大圍小館

营业中

休息中

好少平日跟朋友在大圍晚飯，今日朋友提議去試一試這間新開的餐館，有很多選擇，試了幾道菜都好滿意，唯一只是自己少人不能叫更多菜式，唯有之後搵多啲朋友及家人一齊試多幾道菜式🤤😋

朋友新居入伙，踩場後帶我地落樓食飯賀一賀佢!見附近一帶都係茶記為主，唸住求其食完就閃點知原來有間餐廳幾好係附近店員推介紹招牌叉燒，唸住叉燒咪又係甘，見職員落力推介，就試下啦，點知真係幾好食，燒到小小焦香，食落juicy,有d意想不到!另外點左蘿蔔糕炒蟹，見炒蟹加蘿蔔糕甘特別個汁真係好好食，用嚟送飯一流，蘿蔔糕沾滿蟹汁真係好香，蟹就淪為配角仲有叫左碟炸鮮奶，據聞好考功夫，所以唔多地方有得食，食落外脆內軟，而且甜度較低，有少少拉絲，可以一試係大圍食厭左快餐，可以去試下

<大圍正中菜推介>😍呢間喺大圍a出口 行兩分鐘就到既大圍小館 地點方便 環境係舒服既酒樓格局， 以白啡色既牆身 加上紅色既燈裝飾 幾真中國古代風 食店既 menu 有各式既中菜 海鮮 製作用心 😍 好啱一班朋友黎食飯傾計 ! 🍴前菜 話梅車厘茄🍅車厘茄細細個剝左皮 好新鮮 凍食 帶有話梅汁既清甜 好味既餐前小食 😄🍴前菜 麻辣木耳 木耳凍黎黎好爽口 彈牙開胃 麻辣味香 正🌶 🍴薄脆蓮藕片 58 蚊👍🏻用手切成好薄既蓮藕片 刀工好好🔪 蓮藕片好香脆 有 d似薯片帶 d鹽 葱等調味 好香口 正😆🍴沙薑豬手 58 蚊🐷葱花 沙薑 碎 紅綠椒 做調味料整成既豬手🐖 豬手係凍食 口感彈牙 充滿骨膠原 主要係食佢彈牙既口感 而佢既醬汁除左沙薑外 仲帶 d豉油 抽油未 都幾 match 😃🍴蜜餞叉燒皇128 蚊🐖🍯呢個叉燒皇最正係佢厚切 食落啖啖肉 而且燒得火喉好 出面帶 d焦香 入面肥瘦適中🔥 叉燒肉軟熟 再加上少少蜜糖香 推介👍🏻🍴黑松露滑蛋炒蝦球 148 蚊🍄🦐一上枱已聞到好香黑松露， 蛋整到大慨8 成熟 幾軟滑 🥚 黑松露同滑蛋合埋一齊 要黎撈飯應該好正 😈而蝦球好新鮮

好吃的點心買少見少，有些吃完會口渴一日，令人難受。經朋友介紹，殺入大圍試試尼間開業幾個月的「大圍小館」。鋪面唔係大，但竟然有好多選擇，而且都好好味😋😋來飲茶，燒賣是必叫的一上枱，熱騰騰，賣相仲好靚一咬落去，鮮蝦彈牙到不得了，豬肉都好香好咬口，超好食朋友特別推介要食义燒，話唔食會後悔。本來無太大期望，靚叉燒唔係咁易食到，但又即管一試啦。你睇，靚到....！ 又掛汁，又有燶邊，蜜味剛剛好，肥瘦好適中，肉又腍又香。最不得了，係佢條「根」，靚叉燒無疑！另一味個人飲茶必叫的點心-棉花雞真係好怕食到蒸到收哂水，又油又實的魚肚尼一籠，真係有驚喜，相信同即叫即蒸有關棉花仍然好厚身，有汁但又唔會吸哂油，讚雞肉都唔會有雪味，質感都好好 海蜇怪真係要食下好爽口，好好味，而且唔貴 黑椒爽肚個人一向麻麻地內臟，但都覺得佢做得唔錯。爽肚果然爽，仲唔會有內臟怪味榴槤酥已經好難係酒樓食到，估唔到佢有炸得好脆，榴槤味都香，再勁d都可以，不過唔係人人都受到咸水角有水準，唔會油腍腍下次一定再黎

