大圍小館

营业中

休息中

食小炒唔一定要去酒樓或者大排檔既~~今日朋友就帶左我去大圍一間餐館嘆小菜喇!平時好少去大圍, 發覺原來呢道都幾多野食架喎, 仲有好多小店添~大圍小館外圍設計都幾特別, 好有中式氣氛~~餐廳入面唔算好大, 而且都幾多人, 想黎食既話記得訂左枱先喇!!餐牌有超多菜式選擇應有盡有, 比傳統酒樓更多特別小菜!!!大孖豉油雞半隻 $218餐廳用上新鮮雞烹調~雞既鮮味特別出眾!!雛雞肉質非常幼嫩, 入口滑溜~第一叉 $168叉燒係呢道既招牌菜, 果然名不虛傳!!叉燒肉質軟腍且富口感~~又唔會燒得過乾, 完全保留到肉汁!!超正, 必食之選蒜香無骨魚鍾意食香口野既朋友不防試下~無骨魚炸得鬆脆~ 又冇乜油!一整條可以完完全全放入口連小骨都食埋碧綠賽螃蟹 $98非常大碟!!!同平時食既賽螃蟹 有D唔同, 呢道唔會將蛋香炒到好散~而係會一煮成一餅咁~ 口感份外豐富!!蛋白味炒得好香又軟綿~係一個好清又好味既菜式!最後餐廳附送糖水~~桃膠蓮子百合糖水冬天食好滋潤養顏喔!!糖水甜度剛好, 食完好想黎多碗丫呢道既食物質素同服務都非常好~~推介大家既品嚐下

早幾日與同事討論開個仔好鍾意食叉燒問佢有咩好介紹，同事即提起《大圍小館》，我話未聽過喎，好唔好食架，佢就開始講了，佢地d 叉燒真係好掂，你帶個仔去食啦，唔好食的話下次我請你仔食飯，佢講到咁我就決定帶仔去食。一座底比餐牌的相片吸引了，就決定食呢幾樣。第一叉 ~ 睇個夠都夠霸氣，原來師父每日都用上特梅頭肉和秘製醬汁醃製，再拎去燒，燒好大舊咁切，夾起來覺得大大舊，但食落肉質真係好淋好味。黑松露滑蛋炒蝦球~ 我和仔仔排呢個菜式第一，冇計，超大隻蝦球入口爽到暈，仲要配上淡淡黑松露香味的滑蛋冇得輸。心多多大塊魚 ~ 特別在魚炸好後， 汁係另上，有粟米汁和糖醋汁，咁樣點來食，魚就唔會比d 汁浸淋哂唔脆口了。蝦頭膏炒飯 ~ 不得了，一送來時炒飯超香，最估唔到係仲要落好多蝦去炒，忍唔住同仔仔一人兩碗。最後仲有糖水送，呢到原來耐唔時就會轉糖水的，睇時節氣溫，呢幾晚涼左，所以就有番薯糖水食 😁今晚真係食得好開心，因好耐冇食過一間出品咁好的店了，製作認真，材料新鮮，唔怪得我同事大讚，果然冇介紹錯，下次我一定會再同朋友來食，叫多d 款式食先得。

📍大圍小館 (大圍)無味精健康中菜，呢間餐廳好受歡迎，七點幾嚟到已經滿座😯✅第一叉 蜜汁叉燒$168叉燒好厚！半肥瘦食落軟身有口感，甜甜地好快食哂✅大孖豉油雞半隻 $238用上90日既雞😍雞肉好嫩好滑，半隻唔夠喉應該食全隻～✅蛋白薑米蒜香蟹飯 $158分量超多！食唔慣濃味野嘅人食就最岩👍🏻一打開個有原隻蟹喺度架✅啫啫雞生菜好入味，好好食🥰好食指數：🥇🥇🥇🥇🥇🥇🥇7/10分環境指數：💡💡💡💡💡💡💡7/10分地址：大圍積福街92號地舖Tel: 23391319人均消費：$330#hkfood#hkfoodstagram#hkfoodieblogger#hkfoods#hkfoodielife#hkfoodie #hkfoodpic#相機食先#foodporn #吃貨人生#香港美食#食好西#食記#吃貨#拍拖好去處 #大圍 #Taiwai#Thaifood #中菜 #中式 #叉燒#雞#豉油雞#白切雞#聖誕節#christmas

