大婆牛肉麵 (已結業)

前日到來吃晩餐,點了跟上一次相同的菜餚,大婆牛麵,東婆肉拼豆腐,和上湯娃娃菜.今餐認為最值得攞高分是上湯娃娃菜.味道清淡得宜, 娃娃菜好清甜.大婆牛麵今次麵質似乎差左,無咁彈牙,而東婆肉拼豆腐則common.豆漿仲差...無咩味道..似乎用太多水中和了豆味... 失色

無無聊聊，同男友專登入九龍城試大婆牛肉麵。皆因今日係星期六，無套餐，唯有散叫以下食品︰1. 大婆牛肉麵(大) (HKD43.00)︰味道不錯，牛肉很淋，侍應話牛肉麵會有點辣，但我一點也不覺。2. 大婆蝦麵 (HKD38.00)︰冬陰功湯底，有冬陰功香味，但不太辣，有點酸，不是正宗冬陰功湯底，此外，蝦很老，一點也不彈牙，失望。蝦麵與牛肉麵的都條質地不一樣，兩者口感一般。3. 一字骨 (HKD25.00)︰不夠熱，應是一早煮定，肉質也挺淋，但調味一般。4. 豆漿 (HKD10.00)︰一般

因為唔係成日o黎九龍城，今日o黎開呢度，搵個機會試下大婆牛肉麵之前聽朋友講過幾好食3 點幾 1 個人走入去因為我不吃牛，不得選招牌麵最後我點了酥炸排骨麵飲品有凍豆漿和凍柑桔檸檬，我揀了後者排骨和麵分開上，排骨比想像中大塊，咬下去脆脆的，皮有少少肥肉，好味!!! 麵係上海幼麵，湯就比較淡味，以至麵吃落沒有什麼味 我在想柑桔檸檬是否人手弄的，因為飲到最後，係可以見到一粒粒的，估檸檬"榨"侍應服務殷勤，反應快，面帶微笑 有機會，下次我想試這裡的小食呢

第二次來這裡 因為上次它的確為我帶來驚喜牛肉麵、鹽酥雞軟骨、牛肉麵好像退步了 湯底沒那麼香 那麼夠味 不知是一時失手還是怎麼了雞軟骨很脆 粒粒也是軟骨 咬得牙也軟了 不錯的滷肉是我的最愛 很入味 入口即溶的豬腩肉一次驚喜以後 這似乎已變作普普通通的一餐一次起兩次止 希望它會有其他突破

果日專登去搵來食，下午茶叫左2個餐，都係牛肉麵。問佢同regular個個有乜分別，佢話麵一樣，regular 個個2碾2筋，下午茶一碾一筋。個湯ok, 無乜味精，唔係太口渴；牛碾好似冇乜味，D麵煙煙韌韌，合格啦。不過唔知點解食耐左，條利有諧諧地既感覺…覺得好鹼…$28送豆漿，D麵既份量好夠，下午茶 $28 就差唔多。 regular $37/$43 就太貴…叫多個炸豬排麵，真係即炸好新鮮，等左陣，外面好脆，肉質好彈牙，好似個D丸咁，同埋肉本身都有調味。重有幾條菜，佢應該加埋菜俾牛肉麵嘛…D 野食貴左 D，都幾好食啦…

前幾晚去左食牛肉麵,叫左辣牛肉麵,豆腐魯肉,辣酒田螺及x酥雞招牌菜牛肉麵有d失望牛肉冇味但好諗湯都唔夠味豆腐魯肉細細碟味道夠又唔肥膩唔錯辣酒田螺食唔到有酒味不過田螺超糖..正X酥雞夠味又唔鞋仲有小小肉汁正整體感覺小食可以一試..麵食可以試其他

探完病試下d牛肉麵 d牛肉好淋好好食 但個湯底唔夠濃 導致d麵都覺得一般 我想信個湯底整濃d 例如豬骨多d 會令碗麵更加好食 另外個碎肉湯菜唔錯 夠淋易入口

原價$38的招牌大婆牛肉麵 ,到下午茶時間只是$28, 足足平咗$10, 還有杯豆漿送小食也很抵都只係$13大元一個 牛肉麵 ~ 牛肉肉質很鬆軟,麵身彈牙,原味湯底小辣 另雞湯底比較清,如唔食得辣,可以試這個鹽酥雞 ~ 即炸香口,每件大小適中 燒酒田螺~味道尚可,不過螺中還有沙咸檸七 ~ 兩樣味道配合得天依無縫

