大瀛喜日本料理 (已結業)

今日係旺角行街，見呢間放題好多人排隊，於是就忍不住試試一坐低，我地就急不及待點刺身啦! 雖然刺身沒有好似其他放題餐廳咁，用大大的魚生船裝住，但勝在十分新鮮，同我係日本時食的魚生差不多，好正!! 而且刺身的種類有好多，有我最愛的三文魚，油甘魚和劍魚腩，而赤海蝦都好大隻，成隻蝦放落口，海水味很重，good!熟食方面都很不錯。鹽燒牛舌牛舌切得好薄，所以好易咬，而調味都很入味，咸咸的，帶出牛舌的香味香草燒紐西蘭羊鞍羊鞍當然是放題的必食之選! 香草調味不會過咸，剛剛好，帶少少羶，好味! 天婦羅呢到的天婦羅比較特別，除了傳統的大虎蝦天婦羅之外，還有一口紫薯，炸奶。我最鍾意炸奶，外層香脆，內裹是鮮滑的奶，像豆腐花一樣花之戀正正常常，三文魚同沙津醬永遠係絕配醬燒珍寶蟹棒壽司呢個抵讚，因港蟹棒好大條，上面的沙津醬是火炙過的法式忌廉藍青口忌廉份量好多，將青口浸在滿滿的忌廉汁裹，好好味蕃茄湯烏冬媽咪想試下食蕃茄烏冬，估唔到都有驚喜。蕃茄香濃，烏冬彈牙，如果唔係驚飽我應該會食多碗吉列廣島蠔蠔好多汁，表皮脆卜卜，正仲有好多款甜品，有雲石芝士餅，macaron,意式奶凍，日式豆腐凍，泡芙，焦糖燉蛋，而時令水果是西

想星期日晚喺旺角食放題，晏晝先訂位問左好多間一係full一係分兩輪，第二輪八點半又覺得太夜。大瀛喜咁多good comment 本身都無預會有位，但結果又book到七點半。好彩有訂位，去到見到好多人walk in企喺度等緊。飲品同雪糕任拎，雪糕係雀巢，但係垃圾盤見到有Haagen dazs，唔知係人地帶黎定點，唔見雪糕櫃有。仲有一版星級食物menu唔記得影，黃金蝦好香口好正，牛油虎蝦都唔錯，大大隻👍🏻想試埋個蟹粥，但都幾大鍋，兩個人食唔到咁多。最得意係有中湯飲，一盅盅咁上，都幾足料，有幾舊瘦肉。

大班人聚會去左旺角食放題，而家周街都有得食放題，係OpenRice見到呢間好多走評就試下。一入門口就見到兩個雪櫃，除咗一般大路汽水雪糕雪條外，仲有啤酒，竟然連yogurt 都有一坐低指定動作梗係叫刺身啦，然後再慢慢畫畫畫，要讚一讚呢度上菜速度同準確度。平日食放題好多時都漏單，一係份量求其上。呢度真係寫幾多黎幾多，同埋無漏單，咁當然我地都唔係亂咁叫啦。剌身幾肥美，泰式生蝦都有。，除左帶子，其他都好新鮮肥美 。有迷你海膽手卷，的的骰骰，食多幾個都無問題壽司幾出色，舊飯好給細舊，同埋上面既魚生好新鮮，拍得住出面既板x。推介帶出同左口魚壽司，左口魚入口即溶芝麻雞翼叫左兩round ，皮脆肉嫩，好香口。蟹粥好足料，不過粥底淡左少少。最後到甜品，有好邪惡既榴蓮糯米滋，真係好重榴蓮味，隔離枱咁岩食緊榴蓮炸彈，附近充斥榴蓮味，其中兩個唔食榴蓮，不停出去吸新鮮空氣。整體好多野食，食物質素中上，特別剌身同壽司係好好食，熟食就推介芝麻雞翼，一口芝士同榴蓮炸彈。