今日過嚟大圍呢一邊，我同女同事諗住食個下晝爽歪歪下，點知佢就介紹咗個麻甩佬飯！佢叫我點呢個椒鹽豬扒飯，非常之推介！事關真係炒得好香好鬆軟，豬扒猶豫不來！我食完都覺得飽飽地啦！但好可惜一樣野呢一個飯簡簡單單都要$56 ，而且仲唔包嘢飲真係貴到hi hi，對於我呢一啲打工仔來講食完一次就算啦！特別係我每次食飯都係食廿零$30就算，對於今次食咗咁多，我呢啲司機錢都冇咗好多啦！我下次都要乖乖地食個老物或者買個麵包食算數啦！

📍大圍小館 (大圍)無味精健康中菜，呢間餐廳好受歡迎，七點幾嚟到已經滿座😯佢啲小菜比出面冇咁濃味，食完都唔覺得口渴，難怪咁多家庭嚟食！ .✅第一叉 蜜汁叉燒$168（推介）叉燒好厚實，半肥偏廋食落軟身有口感，甜甜地又不滯，朋友食完一舊又一舊 .✅大孖豉油雞半隻 $238 推介呢隻雞真係好食，職員話係用左出左世90-120日既雞黎整，雞肉好嫩好滑，係就係細隻d ，但真心鮮甜！半隻唔夠喉應該食全隻🤤 .✅蛋白薑米蒜香蟹飯 $158飯既分量係超級多！食唔慣濃味野嘅人食就最岩哂，因為個飯都係偏淡，一打開個有原隻蟹喺度架。 .✅桂花糕 （推介）平時唔鍾意食桂花糕嘅我都覺得呢間嘅桂花糕好好食！不解釋都係嗰啲味💯 好食好食指數：🥇🥇🥇🥇🥇🥇🥇7/10分地址：大圍積福街92號地舖Tel: 23391319人均消費：$200

平時好少嚟大圍食飯今晚經過見到呢間中式餐館門面幾靚而且又好似咩都有得食所以就選擇左佢因為第一次嚟唔知食咩好所以聽部長介紹佢話叉燒同豉油雞係必食第一叉燒($168)一上枱嘅時候真係俾佢嚇親叉燒嘅份量好多 而且厚切肥瘦均勻 肉質完全唔硬食落口好鬆化 有好多蜜汁但係唔會過甜係我近期食過算係最好食嘅叉燒🥰🥰🥰🥰大孖豉油雞半隻($238)呢度嘅豉油雞係新鮮農場雞 冇激素肉質嫩滑 調味適中真係好有雞味 好少餐廳可以食到👍🏻👍🏻惹味海蝦乾小炒皇($148)入面有韭菜 紅蘿蔔 腰果 蝦乾 八爪魚乾等等令人有驚喜嘅係仲有蓮藕絲食落去好爽脆 令整道菜生色不少蛋白薑米蒜香蟹飯($158)份量好大 兩個人肯定食唔晒多人嘅時候點呢道菜都不錯脆皮炸鮮奶($128)第一次食炸鮮奶係即點即炸 外脆內軟有濃濃嘅鮮奶香 做甜品都一流👍🏻👍🏻👍🏻最後店員仲送甜品俾我哋食呢間餐廳唔單止菜式 好食服務態度都好好係一間相當之有水準嘅餐廳😋😋

家住附近，長輩一直對這間古風中菜頗有興趣，今晚一齊試試小菜。門面好易認，指明這家。「厚切蜜餞叉燒皇」 厚切手藝跟蜜汁叉燒是絕配，香賸的蜜汁和鮮美肉汁牢牢鎖住，肉質嫩滑，肥瘦適中，配白飯一絕。 跟負責人聊天才知道叉燒一定只用梅肉，其他部位則用來做包，所以點叉燒皇一定物有所值。「新鮮貴妃雞」用上新鮮本地雞農舍雞，口感實在而且嫩滑，皮下脂肪極薄，鮮味濃，配上薑蓉。只取90-100天的雞，肉質自然不會老。「黑松露滑蛋炒蝦球」傳統中菜加上新意，成為新式粵菜，長輩年青人也喜歡。 松露味頗香，滑蛋質地薄且滑，蝦球超大，肉質爽口，而且有鮮味。「心多多」魚柳是海魚青衣魚，外皮是乾乾脆脆的，重點是兩款特色醬汁，適合一家大小的口味，粟米汁香甜，適合小朋友，酸甜汁就大人一定要試，非常特別，甜是來自桂花糖的。「桃膠百合蓮子糖水」用心之作，百合用的是頂級龍牙百合，非常清甜，桃膠份量挺多，清潤適合秋冬。值得再來的餐廳，用心服務，對長者孩子尤其細心，環境也舒適寬闊，適合一家聚會。價值係同區略高，但用料上乘，家人滿意，值！

