大瀛喜日本料理 (已結業)

最近朋友忙緊搵工，搵到愁眉滿面， 所以就決定同佢食返餐好嘅，慰勞一下佢！今次呢間放題，質素都幾高，食物選擇多，上菜方面都幾快，唔駛等好耐就成枱都係餸！食放題點少得刺身呢，呢度嘅三文魚雖然唔算好厚切，但勝在都夠肥美，唔會有好多筋位；北寄貝同鮑魚冇雪味，仲幾彈牙；而櫻花魷魚同甜蝦光澤透色，尚算新鮮。野飲方面，仲咗必有嘅汽水、紙包飲品之外，仲有乳酪提供！士多啤梨味，仲有少量果肉粒！蒲燒鰻魚，配合微甜燒汁，鰻魚肉入哂味，表皮微微燒至脆身，味道唔錯。和風帆立貝，帆立貝大大粒，肉質都幾結實，用洋蔥爆香，食落仲有淡淡嘅牛油香味。炸物方面，我就最鐘意榴槤球，炸球炸至金黃色，卜卜脆，咬落去又有榴槤味，脆口嘅外表加上軟軟嘅榴槤餡料，口感一流。如果，唔鐘意食榴槤，甜香嘅香芋球都係另一個唔錯嘅選擇。而芝麻雞翼都係另一大推，炸到香脆嘅雞翼配上芝麻香，食落好香口。牛肉鍋，分量超足，除咗有好多塊大大塊肥牛，仲有唔少配菜，白菜同豆腐吸哂牛肉味。貓山王糯米糍，同榴槤球一樣，冇令人失望，白雪雪圓形波波嘅糯米糍好可愛，好治癒，咬落去係軟綿嘅榴槤餡，好有口感。

飲品選擇多，自然不在話下呢一間更正嘅係，有埋乳酪同埋豆腐花畀你揀 三文魚肉質爽，又有光澤 而且都切得幾厚，咬落有質感黃金炒海蝦 比較少地方有，咸香既蛋漿包住海蝦，雖然稍為鹹咗少少，但勝在香口 蝦size中型，肉質都頗為結實剛剛試左刺身，都唔錯所以試埋壽司炙燒三文魚、大蝦、黑松露大蝦壽司 炙燒三文魚既肉質比起刺身嘅其實好唔同我就更喜歡燒香咗嘅香味 而大蝦既口感都幾爽口羊架 充滿咗孜然粉嘅香同羊肉嘅騷雖然比較油，但咁樣肉先更滑香芋丸 榴槤球 每次都必食嘅兩款波波外脆內有軟綿嘅麻糬，同埋香芋嘅甜味、榴槤的獨特味道，必食時令燉湯 岩哂返工既人士，去滋補一下味道唔會過於清淡，真係有家的味道牛肉鍋 吃肉之餘，仲可以幾種菜，一舉兩得 牛肉唔肥，可以就咁入口 湯並唔算太濃味，就算啲菜吸哂湯，都冇問題仲有豆腐添甜品有貓山王榴槤球同泡芙 鍾意榴槤嘅同好，一定要試貓山王榴槤球入面嘅榴槤蓉真係好重好重榴槤味!!!!

我們6人組突然想食放題聚一聚，之前都覺得這間放題很好，所以今次想寫篇食評推介一下。而讓我們覺得可一去再去的原因，當然是6個人食放題，需要預先訂位，因為在旺角區很難想像WALK IN需要多少時間等候?所以如果到旺角區食放題，我們首推這一間餐廳!第一，地點夠方便，朗豪坊地鐵站對出，而對於我們6個工作地點不同的朋友來說，旺角是十分方便的地點。第二，價錢200幾，但食物質素和數量也是超值!!以下是我覺得很好吃的食物推介!!真係十分好吃，很香蒜蓉味，雖然來得比較慢，但也吃了兩轉!炸雞翼和炸芝士也是十分推介!炸到熱呼呼，十分香口!!我只會推介燒菠蘿，其他十分普通。最後一定是刺身!!其實我個人真係十分喜歡吃蝦，這裡有黃金蝦，蒜蓉蝦，刺身蝦都有三款，分別是牡丹蝦、生蝦，大頭甜蝦刺身!而且刺身也是十分鮮味!!順帶一提，這裡的飲品有很多款，而且有枝裝果汁先生，另外也有乳酪雪糕任拎。埋單每人HKD250，因此我覺得不得不寫出我第一篇食評來稱讚這間餐廳唯一缺點是環境很狹窄，而且真的食夠2小時便立即要求結帳，絕對不適合三五知己坐低慢慢傾計。完!