朋友剛生完BB, 我地就入左大圍探佢，順便一齊喺附近食個靚飯！一行9個人要喺大圍搵食真係有d難度！openrice見到依間仲要有得飲湯，就去試試佢龍與鳳！結果又估佢唔到咁正喎例湯～夠火喉，又唔味精，好似係日日唔同款！頭抽魷魚鬚～先黎碟小食，入味非常，好少機會食到唔係炸但又咁好味既小食，食完一碟再encore左一次😝叉燒～好好好好食🤤睇相都想再食，肥瘦適中，厚切，有燶邊位！正爆魚香茄子煲～依個度度都有得食既餸，一上枱已經好香，原來係用大澳咸魚蓉，餸飯一流豉油雞～超入味加滑，仲要係用新鮮雞，唔怪得知咁正啦！粟米魚塊～汁是另上的，唔會整淋d炸魚塊，炸漿唔太好，仲要多左個汁（唔記得叫咩）酸酸甜甜的，有傳統又有創意，唔錯唔錯最後係勁耐勁耐真係勁耐都冇食過既～炸鮮奶！巧正呀🤤唔算太甜，味道啱啱好！炒殺！走既時候發現有代客泊車，下次可以揸車黎食😝😝 P.s. 由於係車度寫食評，d相有d亂😅⋯⋯

無喇喇走入大圍食飯，完全冇諗過會入到呢間中菜館食飯，見到路邊有位泊車，就入咗去食。開頭都以為係一間平平無奇嘅中菜館，但食完之後係有驚喜，最重要一點。食完唔好口乾。唔會好有味精感覺。餸菜係另外有驚喜，值得同大家分享一下！

還記得開張時飲過茶，對食物的印象不錯，今早經過，未開門已經排哂隊...一行四人，叫了數款點心，點心新鮮熱辣，食物出品比剛開張時更好，吃得出是老師傅製作，相當滿意，唯獨地方不大，又旺場，要搭枱，不過食物好無所謂啦，推介

成班朋友去大圍晚飯，喺openrice揾坐得舒服既餐廳，選擇唔多，見到依間好似唔錯，但comment參差，左諗右諗，都比個機會佢，試一試！樓面光猛，環境唔錯，食中菜最怕d地方光線唔夠！經理見我地一行15人，建議左幾款菜式：䜴油皇蝦 — 新鮮，入味薑葱炒蟹 — 味道啱啱好，唔會死咸蓮藕夾 — 經理幫手預訂，因為製作需時。兩塊蓮藕片夾住釀左咸魚肉既豬肉餅，超香！魚兩食 — 不嬲對魚零認識，所以已經唔記得依條叫咩魚，不過蒸炒兩食都好味！三乾飯 — 又係經理推介，真係第一次聽第一次食！三乾即係魷魚乾、蝦乾、白飯魚乾！再加埋d葱花，基本上唔落豉油都好有鮮味！正爆！仲叫左燒鵝，不過大家太餓，相機趕唔切食先！仲有幾款小食同小炒，都唔錯！總括而言，依間得！可以再黎！！

一行四人到大圍小館晚餐，訂枱時已經被通知臨近歲晚限時進食。點餐：乳豬1/4隻、椒鹽豆腐粒、頭抽魷魚鬚、乾扁四季豆、京都肉排、金銀蛋時蔬、干蔥豆豉雞煲、什菌炆伊麵、雪菜雞粒豆腐煲乳豬：份糧少，口味差，皮略脆椒鹽豆腐粒：只屬正常沒有口味頭抽魷魚鬚：唯一讚揚的食物乾扁四季豆：一D麵唔乾，四季豆碎中之碎京都肉排：肉厚唔鬆金銀蛋時蔬：正常干蔥豆豉雞煲：未有煲應有的熱度同口味什菌伊麵：差少少變左湯麵雪菜雞粒豆腐煲：成件事只可以用九唔搭八形容重點中的重點：服務人員更差無比，落單唔覆單，加單無回應，追單黑口黑面。我行四人都有飲酒，其中一位較先飲完，枱上放上空杯有小水點，侍應直接詢問完要否就將酒杯直接取給下位客人（中途並沒有經過任何清洗）

佢地啲點心ok ，不過啲服務態度麻麻地。仲有，我第一次見人整鹽燒茄子係咁整。。。唔係椒鹽茄子喎，問個侍應佢話天生係咁，即係你叫燒乳鴿，佢俾鹵水乳鴿你一樣，然後話係咁嘅樣囉，唔會再有下一次。

環境都幾寬敞寧靜，服務都幾好有D菜式已經買少見少，就算菜單有，都未必煮得番以前的味道，以前總愛食的乳鴿，京都骨，在大圍小館可以食得到。京都骨味道不錯小炒王欠缺咗一分穫氣的味道， 加蝦乾應該會更香，味道更濃。要有功架的炸鮮奶球，尚算可以，起碼脆漿唔會太厚。粟米魚塊比較淡口豉油王炒麵都炒得幾乾身， 最正係有個余均益辣椒醬八點半後入座，叫兩個餸，送一隻乳鴿， 不過要注意，粥粉麵飯唔當係餸。乳鴿真係好瘦，冇乜肉食咁。 其實餸菜的份量比較少...