週末見過大圍街坊排隊，今日探完人就過嚟碰吓運氣。星期二晚1830到都full左9成，見好多人book哂入，就問下有無位。等左10分鐘入得！冬至就到，可能多booking？！menu都出左冬至，今日天氣又凍左，有點過年尾節日氣氛了。中國木系設計，內外都有好多紅色燈好喜慶。本身想叫叉燒，但店員推介出面無得買既香港土地雞之新界西元朗雞。有豉油雞或者貴妃雞，想食到原汁原味既我地就叫左貴妃雞。農舍貴妃雞半隻 $238樣子小巧，我地問點解，佢就話雞大約90-100日大就食，無激素！點蔥油、點薑蓉都好提鮮，完全唔咸重點，話調味非常健康又不失食材原味。皮薄肉滑。雞翼位都可以放心食雞皮！雞皮同雞肉之間有層靚靚既水晶油，好似啫喱好香雞味，雞鮮味！蜑家鴛鴦魷 $208半乾濕魷魚又名吊片 - 九龍吊片配蝦醬。芥蘭炒得好香翠綠色，好脆口！半乾濕魷魚好好味道，鹹香非常足夠而不過咸！好煙un唔會乾，好懷舊小時候味道，讚！好夠鍋氣，一口接一口，仲有薑入菜。黑松露蛋炒蝦球 $168黑松露配點蔥，香上加香，好想食個白飯混一混。大蝦球有鐵匙羹咁長，超彈牙帶juicy咁。唔係食果汁既juicy，係爽口夠濕潤個隻！三馫籠仔蒸飯

無意經過，剛好不用等位直入！價錢不算平，比銅鑼灣類似的小館還要貴，不過上菜後發現味道真心好，店家強調醬料來源，真的做到濃而不鹹！最好吃就是黑松露大蝦炒蛋，超級香滑美味！

今天和家人落樓下吃，不想煮飯，便去了大圍小館，它是位於大圍積福街92號地鋪。店門外掛了很多古代的紅燈籠，甚為壯觀。進店後，先開茶，再附送餐前小食麻辣木耳梅子涼瓜無骨九肚魚製法：用竹籤穿着去炸，外脆內軟農舍雞沿用：元朗養本地農場雞，養殖100天，標榜無激素，口感非常嫩蜑家鴛鴦魷黑松露蝦球每隻蝦都很大隻、十分彈牙小朋友之外兩麵黃配秘製醬汁大孖醬-辣椒油很少老闆會花很大成本去order 靚的醬料非常特別桃膠蓮子百合糖水甜品也用上桃膠，真尊貴

同朋友叫左幾個小菜，菜名和照片十分吸引，但出到來，蛋白薑米蒜香蟹飯 變左飯底，上面放了蒸蟹。。。其他都十分驚嚇，中伏，原本諗住放在 openrice 第一行，食評都唔錯，點知出來和食評見到的相都差很遠伏得好緊要，好後悔係到食....我的另外4位朋友都很無奈，好少食飯無影相，不過無心情影食物相，因為很不滿意，不過覺得唔唔其他人中伏，想話比大家知，最衰無影相，如果唔係大家就知有幾伏，不過都見到有唔少人，可能有d野食會穩陣d,不過我呢幾款食物全部唔得，如大家參考下。

