大婆牛肉麵 (已結業)

拿拿拿,呢間牛腩就正勒,超鬆化,又入味,D湯夠晒濃,米線爽口,D雞軟骨都好好味,一個字:正!

之前一直好想試下，終於有機會食到..!!!服務員既態度非常好，我差唔多收舖至到，但佢地一啲都無黑面；而食物方面，湯底唔夠濃，麵又唔多夠入味，牛肉就的確好"林"，但都係唔夠入味，反而其他小食唔錯。

First of all, i was always wanna try this place cuz is famous, so i give a shot, i would say not too bad, is above average however the spices is a bit over powered the actual taste of the beef which kinda sad that makes tasteless; something needs to praise is that it got a nice base for the soup, not too shabby for the noodle itself and the tenderness of the beef is just great. It has been a long when i go there so i dont remember the price

Tea--$20香菇荀干麵+豆漿清湯底,上面有好多好多菇同荀干重有蝦米,青紅椒伴每一樣都好好食,唔會俾另一個餸cover左個味最喜愛係d冬菇...唔算好稔,但好入味餸上碗前煎過,有d料黑黑地,但冇影響味道成碗好,tho飽,都食晒佢。食完一d口乾都冇,應該冇味精我相信下午茶同原裝個size都差唔多原裝$25冇飲品,而家$20...又抵又飽肚=]隔離order牛肉麵,我見唔係好多油wor...比起上次食牛肉麵,好似少左油~

很早前佢改咗名叫"大婆"已經好想試.終於上星期四有機會試下.結果"不外如是"鋪頭唔好坐都冇所謂,個所謂"招牌牛肉麵",入面D牛展係好稔,但感覺太過稔同味道一般.冇自己風格.另外食麵最重要係D湯.佢D湯勁多油好肥,點飲呀"大婆".真係十分唔掂,個牛肉麵收HKD35.00加杯豆漿HKD8.00 總供=HKD43.00 出門口.好老實呢個價錢去附近茶餐廳都可以食個扒餐啦.總之去一次都夠啦.

同家人經過, 入去試下, 招呼就幾好, 試左個香菇荀干麵, 有少許辣椒的辣, 好多青椒及紅椒, 有些蝦米拌著都幾好吃, 麵幾煙韌, 都ok.家人的招牌牛肉麵就好大碗, 牛展好大舊, 都幾入味, 吃完後都幾滯.試了個餃子, 皮好滑, 餡是西洋菜及豬肉, 都幾香.

女友話呢度d' 牛腩'好好味喎,好稔添.. 於是入去試下..睇下張相.. 哦~~~原來係牛展..叫左都幾多野食... 豆漿-----淡,有dd怪,黑芝麻豆漿---------ok....牛肉面-----牛展勁稔,我覺得係太稔..好大舊,味道一般.豆腐鹵肉反-----大碗,鹵肉好味,豆腐有風呆,唔似香港o既豆腐.仲有田螺----可能我自己唔係咁好呢味野,無乜特別,但係唔辣o既.. 下面d食家又話好辣o既... 98蚊.... ok 貴咁喇..

同男友第二次食D牛肉真係好入味而雲吞OK啦! 但~~~排骨麵真係"麻麻地"D排骨好"鞋"好"乾"D湯冇味似水咁!

"大婆牛肉麵" 本來是在家裡招呼朋友的一碗麵。用料精細，製作過程複雜，所費心思工夫更是非筆墨可以形容。一碗紅湯香濃得引人垂涎，酥爛的金錢牛腱入口即化，精華又全被雪白的麵條所吸飽。集色、香、味之大成。吃過的朋友相互傳頌，成為一時話。-----節錄自李純恩寫於餐紙上，可見老闆文采風流。小弟早年走過國內幾個城市，對京、川、湘、粵菜略懂一二。店子是台式為主而在香港吃到這種超厚牛肉麵比較難得。牛腱真的入口即化，相信是炆了很長時間的效果。當然，是否適合各位口味就要隨緣啦。個人認為色、香具備，但味道方面還是差一點。牛腱經長時間烹煮，味道已完全流進湯內而濃湯內加入醬料卻把牛肉的香味蓋過，使牛肉麵吃不到牛肉味。但湯底很濃，有豆辨和黃醬的味道.....啊，是北京的味道，使人想起北京老胡同吃過的炸醬麵。但如何把味道放回牛肉內?相信還有待間鑽研。另一款值得介紹的就是香菇筍干麵正合小弟口味，香菇絲、筍干絲、蝦米各具特色，特別是筍干就像是碗麵的主題。由於筍干性質寒涼所以加入辣椒中和，很有心思。有四川的風味，因為四川人平常飲用的水是來自雪山，所以很多食物都會加入辣椒中和，如果能處身於自然環境下品嘗更是錦上添花。