相信放題香港人應該就食得多，但係可能講起邊間好食都未必知道。你間位於旺角嘅大瀛喜就係好食嘅例子。佢個位置好近，就係地鐵站附近。食放題不能不提嘅就係佢嘅食物種類好多,刺身,壽司,串燒,卷物,甜品,飲品,都一應俱全。大瀛喜入邊我覺得最好食嘅就係佢嘅刺身,尤其係三文魚同埋包片仲有甜蝦。除咗刺身之外，佢啲串燒例如雞軟骨或者係蝦都非常吸引。另外燒羊架都係一絕，適合男女老少！食放題最緊要就係任食野飲任飲，相信呢間唔會令大家失望

外邊真係好多人排隊，咁一定係好食先多人食啦，同朋友book左位等左一震入到去真係爆曬人，點野食好正，刺生新鮮乾淨，熟食好美味，仲有我最愛既甜品，落單既野食都比得齊❤下次一定再來食。

#雪雪茄大滿足 😋🈵 味道：🔴🔴🔴🔴🔴⚪️⚪️⚪️⚪️⚪️👁‍🗨 環境：🔴🔴🔴⚪️⚪️⚪️⚪️⚪️⚪️⚪️💰CP值：🔴🔴🔴⚪️⚪️⚪️⚪️⚪️⚪️⚪️🔙 番撻 : 🔴⚪️⚪️⚪️⚪️⚪️⚪️⚪️⚪️⚪️出左糧個胃口會特別大吧？又會特別想食好啲 🙈結果就揀左呢間好評過百仲拎左大賞既餐廳刷餐勁 😋「大瀛喜」主要食日式壽司、刺身、炸物、天婦羅, 再加啲小食, 飽肚煲咁, 好典型既日(港)式放題 🤓 選擇合理, 滿足到大部分港人心水 ～ 簡單介紹自己9樣最深刻既食物：（1）芝麻雞翼 👉🏻 最強人氣係有得解既 😋👉🏻 熱辣辣食夠香口👉🏻 凍左都有佢既支持者 （但不會是我啦😂）（2）刺身👉🏻 當然唔係全部好食啦😂👉🏻 加分位有 ～ 超爽口又甜既酒煮榮螺 😍 ～ 又爽又咬口既希靈魚 😍 ～ 貴妃蜜汁鮑片 😍👉🏻 完 😳 👉🏻 日式甜蛋勉強合格👉🏻 甜蝦唔甜, 三文魚厚切無用好難食, 其他都failed 🙈（3）蒲燒鰻魚👉🏻 識揀要淨揀鰻魚👉🏻 燒汁好濃好夠味, 係口感lum左啲（4）鐵板蒜香一口牛👉🏻 size 剛剛好👉🏻 唔騷好夠味（5）超級榴槤炸蛋👉🏻

朋友話，旺角大瀛喜性價比都唔錯，一行二人就約左8:30，到達時已經好多人等緊入去其實餐廳地方算大，不過可能應付既人流都多，所以桌與桌之間唔算太闊落。食物方面，其實選擇都係果D，刺身、炸物、卷物等等刺身呢，掛住食已經冇影相，壽司唔係大大舊飯，可以試多幾款前菜小食既豆腐，較平日既硬身少少，夾起冇咁滑燒鰻魚，醬汁好香，冇腥味，又帶少少肥雞軟骨，咸左少少炸物方面但得一讚。炸蠔唔會好乾身，仲有肉汁但唔太油，雖然唔係大隻，但炸得酥脆；炸榴槤波波，我唔知點解叫左，明明我係唔食榴槤既人，不過食落你又唔會抗拒牛柳粒，正正常常冇特別特別一提既係，佢地飲品既種類十分多，果汁先生都有供應。食完炸物熱氣可以飲下D竹蔗汁等等。仲有，佢地好貼心地有個細細既暖櫃(TOTAL 飲品有3個櫃，真係花多眼亂)

呢排返工唔係太順心，相約朋友吹下水，佢話不如食放題啦！睇食評後就揀左呢間同一般放題差唔多刺身算新鮮，夠凍，但款式唔算太多(約10款) ，不過不失啦芝士蒜蓉蝦，啖啖肉又夠晒香口壽司飯夠硬，唔會一夾就散開三文魚腩都幾肥美，帶點油花之戀又唔會太多醬其他野食都唔錯，有我最愛既粟米粒粒同燒菠蘿甜品方面，試左個奶凍，面頭有d 紅色粒粒酸酸甜甜，有d 似梅既味道，夾埋個奶凍到又幾match 喎仲有雪糕櫃，有雪米糍，雪糕杯，雪條等等

