大榮華圍村菜 (已結業)

算是舊式酒樓,味道較重.夠鹹夠香.不過出街食飯就是這樣,如果想清淡可以有其他選擇推介南乳吊燒雞,夠鹹夠香夠脆,不油膩,如果手慢,一塊也沒得吃."大榮華炒飯"用料普通,不過入口有炒飯香.應是下了豬油之故.雖然50元一碟例牌本已為份量會少,不過出來份量很足.招牌馬拉糕,他們是即叫即蒸,非常慎重. 不過,原來又是一律50元!感覺如一般馬拉糕,並無特別.等如入了十蚊店,不要以為什麼都抵,落單時,也要慎重!

大榮華有新菜式？推薦俾大家有無人敢試？我有幸試左，並且信左滔滔會無事！！！因我只是Order左碟椒鹽九肚魚咋，陰公！！！個經理仲安慰我講，無事既，使唔使幫你拿入廚房睇睇？唉，滔滔個生招牌就係咁俾碟“魚生”搞掂左！！！食物水準高但唔穩定，死！有好的經營策略但服務差，死！話分兩頭，佢係抵食，個迷你九大鬼更是超抵食、好食。如果第一次去食，這是首選。第二次我就是散叫，就出事了。

開年飯一定要大魚大肉兼有D新意, 一早預訂好九龍灣大榮華食全統圍村菜, 約齊一大班同事, 有新有舊, 足足有兩圍枱...第一度菜是全統的『當紅脆皮燒雞』, 炸得啱啱好, 雞肉非常嫩滑...跟著的係『翡翠炒鱸魚片』, 絕不遜色, 比得上甚麼東星斑上價海鮮...新年期間, 緊有賀年特式繜菜, 用蝦膠加上一小片麵包去炸到金黃色的『百花喜迎春』就有如圓圓的金錢...今晚唔要貴價同唔環保的魚翅, 換來的是一個足料『沙參玉竹陳腎燉螺頭湯』, 待應阿姐一打開個大佛盅, 清甜鮮味立即衝出, 嗅到都真係有D流口水! 正...飲完靚湯就食個清少少的『腿茸大良炒海鮮』, 這度菜大廚少D功夫都唔掂! 比北京樓的「賽膀蟹」更上一層呢...不同做法的生蠔吃得不少,今晚的『菜片乳香炸生蠔』就來得特別! 鮮甜肥美的生蠔加上脆漿炸到金黃, 吃時加上少許南乳醬, 用一片西生菜包著吃, 一大啖入口, 這創新的組合能產生奇妙的美味化學作用! 如果能換成本地唐生菜, 相信更能帶出"家"的感覺呢...『上湯牛油焗雪場蟹配自家手打麵瘼』又是"食神韜哥" 創意之作, 用來自北海道的「雪場蟹」加上非用油炸的手打生瘼麵, 比一般食肆的上

聽講呢間野好把閉﹐唔比訂位同埋只收現金。d人仲晨早排隊等食野。今日同同事來飲茶﹐點左好幾款點心同炒飯同埋d人話出名既奶黃馬拉糕。炒飯比較乾﹐唔好食。奶黃馬拉糕來果時已經係凍同硬。其它d大路既點心好似蝦餃﹐糯米包﹐燒賣同牛肉就普普通通﹐冇乜特別。但係個蝦醬尤魚就幾好味﹐好多蒜頭。同埋個蒜蓉炒西蘭花都炒得幾好。食到尾段時見到佢地老闆滔滔來食。有個女部長個服務同態度就仲衰過好多茶餐廳。真係想向佢老闆投訴佢

元朗的大榮華去過幾次, 這間也是第一次來, 人數還是要有一半才會給檯. 今天是家庭的聚餐, 點菜不是由我發板, 味道好像沒有元朗的好, 其中有一碟魚更是沒有煮熟, 有些過份. 期待的馬拉糕, 幸好沒有退步, 好香好鬆軟. 另一款的甜品, 水晶飽好好味, 必試!

