大將 (已結業)

今日黎到將軍澳PopCorn，晚餐揀左日式火鍋放題店 – 大將，餐廳環境寬闊光猛，位同位之間唔太迫，坐得舒服，裝潢以木系為主調，好日本風~最近仲出左沖繩期間限定，有沖繩石垣牛同山原島阿古豬放題，仲有全新松葉蟹味噌湯同山葵鹽骨膠原雞湯。揀好餐後店員好快就送上湯底同肉類。湯底我同好友各揀一個，松葉蟹味噌湯香濃不鹹，份外鮮甜；山葵鹽骨膠原雞湯充滿濃郁雞味夾雜獨特山葵味。山原島阿古豬油花甘甜，肉質軟嫩清爽，入口即融。五花肉肥瘦相間，鮮嫩多汁；特選雞腿肉滑嫩唔鞋口，啖啖肉正。追加松葉蟹腳，肉質細緻，鮮甜鹹香。除肉食放題，仲有各類涼菜、炸物、炊飯、火鍋配料(丸類、蔬菜、麵類)、甜品、汽水機、咖啡機、樽裝飲品、雪糕機等等。醬料除一般豉油、辣椒、蔥、蒜茸外，仲有柚子昆布汁、味噌芝麻汁、椰子芫荽汁，三款都濃郁惹味，配肉食一流，提升味道層次。炸食首推炸雞同鯛魚燒，熱辣辣有咬口，口感酥脆。最後自製窩夫，簡單易用又好味，有原味同抹茶味蛋漿，跟足指示1分30秒就完成~加埋雪糕球同其他配料就更滋味。店內仲有個送餐機械人，好特別!#大將 #日式火鍋 #shabushabu #日式 #將軍澳

前排同 friend 食 lunch👭🏻見到大將 推出沖繩期間限定嘅火鍋🆕就入咗去試山原島阿古豬放題同松葉蟹腳🇯🇵.首先店員會先上套餐嘅山原島阿古豬🐷五花肉、特選雞腿肉🍗然後添肉嘅時候就可以嗌埋美國特上牛🐄美國嚴選極上牛🐂豚梅肉🐖阿古豬肉嘅紋理好靚😍脂肪含量算係幾高，所能就食落會韌少少🤏🏻但同時豬味頗重😋而美國嚴選極上牛都幾高質🐮肥瘦均勻，口感軟腍😉牛味重😬雞腿肉非常滑嫩實身.追加嘅松葉蟹腳🦀浸咗喺山葵鹽骨膠原雞湯一陣🍲鮮甜味更突出🤤而且可以啖啖肉咁食☺️.自助區包括前菜區🧆飲品區☕️🧃醬料區🧂蔬菜區🥬🍅火鍋配料區🍢甜品區🧁窩夫區🤗飲品有唔同凍、熱飲品提供❄️🔥而最特別當然係可以自製窩夫🧇有原味同抹茶味嘅窩夫蛋漿🥚窩夫薄脆，帶淡淡抹茶味🍵可以按照自己想食嘅分量調教落蛋漿比例💁🏻‍♀️鍾意加埋雪糕食🍨其他配料當然亦可加入窩夫作配搭

服務幾好，仲有埋口罩夾，幾貼心，同食物都好好食，一人一鍋，比其他火鍋衛生，最適合依家這個時段。牛肉蔬菜都好新鮮，最滿意既係甜品，個雪糕好好食。依家仲有埋好多優惠添。總體來講體驗真的好好，真系超級推薦！！

好食，服務好，食物質素好好。價錢合理，牛肉好食。係依家疫情底下，一人一鍋好衛生，好理想！職員態度十分好，一黎就講解張枱個 setting ，好親切。加湯個陣又會叫客人小心！Good!

沖繩牛肉質素真好，大大塊，又夠牛肉味。如果你係食肉量大嘅人，有一個貼士就係一定要每次加肉要叫二盤或以上，因為每盤只有4塊肉，而可能人多關係，每次上肉要4-5分鐘。好似我咁大肉食量嘅人，食得唔夠一氣呵成就唔好啦。另外，佢個沖繩牛套餐，仲可以點多幾款唔同嘅肉嘅。不過當然如果你食呢一個餐就一定唔好食其他肉啦。令我值得一讚嘅係佢嗰個魚蛋，比起其他放題嘅火鍋店，佢嘅魚蛋係幾好食嘅。另外有樣嘢值得一讚，佢有個零度橙汁，味道幾得意，唔似藥水味，都可以一試。

個麻辣湯底幾好味 可以再辣啲就好喇 啲肉都好新鮮喎種類都好多嘢揀. 其實啲湯底好有味唔需要再點啲醬. 仲可以自製waffle. 有得玩仲有得食. 仲有 有幾款食物都幾好食㗎 包括 雪花牛 我一次過食咗十款呀

首先係出面睇餐牌果陣店員已經好熱烈咁向我地介紹火鍋種類，雖然湯底嘅種類好多但係店員都有一一介紹邊d比較清d邊d濃d。入度店內可以見到好多種類嘅食物同小量小食同甜品，最令我驚訝居然有機器人服務員。總括而言服務員服務態度好，食材新鮮，肉方面個人推薦美國和牛。

食物種類多，湯底好味，牛肉有質素，值得一試，選擇了美國嚴選牛放題，選擇了五日市豚骨湯同麻辣味噌湯 味道還好 牛肉的質素都還可以 脂肪比例幾好 飲品的種類都多 有百香果密 好