和好朋友約左星期五放工一齊食好野，一早book左星期五晚7：30，間野又打左好幾次黎confirm,又wtapps,驚死你吾黎！去到點知要企系度等半小時都未輪到我們，咁book黎做咩？！入到去位置好窄，好吾方便！坐落去已經叫到成台野食，食左一陣，點知有個侍應走黎問我地可吾可以轉一轉位，我話吾可以佢就黑面！根本系餐廳安排有問候，要人成行客轉位！食食下魚生，發覺隻蝦有問題，個待應系度灑我地，話系食得的，擺明隻蝦吾新鮮啦！放題時間時2小時，但要我地55分走人，即系坤走我地5分鐘？！轉台時間呢？！雪糕要生日食有得食貴牌子，其他放題大把任食啦！人地都系收呢個咁上下價錢，總括黎講呢間野好吾得，服務態度吾得，環境好窄，野食好少，刺身麻麻！吾會再光顧！

呢日同朋友行旺角，突然話想食日式放題，唔知揀咩好就求其搵呢間大瀛喜啦，其實之前食過就覺得一般般，而且坐得好逼，不過好彩今次三個人食係坐四人台，都唔算太逼，野食方面都算多選擇刺身好新鮮，呢樣絕對值得讚下海膽手卷，感覺冇咩味，不過手卷細細舊都唔係淨係得舊飯壽司飯都唔算太大舊，左口魚都新鮮黃金蝦，叫左三隻但黎得兩隻，不過都整得幾好味，蝦都有d彈牙雞軟骨串，呢個就冇咩味燒鰻魚，份量都算多，味道唔錯豉椒炒蜆，如圖所見，得個殼，應該淨係食左兩舊肉榴槤炸彈同香芋丸，呢兩個都好好味呢間放題店員既態度都ok，但會時不時漏單，而且環境真係比較逼，間中食一次半次都ok既

上星期同屋企人一齊去食放題，哩間已經食過幾次，一直都覺得唔錯，所以諗都冇諗就決定食哩間但係今次真係有d失望囉，不停漏單，追單果陣佢上既同我寫既份量又唔同......我一張order紙選左幾樣野，到追佢果張單既時候淨係上得一樣😑😑而且份量多出得寫既幾倍，請問如果我食唔曬咁點算🙄刺身整體黎講唔錯，係三文魚瘦得滯海膽手卷仔最愛哩間既原因係因為有得任食鰻魚😍😍燒蝦，中規中矩咁啦牛舌雞軟骨左口魚壽司，俾我揀都係海膽手卷仔好食d😋燒羊架焦糖燉蛋....太甜🙄炒蜆，哩個係我地既last order,結果佢漏單過左好久都沒到，到我地追佢到佢拎上來既時候，碟蜆放低都冇5分鐘職員同我地講時間到......好！咁我地走囉...😑野食黎講，真心唔係差既，但係問題出係你度，俾多少少時間我食埋隻蜆都唔過份呀😞

今晚同屋企人再嚟呢度食飯，都已經嚟過好多次，仲可以keep到水準劃單後，各樣食物都好快上枱，所以都唔記得影相唯一令我印象深刻嘅係芝士蒜蓉焗蝦，好香蒜蓉味，同埋蝦肉好鮮甜刺身，壽司都唔錯，由其係手卷，細細舊，好的色，可以食多幾舊過下口癮另外唔少得甜品，佢地嘅貓山王榴槤糯米糍，燉蛋都好出色最後最重要嘅係佢地嘅洗手間，平時好多地方嘅洗手間都好污糟，好細，有啲仲會黑媽媽，但係呢度嘅洗手間好光猛，好乾淨，而且唔會特別細，值得一讚

