大榮華圍村菜 (已結業)

十月二十五日，星期六，跟朋友慶祝生日， 一行六個大人，一個小朋友。 訂位時嚇了一跳，只有五點半入場七時半交枱。 準時去到， 門口只有三四人等位， 內面則全場爆滿， 但走時已見有好幾十人在等位， 很恐怖!來榮華只因大家沒有一起試過， 而地點近朋友家， 方便她帶兒子。 大家一心想食一吓出名的菜式， 幸好也沒有令人失望。點了很多款， 吃剩1/3碟雞和1/2碟鴨， 朋友打包回家， 其餘全吃光，因不想浪費麻。1. 圍頭五味雞 ，不錯，一定要試2. 豬油撈飯 (朋友堅持要一人一碗，我跟老公share一碗，因我們怕”肥”的東西， 所以只想一試) 很滑沒有想像中肥的感覺，頭抽不咸，沒有搶晒味，不似一般鼓油撈飯， 可以一試　（六人叫了四個，　一人以前已試，　今天沒有吃，　另兩人很喜愛，　三人覺可以一試）3. 頭抽浸米鴨，味道一般，肉夠淋 (原本當晚枱上有張紙仔推介香煎南乳米鴨，但六時許落單時已賣斷，因只有四份，得咁多，好心就不如唔好賣)，　一人不吃鴨肉的，　所以吃剩最多）4. 頭抽蒜片煎生蝦，蝦不算新鮮，但頭抽煎完的蝦肉不算太咸，香口5. 拖地叉燒，普普通通，多肥肉 (已叫了要廋)6. 脆皮燒肉，味道

異常囂張的訂位方法，訂位的話請五點半進場，與所有人談起都覺瘋狂，要吃結果只好選擇等位了。兩個人六點三到取票，在附近逛多幾逛再買定雜誌等，七點半左右有得食。不過既然真係咁旺場，何解又要做款款50蚊特價呢?奇奇奇...有平野食就咪問咁多，先來一個家鄉feel的胡椒枝竹豬肚。榮華號稱圍頭菜專家，此等家鄉小吃肯定不會差。枝竹與豬肚互相吸收對方再加上胡椒的味道精華，小小的一碟實在已是異常精采。然後正菜上場，當然也要配合圍頭菜和韜韜先生胖胖的印象，挑的均是肥野或是懷舊野。來榮華又怎可少得頭抽?頭抽蒜片煎生蝦，蝦不是極度新鮮，但頭抽不算太咸，總算發揮了「吊出鮮味」的功能吧。鮑汁魚唇玉掌缹，是最有印象的一款。外表色彩很豐富，魚唇單吃會相當腥，換句話說是很有魚味，加上鮑汁中和一下很易入口，愛魚者會很愛。不愛魚的仍可以吃玉掌，淡淡的魚味確是提升了味道。咸蛋黃蟹肉西蘭花，西蘭花略嫌乾了一點，這個醬汁配另一款菜會否好一點?說實話縱使碟頭小小，仍是很抵吃的一餐：如果不趕時間的話，兩個人吃也可以有很多選擇。

差不多食到十點,叫服務生取消單,有話冇得取消,唔緊要--叫糖水叫左四碗紅豆沙和兩碗麥米粥,但最後來左兩碗紅豆沙和四碗麥米粥,佢話我們叫錯, 我們都無所謂!!!之後個水晶飽一看就知翻熱,佢話唔係.............