是日很早的到來, 剛好拿了最好一張枱, 不用等, 很開心.點了:五味雞: 本人係豉油雞的fans, 呢隻都係甜甜地, 算幾好味, 也夠滑.焗魚腸: 一點腥味也沒有, 表面還烘得脆脆的, yummy!土釀鯪魚: 呢個我覺得自家的好味點, 因釀的只得魚肉, 沒加入豬肉, 冬菇, 馬蹄等. 差了點.蟹肉西蘭花: 清清地, 唔錯.豬油拌飯: 這味當然係唔少得架啦, yummy!今次比之前幾次的經驗好很多, 不論味道, 服務質素也有大大的進步, 滿意!

怎樣的厨師才算是好的? 我的答案只有一個, 用最平凡的東西做出好吃的菜色就是好厨師。具體一點, 用最上乘材料，好的厨師就可做出一頓美味非常的晚餐，平凡的厨師也可以做出不俗的晚餐, 因選料上乘之故。用普通等級的材料而做出不平凡的菜色, 那就真正考驗厨師的手勢和工夫了。早一段子經常在電視見到"肥厨神", 他經常吹噓材料在菜色的重要性，言論正合我意，試試吧！訂了差不多一個月才有枱。從我家開車到元朗差多一小時的車程, 可謂不遠....我知圍頭菜的特色, 反正是一行差不多有十人, 看到價錢是頗便宜, 儘管多叫幾道菜吧。五味鷄是招牌菜, 來了一大碗。吃不出有那五味, 倒像豉油鷄一樣, 鷄是冰鮮鷄, 不過做得頗嫩滑但欠缺鷄味....酸梅吹米鵝亦是肥大肉厚, 梅子味控制得很好, 不會太酸, 亦不太甜.....奇怪, 鵝味亦是不太明顯。頭抽煎大蝦是可以, 也許頭抽沒有生抽鹹, 味道是頗佳但蝦不是太新鮮。唯一烏頭有新鮮的....泥土味, 過味道還是可以的。蒸魚腸焗得很香, 我不吃內臟所以知其味, 但太君及太座說不錯只是魚腸少，蛋多於一切。豬油渣撈頭抽白米飯是經常吃到的東西。沒有任何烹詞技巧, 亦在吃得健康

今日難得放假，就同阿媽和公公一齊黎大榮華飲茶，做一日乖仔，原來由德福商場行過去都唔算好遠，而且去到竟然唔洗等位，一坐低就即叫野食，11點半前全部大中小點只係9蚊，有d特價點心只係6蚊，以大榮華既名氣黎講都算平。叫左菜心，蝦米腸，芋頭糕，糯米包，咸雞籠，奶黃馬拉糕，雞球大包。菜心:普通，間間酒樓都差唔多，勝在夠大碟蝦米腸:比較失望，少蝦米，最重要係唔夠熱芋頭糕:好食，好多芋頭，好足料，唔會食到成口粉，不過偏油糯米包:以一塊類似腐皮既野包住d糯米飯，我覺得好好食，又得意，阿公話呢d係懷舊野，不過食得多會比較膩咸雞籠:見到咸雞籠個名好好奇，唔知係咩都叫黎試下，原來係用雞肉做既咸水角，唔錯，好味奶黃馬拉糕:果然係招牌，鬆化，香滑，又唔太甜，如果熱d就完美喇雞球大包:好大個，起碼有2個拳頭禁大，9蚊個真係好底，入面d料有好香酒味3個人叫左7樣野，只係79蚊，平均每個人只係26蚊到，算平環境方面:唔會好多人，坐得好舒服，不過地方比想像中細下次要黎試下晚飯先