到街市買餸之前，先到這裏醫醫肚，已漸成例行動作....太座很喜歡吃這兒的麵，小弟亦然。難得的是食物水準keep得甚佳，每次去都不會太令人失望....言猶在耳，這次吃到的牛肉麵卻是有點失色了。湯底好像不及以往的濃郁，那種特有的五香味是消失得無影無踨幸好牛肉及牛展依然夠腍，否則就更"弊家伙"了反而小弟吃的台式拌麵就頗出色。麵條帶點煙韌，有咬頭；台式肉碎帶着很多肥豬肉，滿口豐香甘腴，味道也調得很濃，很地道。用來拌麵吃，一流通常除吃麵外，還會來多一份小吃，今次吃的就是肉青。肉質爽爽的，不錯。可惜的是肉片得薄如紙，失去了那豐碩的口感，而且那拌吃的豉油內的蒜粒太小了，不太夠味兒雖然牛肉麵有點失準，但我想之後還是會再來的。可以試試牛肉麵以外的東西，說不定像是次吃到這台式拌麵一樣，不斷有新發現呢

路過多次這店也想入去試試，今次lunch time 路經又未吃飯，於是入去嘗試一下。想也不想便點了兩碗她們的招牌牛肉麵(一小辣湯底和一雞湯)，再加一碟炸春卷。牛肉麵(小辣湯底)：先嚐她們的牛肉，好淋，牛腱的筋位亦好淋，入味，湯又少許麻，都幾濃味，本人覺得麻味有點搶去牛肉的味道，麵底ok，但沒有想像中的驚喜。牛肉麵(雞湯)：雞湯較清不會太咸，更能吃出牛肉的味道，本人覺得比較好吃。炸春卷：新鮮炸起，香脆，惟餡料不夠。午市有豆漿送，有豆味，不太甜，ok !結論是二奶(雞湯底)好過大婆(小辣湯底) : )，可以再試其他菜式。

2008.10.15(三) 細佬達約咗人黎九龍城辦事，順便黎呢頭搵食。不論菜式﹑价錢及店舖環境跟毓民牛肉麵幾近相同，感覺登時打了個折 期望味道千祈不要相同就好了。大婆牛肉麵﹑大婆担担麵$28﹑大婆春卷$20﹑涼拌青瓜﹑咸檸七﹑羅漢果蜜 $10牛肉麵湯底濃郁，牛筋及牛腩看似味美，雖然沒有紅﹑白蘿蔔襯托，但視覺上已經加分了﹔細佬達說味道不錯，想必比"毓"記好味。大婆担担麵(1x紅椒)，麻醬沉於底，必先"了"起麵條使湯底醬均勻，入口沒辣味(不明餐牌為何會有1紅椒顯示)，麵條質感尚可不覺糊，若能煙韌點更見味美。春卷是熱的脆的，但醋不夠醋味像是稀釋了似的。涼拌青瓜爽脆好味，而且是拍出來的，這才像樣嘛﹔味道是可以的，起碼沒有怪味，不過嫌它不夠醋香及麻油香，兩者若加強點功力才更頂瓜瓜 埋單 $115

呢度 d 牛肉麵其實幾o岩我口味, 間唔中都有去回味一番,不過近排就愈食愈縮水, 以前牛肉大大舊, 起碼都有 3 舊牛肉, 2-3舊牛根,依家牛肉牛根每樣得 2 舊, 仲要係細細舊, d 麵又少左, 真係愈食愈冇癮,我寧願你加價, 比番足料我, 希望有關人士見到可以留意下.

同朋友去食下午茶, 驚喜在下午茶個價錢一心想試招牌大婆牛肉麵原價$38, 下午茶$28, 平左$10, 還送一杯豆漿味道不錯, 不過湯底更辣會更惹味牛肉很鬆軟, 肥膏多少適中麵都不太淋再點了燒酒田螺, $13蚊不過不失, 但當中有兩、三隻空殼服務很好, 講唔該, 會講番唔洗客氣如果唔想同人迫, 平日下午茶係幾好ge選擇

由於九龍城街市比較齊全﹐所以我都不怕山長水遠去買材料。為了慰勞自己﹐我都會附近的食店飽擦一餐再搜購的。幾年前開始已經幫襯大婆牛肉面﹐仲記得第一次食的時候。好似食左天才小廚師煮的咁..由口到滿足到胃再到心﹐身心都有一種滿意的感覺。但近來再去食﹐已經無左個種由心滿足的感覺﹐究竟係佢差左..定我難滿足了?仲記得上個月我去食牛肉面..牛肉係好夠味﹐但唔夠之前個種肉味的同醬料個種平衡的味道﹐只知食緊一件好有醬料味的肉....雖然味道都不錯的..但都係比之前差..希望佢只是一時失手...下次會有返'味吉陽一'的水準啦

招牌菜大婆牛肉麵湯底夠濃而且清﹐ 不過D麵條唔係o甘好食﹐冇咬口﹐老實講好多地方D麵條都做得比他好。同埋今次碗牛肉麵縮水﹐得幾片牛肉﹐1塊牛根。。。。。鹽酥雞 - 即炸超熱﹐正排骨 - 都是即炸﹐不過一般胡椒豬手 – 冇胡椒味道, 豬手又沒有什麼肉, 不過很入味﹐都OK服務﹕D亞姐服務不錯﹐有主動加水﹐唔該等。