大婆牛肉麵 (已結業)

試左個淨牛肉(有牛展&牛筋)~同牛肉麵一樣係$35~但都幾大碗~^_^~d牛展好厚好大舊~'0'~但林到一夾起都會散~~口感都ok~~又唔會林到覺得好似梅左咁~而且好入味~^^唔錯~d牛筋都係好林架~不過食完條痢即刻痺痺地~>_<~唔知點解會咁~但同我一齊食既人都有同感...懷疑係製作時落得太多梳打粉去"la"林佢~___~""

趁假期四出搵野食.星期一晏晝就黎左大婆牛肉麵.叫左大婆牛肉麵,台南仔麵,台式香腸,涼伴青瓜,黑汁雞翼.牛肉麵湯底少少辣,幾惹味,加D辣醬更香;麵身無特別,不過都幾好;金錢展係厚切,好稔,我覺得太稔冇咬口.整體上OK好食,不過我覺得毓民牛肉麵更好食.仔麵好香蝦米味,湯清甜,好好食,可惜有厚油浮面,有少少驚.台式香腸,涼伴青瓜,黑汁雞翼都好好食,尤其係香腸.

尋日同男友冒名去到大婆牛肉麪試下係咪真係咁好食, 我地叫左一個牛肉麪,一個排骨麪(=豬排),一個田縲,一個鹽酥鷄同埋豆漿. 田縲: 一d 都唔好食, 好多辣油浸住, 無咩味道.係得個辣辣地鹽酥鷄: 好一般, 唔夠味.唔夠香.不過, 牛肉麪就唔錯, d 牛肉好軟好稔, 個湯都好濃, 食得過! 同埋, d 食物價錢唔貴.所以, 下次去都係食牛肉麪好d.

尋日同媽咪黎左呢度食牛肉麵, 我地嗌左一碗牛肉麵, 一碗雲吞, 一碟鹽酥雞及蒜香肉青, 碗牛肉麵幾好食, 尤其d 麵好爽(我地仲買左一碗外賣返去比阿爸食),係其他3樣野就冇乜驚喜, 尤其個蒜香肉青, 只不過好似食肉片點左d豉油咁, 簡直失望.

招牌牛肉麵($35)當然是必點之選。由於我不吃筋，故點了個牛肉麵走筋。牛肉麵上來，第一時間嚐一嚐湯底。湯底呈深褐色，味道很濃郁，有點點花椒胡椒的香味，卻不大覺得有味精。麵是上海麵，不是煙韌彈牙那種，卻可吸盡肉湯的精華。金錢腱塊塊都切得厚厚的，牛筋與牛肉分佈均勻，炆得夠腍夠入味，口感鬆化，肉質不韌又不失咬口，很有水準。若叫一小碟酸菜伴麵吃，則可令湯底的味道更特出。另叫了鹽酥雞($20)。鹽酥雞是即叫即炸的，上桌時看色澤不是太鮮明，以為炸過火了，可是入口卻有驚喜。雞件外層炸得微脆，內裡雞肉又嫩又燙，味道帶少許鹹香，很是惹味。不知是否因為"食廚得食" 剛介紹過，這天眼見該店生意好得不得了，食客不絕，12：30 就已坐無虛席了。臨走時，見老闆李純恩來巡視業務，只是不知一直招呼周到的那位是否就是李太周寧？

未到7:00pm門口已經開始有人等位, 好彩都係等左15分鐘.間舖唔算大, 一眼已經望晒. 食物品種唔多, 叫左招牌"大婆牛肉麵" & 鹵肉豆腐.大婆牛肉麵($35): 3件牛輾& 1件牛孖筋(好厚,入味,又淋).湯底好濃郁.鹵肉豆腐($20): 份量都幾多, 幾入味, 不過比較肥d.服務態度麻麻, 叫左好多次先加茶.

下午茶時間去幫襯，其實也未吃午飯，也可算是午飯一餐。兩個人叫了牛肉麵、麵及鹽酥雞。牛肉麵，此乃招牌貨，我想應該不會難吃的。麵是大大碗的，夠份量。牛肉切得大大件，炆得很腍，很入味也不膩，又夠口感，好吃。牛筋也是同樣地入味，不會炆到爛，唔錯。麵是很索湯，吸了濃濃的湯，加上麵質唔錯，夠咬口不過腍，就算放在湯裡久了也不會腍。至於湯底個人覺得不夠好，湯底是濃濃的，其實也預了會加有味精，但似乎重手了。吃完後真是十分口渴，但味道還是不錯的。不過牛肉麵始終還是覺得在台灣吃到的好。麵，來這裡也預期這麵不會好吃。但又不想叫兩碗牛肉麵，所以也是叫了。有別於一四川麵。首先麵已是不同，好腍好糊口，不久便把湯底吸盡。不喜歡吃腍的麵的人便最好不要吃。湯底不夠辣，上時眼看好像很清，但越吃便越濃。帶有微微的花生香，雖不及四川的來得濃烈，但其實吃下也不錯的。但始終還是喜歡四川的，夠香也夠辣。鹽酥雞，份量也不少，新鮮炸起，雞肉夠滑，沒有出現炸過火的情況，味道也不錯，一試無妨。

大婆牛肉麵湯濃肉腍，熱辣辣食，又好味又痛快，如果再加一小碟酸菜，就更加冶味。另外，菜肉雲吞也好正，雲吞大大個，用雞湯做湯底，十分鮮美。麵也值得推介，芝麻醬為主的調料加上柞菜肉碎花生碎，食完真係齒頰留香。其他小菜有些水準不俗，炸三文魚腩特別好味，但雞翼水準則唔係幾穩定，有時色水差D。仲有，大婆牛肉麵店內的所，可能是九龍城食肆中數一數二乾淨的。