我當晚七時半左右入座，坐得椅貼椅間直就窄，d服務員個個黑口黑面，可能人多，全無笑容，多謝、請坐這些禮貌言語絶無。我們叫鰦 dÅ 好耐未來，於是問下個女伙記啦，點知佢check都冇check,就答我人多係咁架啦，就行鰦 去了。我們再等了十分鐘，再問個女部長，佢仲扮聽唔到，我們決定埋單，我們話個Å 唔要了，個女伙記話唔得喎，已落單，不能除消，但我們解釋所有食物連甜品都吃完，等了將近兩個鐘，我們無法再等了要走了，他們立即叫個經理同我們理論，她說不能除消，我們不肯，她仲說我們無理，究竟班伙記係咪有問題or唔識聽廣東話，最後仲隊碟Å 過來，我們堅持唔要，她們便比說話我們聽和黑口黑面大聲地走來埋單，這間酒樓d伙記簡直就又懶又冇禮貌，同美心d相比，簡直冇得比，以後一定唔會再幫襯。

九龍灣大榮華好差，四人竟然比張得兩呎半的細臺面，坐都坐得唔舒服，d臺仲要椅貼椅，間直就係窄，裏面的服務員態度極差，有個叫Janny Tang 的黑色制服女士加埋個佢話自己係經理的金短髮女士，佢地d服務態度簡直嚇人，仲衺過d茶餐廳，黑口黑面，對客人極惡，好似黑社會講數咁。我諗佢諗住做嚮個牌子就可以不顧客人感受，依家d客人很聰明的，見過鬼仲唔怕黑，無下次。我們不滿面太小，剛好隔鄰有張埋單，我們見面比較大於是便要求換，我們坐落去後，Janny Tang 服務員竟然出手推我兒子起身，仲話我有客係到你們好起身了，我於是便跟她們理論起來，我堅持不換，我問她難道我不是你的客嗎？她們最終竟拿走原本放好杯碟的一張太約三尺的面，轉回一張得兩呎半的細臺面，怎能接受一間仲話自己d食物有幾好食的大酒樓，有如此差的服務員。今時今日d服務員仲咁惡，受過一次氣仲唔夠，我一定唔會再幫襯了。如果你們想食到一肚氣又想坐得狹窄的及底受到差劣的服務態度，就不妨一試。另外食物方面比元朗的差好多，最出名的馬拉糕都唔夠熱，d食物好重味精好咸，又肥膩，食完好口渴。

一班朋友為左慶祝小弟生日, 特登預早一個星期訂左一張台食飯, 一行一十四人.雖然係訂左台, 但係去到都仲係要等左十多分鐘, 即使係平日依然見到門口有好多人等位.服務, 一個"差"字已經可以形容到, 我地十四個人, 佢地放左十三個位, 之後叫一個阿姐加多一個位, 阿姐居然大我地, 話佢已經放左十四個位, 做咩我地整唔見左一個位, 仲即時黑我地面; 問服務員跟單, 個個都九唔搭八, 問A服務員同B服務員既答案係會唔一樣....今時今日咁既服務態度, 真係唔係好得既.講返食物, 味道好有水準, 個人比較喜愛扣肉, 炆得好林好入味; 豬油撈飯都好好味, 不過可能女仔會覺得太油; 可能因為我地遲食飯, 馬拉糕同水晶包應該係蒸第二轉, 味道比較普通, 水晶包皮好厚, 馬拉糕唔夠鬆, 係呢兩樣菜比較失望, 其餘菜式都幾好.衛生ok既, 不過有o的碗筷會冇洗乾淨.價錢好平, 十四個人食飯, 個個都食到抱住個肚走, 但都係一人$81.5, 仲要係十三個人俾錢, 相當便宜, 大家黎食飯既唔好當呢間係一間酒樓, 當佢係一個大排檔, 咁佢地提供既服務同衛生既問題就會覺得理所當然, 而且會有值得既感覺今晚食飯好