這間放題是我認為在旺角區內算很不錯的！跟一位女性朋友來吃，因為都是女生的關係，所以很怕食物太大/太多，吃一兩碟就飽了！ 但呢點 呢間很貼心！ 我寫1，就真的來1小客樣樣都試到刺生： 赤蝦大隻有鮮味！油甘魚肉質不錯希靈魚很爽口，不腥炒雜菜不太油，保留蔬菜本身的味道芝士蒜蓉焗赤蝦比想像中好食！本來以為會焗得太乾身，但呢個好juicy! 配搭得恰到好處燒鰻魚通常都好好味，呢間也不例外！ 燒汁鰻魚的油脂配上燒汁炒蜆，呢碟大推！！！ 你唔會估到放題會俾咁大隻蜆你！味道唔錯！左下角嘅黃金炒海蝦好乳，帶有咸香味手卷同壽司推介以下兩款：好迷你嘅一口海膽手卷，想食海膽嘅可以試試幾鮮甜的鵝肝帶子壽司，幾特別！ 鵝肝雖然細粒左少少，味道上都唔錯的。炸物：芝麻雞翼、天婦羅都幾好食！如果好榴槤的話可以試下炸榴連，榴槤味好重燒菠蘿夠晒甜甜品種類好多，有雪糕杯同雪條可以揀推介：焦糖燉蛋、意式奶凍、心太軟同埋貓山王糯米糍！ 呢幾樣真係幾有水準。食完會覺得好滿足沒漏單，上菜幾快食咁多野都係$200頭一個人，幾抵呀個人覺得最好book早d！5:30pm左右，比較平，上菜又快！

因為媽媽生日我要返工，唔可以陪媽咪食飯，所以我就今次同佢補返慶祝，最後決定帶咗佢去食放題啦，做個乖乖女！諗咗好耐唔知食邊間好，最後為咗方便就腳，就決定去旺角先試吓呢間放題啦，食完飯仲可以去行下街添！一入到餐廳，員工都好有禮貌咁歡迎我地，我哋一坐低就即刻去攞野飲，飲品種類都幾多架，仲有我最愛嘅韓國飲品添！跟住就即刻畫左刺身先啦梗係！刺身都幾新鮮架，有我媽咪最喜愛食嘅甜蝦！有油甘魚都好肥美，同好厚切！之後我哋仲叫咗手卷，海膽手卷都幾正架，海膽份量都唔少，但係返就細細件，可以冇咁飽，仲有我最愛嘅芥末八爪魚手卷，太正啦我媽媽就最喜愛食蒲燒鰻魚，鰻魚燒得入味，仲要可以單食！我媽媽無限encore！我要推介大家食呢個豉椒炒大蜆，d蜆好厚肉，估唔到又炒得幾惹味燒菠蘿都好甜！食放題又點會唔食鹽燒海蝦同雞軟骨啊！蝦都幾大隻幾爽口，雞軟骨都唔錯我仲試埋芝麻雞翼同吉列蠔，炸得很脆！味道不錯冷烏冬都不錯！份量少少，岩曬我地，可以留胃又可以試多d野總括而言，間餐廳食物質素唔錯，店員服務都好好，收碟都收得幾快，仲好有禮貌，下次我都會再嚟食過！

聽日係端午節，我同男朋友聽日都放假，一放假我就好想食餐勁野，所以我哋臨時決定去旺角食放題，經過朗豪坊，發現對面有個小商場，見到五樓有一間放題，最後決定入去試吓！！一入去到，可能時間尚早，就唔使等位，但發現之後係坐滿場，我見好多人都有book位，如果下次去都要book位先得！咁我哋梗係即刻拎啲紙出嚟叫野食啦！首先一個刺身拼盤，三文魚都好厚好新鮮，值得一讚嘅係甜蝦刺身，好大隻好爽口，仲要幫我地切埋個尾，食落口好方便！之後就梗係要叫壽司食啦，花之戀細細件，易入口冇咁容易飽，另外北海道帶子壽司都唔錯架，刺身大大件飯都細細件，仲要帶子係好新鮮架😋仲叫咗我最鍾意食嘅蟹子沙律，但餐廳都好細心，幫我地撈埋，唔洗自己撈！另外仲叫咗個泰式鳳爪，酸酸甜甜又帶少少辣，都幾開胃！熟食一定要介紹大家食呢個王牌，就係芝士蒜香牛油焗虎蝦，虎蝦係超大隻同好香蒜香味，我無限encore幾次！鐵板蒜香一口牛都唔錯架，牛肉好淋，好入味！值得推介呢個炸鮮奶，一咬落口好香牛奶味，入口即溶！另外放題都有好多飲品選擇同雪糕甜品選擇，我要推薦大家食牛乳布甸，好香好滑好重牛奶味！總括來講，間放題食物種類多，味道都唔錯，仲要早去有折頭添！