大圍小館

营业中

休息中

呢間係一間我幾鍾意嘅中菜，有古色風味，而且地點方便。先有前菜兩小碟：話梅苦瓜，酸酸地開胃！芝麻核桃，好香口，夠脆！店員推介蒜香籠仔蒸蟹飯，隻蟹幾大隻，蒜蓉香噴噴，蟹肉夠新鮮。而且入面仲有啲蟹膏。呢個蒸蟹飯夠鮮味，真係會不自覺地食多咗好多飯。而且蟹殼已經預先扑好咗，唔太難剥。叫咗叉燒半份，叉燒蜜汁夠香濃，有啲燒到燶燶哋，夠香口！半肥瘦，真係第一叉燒。金銀蛋浸時蔬，呢個清清地，幾健康，有鹹蛋、皮蛋及雞蛋。賣商金黃色湯汁，幾靚。食物樣樣都好食，唔錯！