大榮華圍村菜 (已結業)

有同事生日﹐所以一早訂位﹐星期五下午去飲茶﹐訂位的態度不錯﹐去到也很快有位﹗食物方面﹐味道挺好﹐其中芋頭春卷﹐很香﹐圍村小籠包﹐也ok!但不適人人可以接受﹐我就覺得挺香﹐個皮係粉果皮﹐不過舊肉都幾大舊﹐所以唔係人人鐘意﹗他的甜品不多﹐不過西米露不錯﹗至於衛生方面﹐就有待改善啦﹗首先﹐有些筷子和碟邊都有污跡﹐叫左個窩米﹐裡面仲有條頭髮﹗雖然他們很快就收起﹐不計錢﹐但是﹐這方面真的有待改善﹗

幾家人打算星期六一行12人到這兒吃晚飯,但打去訂位時他們說星期六是不可訂位的, 除非訂5:30pm or 9:30pm, 就算去等位也要夠一半人才可入座. 坦白講, 接電話的幾位女士語氣真係麻麻,我見佢D語氣咁唔「志在」, 咁就算啦, 去第二間好了. 而事實上,亦真的是令人很不方便的安排, 訂得12人, 十居其九都係有心去的,我仲要一家大細, 仲要上年紀的居多, 點叫D老人家一早去同你一齊霸位啫?!

星期日中午飲茶都預左要等好奈, 惟有兵分幾路等啦. 不過始終心儀大榮華, 好在比起德福0個兩間快有位叫左十幾個點心, 一碟炒野哥哥同嫂嫂都鍾意又燒包,無出面0個d咁紅同埋肥膩,叫左兩籠雞絲粉卷幾好味胡椒豬肚湯　好入味馬拉糕唔錯軟綿綿大家都讚d野好食,不枉要行多d路腸粉只賣到11點, 太早了吧!蒸飯, 雞球大包又賣唒, 點心款式唔夠多, 有待改善toilet 地下有d濕, 最好有個亞姐stand by la如果行過黎條路有多d指示更好, 有d難搵，要同圍問人期待下回再試晚飯5大2小埋單~＄３４２

尋晚第二次到呢間大榮華食晚飯, 相對上次賓噓咁多人等位, 尋晚就少好多人, 唔知係咪好多人俾dee食評嚇親呢?擔心太多人, 6點半就去搵位, 點知去到大堂一個人都冇, 即刻有位唔使等, 入到去見都仲有吉枱 , 未齊人,得我一個齋坐成粒鐘, 8點幾先齊人, 4人叫左五味雞, 蒜香蝦, 鮑汁群翅邊生菜,紅酒炆牛仔骨, 馬拉糕, 樣樣都好味, 隻雞仲食唔晒要打包, 成枱 人最開人見到個馬拉糕熱辣辣, 好食, 好多人都話dee waiter/waitress服務態度差,都唔係呀, ok架拉(唔知係咪俾人投訴得太多, 改善左), 食餐飯都同我地換左2次碟, 見我地碟雞擺, 都好有禮貌問我地使唔使打包,食飯其間見ⓑ ⓑ 不斷來到同我地隔離枱 soso, 應該係熟客.臨走之前, 另一隔離枱 叫左迷你九大鬼, 覺得好抵, 決定下次叫多dee人再試.p.s. 枱 同枱 之間實在太"big" 啦, 希望闊dee就好啦!

尋日同屋企人加阿妹男朋友一行七人去o左大榮華食飯, 我o地叫o左個4人餐,3款小食再加兩個小菜.價錢絕對唔貴.4人餐: 有一鍋蟹肉翅(唔覺有翅不過都有幾多蟹肉,味道一般), 燒鴨(一般), 雞蛋炒粉絲(好韌,又乾),干炒蝦(都炒得幾干身,可以接受),清炒油墨菜(好甜,好味),豆醬蒸烏頭(都可以但偏咸).糖水紅豆沙同麥米粥, 兩種都好食3款小食: 鮑汁冬菇抆鴨掌(好深色好入味), 鹽水雞腳(一般), 咖哩蘿白牛筋牛肚(好味)兩個小菜: 五味雞(隻雞好滑,不過阿爸阿媽話係雪藏雞, d汁好咸, 分唔到五味.哈哈~), 馬拉糕(最好味,熱辣辣)整餐略偏咸, d 阿姐成日換碟(洗o個個都幾辛苦, 我o地o個台換o左4 次).我都見到滔滔, 他真的好肥..........

