八折唔係唔食吖嘛 2百蚊左右一個人嘅放題 真心唔貴 可以瘋狂任飲任食兩小時難以想像 接近晚上十點人頭湧湧 座無虛席嘢飲同甜品 都係自取的 嘢食就畫紙點 款式多就不在話下 重點係畫幾多黎幾多 完全冇漏單嘅情況 或者 求其比 雖然客人好多 但係送餐嘅時間都好快 值得稱讚以下係我覺得好味而且值得推介嘅嘢食:top1 心太軟必食 細細件 一人份量 朱古力味好濃 中間還是流心的top2海膽手捲 舊番超細 一啖就食得曬 海膽佔咗三份一top3 左口魚壽司 有火炙過 魚油味好香 米飯分明有咬口

日式放題店 開到成行成市 要試曬咁多間 相信冇咩可能 要食就要食啲有質素嘅大瀛喜 好多朋友都食過 都大讚點餐紙按著種類分門別類 選擇非常多 簡直眼花撩亂 樣樣都想食 樣樣都想試嘢飲係自助形式 鍾意邊款自己攞 放滿咗兩個大雪櫃 除咗嘢飲之外 仲有乳酪提供海膽手捲帶子沙律壽司刺身拼盤羊架牛仔粒燒牛舌炸蝦天婦羅叫到一枱都係嘢食 邊食邊傾人生一大享受 大瀛喜食物質素相當高 刺身同壽司都非常新鮮 款式種類都非常多 光是蝦的刺身已經有三種 刺身愛好者千萬不要錯過cp 值爆燈

打風出街食放題，人生都係第一次，今次來到旺角大瀛喜，地理位置非常方便，價錢都好經濟＄200有找。地方都好大好寬敞，坐得好舒服，稍嫌啲嘢食出得比較慢，但係食物質素都算吾錯⋯⋯首先飲品有好多選擇，除咗罐裝飲品仲有支裝飲品，基本上日本放題有嘅飲品佢都有，都算有交代啦刺身都算厚切和新鮮，三文魚好大片，脂肪分佈平均，好鮮味；北寄貝同希靈魚雖然比較細件，但係都好新鮮，希𩆜魚啲魚春脆卜卜，口感好特別。芝麻雞翼脆得來又唔乾身；燒菠蘿睇落好似好青但食落好彩都唔酸；燒牛舌同燒羊架都燒得好香口，唔會＂硬倔倔＂食唔落；燒鰻魚就最好食啦，因為加左鰻魚汁，燒起來皮脆香口，又甜又淋，食得好滋味！辣酒煮花螺，係用大大隻嘅花螺，因為唔知好唔好食，所以叫了小份量，但估唔到原來啲花螺咁大隻，但係一啲都唔硬，而且好入味好鮮甜和風帆立貝，其實即係炒迷你扇貝，係鮮甜嘅，只係嫌它唔夠熱，如果熱啲可能會好食啲。瑤柱海鮮粥，啲粥都好熱，食完刺身，攞佢來暖下個胃就最好啦，海鮮粥內有蝦有蟹，都新鮮嘅有機番薯天婦羅，用嘅係日本迷你番薯仔，番薯仔本身好甜，加上天婦羅粉炸到外皮好脆口，內裏好鬆軟，好有層次甜品就好豐富啦，除咗有乳酪，仲有百福豆腐

成日俾人話大把本錢，所以不斷放縱自己，今日八號风球，冒住生命危險，再嚟旺角大瀛喜 食放題，平時食放題，食得最多的都係一啲烧物，刺身，壽司，海鮮之類，但係今次有啲唔同，食咗好多好好味嘅甜品……呢間大瀛喜嘅甜品都有好多選擇今日就食咗一個奶凍， 焦糖燉蛋，和菓子同埋貓山王榴槤糯米糍。奶凍同焦糖燉蛋係迷你版， 細細杯 ，所以鐘意食嘅可以食多幾杯 ，奶凍整得好滑好香， 焦糖燉蛋，唔太甜，啱曬我 ，榴槤糯米糍啲 餡料好多好豐富 ，而和果子外皮就好煙煙靭靭， 全部都有一定嘅水準刺身普遍都幾新鮮 ，平時食開北寄貝，鮑片， 三文魚等等之類，但今次就試咗劍魚腩同希靈魚， 劍魚腩好厚切， 係我第一次食，感覺唔似食緊生嘅魚片，好似食緊一啲好軟淋淋嘅肉片，但係咀嚼起來 又有啲 QQ地；希靈魚一啲腥味都冇，食落 卜卜脆，口感好特別 ，下次食刺身又可以叫多兩樣囉壽司同出面嘅差唔多，不過不失啦 唔會話太有驚喜但係又唔會令人好失望囉鹽燒海蝦燒得好惹味，蝦肉好結實，好彈牙，好新鮮 ；燒羊架同燒牛舌都燒得好香，羊架食落啲肉質仲好鬆化添黃金炒海蝦 ，應該係將啲鹹蛋黃塗在蝦的表面，再炸至金黃色，食落外殼有啲鹹鹹地，脆脆地，肉質

