大婆牛肉麵 (已結業)

tea time 想食野, 不妨去九龍城的大婆牛肉麵食, 價錢都幾抵招牌的牛肉麵只係廿多蚊一碗, size 都唔細, 一定夠飽, 好似我弱質小女子 仲有機會食唔哂添牛肉較為大片, 有幾多筋, 台式的鹵水做法, 令到牛肉帶咸, 燉得夠耐, 牛肉都煮得淋, 易咬唔會un湯底比台灣牛肉麵味道豐富, 不過帶點微酸, 可能係落得多蔥粒, 抑或是有另外的配料就不得而知了, 但味道還是可口的再點了一碟鹵水雞翼, 兩隻十三蚊, 鹵水做得幾好味, 而且雞翼入味, 都不失為一個不錯的小食

去左九龍城接女朋友上網check左呢間好似幾好食決定黎試下...牛肉麵 $38女朋友食牛肉麵個湯好濃味呀!!!好好味呀!!!d牛肉就一般左d law...雲吞面呢個好普通,冇咩特別個湯好淡....要law牛肉面個湯溝下先好d呢個唔使試都得..整體都ok ge~~個牛肉面都值得推介下ge..可惜係差少少時間先到下午茶攪到我地要另外叫豆漿...

唔食牛既關係, 一入到見到呢碗紅紅橙橙既酸辣海鮮湯既牆上推廣圖片之後, 連餐牌都唔駛睇就決定要呢個. 另外朋友點左個餃子麵同埋炸雞軟骨. 因為唔食牛既關係, 朋友講到幾好食我都無試過佢既牛肉麵湯底. 係無比較既情況之下, 我覺後酸辣湯都唔錯喎. 對於本身十分食得辣既我黎講辣味係唔夠. 但係對於正常人黎應該係適中, 食到有辣味但又唔會標眼水, 又開胃! 蝦身既殼已經去左, 所以食既時候都好方便. 麵身軟硬適中. 可能因為個湯底既關係, 平時我叫碗麵番黎食半碗就唔食, 今日居然可以食到大半碗. 好味!試過朋友既餃子, 我覺得係淡左d... 唔知關唔關我食完自己個碗酸辣湯先食既事呢, 餃子料好似無咩味咁. 雞軟骨, 佢炸到好, 乾身上枱唔會油淋淋一pat野咁. 不過我覺得炸粉好似厚左dd咁. 黎呢到, 唔食招牌牛都ok呀!

幾個月前曾光顧此食肆...當時的招牌牛肉麵...湯濃..(d 味精冇今次咁過份)...牛筋、牛(月展)稔滑....滷肉&滷豆腐都令人一試難忘...經常想"翻check"但今日的招牌牛肉麵(大)....簡直打碎左我o既美好記憶呀....今次個湯...一喝下是"乸"口的....全口都發麻了.....只感到強烈的味精在口內進攻每個味蕾..好難受.....以為牛筋(我的至愛)...可以補償湯的不足啦...怎料...那牛筋雖滑..但已稱不上稔了....硬硬的....咀嚼了成分鐘才能勉強吞下....還叫了東坡肉....嘩....味ok...但肉還未化...未稔.....切都切唔開.....坦白講...我媽媽煮的比這個$29/4粒 2cmx 2cm x 5cm 的丁方 還要好味十倍....不會再來了....永別..

上次食牛肉麵時見到有生餛飩外賣, 最少要買一盒, $26 十粒, 用實淨的膠盒盛住, 店員叮囑一定要放冰格, 不能放下格, 而且煮前不須溶雪, 由冰格取出直接放滾水淥10分鐘便可買了一盒當早餐食, 自己煮就可以確保個湯無味精 大婆餛飩 (生餛飩自己煮) 大大隻包得好似元寶, 樣子似水餃 淥左十分鐘個皮都好完整, 無穿 屬於偏淡味的餛飩, 鹽, 糖, 味精, 麻油都係適可而止, 唔會過量, 清清地早餐食最啱 肉及菜都剁得好碎, 約一比一比例 偏淡菜肉餡帶唔出鮮肉味及菜味, 菜像用了西洋菜, 但沒有西洋菜的菜香 餛飩皮好食, 夠薄及滑, 帶麵粉香下次去九龍城會再買, 始終好食過超市急凍雲吞及水餃, 因超市太重味精, 反而大婆就清淡些, 感覺健康好多