好耐冇飲茶，今日約咗朋友仔傾下偈，就決定去新開嘅大圍小館試下！睇到張點心紙樣樣都想食，但人唔多，唯有食住啲，下次再試其他燒賣 - 飲茶必叫item見到上面大大隻蝦已經好開心，咬落去仲爽口彈牙，好好食蝦餃 - 另一必叫item，同燒賣一樣，中間有大大隻蝦喺度，成個口都係蝦嘅鮮味！香煎糯米雞 - 超鍾意依個！底面煎到香脆，中間餡好惹味，係糯米雞嘅最極致好味食法叉燒腸 - 我本人唔食芫莤，佢就有芫莤嘅⋯⋯我揀咗件表面上最少芫莤嘅嚟食都ok味道，冇芫莤更好馬拉糕 - 圓碌碌個樣好搞笑，鬆鬆軟軟，大大個好抵食粉果 - 有芹菜，所以不是我杯茶鮑汁鳳爪 - 好味喎依個，夠冧得嚟又有口感，夠入味紅棗糕 - 去飲茶有紅棗糕食好開心，紅棗味聞得到又食得到，夠濃味，煙靭度夠，啱晒我依啲煙靭控仲有好多嘢想試，快啲搵機會嚟先得！

爸爸生日飯，一定搵中菜，因為佢只愛中菜！之前成日行過，知道開左間小菜館，見裝修幾靚，就襯爸爸牛日全家一家大細去試下。餐牌太多選擇，有選擇困難症既我地就乜都叫d！小食既白飯魚，香脆可口，下次要試埋其他椒鹽系列！豬腳仔又幾爽口喎，入哂味燒鵝～堅堅堅正，個皮超脆，有肉汁，又夠熱，秒殺！蒜蓉粉絲蒸中蝦-清理得好乾淨，蒜蓉粉絲又係我至愛，小朋友餸飯之選！蒸杉斑好新鮮-蒸得啱啱熟！菜～正正常常啦！貴妃雞-味道唔錯，夠味又唔會太咸。價位都算做適中啦！ 由於餐牌上仲有好多野想試，應該好快會太黎！

上個星期，經過大圍市中心，見到一間新開的中菜館，裝修雅致，就膽粗粗入去試菜。餐館裝修明亮雅緻，環境乾淨，食物有頗多選擇，也有不少懷舊菜，例如好久沒有試過的魚頭豆腐湯，晚飯時更有一些點心小食可供選擇，對於有選擇困難症的我，真係花多眼亂。最後，我選擇了魚頭豆腐湯，粟米石斑塊，乳豬例牌，紅燒乳鴿，上湯菜心。整體晚飯質素非常不錯，我尤其喜歡那個魚頭豆腐湯，和粟米石斑塊。粟米石斑塊外脆內軟，餐廳仲非常細心，把粟米汁另上，免得浸軟石斑塊。值得一提，他們的服務非常好，侍應也好好禮貌，這間餐廳絕對值得我再去。

朋友介紹，呢間餐廳新開張，之前試過飲茶，位置唔錯，環境乾淨，啲嘢幾好食，所以今晚約埋同事一齊去食晚飯。食物方面，好多選擇，亦有好多懷舊菜，嘢食唔錯，有驚喜！同埋可能今晚人唔多，服務好好，仲不停幫我地換碟添。價錢就適中啦。我們一行五個人，都係叫啲家常小菜：1.老火湯：合掌瓜煲豬肉好有住家feel，真材實料2.小食：椒鹽茄子同埋豉油王炒鮮魷好野味又夠脆，極力推薦炒鮮魷3.㰖菜一字骨好入味，啖啖肉，送飯一流4.豉油王蝦碌啲蝦即撈，好新鮮，可以連殼食5.鹹魚雞粒豆腐煲唔夠鹹魚味，食落普通6.上湯菜心加咗冬菜，夠哂味7.BB鴿新開張送嘅， 夠哂味，啲肉好嫩，不過唔夠我地分8.蟹肉飯個炒飯好有鮮味，加埋蒜蓉一流，不過隻蟹細咗啲囉