要去九展睇show,所以黎呢度食完先去,6:15pm去到已經開始要等檯,同老婆去兩個人去話咁好彩淨番張2人檯唔駛等.....結果張檯係開係收銀機前面.無餐牌,但有張叫圍頭菜點菜紙,碟碟例牌計,$50碟,睇完一輪,唔係圍村人,唔識揀,叫左個四人餐$433,有燒鵝半隻,蟹皇翅,炒青菜,旦黃粉絲,蒜香蝦,烏頭一條,甜品.(唔好奇怪,我同老婆兩個人既食量可以好驚人,如果d野係好食既話)招乎係舊式茶樓招呼,好睇個員工有無heart去service你,我果檯果個就幾好,我見隔果幾檯就嗌左人幾次加水都無應機,d杯杯碟碟都有d崩,地下d地毯好似十年無吸塵咁,果然好舊式茶樓feel,但清潔都叫做合格既.食物味道就有好有唔好:燒鵝半隻- 好味,皮脆,微熱,有鴨香,有肥油但肉質瘦.蟹皇翅- 碎翅,蟹肉鮮但亦附上啖啖有蟹殼送,熱食好味,凍左難入口.炒青菜- 賣相差,但有鑊氣,好味.旦黃粉絲- 幾好食,唔咸,好過食炒粉麵.蒜香蝦- 其實炒得幾好食,入味,但要連殼食先好食,未必個個都肯食蝦殼.基本上d蝦殼都幾難脫.烏頭一條- 大條,但係肉質普通.一般.甜品- 例牌紅豆沙,似屋企啊媽整既水準,唔錯.跟餐唔送馬拉糕做

Dec 10, 2007（星期一）晚上　８:30　Book了１２人枱，點了迷你九大‘簋’(供6至8位用)香茜燒米鴨半隻（一流，一定要吃，皮脆肉滑不騷，我好怕鴨騷）圍頭五味雞半隻白水浸烏頭1條盤菜豬肉1碗（好似扣肉）陳皮豆豉蝦1碗（都好味）蟹肉河口絲1碗（好似炒雜菜，略干）時菜鯪魚球1碗蠔油炆北菰1碗糖醋酥肉青1碗奶王馬拉糕1籠合時糖水每席$468雖然話白飯任食，但原來吃完付送的小木桶飯（約11碗份量），便要自費每碗計。另外再叫拖地叉燒（意思係隻豬肥到肚腩拖地，用呢個部位來做嘅，雖然肥但好味），咖哩牛筋（淋同入味），砵仔焗蠔（幾好味）、蒸茄子、鱸魚蒸腐皮（OK）、椒鹽羊架、鮑汁生菜，還有其他記不起來。落單後10多分鐘便上菜，整體來說餸菜味道不錯。初時都擔心服務態度惡劣，但又唔係丫，侍應都有笑容，沒有黑面，要求好快有回應。都咪話9時許都爆架。埋單$1,040.-

媽媽生日~同埋家姐細佬同埋男朋友~五個人叫左五個送一個甜品--1.生炒骨-好好味~唔似出面食o個D囉~我幾鍾意2.五味雞-個個都話好味就叫黎試下~似豉油雞~不過真係唔錯,好滑好入味3.梅子麵醬蒸烏頭-本身我唔係好鍾意梅子~不過有人介紹~呢個真係好好味呢4.缽仔魚腸焗蛋-第一次試,又係有人話好味~不過呢個...我真係唔識欣賞,下次咪搞5.什茶煲~唔係好多油份量都OK~不錯!甜品-馬拉糕~好好味~好軟好滑好香!讚食飽飯仲有糖水送~細細碗其實都夠~食到好飽飽呀!仲試左豬酒lo飯...我就覺得麻麻地喇~呢度D人話員工服務態度超差~不過我覺得都算係咁~人地咁忙~~好難要人地真係笑容滿面對你架喎...你諗下人地一晚做幾多轉~我覺得他們已經盡力了價錢又唔係好貴...唔可以要求咁多~最緊要食物好食!

圍頭五味雞:肉質(梅),只是一般雪藏雞,冇特別、難食!芝士蝦伊麵:厨房不記得落芝士一樣、冇味,山渣排骨:味道上可、但趕時間費事切,三兩件大大件算數!京式窩咩牛肉:啲牛肉得(哪)味,慘!家香砵仔生蠔:疍過火、多粉絲有少量蠔碎!豬油撈飯和蒜茸荳苗就一般。反而馬拉糕＆西米糖水ok!８個人埋單600元不算平,有甚麼理由還有洒樓不收信用咭!!!