大瀛喜日本料理 (已結業)

雖然放題黎黎去去都係食果D野，不過每間放題總有D獨門食物，同質素既不同 今日就去左大瀛喜，已經係第3次黎可見佢既食物質素有幾好，食物選擇又多最掛住既就係羊鞍同炸物 羊鞍夠SO肉又嫩又JUICY，百食不厭 刺食船上到，人得2個所以叫既份量唔多，刺身擺放得比其他鋪頭更有心思，北寄貝有咬口，帶子鮮甜，虎蝦爽口彈牙，新鮮程度唔錯 炸物每次、每樣都唔會過燶，雞翼入面又滑又嫩，芝士波波有咸香外面又煙UN 雞軟骨卜卜脆，而蝦串燒都好彈牙 壽司飯唔會好大舊，料又足GOOD，從圖可以見到芝士有幾咁大塊 食埋甜品就滿足拉，最喜愛係芒果布丁，唔只有芒果味、有一層係椰汁糕，兩者既味道好相夾，味道又唔會好人工，強烈推薦！