 夏日炎炎，梗係食放題啦冰凍新鮮既刺身再加埋任飲既汽水甜品諗起都流口水當日我同友人係朗豪坊行完街，想食放題見到對面就有，就過去試下啦一黎發現勁多人，全場爆棚好彩都唔係等左好耐一開始當然要叫碟刺身食下先啦三文魚肥美厚身，甜蝦都爽口鮮甜壽司都算大份，而且絕對唔媽虎燒牛舌好香好咬口Ｃｒａｂ粥好鮮，友人讚不絕口呢佢有個榴蓮LOR米CHI真係超好食榴蓮份量好足，不停ＥＮＣＯＲＥ再ＥNCORE而且場內當日好多客人，都冇流過單，而且有得存放袋，ＳＨＯＰＰＩＮＧ完一袋二袋既朋友就唔洗擔心啦

雖然放題黎黎去去都係食果D野，不過每間放題總有D獨門食物，同質素既不同 今日就去左大瀛喜，已經係第3次黎可見佢既食物質素有幾好，食物選擇又多最掛住既就係羊鞍同炸物 羊鞍夠SO肉又嫩又JUICY，百食不厭 刺食船上到，人得2個所以叫既份量唔多，刺身擺放得比其他鋪頭更有心思，北寄貝有咬口，帶子鮮甜，虎蝦爽口彈牙，新鮮程度唔錯 炸物每次、每樣都唔會過燶，雞翼入面又滑又嫩，芝士波波有咸香外面又煙UN 雞軟骨卜卜脆，而蝦串燒都好彈牙 壽司飯唔會好大舊，料又足GOOD，從圖可以見到芝士有幾咁大塊 食埋甜品就滿足拉，最喜愛係芒果布丁，唔只有芒果味、有一層係椰汁糕，兩者既味道好相夾，味道又唔會好人工，強烈推薦！

近排覺得自己大食左，乜都想食。果次同朋友喺旺角行完街經過就見到呢間野，諗諗下不如就食放題，一個價錢咩都可以叫黎食，唔使就住就住不知幾爽皮。上到去門口比較窄同燈光比較暗，不過我志在黎食，所以影響不大。第一輪梗係食刺身先啦，賣相相當吸引，勁新鮮，而且味道都有返咁上下，我就最鐘意食螺肉，因為夠爽口，整體質素唔錯。估唔到帆立貝壽司都有，仲要幾肥美下，味道鮮甜，我食完encore再encore, 一個人就KO左6件! 黑松露赤蝦係新產品，即管叫黎試下。又有驚喜喎!有黑松露嘅香味，赤蝦又多新鮮，忍唔住又食多左2件。跟住就到主菜喇~蒜蓉芝士蝦好唔錯，呢2種調味料加埋一向都無敵，難得隻蝦都夠彈牙!另外個豉椒炒蜆都唔錯，夠入味!呢款海鮮粥個粥底好綿，食左咁多好野都想清清地食碗粥清下個腸胃。唔知係咪真係因為食得大多，有啲滯，最後嘅甜品食左yogurt。係yogurt! 估唔到放題都有得食，我去當日就有2款味，食左個士多啤梨，希望啲腸胃可以輕鬆下。總括黎講呢間算唔錯，起碼滿足到我呢排嘅胃口。有下次!