我都唔知點講呢間嘢。首先，星期二已經訂位，同佢講咗有人生日，問有咩生日優惠，電話入面服務生已經問咗要咩優惠，我話要一板海膽。星期五去到用餐時候同我講無紀錄，我話電話已經訂咗，最終搞一輪先俾返我地。跟住，上菜速度慢，好多點咗嘅嘢食無嚟到，漏單情況嚴重。第二，唔知做乜呢間餐廳好似催命符咁，19:30入座，20:55已經有拎張單嚟，大大聲喺人頭殻頂叫：last order喇，快啲叫嘢喇。OK，咁我地最後咪寫少少嘢食同甜品，結果等咗20分鐘，無一樣嘢嚟！其間服務生仲不停過嚟問我地張單埋咗未！火都嚟！跟住我話：落咗單啲嘢未嚟過囉。佢反問返我仲爭乜嘢，結果兩分鐘後佢就拎咗一堆唔係我地落單所叫嘅甜品俾我地，似係求其執啲甜品俾我地塞住把口快啲埋單！同埋last order落單叫咗嘅嘢食始終無嚟過，似係因為我地就夠鐘交檯，所以hold起晒啲單！21:28又喺人頭殻頂大叫：好喇，大家夠鐘交檯，執好自己嘢喇。到離開餐廳落樓，經過lift口，跟本無人等位。

朋友生日約食飯，話想食日本野，之前聽朋友講過呢間唔錯，所以就去左。一早book左位，早到左少少到但一入到去都即刻有位，呢樣抵讚，因為我地都已經好肚餓。入到座，咩都唔好講，點個刺身先，樣樣都點左少少，個刺身一黎到已經俾佢賣相吸引左，閃晒燈出晒煙有飄飄欲仙咁嘅感覺。其中我最鍾意既係三文魚、甜蝦、同泰國虎蝦，三文魚啖啖肉好肥美，一放底就俾我地掃晒，甜蝦就一向係我最愛，非常鮮甜，泰國虎蝦都唔錯，唔知邊個點左希靈魚，結果又係冇人食...食完刺身，就梗係要試下壽司，壽司舊飯細細粒非常易入口，當中蝦壽司特別正。冇錯又係蝦，個人感覺呢度啲蝦特別好食，連蝦天婦羅都好食啲。另外每次食放題都必食既燒羊架，呢度啲羊夠騷，啱晒我口味，不過可以咸多少少。如果唔鍾意食騷味既朋友可以加啲檸檬汁。食咗咁多大魚大肉最後我地點左一個蟹粥清一清腸胃。甜品點左好多，最深刻就梗係榴槤炸彈。啲榴槤味好濃，咬左半粒啲榴槤蓉已經填滿個口，一路食，我身邊啲朋友就一路XX我。服務黎講，我覺得佢地都算係咁，有位肥哥哥仲特別好人，百忙之中都幫我地調位。呢間價錢合理，食物質素高，可以一試。

選大瀛喜跟三五知己聚一聚，天文地理東南西北都吹一吹，要減肥的朋友都記得去一去，食完再減既不後悔又不後退。（店內任食任飲，價廉物美，用心擺設，打卡一流！）說到放題雖然有不少文章說三文魚是低價食材，不過作為香港人的我。。見到三文魚都一定要叫來。這邊的三文魚非常肥美，非常生鮮，重點推介誇啦啦，然後就是各種蝦：海蝦，甜蝦，生蝦，這邊一定要極力推薦給各位你我他。各種蝦啖啖肉，有咬口，食極都唔夠，添完再添，或許，除卻瀛喜的蝦不是蝦也是這個概念。ＭＩＮＩ版的海膽手卷，本人於９成飽的時候，隨便吃了４件先覺得夠，好彩係任食唔係又要同個銀包鬥。放題基本壽司，炸物，中規中舉，個人重點推薦的是左口魚，入口即溶的感覺令人想一試再試。起初對甜品其實沒什麼好感，但其有心思的擺設，也令我嘗了當中的２／３，馬卡龍跟ＣＡＲＡＭＥＬ推介！匆匆掃蕩了幾幾幾盤食物，（無３不算幾，用幾幾幾應該就岩）驀言回首，才發覺沒肚腩的自己已經不復回，驟然間，才驚覺身上增添了幾幾磅。。。最後我們的結論是。。。食物款色多唔好慢麼麼擺得有姿色唔食就好ＰＩＧ晚餐放題最岩KEY抵食爽快又平D

