大將 (已結業)

接完囝囝放學就同佢去大將食火鍋放題自助餐🍲😋一人一鍋真係好開心，媽媽可以揀少少辣嘅山葵鹽骨膠原雞湯底～而囝囝就揀咗松葉蟹味增湯底～食物方面都有好多選擇，有牛肉、阿古豬、熟食、自製waffle、雪糕同飲品、超多種類蔬菜🥬🌽的😍岩哂low carbs嘅朋友，食菜都可以食到飽，仲超新鮮好味😋👍✨仲有送餐機械人🤖經常出場～囝囝勁開心成日問啲哥哥機械人去咗邊～走嘅時候都要去搵機械人講byebye👋😆下次我哋再帶埋爸爸妹妹嚟食火鍋探機械人啦！

/相信打邊爐都係好多人入秋食嘢嘅選擇之一所以今次我就嚟到將軍澳Pop Corn 覓食呢度充滿將軍氣息嘅大將打返邊爐放題見到佢有一個沖繩期間限定嘅放題 ($368)當然要試試佢啦😋 佢有兩個特別嘅湯底分別係松葉蟹味增湯 同埋山葵鹽骨膠原雞湯前者蟹味十分濃郁 後者充滿特別嘅山葵味道加$60仲有一份松葉蟹腳食 啖啖肉架😝但係最吸引我之處就係有得食沖繩石垣牛🙌🏼真係鮮嫩好味 食落去陣陣牛味 令人覺得好幸福☺️不過話明係邊爐放題 又點止咁少嘢食啊場內仲包括咗好多唔同嘅熟食同甜品仲可以自己整炊飯同窩夫添啊🧇整體來講呢一餐食得絕對好飽成個邊爐放題好豐富 推薦😘-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

今日我哋去咗將軍澳大將日韓放題點食晚餐，呢度嘅放題有多種等級可以選擇，而我哋揀咗沖繩石垣牛級別！呢度嘅裝修非常有日式風格，而且環境闊落，有卡座，而攞食物嘅地方亦都好大，好闊，空間感十足呢度嘅送餐仲有一個特別之處就係採用機械人送餐！都幾特別呢度仲可以自製窩夫，有四部窩夫機，真係玩得好開心首先坐低之後揀好湯底同埋牛之後，職員就會送上一人一鍋嘅湯底，因為我叫咗沖繩牛，所以就會有一磺牛同埋五花肉、特選雞腿肉同埋仲有一個長腳蟹蟹棒，真係非常鮮甜之後我哋不停refill 牛肉，食到咁上下，我哋就出去攞蔬菜類，蔬菜種類眾多，仲有魚滑！個魚滑相當之有驚喜！飲品方面仲有自助汽水機同埋咖啡機，架飛機入邊仲有唔少嘅選擇，例如泡沫咖啡亦都有鴻福堂系列嘅支裝飲品，想健康啲嘅朋友就必飲！醬料區喺中間，小食亦都有唔少選擇，特別係冷盤嘅煮茄子，拌菜，日式大根牛腩，同埋炸雞食到咁上下決定去試吓甜品，自己自製嘅窩夫真係特別好食，我哋仲喺上面加上朱古力雪糕乳酪同埋一啲toppings ，食完一個仲想食第二個！🤭🤭

想起很久沒有打邊爐，今晚趁放假便約了朋友來將軍澳Popcorn 的大將食日式任食火鍋。餐廳以提供多款靚牛肉為主打，包括有日本 美國和澳洲的和牛。今晚很多客人，門口人山人海，幸好一早訂了座，等了十多分鐘便可入座。門口有一個賣日本美食的小超市。餐廳環境寬落，座位舒適，分開每人有一個鍋。而且餐廳還使用了送餐機械人，十分先進方便。自助區有很多款食物，炸物，雪糕，還有飲品櫃等，提供多款鴻福堂枝裝飲品。蔬菜區有生菜，白菜，蘿蔔，粟米等多款，款式充足。丸類區有牛丸，魚蛋，腸仔，芋絲，水餃等。最近餐廳在推廣沖繩限定湯底，松葉蟹味噌湯和山葵鹽⻣膠原湯，十分有特式，清甜入味，松葉蟹還附有松葉蟹腳，嫩滑香甜。沖繩縣石垣和牛切得夠薄身，肉質嫩滑可口，雪花油脂分佈平均，吸收湯底的精華，牛肉味濃郁。五花腩豬肉和雞肉豬肉口感較為結實，煙韌香甜，雞肉新鮮嫩滑，完全沒有雪藏味。菇類和年糕福袋菇類爽脆多汁，鮮甜美味，年糕軟稔煙韌，香甜清新。自助乳酪雪糕味道有朱古力和抹茶兩款，冰凍可口，富有奶香味，軟滑香濃。

