大婆牛肉麵 (已結業)

成日食牛肉面, 今次轉左叫左一碗東坡肉面面就同普通的面差唔多, 而塊東坡肉就唔錯, 夠大件, 肥而不膩, 而且好入味, d 汁就咁飲都唔覺得太salty, 不過個底好似煮過左少少, 窿左..

招牌菜大婆牛肉麵湯底夠濃而且清,可惜麵既感覺無論質感同味道都同湯底味道完全唔夾,話知你個湯底幾有心機做做倒曉飛都無用,總之個麵越食就越唔對路,越食越悶至於辣酒煮花螺同其他配菜反而味道不俗,真係妹仔大過主人婆

過左晚上peak hour 先去,店內人客得小貓3,4隻。侍應好殷勤,可能因為人少,上菜速度亦很快。至於食物方面,點了: 大婆擔擔面。湯底不夠辣,但麵條有咬口,不俗。 魯肉豆腐麵麵條較擔擔麵'林'身,不是我喜好的一杯茶。但豆腐非常入味. 醉香一字骨香是香,但不是醉香。 完全吾有丁點酒味.

上年去過台灣食牛肉麵...無論紅燒還是清湯...久久未能忘懷一直係香港想找回個種味道... 不果 直至我遇上了大婆 上次試完紅燒牛肉麵...食到汗流滿面...........今次去左試牛肉雞湯麵.... (今次堂食有豆漿送... 上次外賣無既 -.-...?)超厚切既牛展肉同埋牛根都蚊得好香好入味... 一入口就覺得好鬆化... 好腍... 好滑雞湯麵既湯底都好出色... 好清好甜... 飲完成碗都唔會覺得太口渴反而個麵底就相對地有點失色... 無想像中咁好食....同埋佢用個隻麵好似同台灣食到既有d分別...???不過暫時係香港食到最接近台灣風味既牛肉麵就係呢間大婆牛肉麵了睇其他食評話毓民的更好...嗯... 下一次要試試了!!~

同老婆晌附近探完朋友，黎食個晚飯！ 牛肉麵X2 - 麵質偏稔，但牛展牛筋入味，湯底亦香濃用心，加埋毓民牛肉麵既甜蘿白會更好。 在香港真幸福，各地美食都能一一品味，甚至比當地吃到的更對口味 下一站甜蜜居。

一直都有諗過去試九龍城都去唔少but好少係附近食野今次終於個肚有位叫左大婆牛肉麵n鹽酥雞n滷肉豆腐牛肉麵果然名不虛傳 湯味濃郁唔太膩 牛筋好腍好味鹽酥雞是即炸的吧 好脆 似炸花枝but咸度岩岩好 正滷肉好入味n好腍 一樣不錯整體覺得好好 抵讚!!=]

想起太座未有吃過這裏的牛肉麵，就帶她來吃一趟....自己相反可算是老主顧，前後大大話話來過四五次了。每次都是一個人，每次都是獨沽一味的牛肉麵再加一份小吃。今次跟太座來，係首次可以叫多一款試試了...當然，招牌的牛肉麵自是一定要叫。湯依舊濃郁，五香味極重，色依舊沉鬱；牛展肉及牛根極淰又鬆化。太太吃完後不禁大讚，想起上星期於旁街台灣牛肉麵吃到的，又不禁大搖其頭...一向認為，若果她們的麵條可以用做得更煙韌的話，那就是一碗跡近完美嘅台式牛肉麵了。太座跟小弟一樣，對乾撈麵情有獨鍾，於是見到牆上貼紙寫上推介的鹵肉粒乾撈，馬上即叫。偷吃一口，鹵肉粒切得頗大粒，肥瘦分明，而且肥肉部份份量可不少，吾之所欲也；鹵汁又夠入味，再將鹵蛋攪碎混入麵而食，實在可口...同樣地，若麵條可再有改善，這也是一碗完美的台式滷肉撈了....跟上次去鄰街的台灣牛肉麵舖一樣，是次也同樣叫了鹽酥雞。這裏的雞件，件頭較大，炸得較酥香，肉質亦不太乾太嚡口。但下香料始終不及台灣原装正貨般的重手，可能這是要迎合香港人較健康的口味la...但於小弟而言，已失風味，不吃也罷....但只是一味湯麵再加個乾撈，已值得來多幾次...

迷你小食胡椒豬手 – 沒有太大胡椒味道, 豬手又沒有什麼肉, 但至少很入味, 不過下次不會叫。滷水蛋豬肉 – 豬肉有點乾, 不過因為有點肥, 所以不致鞋烚烚, 滷水味道較甜, 不過我鐘意, 蛋及豬肉都很入味。原味大婆牛肉麵 – 牛肉是金錢展, 有牛根, 很腍很好味, 至少有五塊肥大的牛肉, 麵質軟硬適中, 湯底略嫌太濃, 不過整體都算好食。酥香排骨麵 – (名字差不多是這樣) 麵與餸是分開上的, 排骨應是炸過再煮的, 不過骨與肉黐得很緊, 要手口並用才吃到, 味道還可, 但湯底勁淡, 如果先吃這個麵 (因為之前吃了牛肉麵的關係), 或者是喜歡清淡的, 應該可以接受的。雲吞 – 看見舖內貼有多張雲吞的照片, 而且買相相當不錯, 所以叫了碗淨食試試看。見到真身, 一口咬下, 果然是皮薄餡正, 正是我喜歡的西洋菜豬肉餡, 原本已經飽飽地的我, 忽然食欲大增, 差不多全碗吃光, 只有留下兩隻給同伴品嚐。其實可以下次再試試其它的, 因為有很多圖片的食物買相都不差, 而且跟真身相差不遠, 有機會再去吧。