這裡的食物唔係難食，都唔係貴.....試過就算....但個個盛讚既馬拉糕我就覺係好味.......但未去到話好好好好味....其實冇咩特別JA我覺得...

等0左咁耐,終於有得食喇! 元朗太遠,kln bay照殺! 仲見到滔滔tim! 食0左好多野呀...每樣野都幾好食. 最好食當然係,馬拉糕啦!!!!!!! 新鮮出爐,軟軟的!少少甜,加少少奶皇...yo yo yo! 必食!第二好食係個梅子鴨~肉滑.有鴨味,好快俾人清曬!豉油雞都好好食! 個雞入0左d豉油味,又煮得剛好,肉滑.其他野唔係好記得la..哈哈..寫住咁多先.btw,d人d態度好差...不斷問我地要唔要叫多d野,我地都未食曬,叫咩多d野呀? 你出面又無人等位,洗唔洗趕客???

如果要入元朗食, 對我黎講實在太遠, 難得咁近有得食, 今晚就同屋企人去食... 真係又飽又好食, overeat左都算!1. 一字骨 個汁好好食, 其實即係燒豬仔骨, 有少少肥肉, 正!2. 五味雞 雞好滑, 但我唔知點樣叫五味, 似豉油雞多d, 都幾好3. 蟹肉蛋粉絲 好好食! 粉絲加蛋好夾, 加上少少蟹肉, 唔會太齋, 正4. 魚香茄子 average, 因為太油5. 豬油撈飯 好香好開胃, 連我要keep fit都放棄一次, 一定要食6. 馬拉糕 係食到勁飽都一定要食... 雖然冇乜奶黃味(層奶黃太薄, 唯一的弱點), 但個糕做得好香好軟, 係必食的飯後甜品7. 麻蓉包 另一推介甜品! 本身我好喜歡麻蓉, 所以特別覺得好食, 因為個麻蓉都係好香, 但會好濟, 真係要留肚食其實我地仲叫左好多其他野, 不過我冇食過所以comment唔到... 服務呢, 我唔覺得特別差啦, 不過都唔好expect會有笑容滿面的waiters serve啦~

食物好食,雞鴨馬拉糕水晶飽都好好味,好多人都寫左唔詳述喇.只係想講,係呢道都睇左d服務不好,已有心理準備,冇乜期望.亦冇諗過要咩野笑容但試過果然仍然令人氣結.估唔到我地都收到"接"接"聲. (唔通係呢度特色?)叫佢做野唔肯做之餘,仲要比說話你聽.

集合生日、做節於一身o既飯局，一行八人操到大榮華。平日六點可以訂枱 ，不過都要半數人到齊先拎得枱 。好彩兄弟都早放公，仲趕得切。六點鬆d 已經坐定定，由於要等齊人。所以叫左倆個小食：咖哩筋腩、冬菇鴨掌。筋腩一般，鴨掌入味，同樣都係$20蚊雞。各人發表一陣意見之後，菜單終於落實。點知，食神出現...當然要問聲：有乜好推介？食神滔滔馬上如數家珍咁寫好一個八道餸 o既菜單！總之有魚有蝦有蟹有肉有菜咁...其中較為深刻o既有蝦湯咖哩炒芙蓉蟹，聽食神滔滔，先煮蝦湯，再用蝦湯煮蟹，好鮮味！(一斤重$100)其餘山渣肉骨頭、和牛油炒雜菜絲、橄欖油香草燒蠔(小食)，都有上佳水準。不過，蜆肉韭菜炒蛋就麻麻地...食到最後都仲有...估唔到第一次鈬 ，就有咁大驚喜，我懐 張菜單都無用武之地...味道好、價錢平、人勁多(平日喎，都爆晒)服務個別人仕啦...

星期6同朋友食飯眾舊，就去試下大榮華。食物幾好，又夠抵食。不過服務就差到喊，仲差過d衰既茶餐廳！打電話問過，知道無得訂七點後。所以五點半就去左羅飛仔。去到reception我：「唔該，十位。」之後個阿姐就"fing"左張飛比我，冷言冷語咁講左句：「要等好耐。」我己經有d不爽，不過都好好聲氣咁問：「咁樣呀，想問下七點會唔會有位呢?」阿姐：「唔知wor！要等好耐。」最重要係果個阿姐全程都無望過我！一眼都無！淨係望住張等台list！！朋友們準時七點到左，仲有成八張台先到，之前果個半鐘都只係叫左十張，就叫左朋友去德福行陣先。七點半，忽然叫到我果個No.。行到去比張飛阿姐，佢立左我一眼，然後又望番佢張等台list，阿姐：「得你一個o炸？」我：「朋友係德福行緊過尼...」我都未講完，佢又"fing"左張點菜紙同台號紙過尼。阿姐：「入得去」。入面既service同出面lee位阿姐無乜大分別連負責羅張單尼埋單果個阿姐都係，我一話叫佢放低張單(成班frd食飯AA制，要甲錢)，佢就即該"描"左我一下，更發出不愈既聲音("接"一聲)，放低張單同果個夾就走開左。果下我成班朋友都嘩一聲講真，好生意唔休做都唔洗咁