尋晚同3個朋友去食@@"~因為之前見到d雜誌有介紹過~咁咪去試下囉去到都成7點幾8點~都幾多人下wor~咁我地一行4人坐底咪叫野食啦(因為真係太過肚餓啦>////<)咁我地梗係有叫左2個大婆牛肉麵,大婆餛飩,又叫左d小食,台南豆腐,鴨舌同三文魚鰭唔駛4分鐘~好多野都到左~我梗係快快口食啦~首先試左佢既大婆牛肉麵~初初見到佢見到好似好肥咁~點知食左落口之後~唔覺油wor~而且d牛展好正>////<個湯底勁好味~搞到我成碗湯飲鬼晒>0<之後試下個餛飩~丫...咁得意既個味道~之後問人~原來佢d菜係西洋菜黎架@@"好正丫~d肉好新鮮~一碗6粒~比我地4個人搶晒都唔夠>.<(我搶到一粒咋~嗚嗚)之後食左佢個三文魚鰭~初初以為咪好似出面d壽c店咁~普普通通冇咩特別~而且我又唔係好喜歡食魚~咁我咪分左一半出黎諗住試下啦~點知食左落去之後唔油既@@"而且好正~同出面個d唔同~而且賣個20蚊雞~抵食~講住咁多先>///<我會再努力去試鬼晒佢d野@@"因為真係好抵食~4個人都唔駛$190~抵丫~

這裡的牛肉麵雖然是招牌菜，但係我比較喜歡大婆雲飩$25，加麵要+$8. 湯底很清，6粒雲飩，餃子皮包住菜肉，碗內有幾條菜，女孩子食淨雲飩己夠飽，又健康，又好味!不過平日水準比假日就煮得好一點，星期六晚師傅失手煮得過淋，有點失望。以後係一至五先去...

牛肉麵的牛肉大大舊，只可惜湯底有味精。麵質少少林亦見煙un，大大碗，不俗。辣椒油香而不辣，用來吊味不錯。

牛肉麵- 一睇到幾件牛輾好厚好大舊,即時放一舊入口,果然入味,又香又淋,老人家都食到,麵則稍嫌淋身唔夠彈牙,湯底好深色,有香香牛油味,鹹鹹的不算辣,不過個人還是偏愛毓民的湯底,愛其加了蘿蔔的清甜味筍乾香菇米粉- 筍乾沒有想像中那種酸酸"縮縮"味,唔鹹爽口,不錯;冬菇絲還可以,米粉都ok,雞湯底,都算好味涼泮青瓜- 食到青瓜嘅爽脆,但可能食過濃味嘅牛肉麵關係,感受唔到青瓜嘅香味

同幾個舊同學聚會，地點就在九龍城，上到去佢地在食緊野，竟然是叫了必勝客，真係有無搞錯？周圍有咁多好野食竟然要食港式薄餅？趁人未齊，就同另一人拿拿林蛇左去食野。記得毓民呢度好似而家都係一間牛肉麵舖，評語都不差，就行來幫襯。三點幾，人客都唔少。一場來到當然要吃牛肉麵，朋友則要了新竹米粉，加兩杯芝麻豆漿。碗麵好大碗，份量一點不少，是一般日式拉麵的份量。厚厚的牛腱加上幾舊大大的牛筋，加上深色的湯底，好有睇頭，賣相不俗。先渴口湯，味道濃郁，亦有點點辣味，沒有多下味精但不算很甜，比起毓民牛肉麵的，我比較喜歡後者。又這裡可以加兩蚊要碗酸菜以提味，我們都要了，但發覺濃濃的湯底根本不用再提味已經夠味，亦吃不到另下的酸菜的味道；牛腱塊塊都厚厚的，炆得入味，肉質不韌又不失咬口，是很有水準的。比起毓民的是多了一份口感同份量，牛筋亦爽口好味，個人覺得是稍勝一籌。麵稍為腍身，覺得是幼身的新竹米粉較為索湯，如果喜歡吃麵線的朋友，也會喜歡這個新竹米粉。埋單90 蚊，雖然以吃碗麵來說是略貴，但份量夠又有水準，也算是物有所值的，值得一試。題外話：九龍城真係美食之區，真的是吃一個月也吃不完。

我食過銅鑼灣欣葉"大婆" & 九龍城"大婆", 一食便上癮, 味道好接近台灣地道風味, 毓民就比較清d.我覺得銅鑼灣果間比較好味, 因為牛展不是太過腍(個人口味問題). 湯底又沒有九龍城果間咁油膩, 但總結來說, 兩間都好味道.叫牛肉面時, 侍應會問加不加酸菜, 要另加兩蚊. 但覺得不加無妨, 反而可以試真吓湯底的味道.面身爽腍適中, 個湯真係好熱, 牛展&牛筋都有, 份量亦好多, 好抵食.食的時候千祈唔好急, 會燙傷條脷!另外, 又叫了鹽酥雞, 夠新鮮熱辣, 幾好味(但頗為多油)不過食完個面之後會好口渴!

o個日特登去到九龍城食佢, 個時已經3點左右. 我地2個人叫左2碗牛肉麵, 一碟"鹽酥雞". 碗牛肉麵d牛肉真係好大舊, 不過真係好腍, 差唔多入口即溶, 正!再飲埋d湯, 都已經好飽, 只可以勉強食埋碟"鹽酥雞". 不過d 雞都幾香幾脆(唔知係咪即刻炸), 同係台灣街頭食既香味同味道都幾似, 唔錯~但d雞有d咸, 食完d野有d口渴, 可能係d雞咸既關係...未試過真係要去試下, 我就一定會再去食~