今日上openrice搵九龍城有咩食俾我搵到間食台灣野,立即拉左bb一齊去試去到竟然唔使排隊!入到去當然叫左最出名既牛肉麵(大) 43蚊重有就係我最鐘意食既肉碎飯 28蚊再加一個酒煮田螺 25蚊牛肉麵份量唔大,適中啦,成碗麵我最鐘意佢個湯,夠濃又有牛肉味肉碎飯當然唔使講好味道啦,成碗飯差唔多俾我一個人食曬最普通就係酒煮田螺,無特別,不過價錢就抵,數過數量大約有20隻呀!!!整體來講就係抵食好食啦!!!

每次都來食招牌麵 -- 大婆牛肉麵正價實在太大碗, 幸好有下午茶精緻版, 一個人都食得晒 大婆牛肉麵 + 凍豆漿 (tea $28) 最鍾意啖湯, 好香濃, 之前睇報章介紹過湯底係用牛骨+精選醬料熬成, 牛骨湯濃得來唔會騷, 而且有蘿蔔的甜, 不過朋友仔食過一次後就唔肯再黎, 話味精太多 精緻版只有兩件牛腱及一件牛筋, 全部炆得好稔及好入味, 真係有入口即融的感覺 不過麵就大大碗, 麵像油麵, 不過無油麵咁油, 及比油麵粗身 下午茶送的豆漿唔錯, 好香豆味

琴晚同女朋友去試下 , 因為亂覓食x下介紹 .叫左主打大婆牛面, 排骨面, 炸雞 , 台式香腸 .當中牛肉面係幾好 , 台式香腸(15蚊)得5塊食完之後條利痛左好耐係因為太鹹定落左味精呢? 我就唔清楚不過味道又無節目講到咁誇張.唔係差既一般醫肚可以黎

今次有伴一齊o黎，可以叫個小食試下，自己一個就一定食唔晒又係下午茶時間o黎，其實下午茶都差唔多完，個時已經 5 點半了快快的要決定吃什麼他要了這店的招牌 - 大婆牛肉麵而我就叫酥炸排骨麵另外再加小吃 - 滷水蛋豆腐先來小吃，豆腐和蛋的滷水味好濃，好味之後我們的麵到了他說他的牛肉麵好普通...牛筋多...如果係牛腩就好了至於我的排骨麵，排骨依然炸得鬆脆，不過麵真的好淡味............或者下次來到九龍城，可以試下其他食店...食第二次...好似唔係咁特別...

今天帶個台灣朋友去食.之前一直好想試下，終於有機會食到.服務員既態度非常好.而食物方面叫左蒜泥肉青.肉青夠爽口.但片得太薄.冇咗口感牛肉面加酸菜.牛肉尚算鬆化.面質口感彈牙但面個湯底唔夠濃.台式炸豆腐.炸得都好好新鮮熱辣.上檯食的時候千祈唔好急,會燙傷條脷酥炸雞軟骨.熱騰騰幾香口,雞軟骨不會硬另外仲有黑芝麻豆漿, 灰灰地色, 我覺得飲落似普通豆漿, 極淡都無芝麻味下次來的話可以會試其他東西吧

見食評咁多笑臉, 就去試下, 晚上10點左右已經冇咩人, 兩個人點左:兩碗大婆牛肉麵- 牛肉好淋好入味, 牛筋入口即溶, 好味! 湯底好濃, 同台灣既永康牛肉麵相比都有8成水準, 不過我唔太鍾意食大婆既麵, 有d似日本既黃色拉麵, 我個人比較鍾意傳統既上海拉麵肉碎通菜 - $20一碟, 價錢唔平, 味道一般鹽水雞 - 好失望 以前係台灣食過鹽水雞簡直一試難忘, 雞皮係超彈牙, 而且係凍食兼有香濃既麻油味, 可惜大婆既鹽水雞同普通茶餐廳既白切雞冇咩分別, 好明顯係雪雞,冇雞味可能人少, 服務態度都唔錯, 下次再來我會試鹽酥雞