終於食到你喇，係得奬熱店呀哈利！旺角嘅放題本身都食過幾間，有好食嘅有難食既，由於食過某一間好多好評嘅中咗伏所以今次食呢間之前都驚驚地，食完之後就發覺係抵你攞奬嘅大灜喜。三文魚脂肪分佈均勻，食落又唔會腥，甜蝦都好大隻唔會痴牙，超級適合刺身控。第二樣要推薦嘅一定係芝士焗虎蝦，好香嘅芝士加埋大大隻嘅虎蝦吸引程度爆燈啦，refill是常識吧？和風帆立貝味道還可以吧，但唔算係非常好食，好快就攤涼左喇芝麻雞翼嘅精髓相信一定係脆卜卜，呢樣野佢絕對做到，但係就有少少唔熟，入面有1/3肉仲係紅色，但整體來講味道真係唔錯，鍾意香芋嘅我亦不忘叫咗一個紫心香芋丸嚟食，其實香芋唔算好多，不過甜度恰到好處。天婦羅同埋炸金磚豆腐都幾新鮮，我冇預計到原來炸豆腐係甜架🤣友人話可能係因為日式豆腐所以係甜嘅，不過甜得黎入面質地好軟滑好鬼正蒲燒鰻魚每一次都好軟稔，醬汁入味，呢個我又系有refill的，確實有令人一試再想試嘅感覺。甜品方面，有意式奶凍、焦糖燉蛋、泡芙等等，意式奶凍好好味，奶味好重，好滑，重點推介焦糖燉蛋就麻麻地，吾算好滑。P.s. 如果一入去嗰陣係肚餓嘅一叫嗰陣記得叫多啲，因為侍應收完order紙後都要等一段時

晚市放題 $228+10%刺身都新鮮 味道鮮甜 質素不錯炙燒三文魚壽司係必點😋 比生的三文魚更好吃而且有沙律醬 配在一起很夾👍🏻而且鰻魚壽司也很欣賞 鰻魚也嫩滑豬軟骨也不錯 牛舌也爽嫩不韌👍🏻 必點之選炸雞翼不油膩 外脆內嫩 肉質很嫩滑一口芝士也不錯 做到拉絲效果炸蠔也很新鮮 配上沙律醬很好吃 所有炸物都是即叫即炸熱辣辣上枱 榴連炸彈也是必食之選❤️內面滿滿的榴槤😍😍抹茶餅就不推介 一般般 榴連雪米糍也不錯 但榴連炸彈交好吃🤤😋💦海膽手卷是一口的size 很貼心而且方便吃海膽也鮮甜🤤 必食甜品有一口心太軟 甜度剛好也有流心效果 但經常漏單 不太滿意😟炸鮮奶也是期待已久的 但經常漏單到我們吃時是冷的 也太粉 不好吃 有點失望😞有泡芙 牛奶布甸 焦糖燉蛋 馬卡龍等甜品 款式也多 味道不錯而且我們有生日優惠 每人有一杯Häagen-Dazs總括而言 食物質素不錯 惟環境有點狹窄 服務大致不錯 員工也很有善 但在處理單時要多加注意 不要常常漏單😟評分: 8/10🌟

野食方面真心唔錯，服務都好貼心，做到顧客至上，上次攞野飲，有個訓練生放緊啲汽水入去，咁我諗住等一陣啦，之後另一個職員鬧佢：你冇野呀，更係俾客人攞先啦同埋佢甜品都幾多選擇，雪櫃有普通雪糕同雪米糍都好好味，除左呢啲仲可以另外叫，連榴蓮糯米糍都有

放題尼講好中1意食呢間，相比其他，呢個質素比差唔多價錢既放題尼講算好唔錯嫁啦D選擇又夠多，食物尼到都好快，又不會一次過上晒，不過都會有經常錯單問題，其他都OK啦！！