同朋友喺將軍澳踩完單車，攰到喊所以想食餐好既，就揀咗呢間打邊爐。我哋揀咗美國特上牛肉既邊爐放題，因為係假期既關係要加$10，所以一個人要$198再另加一，食完之後同朋友一致認為好唔抵食，咁既價錢可以食到更高質，更多選擇既打邊爐...肉類黎講，牛冇牛味，同埋太肥，豬亦冇豬味，雞肉還可以，幾滑同埋冇雪味。自選吧既選擇比想像中少重點黎了，嗰鍋真係好淺好淺，落少少料就滿晒，同埋好快就乾水... 乾水要加湯又要嗌勁耐先等到人黎加，可能因為我哋被發配邊疆，好難先發現到我哋😟

因為價錢幾吸引既關係、今日嚟咗一間將軍澳日式火鍋放題新店🙈一入到鋪面，右邊係佢哋自己嘅小小店，賣一啲急凍嘅食材同埋日式醬料，接下來入到去裝修非常寬闊，而且好光猛，坐得好舒服！店面以木為主裝修～襯晒日式火鍋！我哋揀咗個山原島阿古豬放題，只係$198加一，依度有熱食，各樣火鍋配料加配任食嘅牛肉豬肉、甜品、炊飯、咖啡機、雪糕機樣樣齊😍一黎到，店員會先上咗套餐包含嘅每一款肉，包括山原島阿古豬肉、豚梅肉、美國嚴選極上牛、雞腿肉、五花肉.. 雞牛肉都齊哂！仲可以任添 回晒本啦😂😂丫仲有依到係一人一鍋，夠晒衛生🤫阿古豬肉既紋理非常靚🐷🐷食落冇豬嘅騷味同埋雪味，薄薄的，係少量肥膏同瘦肉嘅中間，都幾香！一定要推薦一下佢哋嘅醬料！除左豉油辣椒蒜，另外有我好鍾意嘅椰子芫荽汁😍唔食芫荽嘅我都覺得非常讚，因為芫荽味唔重，但係椰子味就幾出，用嚟點豬肉同埋雞肉都好夾😍 而牛肉就點返極上牛會好過特上牛，特上牛肥既比例比較多，$198質素黎講算不錯喔，牛肉配生雞蛋正！另外我哋仲追加左一份松葉蟹腳，最得意嘅位係呢一份蟹腳會有一個送餐電動機械人送上🤣🤣好搞笑，咁就慳返人手又食得幾趣味～ 蟹腳係急凍既，不過食落都甜。而熱食當

今日食既係係將軍澳PopCorn一間幾大 坐得幾舒服既日式火鍋店🍲 最近出左沖繩期間限定😍 有石垣和牛同山原島阿古豬放題🤤 仲有新出湯底🤩我地上年去沖繩第一晚就係食阿古豬 所以二話不說就揀左試呢個😆 湯底就試哂新推出既2款 分別係松葉蟹味噌湯同山葵鹽骨膠原雞湯👅 落完order 店員好快就將阿古豬 五花肉同雞腿肉送到 阿古豬果然豬肉味更濃 個人比較喜歡松葉蟹味噌湯 同豬肉好夾 好甜美😋 山葵鹽骨膠原雞湯骨膠原好豐富 山葵味唔算好重 唔食山葵既人都接受得到🤓 我地另外仲加咗一份松葉蟹腳 大隻甜甜丫👅醬汁方面都好特別 最特別係有芫荽椰子汁 味噌芝麻汁 柚子昆布 麻辣紅油同韭菜醬油 我哋覺得芝麻汁同麻辣紅油最正 大家都可以試吓😆同其他日式火鍋店一樣 以自助形式可以出去拎到熟食 蔬菜 魚蛋 飯品同甜品😋 佢地食物選擇都算幾多 最特別係有得自制坎飯同窩夫🧇 窩夫好香脆 帶點牛油味 真係幾好食 就咁食同加雪糕都得😊 最後食埋個坎飯 用上松葉蟹味噌湯 加左1隻日本蛋同白飯 鮮甜無比 好滿足🌟