23 August 2007 (Thur) - 午飯同同事黎食，四個人叫咗個四至五人餐，唔錯，都食唔晒，4-5人餐有：乳豬併切雞- 乳豬幾脆，好味，切雞就雪藏雞，好多紅色肉．．．黃金蝦- 好美味，蛋黃唔太多，唔會太喊，炒得好香，蝦夠大隻亦新鮮，連殼食都得魚片炒西芹- 魚片唔錯花姿片雞肉炒西蘭花- 個雞肉真係麻麻，所以唔太鍾意呢個炒飯- 唔記得咩炒飯，但又係有蝦，炒得幾好味其實最講係呢度啲waitress真係好唔願做咁，完全無笑容，面黑，點解要咁呢？總之叫親佢哋 做嘢，無論係加茶，落order都係全程面黑，唉．．好趕客呀．．．．

星期五，六點三去等位，大枱本可即時入座的，但我們未齊人只好等夠人才可入座。七點九入座了，環境較迫，但還可以吧。食物方面其實我覺得都ok,記憶中的餸菜如下：五味雞─嫩滑，但無乜雞味拖地叉燒─我食的一件很肥，但已無機會吃第二件了豆醬烏頭─個醬好好味，魚亦新鮮薑蔥魚腩─來到看見好像炸魚一樣，有D失望，但食落都好滑，也不錯魚唇煲─一般，不太特別，下次唔會叫豬油飯─長輩們說豬油不夠香，share試試玩吓都不錯的馬拉盞通菜─ok好戲在後頭**********馬拉糕─好香、好滑、好鬆軟、好好好鴛鴦水晶飽─奶黃味較香滑、海帶味較特別，最重要是個水晶皮唔黏口，厚薄都ok糖水─麥米粥和紅豆沙，是送的，不太甜，不錯之前睇食評見大家話服務態度好差，但當晚雖然人多，但阿姐、阿叔都無話口黑面黑，最後送糖水計人頭還計埋兩個小BB。不過不得不提，他們工作效率真是一流，換碟收碟速度極高。

外母生日,老婆o家亞哥話o黎呢度,我付責等位,半個鐘倒有位.又到叫o野o家時侯,一大張餐紙任簡全部都係$48.叫了五味雞,一字骨,蟹肉蔬菜羹,魚香茄子煲,豆醬蒸烏頭,豆醬蒸鱸魚,魚唇鴨掌煲,黑椒牛仔骨煲,芋蓉煎蛋,豬油撈飯,干燒伊麵,銀魚仔炒飯,馬拉糕,啤酒,波蘿蜜及柑桔蜜.聞名以久的食店,對一些曾在鄉村長大,像當你到了外國見到有雲吞麵,叉燒飯唔理好醜都會有拍番碗的衝動.比較好味有五味雞,味道帶甜,肉亦嫩滑,豆醬蒸烏頭及豆醬蒸鱸魚,好味在D豆醬,但覺不夠濃味,豬油撈飯,唔駛講豬油加頭抽撈麥都好食.其他菜式,是但一間茶餐廳都做到,或做得更好味,由其是干燒伊麵,銀魚仔炒飯,完全無麥味,D麵淡茂茂,D銀魚仔完全無鹹味.食完呢一餐,又要出去搵D甜o野食.

呢間野真係想幫襯都好難,頭圍竟然要5點半,仲要有成村人排隊.叫左個九大"鬼"套餐再加個什菜煲.唔逐個講,只講D好食野.雞同燒鴨都係有水準,芋頭扣肉好正,最欣賞係蒸烏頭,好鮮味,其他都OK.至於所謂豬油撈飯,D豬油肯定唔夠純正,冇乜豬油味.食食下滔滔走出黎逐䒷 so so下,同人影下相,呢個超級公關真係好厲害,咁好生意,都係多得佢.