老人家生日，去了就近的中菜館食飯慶祝，這裏同酒樓一樣有茶錢及加一收費，但食物款式就比較有特色，勝在材料新鮮，即叫即煮，新鮮熱辣。大孖豉油雞半隻：用了元朗無激素的新鮮雞，養了90-100日，皮下脂肪不算多人，雞肉結實嫩滑，再配上本地製造的大媽醬豉油，同外面的豉油雞完全唔同，真係雞有雞味。蒜香無骨魚：原條九肚魚做成一串串，九肚魚比平時的大條，炸漿超薄，不會食到滿口油，耐且魚肉雪白超級滑，炸至外脆內滑，不過就咸了一點，但真係做得不錯。蜑家鴛鴦魷：土魷及鮮魷一起炒芥蘭，充滿咸鮮味道，雙魷新鮮又腍，芥蘭就用了最翠嫩的一部份，十分爽脆。三鑫籠仔蒸飯：銀魚乾、蝦乾及土魷蒸飯，飯底以蛋白略炒至乾身，再舖上三鮮一起蒸，一個字鮮，再淋上本地醬油，食了兩大碗才停口。甜品是芋頭西米洋薏米及馬豆糕，兩者都不會太甜，整體無論材料還是烹調行法都無庸置疑，難得一見的高質平民菜館。

這間位於大圍站附近的小菜館，地點十分方便，踏完單車後過來食飯，補充一下體力。餐廳有很多款式的小菜，而且價錢都幾貼地，食物夠鑊氣。第一叉由細食到大既叉燒，看似平凡，但要好食的真是少之又少，今日竟然比我食到，叉燒表面有層蜜糖焦香，以梅頭豬肉為材，入口肉質鬆化有肉汁，半肥瘦的叉燒好食到停唔到口。黑松露滑蛋炒蝦球蝦球有六大隻，隻隻都超巨型，蝦肉新鮮爽彈，唔會有雪蝦的霉味，炒蛋落了很多人的黑松露，既香且滑。脆皮炸鮮奶表面炸至金黃色，炸漿又薄又脆，鮮奶既香味濃且滑，入口外脆內滑，淡淡奶香滲出而且又不會太甜。最後餐廳還送上芋頭西米洋薏米糖水及馬豆糕，前者芋香味十足，整碗都是軟腍西米及洋薏米，入口不算太甜；馬豆糕椰香味十足。

係大圍踩完單車，發現咗一間唔錯的中菜館！見到好多一家大細都黎食。連一向咀刁的朋友都話呢間好食！-前菜話梅車厘子凍食的車厘子剝咗皮，令到話梅汁好入味，酸酸甜甜好開胃，而且好新鮮，麻辣木耳同樣係凍食嘅，非常爽口彈牙。呢兩個前菜都好出色！-第一叉 $148呢個係佢地招牌菜，好出色，叉燒肉好厚身大舊，份量好多，肥瘦度剛好。口感方面，外面燒得焦香同脆邊，咬落去唔韌，肉質軟身多汁，秘製蜜汁好惹味。-蒜香無骨魚$158真係無乜硬骨，啱哂我呢d有魚骨恐懼症的人。本身呢種魚的骨已好細軟，粉好薄，魚肉好嫩滑，用竹簽叉住的好處係，令到啲骨可以炸得更軟，可以食埋，而且令到粉炸得更平均，好欣賞佢地係煮菜上的細緻。-啫啫唐生菜煲$88雖然唐生菜煲睇落平平無奇，但係侍應一捧上枱嘅時候，已經聞到超香嘅味，好有鑊氣。我地係食到一條菜都無淨，送飯一流。-三馫籠仔蒸飯 $168呢個必點！我諗呢個菜係第二啲菜館未必食到。因為佢揀咗三種唔同嘅材料嚟蒸飯，而且個材料都係非常之上乘，店員好耐心咁介紹究竟佢嗰三隻材料源自邊度，分別係海蝦乾、銀魚仔乾同吊魚鬚。三種天然曬乾的海産令到每粒飯都有鹹鮮香味，而且個底都有荷葉包住蒸，所以好入味

一行四人晚上約咗食飯，今日揀咗食中餐，因為圓枱坐埋一齊傾計易啲。大圍小館都算幾大，餐牌有不同小菜，花多眼亂，都唔知食咩好。之後就叫咗幾個店員推介嘅小菜試試。叫咗黑松露兩面黃，面餅好脆，炸得幾香脆。第一次配黑松露味，感覺幾特別，黑松露唔算太濃味，容易入口。腐乳蝦球炒菜，鹹鹹地又唔會太鹹，蝦球好大隻，而且食得出都幾新鮮爽口，連埋啲菜食就唔會覺得咁鹹，幾清新。叉燒好惹味，夠口肉，蜜汁好香！呢個好好食！仲有農舍雞，雞肉味好香，店員話出面好難食到。係新鮮雞，自家養。仲有九肚魚好脆，一份都有好多串，方便食。