好久沒吃日式火鍋了、趁週末跟朋友來到Popcorn 新開的大將試試。原來裡面地方倘大、和式設計座位舒適。入口來到中庭附近是醬油和配料區蔬菜區有多款選擇、全部蓋著比較衛生。熟食方面有炸雞、木魚燒苦瓜、炆牛腩等。丸類有海膽丸、牛丸、貢丸等、另外亦有福袋、葛粉等等。一人一鍋、選了松葉蟹味噌湯和山葵鹽骨膠原雞湯、味道清淡帶甜。加了一碟松葉蟹腳、肉質實淨一梳梳的、帶鹽鮮、讚！來自沖繩的阿古豬肥瘦適中、薄薄一片燙幾下就吃得、有少少油香。雞腿肉亦唔會太肥、較健康。肉類亦可免費添加。甜品區有蕨餅和小蛋糕。另外有軟雪糕機、可自助加入玉米脆片和朱古力脆脆等。除了汽水外、有多款不同較健康飲品選擇、例如菊花蜜、竹蔗茅根、咸柑桔。九十分鐘時間有限、大家要爭取時間啊！

今晚去咗將軍澳搵朋友，佢介紹喺Popcorn嗰邊有間火鍋放題人氣旺盛想試下，擇日不如撞日，就食呢間大將。先講環境，全日式裝修風格，仲有個mini超市，自助區同成個場都好大！！呢度仲有個送餐機械人，一次過可以送多野份餐，十分有趣😀放題有5款選擇，最平連埋加一唔使200，見到佢呢期做緊沖繩主題，主打沖繩石垣和牛同埋山原島阿古豬，我地揀左$368嘅石垣和牛放題，已經包晒澳洲和牛/美國SRF和牛仼食😳湯底有2款:松葉蟹味噌湯同山葵鹽骨膠原雞湯。自助區有20款以上食品，蔬菜區都一樣，仲有熟食區同甜品區，仲可以自製窩夫。呢個A4石垣和牛真係正，油脂分布重肉味濃郁，我地2個淨係呢款都食左5,6盆🤤

今日有啲事要處理出咗嚟將軍澳，行到攰攰地又肚餓，決定同女朋友一齊食餐好嘅，揀咗呢間大將日式火鍋店！🥘嗰日我哋6:00pm入去，唔係好多人，坐得舒服，而且裝修都好靚好新！！帶有日本嘅氣氛🇯🇵🇯🇵90分鐘火鍋放題，有多款套餐選擇，價錢最平$158🤪🤪見仲有個係期間限定！決定豪一豪去，揀左個沖繩石垣和牛($368)🤓湯底有松葉蟹味噌同山葵鹽骨膠原雞湯，兩款都好特別，我同女友一人一款！果然冇揀錯，石垣和牛同平時食到嘅和牛有少少唔同，充滿牛味之餘，油膩感冇咁重，但咬落又好軟腍，我覺得好適合打邊爐😍😍🤤2個人一共食左8碟牛就已經好飽。送餐時仲幾特別，有部送餐機械人送到去你枱面，有點先進呢‼️自助吧又有多款選擇，甜品仲可以自製窩夫🧇

突然之間想食日式火鍋 今日來的到將軍澳Popcorn，見到間一人一鍋日式火鍋就心郁郁試下這間， 個style非常地道日式火鍋..用木材為主既裝潢，勁有日式氣氛。Menu有唔同嘅肉類選擇同埋我唔同嘅味道嘅湯底，我哋叫咗骨膠原雞湯底and美國特上牛肉set美國特上牛肉set 包括左任點牛肉 五花肉 豚肩肉同埋特選雞腿肉 每款肉都非常好食 令人想一直再吃、鮮味結實個骨膠原雞湯勁香 基本上食物都唔使放豉油已經好夠味出面放滿唔同食野 擺得好靚好整齊 分咗蔬菜類，飲品類甜品類同埋丸類 如：龍蝦丸、金菇、粉絲,等等...餐牌上亦有詳細列明。配料也盡貼合口味，例：蟹柳，出前一丁，麻吉燒外層似魚蛋內有一層糯米，口感獨特，還有食落卜卜脆幾得意口感既丸，最有驚喜就係個蟹腳，盡吸美味的湯精華。熱食居然有炸雞茄子苦瓜 呢啲都係出邊好少機會食到嘅。飲品各適其適，有汽水 亦有鴻福堂飲品，感覺一啲都唔Hea.店員也很年輕，會推介好吃的食物建議，如果到將軍澳想打邊爐，舒舒服服，衛生又可以一人一鍋唔駛爭就可以尼啦👍🏻