生日又來到我最中意既放題店，裝修後大左又方便左。 服務態度依然好好，來野食都好足而且好快，佢地仲會問有冇漏單。今次一定要提大家食佢地既海膽同軟殼蟹手卷，鮮甜又美味，忍唔住一人食左兩個。之後仲有好好味既日式蛋，最緊要食完所有野就係甜品啦，這裡好似甜品店一樣，有窩乎雪糕，大家可以試下。下次要食更多美食，今次真係太飽了。

又食放題啦！！！呢間放題的自助區包括飲品及雪糕雪條櫃，其餘的刺身，壽司，卷物，炸物，燒物，粥，鍋都是在一本厚厚的點心簿揀！除了生食出色，熟食都好好食，炸物，燒物，火鍋都是有水準的。炸物的面層不厚，咬落鬆脆可口，那即炸熱騰騰的口感好正！連一口牛都做到7成熟，唔會韌，勁！牛舌好香好爽口！炒蜆辣辣o地，夠洒野味！蟹粥都真係有蟹食，粥底有粟米。呢間放題真係唔讚唔得！有效率之餘，每款食物都唔錯，飽到呢！！！

晚市時段很多食客，如沒有訂座，便需要在商場四樓先行取票。食店在五樓，一進內便見到自助飲品區。除了雪糕櫃，其餘的食物都是用點心紙落單。上食物及收碟速度快，就連侍應的步速都很快！基本上常見的刺身及壽司都有，新鮮鮮甜，款式包羅萬有。炒田螺及炒蜆帶有少辣，很香口，encore再encore! 羊架，一口牛，芝麻雞翼都冇得輸！最喜出望外的是炸鮮奶呀！！！估唔到食放題都有炸鮮奶食，炸面好薄，內裡像淡淡的燉奶，不太甜。炸紫芋超好食，好香少少煙韌，必吃之選！甜品在點心紙落，雖然款式唔算好多，但款款都精緻好味！最後可以食埋雪糕及雪米糍，豐富滿足！

同朋友一月一聚，一早book定食放題😋😋見到呢間野咁多好評，實無死去到真係人山人海勁多人，book左位都仲要等多10分鐘左右先有得入入到去d位好逼，坐得略嫌唔多舒服不過服務員d態度係咁忙碌既情況下都保持得非常好，真係好抵讚丫👍🏻👍🏻👍🏻👍🏻刺身新鮮又厚切😋食落魚味重可以再叫多round 榴連炸彈，香芋丸，一口芝士，芝麻雞翼d炸物炸得好出色真係即炸，入口仲係熱辣辣，勁好味丫我係為左榴連炸彈而黎😳我同朋友兩個人total 食左8粒真係超滿足丫😆蒜味芝士蝦，勁重蒜味，再食多左隻🤤一口牛，肉質好淋，勁易咬，味道都好好，一碟已經有好多舊壽司飯仔細細唔驚食到好飽，不過我個人鐘意刺身多d鰻魚好細舊，要叫多幾次如果大舊d就好啦黃金蝦，蛋黃包住d蝦，剝殻比較麻煩剝完又無乜味，所以麻麻地海膽手卷唔係間間放題都有，細細舊個樣好得意，不過味道普通啦焦糖布丁滑，和菓子好煙un ，豆沙唔太甜榴連糯米糍好好味，我地又啪左好多粒😋😋😋今餐真係好滿足！價錢公道，服務好，食物好食會再黎食

今日系好朋友的生日，好開心，我能陪她正日度過生日，當然食好野啦～三文魚有足夠厚度，甜蝦鮮甜，所有刺身都好新鮮卷物和壽司好好味，又甜又鮮，天婦羅炸到好香脆芝士和蒜蓉好夾，帶出牛油香味，虎蝦焗到又香又爽，蝦炸到好香，蝦肉好抱實炒帆立貝好香，又大粒，鰻魚又好多汁芝麻雞翅炸到好香脆，當然要食5隻，炸蠔外脆外軟，咬一口，爆出蠔汁，好好味食主菜後，當然去食甜品啦，飲品任飲，雪糕多款選擇，好滿足好開心其實燒物，煮物，手卷都值得一試