大榮華圍村菜 (已結業)

D朋友話在收音機聽到曾志華話在大榮華有日本和牛食, 仲話好鬼好食正喎, 咁咪約班死黨去食囉! 都聽講話好難訂柗ga 喇! 好彩有閒人一早去等位(4:15就係度等喇)……好彩有枱唔洗等, 但係我哋又唔知呀曾生食過d咩嘢正嘢? 唔知點咩嘢菜! 好彩見到肥佬韜係度坐鎮, 梗係問佢介紹啦! 卒之佢講咗:1.頭抽乳豬2.和牛3味:薑蔥爆和牛片/和牛油炒菜絲/和牛碎炒飯. 3.蝦湯咖哩炒芙蓉肉蟹4.馬拉盞西芹魚扣肉眼根5.奶皇馬拉糕頭抽乳豬唔肥膩, 肥廋適中, 和牛3味要$600元(肥韜話用咗500g和牛ga, 事實真係有好多和牛, 應該真嘅), 不過都唔算貴喎, 真係好好食! 嗰d和牛真係好正, 入口即化甘香又嫩滑, 用埋d牛油炒菜同炒飯原來真係好香同好味好多ga...正, 又夠環保. 個咖哩蟹好入味又啖啖肉, 攪到忍唔住再叫咗3個白飯撈汁食, 再加上爽口ga馬拉盞西芹炒魚扣肉眼根…..6個靚女變成大食阿姑, 食完飽到想死!! 呢餐食大咗, 不過都抵喎, 儲夠再食多次.

聽聞嫻嫻地等兩個鍾,星期五晚飯, 6:00拿飛,7:00已坐下: 拖地义燒- 半肥瘦炸軟殼蟹- 是大隻那種, 炸得好油奶皇馬拉糕- 即叫即蒸, 好香豬油撈飯- 一般芝士大蝦仍伊麵底$60 - 呢個價錢, 好味又抵食另叫了兩客$80一碗的魚翅, 大失所望, 湯淡如無味, 芽菜多於一切, 翅很少, 明白一分錢一分貨, 但都不會搵笨到這樣吧! 最後送糖水3人埋單$442

看了在這裡的食評後,今天第一次來這間聞名己久食店品嚐一番!首先報告大家最關心問題--訂位及等位,來之前數天巳來親身訂位,原來平日下午六時是可以訂的,但其他時間也是需要親身等待,本來是預訂星期四,但需要改時間,打電話到酒樓,他說今日訂位巳滿,但可為我加枱,叮囑我不可以遲到,當時真的無限感激!(電話:21487773)來到酒樓時,剛好是下午六時,我們一行六人準時到達,見到外出只有二三人在等后,因我們巳預訂,可以直入及安排到近窗大抬座下,叫了以下菜式:1. 紅酒牛扒---- 一般2. 拖地义燒---- 半肥半瘦,肥瘦適中,很好吃3. 米鴨---- 大大碟,皮脆,肉香,4. 焗魚腸---- 久違了味道,爸爸也讚,好此道者有褔5. 焗蠔砵---- 找了很久才找到三隻小蠔,整體來 說只有疍及粉絲,還是可以的6. 魚唇鴨掌煲--- 魚唇好吃,底下生菜加上汁很好吃7. 豬油窄通菜--- 很好吃,菜有蝦醬香及豬油8. 軟瞉蟹---一定要叫,用疍漿來炸,鬆化可口,每人 一隻還是不夠9. 豬油撈飯---可以叫兩客試試,不夠飯吃可另叫

