大婆牛肉麵 (已結業)

話說我和best friend去年有個約定,就是在中七畢業前要吃盡福佬村道的食肆,斷斷續續的完成了一半。當中大婆我們去了3次。這次和另外兩人一起的。這兒的東西味道蠻濃,其實個人不大喜歡…但麵的味道其實蠻不錯。湯很清。這天吃了鹵水蛋+豆腐麵。蛋很入味,不過很硬的質地…豆腐是硬豆腐,和汁不大夾…口感也有點太粗的…同學覺得比附近一間相近店舖差一點,雖然我沒試過,但覺得兩地sell的是不同風格,難點比較吧。同學也覺得豆漿很淡味,但我覺得豆味其實蠻濃,甜度也足夠的,只是比其他地方真的有點淡。想提一下,這次待應忘了給我們豆漿-_-學生來說這個價錢其實不太吸引,但間中到一次「有名」的餐廳,還是覺得可以接受的

今日放自己一日假,所以lunch個陣去左屋企附近間大婆牛肉麵試下...望左個餐牌好耐,最終叫左個擔擔麵(幅圖望落去幾靚甘) d湯同個麵分開上的, 但係唔知點解個麵伶到番屋企(都係講緊3分鍾既時間)係一pat pat甘.... 撇除個麵係一pat pat之外,味道都算ok丫, 下次同男友堂食,可能好d掛!?! 不過我又唔明, 點解外賣冇得送豆漿窩......... 一杯成$9耶@@"

今日行街經過灣仔果間突然諗起兩個禮拜前都有食過九龍城呢間其實呢間一直都想食,可能之前睇過電視介紹不過一直都唔知係邊記得果時介紹既係牛肉麵所以今次咩都唔理就叫左一碗同叫左鹽酥雞牛肉麵味道稍鹹麵就真係好入味牛肉真係好淋,幾掂見到餐牌有個辣椒仔,應該係有少少辣我就覺得如果再辣少少會惹味好多鹽酥雞幾香口味道都唔差不過個牛肉麵好似加左價咁既比我感覺38蚊又好似過左少少火咁同我所expect好似有少少距離不過值得一試既

行完山, 走左來九龍城搵食大婆牛肉麵, $38大大碗, 個湯底好濃郁, 唔錯, 但應該有少少味精牛肉同牛筋都煮得好冧, 份量又夠多但麵相對比較少, 而且無想像中甘好食另加一個小食, 豆腐五花腩豆腐比較硬身五花腩, 甜甜地, 好好食但奉客的, 是滾水, 不是茶, 失色少少不過, 都值得再返來幫襯

*****5-3-2008*****印象中,自從06年5月..同男朋友0係台北西門町食過" 老董牛肉麵"後~呢差不多2年...都冇食過牛肉麵!(滿漢碗麵除外!)聽聞呢度d牛肉麵正..不過一直都未有機會試..呢晚終於同男朋友黎左試..夜晚大約10點度...一入去..只係得3枱客...十人度...可能過左食飯時間啦~一坐低....店員就拎餐具同餐牌黎~仲俾左我地一人一杯茶~服務都幾好!由於honey唔係好肚餓...所以~剩係叫左碗出晒名既" 牛肉麵" ($38)有原味同月雞湯我地就叫左原味!等左幾分鐘度...熱辣辣既牛肉麵就上枱啦~店員知道我地share~仲識得自動自覺俾2隻碗仔我地添!值得一讚!!!~先飲一淡湯!!好濃郁!好香...不過都幾油下~難度呢d係牛肉既油?!?!再食一舊牛肉, 好林呀!!!!一d都唔un...!!!牛根亦一樣!!做得好出色!!又夠林~又夠入味!!相反....麵條方面就冇乜特別!但都叫合格!雖然$38蚊一碗麵一d都唔叫平...亦唔叫貴!!不過質素真係好高!!!樣樣野....包括服務都好好!!!一定有下次!!!!!!!!!下次試埋牛肉麵以外既野食先~

黎大婆牛肉麵食野, 但係唔係食麵, 係食飯;今次嗌左個雞par飯,d雞口質好好, 又夠入味!但係我就嫌d汁太淡..朋友一致向我推介肉碎飯/肉碎麵,但係因為有一半係肥肉我就唔太敢食了!

