大婆牛肉麵 (已結業)

"名"食家李純恩夫婦在毓民牛肉麵前址,擺左檔大婆牛肉麵已有年多,雖然經常路過,但過目便忘.日前下午時段要入一入龍城,見到無咩食客,好自然入去.見到下午茶時段有特價,招牌的大婆牛肉麵賣$25送豆漿.其他擔擔麵等,平$5,一場來到,無理由不試下個招牌嘛?此店的牛肉麵是台灣式的,大約同毓民出品咁上下款.牛肉所用的部位係牛鍵,仲有牛筋.牛鍵幾入味軟熟,牛筋軟淋淋如骨髓.湯底微辣,質感豐厚.但係有少少苦澀味,或者無用到蘿蔔去煲.麵條就不甚入味,麵還麵,湯還湯.互相排斥,當祖狄羅遇上伊沙貝拉,兩者不相往還.如果兩者要比的話,毓民在龍城時期的牛肉麵,比起李純恩此店做得更好.起碼,個湯底已經贏晒.今日的毓民,搬左去旺角咁耐就無去咁耐,下次有時間可以再續前緣.

第一次同同事黎食lunch, 叫左最出名既牛肉麵, 第一口湯已經唔掂啦, 得個咸字, 冇鮮味~不過d牛肉真係一流, 味濃, 有口感....麵就一般, 睇唔出有咩特別~整體黎講只係合格, 同台灣既正宗牛肉麵仲欠好多班...值得一提係d肉燥, 比想像中好; 另外d黑豆醬亦都係推介

7.7(五)睇完戲之後,同男朋友特登搭車黎九龍城搵食,次次黎九龍城都食泰國野,今次就試下食台灣野叫左牛肉面加酸菜,鹽酥雞,涼拌青瓜,台式炸豆腐,黑芝麻豆漿同可樂牛肉面個湯底唔夠濃郁,比唔上毓民的,但牛肉尚算鬆化,面質都算過得起,加埋酸菜口感係好好多鹽酥雞炸得0岩0岩好,好野味,炸粉唔厚,唔會食到一口粉台式炸豆腐炸得都好好,炸粉比鹽酥雞更薄,但d豆腐唔點個醬就無味囉另外,黑芝麻豆漿味道都好濃,很有豆味又夠凍埋單0岩0岩好$100,好抵食

行左成日街街都只係食左一碗粥同少少雪糕六點左右已經覺得肚餓同朋友仔兩個人黎食叫左招牌牛肉麵加酸菜($37), 大婆擔擔麵($25).鹽酥雞軟骨($25)同黑芝麻豆漿($8)牛肉麵～湯底較油,成碗都浮住一層厚油, 麵身彈牙度只屬一般, 牛筋同牛展都炆得淋又入味, 好食, 酸菜碎碎濕濕無咬口, 都係景霖既酸菜美味得多擔擔麵～麵上舖左類似台式鹵肉飯既肉碎, 鹹左少少, 麵較招牌麵幼同淋身, 幸好湯底有陣陣麻醬味, 味道不錯雞軟骨～即叫即整好香脆又唔油,味道剛剛好唔會太鹹, 好好味!推介!黑芝麻豆漿～唔太甜又有豆味, 飲到尾仲見到少少芝麻粉末o係底, 唔錯!姐姐有禮貌又反應快食得過

本想去德昌食魚蛋粉, 一見到出面有人排隊(星期六下晝30幾度仲大把人排隊!人都癲), 咁再繼續行睇下食乜, 行下行下就黎左呢度自己一個,叫左一碗牛肉麵+豆漿, 一上即試下個湯底, 唔係我鍾意既果隻甜甜地既味道, 但係真係好濃郁, 飲得出係淆左好耐, 牛輾好lum, 好好食! 麵都有d彈牙~ 但係唔知點解我叫佢加酸菜, 成碗都冇一條酸菜囉...講真, 同台灣就真係比唔到既, 各有各特色~ 講湯底, 我鍾意毓民既, 講牛輾, 我鍾意大婆, 如果兩者結合, perfect!

本想去德昌食魚蛋粉, 一見到出面有人排隊(星期六下晝30幾度仲大把人排隊!人都癲), 咁再繼續行睇下食乜, 行下行下就黎左呢度自己一個,叫左一碗牛肉麵+豆漿, 一上即試下個湯底, 唔係我鍾意既果隻甜甜地既味道, 但係真係好濃郁, 飲得出係淆左好耐, 牛輾好lum, 好好食! 麵都有d彈牙~ 但係唔知點解我叫佢加酸菜, 成碗都冇一條酸菜囉...講真, 同台灣就真係比唔到既, 各有各特色~ 講湯底, 我鍾意毓民既, 講牛輾, 我鍾意大婆, 如果兩者結合, perfect!