和男朋友来吃大将啦！在将军澳商圈比较好找的地方，从智选酒店下楼到1楼出电梯旁边就是，地理位置很方便。食品方面选择空间很多，选择200+hkd的套餐就有七八种牛/猪/鸡肉可以选择任吃，环境也不错，小隔间隔开，疫情期间很卫生！而且食品摆放很科学，分区合理，一下子知道有什么吃的！最喜欢吃的是冰激凌！冰激凌不会很甜，入口即化，能感受到是很新鲜的，吃肉期间做解腻非常好！总的来说，下次还会带朋友一起来的！下次还要多吃点！

We toke three kids to here for after school exam lunch. Kids had fun with all the verity choices for hot pot materials and also cooked snacks. We had one-hour menu option and the time is too short. Overall, kids and adults had good time. Will come back with more kids and stay longer

自從係日本食過沖繩石垣牛同阿古豬之後，就一直好想再去~今次終於比我揾到，香港都食到石垣牛啦😆大將依家做間沖繩期間限定，除咗有石垣牛外，仲有松葉蟹味噌湯同山葵鹽骨膠原雞湯一入店就好似去咗日本，等位個陣可以行下佢個日式小超市，有好多款日本調味料同食品選擇~店中間係自助形式的火鍋配料，有幾多選擇：日本蛋、丸類、蔬菜、麵類等，另外仲有飲品區：即磨咖啡、朱古力、奶茶、樽裝飲品等😆完全滿足到唔同口味既客人🌠石垣牛主角石垣牛果然冇令人失望~每片牛嘅油脂紋理分明，食起嚟入口即化而且略帶甘甜，油花分布較少嘅瘦肉嘅味道濃郁，口感富有層次~湯底本身已經好夠味，所以唔沾醬料都好夠味！🌠五花肉同雞肉五花肉肉質新鮮夠軟，食起嚟好香~入口即化😆食下食下都加咗幾盤！而雞肉鮮雞肉質嫩嫩，睇落就好新鮮，煮後口感彈牙爽滑~🌠松葉蟹腳嚟大將除咗為咗食石垣牛外，另一樣令我期待嘅係松葉蟹腳~蟹腳外表纖細，肉質細緻，完全不用任何調味，蟹肉非常鮮甜！ 😆打完邊爐，仲可以自製窩夫~可自己加朱古力、綿花糖等，另有雪糕同其他配料😜食埋甜品就滿足啦~

店內環境舒適～店員服務態度非常好，好細心。店內配料算豐富，亦有熟食提供，打邊爐之前可以醫下肚先，推薦苦瓜煎釀三寶，幾特別！食飽後仲可以自製窩夫，亦有唔同口味可以選擇，有機會會再黎多次

限聚令放寬帶女兒試下新食肆，初看門面以為是日本凍肉店，細看原來是火鍋吃到飽 。 當日是沖繩主題 有阿古豬 石垣牛 今次第一次試 先試了阿古豬 ，下次有信心再點石垣牛開始服務員會先拿一碟牛、一碟豬、一碟雜錦肉類（包括五花腩、雞） ，之後再要 便舉手添加。熟食 有 苦瓜 、牛腩 、咖哩飯 、炸雞 、紫菜卷火鍋料齊全，丸、菜、麵食、菇類都有醬料 選擇多 ，椰子麻醬 、柚子昆布 、麻辣香油 味道跟豬牛合襯有隻送餐機械人，引得小朋友很開心😃湯底是一人一鍋模式 可以試到不同口味湯底 服務也不錯 ，定時加湯收碟 。

週末 難得的一天假期滿心期待去popcron嘗試一下大將結果滿滿的期待一切落空lunch食198美國的嚴選牛但性價比 肉的質素 對於我這食肉獸 無可期待就好像肥牛還比較好吃 大失所望 大概是期待值太高一人每次只能選3款肉豬肉好像好吃過牛 （心痛我的錢）建議要是去嘗試，請吃最便宜的套餐就可以了 大概最好的就是可以自制pancakeswith雪糕一起 是最好的搭配環境是好大 比較大 食物集在在中間咖啡也還可以 畢竟火鍋飲氣水使肉吃少了...

與家人食生日飯，在試吓的心態下進入了一間有驚喜的食店!連家人都讚，一定會再來幫襯!😊一. 先講服務態度 從電話訂座開始，已感受到服務員的親切，因小女人心態，見到open rice有折，所以問多兩句入座時間及折扣問題，她也樂意回答，態度好! 進了場內用膳，職員態度一樣有熱誠，特別有位叫Candy姐姐，很樂意幫我一家影靚相，讓我家有個歡愉的一晚，抵讚呀! 二. 進入餐廳內的驚喜 因預先訂座，他們已安排好一個好位置給我們6人，一入餐廳，被清雅及整潔的環境吸引了!讚!三. 食物新鮮有驚喜,湯底種類多 火鍋選肉有多款價錢選擇，肉類新鮮，連老人家都讚牛肉新鮮，雞肉嫰滑，我家選了中上價錢美國和牛餐，真心如果多男士吃會回本，不過我家女士多，食肉少，所以食唔到本，但也可試了不同的自助小食，菜類食品，甜品及冷熱飲品，也是不俗而滿足的一餐啊！四. 甜品有驚喜 除了雪糕，日式糕點外!最開心可自製熱烘烘的窩芙，太高興了! 大家都懷著愉快的心情吃了一頓晚餐，唯獨是如果時間可加長一點，大家可以再試多點美食便更滿足啊！