我同個friend去食tea,我叫左個大婆擔擔麵,佢叩左大婆牛肉麵.個擔擔麵都算幾大碗,料幾多,味道不俗.加埋湯底既花生醬,真係唔錯.我睇見個friend碗牛肉麵,塊牛碾超級厚and超級大塊,佢話幾好食.可能我地去個時間無咩人,所以我覺得環境幾舒適,幾乾淨.下午茶一碗麵加埋杯豆漿都係廿蚊鬆D,好抵~~

住係附近咁耐都未試過今日黎到就叫左個大婆牛肉麵由於係下午茶，佢個餐有精緻版牛肉麵＋豆漿牛肉麵：２塊好厚牛腱＋１牛筋。湯底好濃，食食下有ｄ痳辣味，好正。牛腱十分腍，但又唔係一夾就散。牛筋都唔差，爽口。可惜，面頭好似好多油。呢個麵好好食，但我較喜歡以前毓民果ｄ。佢地ｄ湯底比呢間好同埋少ｄ油。anyway,兩間都係牛肉麵,各有千秋。tea:牛肉麵餐($25),其他($20)

見最近road show 和電視都賣得咁厲害,便專程和男友星期日晚來試,終放找到了,己經差不多九時,店內只有半成人,環境光猛乾淨,服務態度只是一般,叫了:-大婆牛肉米線($35)---湯底幾濃,牛展牛根很淋,得一二啖很有驚喜,見食評話麵不太好吃,便轉自己鐘意的米線,麵質一般,有些還"拿埋一舊",未煮透,有些失望,另外,好食還好食,食至中途,覺得很"流",建議不大食的人可以share一碗另加兩三碟小吃.黑油雞翼麵($25)---可能我放得大耐才吃,不夠熱,好像還凍的,味道和魯水雞翼差不多,男友說好食酒田螺($20)---很抵吃,味道亦不錯,但辣了點總括,味道都可以,小吃的價錢不貴,時不時經過食下都不錯,但要專程來就不必了...

此店的牛肉麵在牛肉, 麵同湯之間配合得唔錯, 尤其係湯底有少少麻辣, 牛肉亦做得相當稔. 我反而覺得麵絛較為普通. 台南仔麵同杞子莧菜煮得幾好, 兩者的湯都很有鮮味惟一要彈的地方擠迫, 連放背包的地方都冇

果日無啦啦口痕，同男友去左九龍城大婆牛肉麵食野，叫左２碗牛肉麵，一客酒煮田螺。嗯～牛肉麵既牛肉，用左切厚既牛展，難得厚身既牛展，可以煮得咁焾，咁入味，唔會靱同乾。我最鐘意佢地既湯底，好濃郁少少麻辣，會令人飲上癮，不過，有ｄ人唔鐘意食麻辣入面既子天椒，所以落單之前諗清楚。但ｄ麵真係麻麻，雖然麵質唔會發起而變質，但唔似得靚質素既拉麵咁，彈牙爽口，佢地ｄ拉麵只係較硬身而己，有ｄ破壞左靚湯底同牛肉，唔配合。至於ｄ酒煮田螺，食落幾辣架，油係多左少少，但味道算係咁啦，幾鮮甜既。環境嘛，普通啦，但略嫌d人手唔係咁夠囉，好耐先有人應下你。嗯~~~我諗呢間大婆牛肉麵，我會翻啅既選擇之一架！牛肉麵$35/碗酒煮田螺$25/碟

牛肉麵既牛肉，用左牛展黎煮，牛展厚身，有種入口即溶既感覺，難得ｄ牛展入味得來又夠焾呀嘛，鐘意食牛既，真係要試呀！最正係湯底，好濃郁，好令人有飲上癮既感覺，因為飲得出，放左好多材料去煲，味道有少許麻辣囉，感受到子天椒既麻，唔鐘意既朋友就要留意呢樣囉。事關果晚我同男去果度食飯，坐我對面有個陌生男子（搭台），聽到佢食緊碗麵，係咁同朋友講，又係咁批評係咁彈有麻辣味，不知所謂喎，但咁岩我同男友就大讚碗野既湯好味丫～但最差係ｄ麵，破壞晒咁頂瓜瓜既牛展同湯底。ｄ麵身雖則唔係易泡到發起既質地，但口感略嫌硬身左ｄ，無ｄ彈牙爽口既感覺，好失望囉～ｄ麵始終係重點之一嘛，但佢地好似放左好多心機係ｄ湯同料上面，忽略左ｄ麵上面啦，唔，呢樣唔好啦另外，我再試左一客酒煮田螺，都ｏｋ喎。因為難得講明係酒煮，真係食到ｄ酒味，不過呢～辣架！同埋油就多左ｄ囉～～但都值得一試既成間野最唔好，係人手唔夠，等左好耐先有人應你既。