大瀛喜日本料理 (已結業)

好耐無食放題啦！但係爸爸媽咪話想食，咁梗係陪佢哋啦。。呢到既魚生唔錯，好新鮮，個人覺得最好食既係赤海蝦同埋三文魚！赤蝦又爽又彈牙。三文魚夠晒肥美鹽燒三文魚迫晒d油脂出黎，好香口。佢既左口魚壽司都不錯，幾特別。我好中意佢地呢到既炸物！尤其是一口三角芝士！！雖然無拉絲，但超濃芝士味，一食上癮，食左4-5粒都仲想繼續食>< 其次就係榴槤炸彈，出面係用糯米粉包住，入面係超香既榴槤溶，正呀！最後就係炸鮮奶，好香奶味，口感好過癮，sofar係出面既放題未食過，幾特別！而呢到d芝麻雞翼都係我既心頭好，我見格黎枱一點點左十隻，哈哈！雞翼熱辣辣，又香又多汁，真係停唔到口呀~最後佢呢到既甜品都好多選擇，我樣樣都叫左d黎食，但最中意都係佢個心太軟，雖然無流心，但係軟心，超濃朱古力味，忍唔住食左2 粒。串燒都有好多選擇：最鐘意牛舌！呢間放題星期四夜晚9點去食都好多人，我諗想食既都真係要早少少去了。