今日星期六到咗九龍城大婆牛肉麵, 叫咗牛肉麵($38)同黑芝麻豆漿($9)牛腱夠腍入味,湯夠濃唔肥膩, 但個麵痴埋一齊, 我聽到前面枱個客人跟侍應講啲麵都係痴埋一舊,咩原因呢?見到咁多食評都話好好味,但都係失望呀, 呢個價錢食其他好過

由於要試試新相機，獨個兒走到九龍城逛逛。不經不覺已經是三時許，便來找找大婆了。店內都有少許冷清，坐下後點了大婆牛肉麵和黑芝麻豆漿。看看每張桌上的Menu，也有介紹開此店鋪的原因。牛肉是選牛腱然後製作上是何其煩覆，初頭是用來款客的等等等。等不了幾分鐘，牛肉麵便熱熱端的在我面前放著熱煙。湯底的色彩很夠瞧，先勝一仗。喝一口湯，果然很惹味，是很豐富的味道，有打動味蕾的椒香(不算太辣)！又勝一仗。接著，便開始品嘗這碗麵的主角：牛肉和牛筋。牛肉很入味兼易入口，相信年長的人士也可放心的放進口；牛筋也頗入味，火喉夠，不過還未算叫做極品。另一主角：麵條就是我喜歡的上海麵質感，淋淋的，雖然沒甚麼咬勁，但牛肉麵就應是配這種麵！也在不經意間喝下半碗湯！很滿足的一個下午茶！服務都算客氣，環境光鮮，椅桌感覺上都幾新淨。必定會再來呀！

大婆牛肉麵加黑芝麻豆漿，廿七蚊！牛肉、牛筋大大件，夠淋入味，好好食，麵條滑！大婆餛飩，廿二蚊！雲吞皮夠薄！我會再去！

好耐無食, 今日外賣了個牛肉麵(約$30) 0係屋企慢慢嘆.湯同麵依然分開上, 安排唔錯; d 麵依然黐埋一餅0野, 麵質依然腍bad bad; 牛肉賣相依然似厚切牛(月展), 味道依然又腍又入味, 湯/汁依然濃, 香料依然多, 食完嘴唇依然麻痺; 印象中d 牛筋每次口感都唔同, 今日的唔夠腍, 更莫講「起膠」, 有d 似食橡筋-_-"對我0黎講, 好耐無食0既食肆好多時都會味道差0左, 難得呢度完全無變, 好似大品牌的QC (quality control) 咁XD 雖然驚喜欠奉, 不過總好過「驚」多過「喜」吧, 笑面照俾啦!

較早前,我同個女去行街..經過大婆,記得女兒成日讚好味.所以就入去試下..果然不錯!!豬手好好味,價錢幾合理!!但D小食好似少左D..

自從灣仔開了分店, 真的少了到九龍城那邊光顧。今日下午再去, 味道沒有太大改變, 連一個陋習也沒有改善---經常沒有飯, 要客人等佢煮好飯! 這個生意好自然有關, 但落單時侍應卻沒有交代過要等, 十分鐘過後才來說「d飯煮梗」, 又好似有點那過.......我有留意一般茶餐廳, 電飯煲都不屬於廚房管轄, 而是由樓面負責, 餸 做好了, 就由樓面去裝飯。如果樓面太忙, 又或者在制度去沒有訂明何時要煮定飯, 這種情況便在人多時必定發生。稍有規模的食肆, 很多時會在廚房中另有電飯煲, 煮好了, 就添進廚房外的那個中, 保證白飯源源不絕, 就算沒有兩個煲, 是不是可以先盛起剩下來的, 然後去煮定一煲呢?或者, 九龍城店比較細, 人手遠較灣仔店少, 連收銀員也好似沒有, 樓面在繁忙時間已經做到踢晒腳, 但總可以在客人落order時check check, 每次裝飯也應留意還剩多少。這可是最誠懇的忠告。

第一次去食...當然係食招牌大婆牛肉麵啦!!牛肉淋而不爛,而且大大舊,唔錯!!另外仲要多個鹽酥雞,好好味,連雞都入晒味!!去果時係兩點幾,食下午茶,諗住精緻版嘅麵會好細碗兼唔飽啦~~點知食落又唔係喎!!仲有豆漿送,的確唔錯!!

沒有點牛肉麵, 點了大婆餛飩$26 , 排骨麵$29 和冬菇鹹豬手麵$27 . 冬菇好大隻又厚, 麵的湯底也不錯, 不過, 這個價錢沒有包飲品就有些貴. 餛飩的時間比較耐, 差不多要等10 多分鐘, 如果餓的話, 可能要點其他食物.

上星期第一次食,冇食牛肉面,食左擔擔面,東波肉反,一字骨,一碟油菜~~一個字-->難面冇驚喜,東波肉老過你阿媽,一字骨個名幾好聽,可惜都係不值一題,油菜夠彊收我十五蚊,比街邊五蚊碟還差!!總之就請都吾去!!同埋點解有部抽卡機係門口!?吾通老細想攪多樣生意?!