來大婆 完全是為一試人氣高企的牛肉麵另外還叫了酒煮田螺+鹽酥雞說真的~~牛肉麵不算出色，湯底是較濃的那種，但沒有牛肉味的，始終不及台灣。麵條亦不夠煙un彈牙，反而覺得毓民牛肉麵的湯底比較清更好味，麵亦較煙un。不過牛肉確實值得一讚喲~~大大舊，好入味。田螺，不過不失吧，價錢唔貴(約十五蚊)就大大碟，都幾抵食。最值得推介既竟然係鹽酥雞，因為真係好好味~同台灣既有得比丫!!都值得再去既~~不過應該唔會再叫牛肉麵了...

大婆牛肉麵 —— 以前吃的麵彈牙、牛肉淋、湯濃香，今天吃的麵淋、牛肉硬、湯如水 雞蛋豆腐腩肉 —— 腩肉肥瘦平均（我的平均是平常人偏肥的）很糯很香味道剛好，這個值個推介 鹽酥雞 —— 很好吃的一個炸點，雞炸得有酥香只嫌略帶乾，十三元一碟用的是雪藏雞也覺合理，如多放點鹽應該會更好 酒煮田螺 —— 酒味不夠，田螺肉老，但此菜讓人回想起以前在廟街喝啤酒、吃田螺的日子

lunch 落九龍城都係去大婆多 原因無他因為太好味喇 雖然加咗價 不過最緊要好味 次次黎親都係叫酥炸排骨麵 實在太太太太好味喇 友人就一定係叫台式肉碎飯酥炸排骨麵: 學生免加一 飲凍豆漿 豆漿好香豆味 排骨和麵分開上(好貼心,個人好憎啲炸嘢俾啲湯浸到淋晒) , 排骨即炸, 個皮好脆好香口, 啲肉幾有肉味而且都幾淋個湯ok, 無乜味精，唔係太口渴, 飲咗小小之後我必加佢哋既辣椒油, 身為辣魔既我貪佢夠香夠辣麵係上海幼麵 , 麵身幾有咬口同埋好爽, 重有幾條菜友人既大婆牛肉麵牛肉麵湯底濃郁,而且有蘿白的甜味牛筋及牛腩入味鬆化有入口即化既感覺大婆担担麵, 特辣,入口唔覺有辣味，麵條煙韌 (偷友人的來試 )牛展牛筋都係好入味同鬆化，湯底仍然香濃, 唔太膩好友必食既台式肉碎飯,滷肉好入味同埋超腍 個汁就好好味啲肉有廋有肥, 肥係香啲既....鹽酥雞炸得酥香,肉同排骨差唔多,唔太乾唔太鞋 GOOD

因為買曲奇買重奏既曲奇，所以黎左九龍城，點知曲奇賣晒要訂貨，反而黎試左大婆牛肉麵~一入到去，阿姐見樓下冇位，就專登開樓上比我地坐，上邊只係得我地一枱兩個人，不過阿姐就絕對照顧週到，得我地兩個人都成日上黎幫我地加水，抵鍚=3=，我地點菜o個時響度諗要咩味，阿姐好老實咁同我地講原味好食d，呢度既服務真係好！點左個黑油雞翼同埋大婆牛肉麵，我地要regular，點知一上菜，嘩！都幾大碗喎!有一刻confuse左自己究竟係唔係叫錯左大呢～牛肉+牛筋好淋，好正！～～個湯底好有住家feel，飲完個口會有陣酸酸地既味，點解既？！＝　＝。食食下個麵，黑油雞翼上黎喇，點知．．．．．．．．．．黑油可能係＝老抽囧囧囧．．．冇咩特別，可能自己期望過高。個麵既味道比我覺得好似去左九份食緊第一檔(7-11斜對面o個檔)既麵咁，好滿足！