男朋友生日，難得佢主動話想食放題，梗係順下佢意啦!之前朋友食過呢間話ok, 就即刻打去訂位。 一入門口，首先見到個飲品櫃，真係成間便利店咁，汽水茶果汁不在話下，難得有啤酒任飲，仲要韓國燒酒都有，唔止。。。仲有熱嘅紙包飲品，真係連養緊身嘅女士都照顧埋。讚!食物方面基本上間間放題嘅款式都差不多，所以食物質素先係最重要。 呢度嘅黄金蝦食到我同我男朋友都lum lum脷，食得出係即炒，蝦又彈牙，真係同喺酒樓食有得揮。讚!呢個芝麻雞翼係人氣推薦，真係好香口。外皮好脆，雞肉又嫩又入味。讚!諗都無諗過呢度有海膽食，未至於好鮮甜不過一啲都唔腥，二百幾蚊嘅放題仲想點?!另外要提一提呢度嘅甜品，中意食榴槤嘅朋友一定心心眼，因為呢個榴槤糯米糍真係不得了! 皮薄(不過未算煙韌), 但佢真係成粒都係榴槤肉，食完真係齒夾留香! 佢仲有個熱食叫超級榴槤炸彈都好唔錯，不過個人喜歡榴槤做甜品款多啲。今餐我同我男朋友都好滿意，不過最緊要都係佢生日快樂!

得知這店是食評網的熱門食店，加上又方便就腳近地鐵站出口，於是去試一試，接近訂位的十二時到了門口，已見好多人等，搭正十二時便安排了我們兩人坐了四人枱，食得好舒服。食物是從一些分門別類的食物單去選擇自己的喜好，食物的種類繁多，有刺身、壽司、燒物、天婦羅 、沙律、拉麵、甜品等等，還有飲品櫃，有汽水、果汁、啤酒 ，和雪糕櫃 ，有雪條、雪糕 、糯米糍，全也是任取的。點好的食物其實在十分鐘左近已陸續到來 ，快而無漏單。刺身比想像中還好，夠新鮮，有我至愛的劍魚腩，超正，壽司的種類也繁多，全也新鲜美味 ，還有些微小手捲 ，叫了三文魚子和海膽 ，嚟之後覺賣相非常吸引， 十分精緻， 燒物如牛舌和羊架也整得咸道適中，非常香口，還有一些特色甜品也是不錯，如綠茶餅、貓山王糯米糍和精巧細小的馬卡龍，尢以貓山王糯米糍最煙韌美味，如能接受榴槤味道，這個是不錯的選擇, 喜出望外。其實放題的每一款食物， 大部分的味道和賣相也不錯 ，此店真是神級的。此店除了食物本身質素好，其實最值得讚就是全部店員的勤快敏捷 ，上菜和收碟的速度也非常快， 好似運動員一般東奔西跑走來走去 ，也有時看見店員捧著多碟的食物在身邊穿插，好似玩雜技一

因為我怕腥，所以叫左比較common的刺身，三文魚夠肥美，充滿著魚油香．也算是厚切，大啖大啖食，真係唔錯吖！甜蝦係細款果類，所以特別鮮甜，肥美也是特色之一。鮑片甜，充滿鮑汁，北寄貝沒有冷冰冰的感覺，帶子細細粒，但好凍，滑到好似果凍咁，希靈魚叫左一粒試，唔苦，整得幾好，之後再重覆點！！乾冰的效果很出，還有個”瀛”字，很滿意的呢花之戀，軟殼蟹芝士卷，花之戀捲得好實唔易散，夾起上來十分方便。三文魚部位很肥美，帶著清甜的三文魚味，沙律醬的份量恰到好處。蟹籽微微地食到少量，清爽的說炸蝦表面很多鹽粒，炸得十分香口，個中心好夠熱，食落時個溫度岩岩好，唔會”辣”親，色澤也很不錯．吉列蠔炸粉好夠，所以超級之脆，炸得金黃，蠔肉汁味道不腥，是半生熟的，品賞著脹卜卜的蠔仔，啖啖肉，十分滋味．炸帶子為求食口感吧，主要是決定它脆不脆，這家的是炸得金黃，色澤靚而這款芝麻雞翼味道超讚！好吸引的顏色，金黄色，燒得非常香口，配上芝麻真是新一風味，食落依舊皮香肉滑，香脆嫩滑，淡淡的雞肉味，肉汁保留，燒物水平不錯呢。燒蜜糖雞翼大隻，先講個皮，外面塗上厚厚而多汁的蜜糖，食落甜甜地．蜜糖會微滴，帶點香脆的口感，咬落啖啖肉汁，同時