去過呢度同元朗果間飲茶, 都係覺得好一般, 諗住試埋佢晚餐睇下點解咁享負盛名, 2個人叫左4樣野, 每樣都係$48：五味雞：係佢出名既必叫項目, d雞幾香幾滑幾好味頭抽薑魚腩：爆得好香, 遠遠都聞到, 同埋真係舊舊魚腩, 抵食缽仔蠔仔蛋：入面有新鮮蠔亦有蠔豉, 雖然都幾香, 但我唔好蠔豉, 所以感覺爭d經典炒飯：好似揚州炒飯咁, 炒得幾靚既糖水分別係麥米粥及紅豆沙, 我食紅豆沙, 紅豆好粉, 甜度適中, 好好味!食完晚飯之後令我對呢d加左分, 同埋日後都會重臨晚飯既, 因為都幾抵食。

琴日一早起身，男朋友話睇完食評都幾多人讚呢度既野好食，再加上本身元朗個間好出名，所以都有興趣，唯男朋友一早提醒我呢度既服務態度好差，但係心諗飲茶應該都ok既~ 於是乎就叫埋婆婆、老豆、媽咪同細佬，共6個人去。一早知呢度要等位，約左屋企人2點，就諗住早半個鐘去等位。去到見到出面都坐左幾多人，心想：不妙！然後就去同知客講6位，以下係我地好「精簡」既對話：我：6位丫唔該知：(用眼尾「稍一稍」我)幾多位呀﹖(好「膚顯」咁)我：6位丫唔該知：(無講野，用張白紙寫左d數字係上面，然後「隊」俾我，係「隊」，唔係遞，一句野都無講過)我：唔該... (諗住咁寫應該係有位啦，不過另一邊奇怪緊點解咁多人坐係度，唔知等乜)我bf：做咩丫﹖係咪要等丫﹖幾多號飛丫﹖(係個知客側邊問我)我：應該唔係喎，佢咁寫應該係可以入座...我bf：咁其他人等緊咩丫﹖我：(見bf都問得岩，諗住confirm下)請問係咪可以有檯啦﹖知：係丫！(極其唔耐煩咁)好彩，我bf一早就提左我呢度既服務態度，所以都接受到既... 不過已經係一個極差既first impression...拎起張點心紙，有點兒失望，因為原來呢度既點心同出面無咩分

唔係因為親戚請客,都唔知呢度有間大榮華。由於一早訂位,開左兩圍枱,所以唔使等位。食物方面,真好多,我諗佢地係要酒席套餐,係多到十二人都食唔晒果隻,因為樣樣都好大碟,不過偏向油膩。其中,我比較欣賞西蘭花炒班球,好多班球,而且啖啖肉,份量又多,好味!另夕有個天婦羅都幾意,有炸南瓜,難得唔太油。仲有個湯,有肉有冬瓜有螺,好清甜好夠味,幾得!其他如魚雲,勝瓜,白切雞等等,普通啦!值得一提係一個特別加既黃牛油炒雜菜,其實用料好便宜,但係炒真係好味,有少少蛋,用牛油少,係有點肥,但係味道佳,難得一次,算啦!講開就記得仲有一味豬油豉油撈飯,一人一兜白飯(真係用個砵裝住),自己任意加豬油同豉油,我唔敢食咁多,試少少,覺得都ok,但係幾個席上客都話好好好好味喎!我反而好喜歡甜品,係千層馬拉糕,同埋紅豆西米布甸,前者熱食好正!又軟又香,又夠蛋味,中間一層層仲有蛋黃醬,食都食到兩大件呀!紅豆西米布甸係好甜,但好味,不過又係十分heavy,紅豆又多西米又多,足料,抵讚!不過係上得慢左d,由食完野到等甜品,等左幾個字呀!

由5:45 pm 等到9:15 , 請問仲有人有mood 吃咩, 呢間安排位真係好有問題, 以後點都唔會再來, 而且D 嘢又吾係特別好吃, 真唔明點解有咁多人去?

