影片
更多
2020-05-18
128 浏览
知道係大圍依間小菜館好高人氣, 就早幾日BOOK定位同埋屋企人黎食下飯。離遠都可以留意到餐廳門口串串既紅燈籠, 既搶眼又增添幾分味道, 古色古香。入到餐廳, 裝潢以白色為主調, 一張張圓枱擺放得不疏不迫, 感覺座位開揚, 特別之處係因應而家疫情下, 餐廳用左厚厚既軟身膠由天花垂放到地, 令到枱與枱之間分隔得更好更有空間, 簡直就係透明既半包廂, 我地都感到更安全同舒適。先來茶同前菜, 依度既前菜有別於一般中菜既花生, 木耳, 而係鬆化既既合桃, 特別之餘有益又好味。怪味蝦球伴西蘭花 $168好奇怪味究竟係咩味, 問左店員話係柚子同黑胡椒既配搭, 叫左黎試下, 賣相幾靚, 中間係滿滿既蝦球, 蝦球非常之大隻亦好彈牙, 柚子同黑胡椒既味道比想像中更加夾, 可以分明咁食到柚子既酸酸甜甜同黑胡椒既微微辛辣, 但卻又非常融合。柚蜜咸檸骨 $138哩個醬汁比較杰身, 包覆哂整條排骨, 酸酸甜甜食極宦唔會覺得膩, 排骨既肉軟腍, 煮得剛好唔會痴骨。伴水芹香 $118依碟伴水芹香有幾種蔬菜, 包括鮮准山, 蓮藕, 蒿荀同雲耳等, 全部都係我中意, 特別係鮮准山同蓮藕片, 口感十分爽脆! 而依道菜重點既
入到餐廳, 裝潢以白色為主調, 一張張圓枱擺放得不疏不迫, 感覺座位開揚, 特別之處係因應而家疫情下, 餐廳用左厚厚既軟身膠由天花垂放到地, 令到枱與枱之間分隔得更好更有空間, 簡直就係透明既半包廂, 我地都感到更安全同舒適。
先來茶同前菜, 依度既前菜有別於一般中菜既花生, 木耳, 而係鬆化既既合桃, 特別之餘有益又好味。
怪味蝦球伴西蘭花 $168
好奇怪味究竟係咩味, 問左店員話係柚子同黑胡椒既配搭, 叫左黎試下, 賣相幾靚, 中間係滿滿既蝦球, 蝦球非常之大隻亦好彈牙, 柚子同黑胡椒既味道比想像中更加夾, 可以分明咁食到柚子既酸酸甜甜同黑胡椒既微微辛辣, 但卻又非常融合。
柚蜜咸檸骨 $138
哩個醬汁比較杰身, 包覆哂整條排骨, 酸酸甜甜食極宦唔會覺得膩, 排骨既肉軟腍, 煮得剛好唔會痴骨。
伴水芹香 $118
依碟伴水芹香有幾種蔬菜, 包括鮮准山, 蓮藕, 蒿荀同雲耳等, 全部都係我中意, 特別係鮮准山同蓮藕片, 口感十分爽脆! 而依道菜重點既香味來源係來自芹菜, 令成道菜倍添清香。
薑米蒜香籠仔蒸蟹飯 $258
賣相十分討好, 原隻膏蟹好吸引, 蟹蓋同蟹身都有好多蟹膏! 薑米飯夠乾身, 粒粒分明, 帶淡淡蒜香味道但又唔會搶去蟹飯鮮味, 食到我地一粒米都冇剩呀~~~
蕃薯糖水
最後仲有蕃薯糖水送, 送既都咁有誠意唔馬虎, 滿滿既黃心同紫心蕃薯, 食落綿密香甜, 原來係日本蕃薯黎, 另外亦中意佢既糖水薑味頗重但又好順喉, 食完一餐之後飲依個熱辣辣既糖水, 感覺好舒服呀!
我同屋企人都好滿意今晚既晚餐, 店員SERVICE又好, 會主動換碟添茶, 一定會再幫襯, 因為非常值得一去再去!
张贴