8-24 一早book左17:30 12人食晚飯點知俾張10人檯我 個女部長仲話"依張檯12個人架 後面d大檯比16人架"足足嘈左幾個字 至肯比張正常12人檯我你而家當我第一次坐12人檯咩食物(見圖)我黎完依度有以下評語第一差 服務差女部長態度好差 完全唔當我地係客18:00 島 完全欠人手上菜第二差 食物差隻雞好多毛 條魚好腥普遍食物都好咸 好多油千奇唔好同老人家黎食第三差 招牌食物差好多人都話依度最出名係豬油撈飯但我覺得 好差個兜好熱 但估唔到d飯唔夠熱一食就知唔係純正豬油 應該係豬油再溝油----------------------------------------唯一好價錢唔貴12個人 1150蚊一人唔使一百蚊----------------------------------------唔信我都可以睇下依間酒樓既其他新食評

對上2個既星期六我去左九龍灣既榮華酒樓飲茶..2個人叫左百花魚肚; 唔知咩肉燒賣(咪又係普通燒賣), 鳳爪, 鯪魚球, 蝦膠釀節瓜同埋超級勁難食既圍村小龍包.其他點心都唔需要介紹呀,這個小龍包真係要介紹俾大家.....千奇唔好叫呀.基本上佢就係粉果同牛肉既混合體, 餡係牛肉球皮就厚身粉果皮..味道怪怪唔多好食呀.其他點心都係一般啦..仲要碟碟都幾多油...相信我都唔會再有下次.

一個月前訂位慶祝家人生日，只可book五點，其他時間要自己去等，五點十分到已經全場爆滿，五點食晚飯都係第一次，一行六人，點了迷你九大鬼，有……香茜燒鴨半隻…我唔食鴨，所以唔知味道圍頭五味雞半隻…一流，一定要吃白水浸烏頭1條…普普通通盤菜豬肉1碗…好好味陳皮豆豉蝦1碗…一定要試蟹肉河口絲1碗…普普通通時菜鯪魚球1碗…普普通通蠔油炆北菰1碗…普普通通糖醋酥肉青1碗…普通招牌奶王馬拉糕1籠…一流，勁一流，一定要食合時糖水…紅豆沙、芝麻糊、麥米粥任選，N年無食麥米粥，正小木桶飯，加豬油變豬油撈飯服務態度唔係差會再來

原本想去土瓜灣打邊爐慶祝朋友生日. 怕太熱,上網搵食,諗住廣東菜,又係滔滔開既,實無史, 點知出事.晚上去到成8點半,都要等位........諗住一定好好食. 仲見唔少人走時一包二包....等咗一陣,已經有位. (個時有個客問,佢個number仲前過我,點解佢無位,門口呀姐勁串,碌大隻眼話佢之前叫過啦,叫過好多次..........連朋友都話佢好似想殺人)入到去,仲要等主角,叫咗個鮑汁鴨腳食,22蚊都好大碗,雖然唔凍唔熱,都ok.之後.......叫了其他送, 一食就.......好失望.xx脆皮豆腐 - 食落,唔熱又無味. 豆腐好似現成既,唔係自己炸,拌以幾條白菜. ham蛋蟹肉西蘭花 - 搵唔到有ham蛋,成個菜好淡,又唔熱,d西蘭花好硬,仲有臭青味. 不過好多蟹肉. (剩咗成碟)招牌炒飯 - 講得招牌既,實無死啦,一黎到,見到個樣都唔想食(似雞肉燴飯多d). 試咗一啖,又係唔熱既,結果成碟我叫朋友打包返屋企,炒熱同埋炒乾身d. 頭抽蒜片煎蝦 - 見到有2個價錢,一個60蚊有4隻,另一個係set一個價,50幾蚊. 結果要了50幾蚊個隻,黎到色水夠,食落味道可以. 不過蝦唔新鮮,而且

Mami生日，就打算全家人（11位) 去試下大榮華(從未食過大榮華).Fully booking, 我就早左一粒鐘去等位...嘩...好誇呀!!門口竟然有成50-60人等緊....心諗今次一定食到d特別既圍村菜.一坐低就order 個大既九大鬼+2個小餸(班腩, 魚腸煎蛋) 我的食評：食過乜，我都唔記得．因為太難食...食淨最多就係果隻最出名既"五味雞"同果隻"鴨" Mami的食評：嘩，呢ｄ咁既餸都咁多人黎．算喇，"笨"都要俾人搵一次嫁喇 細佬：圍村人真慘全晚只見滔滔行黎行去．．so so下咁...我真係想同滔滔講句：唔係你咁肥，d人唔會黎....唉!