知道大榮華難訂位,所以提早40天致電,但他們只接受一個月內的訂位. 於是過10天於晚上9時半又再致電, 他們說營業部唔得閒聽你電話, 遲些再打來, 就此被cut 線. 又再於翌日早上11時45分致電, 這次太幸運了, 可以訂位了. 不過, 小姐說, 星期五, 六, 日只接受5時半的訂位. 果然係元朗名店的支店, 農家5時半便要吃晚飯了. 當時我呆了一呆, 只說了一句' 尾圍職工用膳呀? ' 便被cut 了線.香港出品好的酒家多的是, 越華會, 東寶小館, 桃花源, 平宜的有平宜, 高級的有高級. 不是只得你大榮華一間,滔滔有几出名也好, 出品有多好味也好, 但客人已在第一關- 訂位時已給趕走了.

今日係我地一班朋友去0個度食飯..好早就book 左5:30既桌..咁去到已經聽到有一個阿叔係度講咩唔比book 桌咁啦!! 原來係因為fully booking...點知個門口阿姐個態度已經唔係好好咁應個阿叔了..我都呆左一呆! 咁寸都得???之後一路食一路感覺所有服務員既態度都超級無敵勁勁勁差囉!! 一來真係趕住我地走..無啦啦執晒d野都唔再講..(咁lee個都明既..因為多人等..費事比人hea 住)..二來所有服務員好似問多一句都想殺人咁..三來收野放野好唔小心..收一圍table 12人..比佢整跌左3對筷子..四來佢地上至部長..下至傳菜都做到黑口黑面..好似我地要受佢地氣咁!! 不過平心而論..d野真係幾好食既!! 推介軟殼蟹, 馬拉糕..好味道!! 但我相信if佢地d 服務態度好d的話..會更perfect 同埋人地比錢都比得順d丫!!!

上星期五晚7:00左右去到,太多人等,唔知要等到幾時,於是行吓街先,諗住夜D再去,因之前幾次大約9:00左右去都唔駛點等位;約9:00再返去,嘩!點解仲有咁多人架?後來先知原來今晚有人擺左幾檯,所以walk in既就要等耐D,我仲聽到有D人話等左成2個鐘頭tim...9:30左右終於有位喇,都話左夜D唔駛等咁耐架啦,叫左頭抽蒜片煎生蝦,馬拉盞炒通菜,川椒滑雞柳,豬油撈飯同奶皇馬拉糕;最要攞出嚟講既係個川椒滑雞柳,川椒呢樣野,我之前喺其它菜館食過,形狀係好似一塊葉咁既,見佢攞左碟西芹炒雞柳嚟當然第一時間退貨啦,2分鐘後有個經理走嚟同我地講,呢個就係我地點既川椒滑雞柳,吓!唔係啩,呢個明明係西芹炒雞柳加辣椒,川椒炒應該有川椒葉架,佢地話呢個唔係我地講嗰種,係廣東式嚟喎,如果係咁不如改名叫西芹炒雞柳好過啦,起碼唔會誤導人嘛;仲有一樣野,唔係人人都食西芹架,以川椒滑雞柳呢個名,我相信根本冇人會聯想到有西芹,雞柳又少喎,幾乎成碟都係西芹,咁遇到個唔食西芹既點著呢味餸咪嘥晒囉,我男友就係其中一個喇,攪到我要一個人食晒碟西芹,考慮吓改左個名去啦...

燒蠔拼冰肉燒鳳肝-隻蠔都幾大隻，雞肝好厚肉好味香草煎焗蝦餅- 蝦餅打到好重膠質，好好味鳳凰瑤柱炒長遠- 瑤柱加粉絲，炒得剛剛好，又唔太乾身濃湯雞煲翅- 好足料雞煲翅，從未食過咁好，見到一梳梳翅係碗裹面蝦子山根燒魚唇- 個汁好好味又可帶出魚的鮮味，山根吸了全部汁，好味！翠玉骨香雞- 炸一件件雞同無炸雞，一齊炒出，口感很好咸水檸蒸大烏頭- 好大條烏頭呀！翡翠炒豬爽肉.天梯- 第一次食天梯，好特別，好爽口絲苗砵仔飯- 好靚米，加上豬油同頭抽好香馳名奶王馬拉糕- 好大件呀又爽軟紅豆焗布甸- 不太甜的布甸，從未食過咁好味！