大家說這家店的牛肉麵絶對可以跟台北的一比真的很懷念永康街牛肉麵，就抱著很大的期待去吃麵來了，第一時間喝那看上去濃濃的牛肉湯味道像自家煮的牛肉湯，但配麵條就是不夠濃牛肉的確是燉得入口即化，但口味總是跟台北的有差．．．麵條完全不是台北吃的那種又粗又彈牙的麵條而且麵吃起來是沒味道的，台北那邊吃到的，只是麵條跟湯都可以很好吃．．．嗚．．．．期待總是變成失望．．．．不過總括起來，香港吃到的牛肉麵，這家算最好吃了只是，沒法跟台北的比 另外我試了大家推薦的炸雞軟骨，這個真的有像台灣鹽酥雞的口感！服務生一直有幫客人加茶，不錯！

在台灣永康街食過正宗的台灣牛肉麵，一直念念不忘，回到香港，試過名字差不多的叻一間牛肉麵店，也是差不多時期開的，味道是不錯，但風味與台灣的相差很遠。到了大婆牛肉麵，終於食返台灣那個味來了！當晚因為不是很餓，所以兩個人叫了個招牌牛肉麵，一客滷蛋豆腐，另外要了個上湯娃娃菜。滷蛋豆腐－　最先上的是滷蛋豆腐，絕對是先聲奪人，個滷汁好夠味，而且夠熱，豆腐同蛋都好入味。大婆牛肉麵－　一上桌就覺得很吸引，紅湯很濃很香，牛肉又入味又稔，麵也很滑，如果用羮「畢」埋湯同麵一齊食，d麵會更加夠味，三十蚊碗，絕對真材實料。菜就普通料啦，不過都好抵食既。愛吃台灣牛肉麵的一定要試！！

尋日同老公黎呢度食lunch, 我地一共叫左3樣野：一碗排骨麵，一碟豬頸肉，一碟鹽焗雞軟骨. 因為碗麵既份量多, 所以我地叫一個, 再加d小食都夠飽! d排骨好味道, 咬落去夠林! d麵我都覺得okay, 我特別鍾意d湯! 豬頸肉又係好味, 不過只嫌佢份量唔夠多~! 最後雞軟骨亦好味道, 同埋一碟有好多架都!!ps: 但記住, 星期六日同埋公眾假期, 佢係冇得比你叫迷你版既小食架!

吃了很多次, 幾乎次次都是吃它的牛肉麵, 有點厭, 於是問侍應滷肉可否配麵, 她說可以, 不過要撈麵, 因為滷肉加在湯中不好吃。滷肉有點像東坡肉, 炸豆腐都幾香口, 反而撈麵不及湯麵出色。另外, 涼拌耳絲加了大量芫茜和蔥, 好吃, 拿來拌撈麵, 把後者起死回生, 值得一讚。

琴日同老公去大婆度食招牌牛肉麵.我地點左大婆牛肉麵+ 酸菜, 鹽酥雞, 燒酒田螺, 大婆春卷, 黑油雞翼.碗牛肉麵要$35, 酸菜+$2. 我覺得一定要加酸菜, 因為加落麵一齊食, 幾爽口, 增加入口o既層次感. 牛展係厚切, 夠腍, 入味. 仲有少少牛根, 正! 整體都唔錯.鹽酥雞- 香脆可口.大婆春卷–個涵都係普通豬肉, 不過新鮮熱辣上檯, 夠熱, 夠脆, 都唔錯!黑油雞翼–好似豉油雞, 個味有少少唔同. 好滑, 都OK.燒酒田螺–反而最差係呢個. 無酒味不突止, 仲有陣皮蛋味, 覺得好怪. D田螺細隻又唔係好靚, 建議大家咪試喇.以上四款都叫左迷你小食, $12一碟, 細細碟又可試多幾款, 都幾好!而且上菜速度快, 食物又夠熱辣辣, 唔錯!另外仲有黑芝麻豆漿, 灰灰地色, 我覺得飲落似普通豆漿, 都無芝麻味o既.小館一間, 裝修唔算靚, 不過都四正企理.我稔我會再黎試其他菜式. ^_^

原以為食物和服務都會令人滿意, 可惜, 叫人失望.牛肉麵既味道都唔錯, 但唔算驚喜, 無報章雜誌講到咁誇, 但呢個唔係令人失望既地方, 因為各人口味不同.反而係服務方面令我失望. 進內, 職員安排我地坐一張檯, 但我見有另一張吉檯, 於是問問坐果張得唔得, 個職員好惡咁話唔得, 只可以坐呢張, 出面有人等緊. 我覺得好反感, 呢d係咩服務態度, 我只係問問可唔可以, 無話一定要坐果張, 亦唔駛好似命令我咁, d態度令人好不滿. 佢既食物唔係唔好, 只係食得人唔舒服je. 唔通有名同d食物ok就可以咁做生意, 咁對d客人?!

有時放lunch都會去大婆食,學生價$20包豆槳夠抵食。次次去都幾多人,要等位!特別推介肉碎撈麵同排骨麵,食極唔厭!服務不差!

以前當呢間舖仲係毓民私房牛肉麵果時我幫襯過, 我都係星期五晚去到至知改左名,但無所謂啦，　試下丫嘛，　都照食。舖裡面的相已經由王毓民變成李純恩！！真搞笑！　但個格局完全一樣！！點了一個大婆牛肉麵同一客黑油雞翼，黑油雞翼幾滑，　味道同媽咪整的豉油雞翼差唔多，＄２０　四隻！個大婆牛肉麵，　個湯的確幾濃，似煲左好耐果ｄ湯，　都冇乜味精的，ｄ牛肉好大舊好厚，　亦都好腍，味道不錯！但要彈的係個麵，　我覺得唔夠彈牙同入味，好似湯還湯，　麵還麵的．．．．唔夠好．．．但男友試左一啖又話唔覺得唔入味．．．．所以我都唔知喇．．．哈哈．．．．總覺得好似毓民私房牛肉麵好味ｄ咁．．．下次去旺角時試下同再比較下先．．．

牛肉麵d牛肉炆到好淋,好入味, 可以試下配米粉都好好味,d米粉係好幼身的台灣米粉.portion幾大,女仔未必食得晒.