好耐冇出街打邊爐啦！係疫情底下仲可以同老公2人世界，真係好難得。呢間好多人排隊！門口仲有個機械人！又幾特別。沖繩石垣和牛放題 無限添食和牛，添料選擇多！星期一至日$398湯底叫左山葵鹽骨膠原雞湯，味道帶陣陣wasabi，又有雞湯的鮮甜。另一個係松葉蟹味噌湯，蟹味濃，仲有鮮甜蟹腳食。由機械人店員自動送上食物！送完仲會比表情！先係每人一份沖繩石垣和牛、五花肉、特選雞腿肉！沖繩石垣和牛啲雪花好靚，油脂分布好平均，入口溶化，牛味好重！五花肉味道濃郁，咬落爽口彈牙。雞腿肉係超嫩滑，一啲都唔肥！添食的速度係超快，基本上一至兩分鐘就幫你refund啲和牛！飲野任飲，特別推介健康飲品，有菊花蜜、竹蓆茅根等！甜品方面，有自制格仔餅同雪糕！

湯底淡味，選擇少，肉難食，店員態度差晚上六點入座，第一輪，張枱竟然痴笠笠，仲痴住條菜。上湯底都要左一段時間。食物選擇唔多，杯、匙羹都有污漬。牛肉切得較厚，唔好食。叫第二輪牛肉，等左大約十分鐘，仲要俾低一個價位嘅牛。叫店員上4碟牛，原來佢會落兩碟正常價位，兩碟低一個價位，再理直氣壯咁責怪你冇講清楚......

由於太耐無食過shabushabu喇,咁啱黎到大將,竟然見到有呢個沖繩石垣牛火鍋放題喎~~自從去過沖繩同石垣島之後, 一直都好掛住沖繩既石垣牛同阿古豬~~竟然黎到將軍澳食得到喎~~咁就一於試下先黎到大將,竟然見到有個將軍係度喎等候安排入座時仲可以去大將超市行住等行左陣就有位喇,呢度地方夠大,又乾淨夠光猛今日仲有送餐機械人送餐添係其他餐廳都未見過\主菜送黎就係期待以久既石垣牛整體肉質顏色鮮艷，油脂豐富分布平均,REFILL左2,3次,好食,又唔肥膩豚肉 雞肉就比較普通D自助配料有好多款式；獅子狗，魚蛋、牛丸貢丸、芝士丸、木耳金菇、生菜、白椰菜花、秋葵蕃茄、蒟蒻絲,粟米,蕃茄等等仲有日本蛋,細細隻,但好有蛋味,蔬菜區有豆苗、秋葵、生菜、娃娃菜等；熟食區有、茄子、蘿蔔蓉牛舌、咖喱飯,沖繩苦瓜等等唔夠飽仲可以加烏冬,拉麵等等飲品款式有熱飲機,有即磨熱咖啡，朱古力、奶茶、汽水機仲有數款汽水、樽裝特飲等等,想飲凍熱飲都可以甜品方面仲有得自製窩夫,軟雪糕🍦⋯⋯仲有朱古力味雪糕,好味不過只得90分鐘,時間比較短,如 果時間長番D會比較好~~整體黎講,下次可以再黎食過~~

打電話問幾點last order, 剩係話九點半入座。九點半問可以食幾耐，講90分鐘。但九點搭十一已經話要清雪糕機，都明嘅呢啲要時間去清。十點開始執出面啲嘢食，半個鐘咋喎？食到10點20分話唔好意思因為要清潔，所以麻煩離座，我以為自己聽錯。10點30分話唔好意思我哋真係要清潔，麻煩你哋交枱啦。我哋忍唔住話下？我哋食咗一個鐘咋喎，唔係食到十一點咩？佢又話我哋係食到十點半，十一點閂門。但我哋九點半先入嚟，十點半就要離座？最後佢好寸咁話哦，咁隨便啦。嬲到我即刻停哂手，準備走。隔一陣又走過嚟話可能係你同我哋同事冇溝通清楚啦。最後，我哋兩個人比咗900蚊食到一肚氣。嘢食嚟講，個和牛係唔錯，但衛生絕對麻麻。自助吧全部蓋都直接掂住啲食物，啲蔬菜見到唔少黑點，唔知咩嚟。叫佢嚟一碟牛，每次都嚟3碟。簡單嚟講，呢餐飯真係食到好攰。