今日一班好友 6:30到場, 傻傻的等了一個多鐘頭才入座, 當時仍是滿懷希望, 點了之後他們只用了15分鐘的時間就已經全部上齊, 菜加下 :脆皮憢肉 - O.K, 很脆但很肥五味雞 - 好似豉油雞, 沒什麼特別, 但好咸蟹肉西蘭花 - 無味, 脆皮豆腐 - 無味頭抽吊桶 - O.K , 不過涷的菠籮生炒骨 - 無味, , 從未試過咁難食, (唔好試呀!)豬油撈飯 - O.K (粗菜館好味D)頭抽蒜片煎生蝦 - 無特別, D 蝦唔新鮮鮮腐竹蟹肉菜羹 - 食唔出味道馬拉糕 - 熱辣辣真係好好味, 一定要試!紅豆沙 - 好味, 不太甜鴛鴦水晶包 - 朋友仔話 O.K壽飽 - 熱辣辣好味!除了 馬拉糕, 紅豆沙, 鴛鴦水晶包 和 壽飽 外, 其餘菜都是暖的, 一D都唔熱, 感覺就好似在怏餐店食二飯咁, 好失望

第一次去大榮華食晚飯,慶祝朋友生日,三人order 了:五味雞 - 雞好滑,雞皮好入味,但頗肥 頭抽蒜片煎生蝦 - 汁好好味,但一塊蒜片都無 釀土鯪魚 - 肉有d "縮" & 酸 梅醬一字排 - 原來係燒排骨, 無乜特別 豬油撈飯 - 自己調味,可加豬油 & 頭押 ($9)奶黃馬拉糕 - 好好味, 夠鬆軟樣樣 $52 一碟/碗/籠, 平貴睇下你點選 由於坐得好密,所以都幾嘈

出差回來甘啱老友得閒係九龍灣又甘啱時間還早最啱係重有最後一張靠邊二人台吾洗等，好似整定有食神幫襯食神。又甘"喬"食神滔哥系度好似大明星甘滿場飛同D客吹水、合照 ...第一次黎兩個人就叫D例牌菜試下，由點菜至上齊都吾洗十分鍾，快過大家樂 -- 即係好似快餐店兩餸套飯，要個樣即 "畢" 個樣第一味 : 五味雞 .. 除左甜豉油味就冇其它味道，明顯係雪雞D肉冇彈性 .. 同街市二流燒焟店D平價油雞冇分別 ... 不過五十二元一隻重想點第二味 : 焗魚腸 .. 完全冇魚腸應有既甘香個面又粗硬，相信係一早做起放在暖柜內等待order既結果第三味 : 豆角炒豬爽肉 .. 勁油同超濃咸醬料味，完全食吾到D豆角同豬肉既原來味道..同埋內藏三、四塊排骨，係執碼忙中有錯 ??第四味 : 馬拉糕 .. 人人贊好既一味又真係有原因既，鬆化又吾太甜，真係吾錯兩老友飯局菜已足但不忘呢度既豬油撈飯，吾知係吾知落多小豬油同豉油既份量同比重定係吾啱個人口味，只係覺得一般試過就算 ..連埋十八元三枝加一礶細ICE啤，兩個人共計二百八，吾算貴喇值得一提既就係幾位阿姐們就算場面勁旺都非常快手幾乎在有需要如換碟加水時都即到都吾