九龍灣大榮華(哀過屋村地痞酒樓)全城最差蒸排骨(三個人食,都食剩大半碟)未食過咁難食既蒸排骨山竹牛肉,好削鴨腳扎,咬唔開鳳爪,好咸(元朗個間好好多)五味雞,加咗價九龍灣大榮華我一定唔會再去!保証有位?三成客都無!古唔到死得咁快!可惜!可惜!可惜!最傷心就係我係韜韜既(粉絲)勁差~勁差~勁差~為有番入去元朗大榮華喇!希望佢唔好死住@@@@

經過一輪既補課，繼續既仍然係補課。唔同既係不斷比功課，但係為左預科，一定要努力。 夜晚一家人黎大榮華食飯，雖然係第一次食，但豬油撈飯都聽得多。 款款$48，以佢既名氣黎講已經算抵食，叫左個豉椒鹹菜炒花枝、紅油汁煮牛仔骨同三菇扒白菜。 小菜冇咩特別，同其他酒家差唔多。但豬油撈飯就真係好香好好食。豬油比我既感覺本來係唔健康同肥膩，但估唔到咁好食，而且落少少豬油已經好香。 食完之後好大罪惡感，飲多o的水沖走d油。 服務方面，真係好參差，有一位比較高級既女部長，落單果時態度非常差，落完仲o係度搖頭，差d想同佢理論；仲有個阿嬸，推架車去洗野，經過張枱大叫借過，經過之後仲眼超超，態度十分差劣；但另一方面有兩位高級女部長(2位都係曲髮)態度又好好喎，又有笑容又有禮貌，仲有個哥哥仔都好好態度。 是問咁既服務感度點會得食客既歡心?希望佢地搞好返o的服務啦，唔係幾有名氣幾好食都係假，下次去之前都要諗諗。

2/7同家人去左食飯,食食下突然有個女人大嗌,原來有曱甴o係dou奶皇馬拉糕度lor~~~之後見到d 人企係身,話咩唔好俾佢走..唔知隻野生定係死左...嘩..好恐怖lor..仲係我鐘意食既奶皇馬拉糕...shit~仲岩岩食緊..即刻唔eat.....擾攘左一陣..then 肥滔走出黎~唔知做咩..過左一陣果抬d人走左....terrible 呀~..除此之外, 我覺得d野差左好多,個古嚕肉d肉勁un lor...d 魚又散...d雞ok lor~~連最好味的奶皇馬拉糕都...唉.. 我諗我唔會再去架啦

电話預約(06/22): 我: 想book 6:30pm 晚飯. 女職員: 幾多位? 我: 9位. 女職員: 冇呀, walk in la. (態度超差) 我: 咁係唔係6:30pm 落到黎就有位? 女職員: 唔知喎, 黎到有就有, 冇就冇. (我都末講完即CUT線)walk in 等位(06/22).6:45pm到達, 女職員(相信係同一個人,因期間聽到佢接电話, 對答差唔多)俾咗張寫住9位的紅色飛(大枱)我. No係61. 而我見到佢本薄已排到58. 如是者就開始等. 期間不斷聽到佢叫綠色飛8位入坐,直到約8:00, 我朋友走去問佢究竟有幾多大枱供輪候, 佢竟然答有幾多張枱同等幾耐係冇關係的, D客唔走佢都冇辦法. 如想知就自己入去參觀. 我朋友無奈行開. 再到約8:30pm, 我再問佢其實8人枱坐唔坐到9個人, 佢竟然答得. 我再問佢何解你有8人枱時唔俾我地入呢? 佢竟然答因我手持的是紅色飛. 大佬, 張紅色飛係你俾我, 又唔講清楚原來8人枱都得. 害我地係冇乜冷氣既環境下等足個幾2個鐘. 加上佢既服務態度, 劣. 最終我地於8:40pm入座. 稍為安慰的是食物質數確一流. 但有