大婆牛肉麵 (已結業)

放工去九龍城食~0係旺角搭車去都唔係好遠~因為九龍城太多野食啦~我諗要去好幾次先食得哂咁多間呢次我地去左「大婆牛肉麵」七點幾食飯時間去到都冇乜人叫左兩碗牛肉麵同碟菜牛肉麵湯底超濃, 牛肉好腍同埋入哂味不過賣$35兼冇野飲，話平唔平，但亦唔算貴。可能係同李純恩太太開既有關啦~話哂都係半個名人ma~不過見到佢0的熱飲係叮熱既好似「求其」左0的~食完行番出去見到「清真牛肉館」勁多人~拍得住去長沙灣食米線!唔知個牛肉餅係咪真係咁好食!?

見佢係招牌菜就試下啦～～～牛肉的份量的確多得無話說！目前還未見過有哪一家牛肉麵放這麼多肉的，牛腱真的有那種入口即化的感覺，麵就無乜特別，而且感覺有點太少，如果牛肉少一點會更好。最大問題係個湯，初初飲覺得幾好味，有少少辣少少麻又很惹未香濃，但之後越食越口渴，一杯豆漿就嫌唔夠，我唔敢肯定但我覺得湯底放了不少味精，下次來的話可以會試其他東西吧！

黑油雞翼好難食，特別推介真失色！肉還肉時皮還皮，甩甩離離甩甩離！雞皮確係好深色，顏色黑過朱古力！以為味道好鬼激，點知冇味奇怪極！！！牛肉麵，認真差，牛肉入口即融化？不敢苟同。唔係“化”。梳打粉有大減價，將D牛肉係咁，入口即“爛”好鬼假，搞到個口有點麻，到條都開花！李純恩呀李純恩，虧你自詡為食家，墊檯紙上誇啦啦，自吹自擂讚自家。大婆煮麵未到家，牛肉“鬆化”靠梳打，條嗎？條嗎？

學生餐我食過lee 幾樣:大婆牛肉麵(招牌35蚊)，台排骨麵(20蚊)，燒汁雞扒飯(20蚊)配豆漿( or 汽水+$2)以上都好好食牛肉真係唔錯不過$35 對學生黎講貴左少少

有D食店，隔咗N咁耐冇幫襯。再次食番，又會有另一番滋味...呢度就係其一...招牌牛肉麵依然不俗--- 湯底濃(雖然仲係油咗D)；牛展依舊係入口即化，連冇牙嘅婆婆都食得；麵反而普通，唔夠煙靱...肉青夠爽口，但片得太薄，冇咗口感；蒜鼓油入面嘅蒜落得唔夠重手，差D....但總體仍然係食得過嘅...

今日剪完髮...同老公落左黎鬆一鬆! 我叫左個大婆担麵(因為牛肉麵太多, 食唔哂又唔想浪費), $25 - 啲麵幾幼身, 幾有彈性! 老公叫左個東坡肉連飯, $30 - 我食左少少肉同加汁撈飯, 啲肉唔夠腍, 個侍應話俾啲意見, 都唔好意思俾啦! 最後叫多個杞子浸菜芯, 菜芯夠腍, 杞子大大粒, 幾清甜都幾好味!

很久沒有吃過台式牛肉麵, 一來, 自己對那種麵條不是非常之鍾愛, 再說, 在香港吃到的老是覺得少了些甚麼...後來台灣朋友介紹我到大婆去試試看, 結果發現久違了的味道, 就是那個濃濃的牛肉湯. 還有小吃放的蒜頭蓉..結果現在一個禮拜總會拜訪一次. 也喜歡他們的豬耳朵, 和脆腸. 牛肉麵的份量還真不少

兜兜轉轉終於到，梗係要試招牌牛肉麵。個碗就好大，牛肉都幾多，好腍同埋入味，麵質都幾爽。至於啖湯都算唔錯，雖然醬油味重又冇乜牛肉味，但係味精不多，可以收貨。午市賣$35兼送豆槳，話平唔平，但亦唔算貴。同台灣比當然冇得「揮」，香講算幾好，幫襯得過。

放學唔知食咩野好，接個靚女放學一齊落九龍城搵食……行過大婆牛肉麵好自然咁走左入去，梗係要試下牛肉麵喇，但講真唔叫牛肉麵其他菜式選擇不多，大大碗的牛肉麵送到檯上，湯底好濃但味道淡，加酸菜又好似怪怪地，油份太多，但個麵底咬落幾有口感，牛肉大大舊不失賣點之一，味道中規中矩喇。食完有啲口渴，想叫杯豆漿但好似好唔抵飲，埋單走人出去飲野但行行下又唔口渴lu~~~~~~~~

睇李生主持飲食節目就多，黎佢開既呢間大婆牛肉麵都係第一次，試下個招牌牛腩麵，麵熟得好，唔太淋有咬口，牛腩亦都幾靚，湯底偏濃不過亦都係o岩我胃口，只係覺得要$25碗唔算太抵，因為其實無論麵同料既份量都偏小，加一支細裝可樂都要$2蚊，有機會再試其他。

那天剛巧經過，在這裡吃了一碗牛肉麵跟一客鹽酥雞。吃第一件牛肉的時候，覺得味道很不錯，軟軟的，麵質也軟硬適中；可是吃了幾口之後，就覺得味太濃了，最後是連半碗也吃不完。鹽酥雞很咸，咸得像是淨吃鹽。不過可能是由於我不喜味太濃的東西，所以意見會有點偏差。但同行的男友亦表示味是有點過於濃。

好食個台灣牛肉麵好多，不個清湯腩好Ｄ呢間嘢勝在夠大兜，很定質飽李！看到table mat 上的description,李純恩Ｄ文筆都係好一般ja喎。。。Order咗:牛肉麵-始終都係廿年前尖東嗰間台灣牛肉麵good D!凸式酸菜喎-凸別在唔好食。。。清雞湯麵-Ok la。。。炸肉排，弄堂goodＤ皮旦肉鬆豆腐-我喜歡呢個！(見圖)涼伴青瓜-要多Ｄ蒜D嘢太多太大，食到一半飽死咗。。。

一直以為李純恩太太開得的鋪應該唔差早兩日特意去試下d牛肉面($35)個面質地都幾好,好有咬口但個人口味來講,d湯太濃太多油不過牛肉口感真係好好...好厚另外叫左豬手($20)同春卷($15)...都好有水準不過個淨雲吞就真係唔掂擋!!一食落去d皮--->未熟叫d伙計再整熟d...等左10mins點知情況一樣層皮厚到七彩...得三成熟!堂堂一間出名食肆,竟然有d咁ge產品最終個雲吞cancel左唔會再去食lor!

if i have to make a choice, i would say this is the best place for Taiwan beef noodles in HK. really good! Nice and tender Beed skew with deep-coloured beef soup and freshly made noodles! and it's only $25... so, don't hesitate and let's go! Bon-appetite!

Very nice ! Really taste like Taiwan Beef Noodle, except the texture of the noodle isn't thick enough. The soup is tasty but not salty, and beef is so tender, the size is super large. The 麻辣豬耳好好味.