朋友在九龍灣大榮華訂了一圍請食飯, 說訂了 6:45 的枱, 準時到達, 連大連細足足 15 人, 朋友說本是訂房, 但來到卻是屏風間隔, 屏風所間的地方實在很細, 15 人真的很逼, 但開心聚會也不太計較了. 朋友力讚這間大榮華, 但聞名是不是等如見面 ........朋友電話訂位時已訂下菜單, 所以一人齊, 未夠 7 時侍應已那那林上菜,第一味上的是朋友力薦的頭抽蒸乳豬, 記住是蒸豬不是燒豬, 嘩! 本人和部份朋友都覺得蒸豬的買相幾嚇人 全隻帶着淺啡豉油色的小光豬呀, 光看已感肥膩, 需然入口也算美味及不覺肥膩, 但我真不太識欣賞 祗吃了一件已放棄, 還是傳統的大紅乳豬好. 五味雞 - 好味 但太似豉油雞, 唔知點解會叫五味雞, 除靚豉油外還有那些香料 ? 脆肉瓜炒豬爽肉 - 好味及好大碟, 但這是好普通的家庭餸, 阿媽都識煮梅子麵醬蒸游水烏頭 - 2 條好大的烏頭, 好吃嗎 ? 烏頭其實是下价魚, 魚肉根本就係鞋的, 所以吃烏頭一定要配合醬料才好吃 (如蒜頭豆豉,欖角, 麵豉, 檸檬, 普寧豆醬等 ), 其實游水烏頭也不難找, 街市很多時也有, 但來到大榮華就下价魚都升价十

元朗既大榮華食過九龍灣呢間分店又食過都係唔知有咩咁特別 甚麼圍村菜 其實都係普通既小菜出名在係肥佬老闆不過呢度唯一可取既係 呢個豬油撈飯唔怕爆血管既你 一定要一試

朝早10點去大榮華飲茶，直行直入。不用等位。大中小點一律10蚊。十分底吃叫了好多點心。胡椒豬肚湯、雞球大包、白洽勝瓜、牛柏頁、山竹牛肉、切肉燒賣、水晶奶皇包、奶皇馬拉糕。胡椒豬肚湯：十級推介，湯夠濃，豬肚夠腍無異味。還看到很多新鮮的胡椒粒。不是下胡椒粉。比不少潮州茶館還要好吃。雞球大包：普通水準，只售10蚊。勝在夠飽肚。可惜內裡沒有鵅春蛋。白洽勝瓜：新鮮爽甜，豉油另上。下多少悉隨尊便。不過記得要走油。不然會變成油浸菜，可能是圍村特色。牛柏頁：不夠爽，我對同蒸的蒜泥更感興趣。山竹牛肉：普通水準。切肉燒賣：手切的豬肉很有咬口，還有肉汁。好吃水晶奶皇包：口感煙煙韌韌，可惜奶皇不夠味，甜一點會比較好。奶皇馬拉糕：奶皇比水晶飽的香濃，蛋香十足，夠鬆軟。好吃。可惜份量真的很少。四人分吃，一向大食的我都十分飽。價錢很便宜。在這區的油樓來說是十分的不錯。

之前朋友推薦過,一路無時間嚟試,上次想嚟又排晒隊,被迫放棄,今次醒喇....5點鐘就嚟囉位,今次終於可以一試!之前睇過D POST,話碟碟$50,但今日是7月,依家碟碟係50有2呀!即係加左2蚊價! 由於時間過早及人數不多,所以只"輕試"幾道菜1)頭抽浸米鴨(半隻),肉質嫩滑,頭抽味較用滷水味為鮮!(2)盆菜豬肉,有點像梅菜扣肉,當然是無梅菜,不過佢用竽頭墊低,加埋D醬汁,肉淋,OK 啦!(3)梅子面醬烏頭魚(一條),呢碟一放低,仲以為佢好辣,因顏色紅紅地,試後原來一點都不辣,而且兩種醬料加起來,味道確實不錯!(4)麵醬油麥菜(5)蒸饅頭10個 總括而言:味道算不錯,而服務也不像其他大哥大姐說的差!佢標榜是圍村菜,而味道也確實與一般中菜或酒樓有別!不過今次試菜不多,待我下次叫多幾味,試真D,再下結論! P.S.:記得食埋個糖水至走呀....碗紅豆沙不錯架!