一直對九龍城印象真的近乎零..前兩日陽光普照同男朋友去左九龍仔游水游完肚餓去左幾多人讚ge大婆牛肉麵..下午茶差唔多完ge時間..個呀姐話比我地落埋單就做晚市..一場黎到緊係叫出名ge大婆牛肉麵啦..另外叫多個鹽酥雞牛肉麵先到..一放低已經聞到香味d牛肉係炆腍左ge牛展, 牛筋都好腍...好入味至於麵身好爽...唔會太腍又唔會太硬..湯底好香..有種香葉ge味..至於係邊種講唔出...知道ge食家請賜教而鹽酥雞炸得幾乾身但咬落去好嫩滑令人食唔請口我好記得食第一啖牛肉麵o個一刻好感動覺得好好食雖然我未去過台灣無得比較但呢碗麵o係我心入面已經佔左好高ge分數

d麵真係ok ，唔會太腍牛肉入味，牛根腍得來咬口可惜一切一切畀貪得意點的燒酒煮田螺完全破壞燒酒味道ok，但係田螺超多沙

4月20日夜晚, 朋友帶咗我哋嚟九龍城呢間「大婆牛肉麵」食嘢,呢度啲嘢食都好似幾吸引喎~~ 老公叫咗碗「大婆牛肉麵」($38), 不過點解我哋呢碗個賣相咁差既?同餐牌張相好大出入喎~ 同埋後來睇噃啲食評既相都唔係咁架喎!但食落都 OK 既, 啲肉既份量好多, 湯底亦唔錯, 老公就話啲麵太少喎~ 但我食到好飽喎..... 呢個係我叫既「台式肉碎飯」($27), 個汁就好好味呀!但啲肉一啲都唔碎喎~~ 仲幾多肥膏添... 不過我諗其實係要咁多肥膏先好食既!但對女仕嚟講可能會唔係咁啱食呢...朋友老公叫咗呢個「大婆餛飩麵」($30), 睇落份量都幾多喎~另一位朋友就叫咗個「酥炸排骨麵」($29), 不過一嚟就畀我哋一人食咗一件啦! 都炸得幾香幾好味喎!!另外叫咗啲小食一齊食, 有「上湯杞子時菜」($20),賣相幾靚, 但食唔到杞子味喎.... 「皮蛋肉鬆豆腐」($23), 皮蛋幾靚, 酒心架!但啲肉鬆同豆腐一齊食好似怪怪哋咁, 可能係啲豆腐凍啦... (我都知佢係冷盤)「大婆春卷」($20), 夠脆夠熱, 合格, 但未至到好好食,不過對於春卷, 可能係自己唔太鍾意食街度既, 自少食開姨媽

老闆推介之作，說這裡的牛展炆得鬆化入味，老闆娘堅持家常手法烹調的小料理，多聽無益，還不如親口一嚐。台式的紅燒牛肉麵，叫了扣底，原來是原塊麵餅上，即是無得扣。湯底極為濃郁，下了豆瓣醬、香葉、花椒，很香很辣又帶著牛筋熬出的膠質感，台式川味的湯底，牛肉用了牛腱的位置，用厚切方式保留著濃郁肉味，炆得夠鬆化，不費勁便將之吞下，如老闆所言，很出色。喝了幾口濃郁的湯，吃些帶著爽勁酸菜中和，很微妙而貼心的設計，酸菜要另加$2，因為是新鮮的，收費很合理。走到廚房附近差點仆死，衛生方面可以改善一下。

一早經過大婆牛肉麵,我呢個唔包二奶既人都想試吓!只係食左一碗招牌牛肉麵同一杯豆漿,因為一嚟得一個人,二嚟午餐我都食得比較少!牛肉麵有d辣,味道唔錯,台灣式既做法湯底味道比較濃郁,麵本身滑,食起上嚟易入口!牛肉有咬頭,整體水準唔錯,可以一嚟再嚟!

聽講呢間野食牛肉麵幾好, 所以同朋友黎試...叫了雞湯牛肉麵,牛肉好入味好林,仲好大舊,可惜湯底好一般. 反而無錫骨幾好味,可以做到骨肉分離,唔錯~ 其實呢度都ok既.. 但唔會特登入黎食囉..

19*3*08跟他早就約好到<大婆牛肉>開餐。今次第2次來, 自從第1次吃過後, 常掛念著此味道。今天他終於圓我心願了!8:30pm到, 人不多, 即有位。可能是平日的關係吧!各叫了一碗大婆牛肉麵, 但他的是雞湯底, 不辣的。另再叫多一客台式香腸。牛肉麵不用5分鐘就到, 牛肉&湯底顏色很好。先喝下一口湯, 很濃很惹味。然後再喝, 再喝, 再喝...它的特別之處也應是令客人一口又一口吧! 但今次的湯底好像沒有跟上一次的有那種麻辣的感覺。如果再麻一點會更好。再想了很久, 才想到湯底有點像沒有味精的出前一丁。牛肉切得很厚, 但依然很"淋", 很入味。而且牛肉分量不少, 有6大件。怪得不要$38大元。麵有嚼口, 好味!香腸稍後到, 看到呆了一下。$15元卻只得10cm長度大小。切成小塊都只有6~7片。但吃下去, 又忍不住再吃第2片。忽然想起在台北的日子...一起吃著牛肉麵, 想著那些快樂時光。