大中華飯店 (已搬遷) 新店位置

今日3條友仔出街超級突然地想去食大排檔平時都好小專登去搵邊到有得食而d既， 所以我地都諗左極耐都未知去邊hahaha 打俾朋友問佢介紹而間因為第一次去， 我地搵左好耐先搵到佢， 而間野有甜品同飯店！食完正餐有肚可以一食無訪我地三個人， 唔敢叫太多送~~金菇肥牛煲 一上到黎已經好香了， 加埋肥牛粉絲 牛肉又岩岩好， 唔會好乾身！岩岩好啊貝扇 3隻， 每人一隻， 上面舖左d蒜溶同蔥花！ 而粒野要30幾蚊一隻！ 但都算大隻食落啖啖肉炒䙺 成日見到都好想食 而間唔會好多吉既殼， 真係有好多肉扺讚

一直聽我妹同其他朋友講哩間大排檔超好食，結果同屋企人去試，叫左小炒皇，琵琶豆腐，土匪雞，黑椒豬手，椒鹽九肚魚，炒蜆等等熱門菜色。土匪雞唔錯有特色，常只好有形態甘上來，都入味。小炒皇無咩特別，好出名豬手，名副其實鹹，距做到好軟，刀輕輕一拉就開，d皮就夠。一塊完唔想再食第二塊。琵琶豆腐，原來就係魚肉混豆腐，唔會再試，九肚魚算唔錯外脆內軟，炒蜆最啱喝酒人士，夠鹹夠辣。對我來講就好鹹好辣，小朋友完全食唔到

如果係一大班朋友 ，其實想搵啲多人坐到，又食得開心嘅地方 ，選擇都有啲困難， 又要就到唔同人嘅口味，所以我最鍾意去大排檔，或者小菜館食中菜，有鑊氣呀嘛，又可以飲住啤酒吹水，一班人嘻嘻哈哈咁，所以大中華飯店 ，都會係一個唔錯嘅選擇。尤其是佢啲小菜，同埋最出名嘅黑椒豬手， 一上枱，大家都會 即刻影相，因為熱到出曬煙，煮得好好味， 撈埋啲惹味嘅黑椒汁咁樣，送飯真係一流，加上豬手煮得好軟熟，好滑好淋， 不過 要將佢靚靚仔仔咁，分比每一個人真係有啲難度。仲有佢嘅臘味糯米飯 都唔錯㗎 ，炒得好香好入味，而且臘味細細粒，唔會太油，但係好有香味。 仲有其他小菜都幾好，炸嘢雖然熱氣，但係送啤酒真係好啱。

朋友講左要食大中華好耐，加上難得齊人，所以一早訂左乳豬同土匪雞本身諗住有瓦遮頭既大排檔，環境差極都有個譜🤔，點知呢度雖然有冷氣，但形同虛設😑；而且好多昆蟲飛黎飛去，不停遼D菜😫；另外，更無服務可言，落單自己寫都算，但全個樓面都唔見職員，要出去門口搵；叫人比壼茶我地，叫左幾次都唔理人，最後仲收起個壼唔比我地飲茶….😩炭燒奶豬果然係招牌菜，乳豬熱辣辣，豬皮脆卜卜，但食幾件好快膩；個芥末醬加左D油係面，有油益味，點完浪費左件乳豬😧；甜醬就無問題土匪雞又一招牌菜，串起黎燒夠哂型。食野趁熱係人都知，但我地只有三隻透明手套、一對刀仔同叉黎撕，真係食得好辛苦….😖雞肉嫩滑，連胸位都唔鞋有肉汁😲，又有雞香，實在難得；只可惜調味太重，裡面既雞肉鹹度尚可接受，但表面就太鹹啦豉椒炒蜆味道同份量同平時大排檔果D差唔多，聖子無沙，算大隻黃金炒鮮魷份量雖然少D，又唔夠黃金，但魷魚厚身、彈牙、有魷魚味，而且聞落同食落都好有蛋黃味，好味琵琶豆腐呢個份量反而多D；琵琶豆腐內有軟滑豆腐、彈牙魚肉、爽口馬蹄定沙葛，味道唔錯酥炸大腸外層炸到酥脆，入面既大腸煙韌，而且無怪味。墨魚餅呢個係比較軟身、多汁、唔係彈牙款既墨魚餅，內有

同老闆大佬們食飯，山長水遠來到長沙灣的大中華飯店，8:30仍然坐無虛席，非常熱鬧多人。點菜要自己寫單給店員，酒水都要在外面自己拿。土匪雞必食，原隻烤得金黄色，所有雞油精華全都滲在雞肉內，超香又惹味，雞肉又鮮嫩啖啖肉，食到最後都不顧儀態直接用手吃！紅燒豆腐，外脆內軟鎖住醬汁，夠鑊氣，送飯正。香煎墨魚餅，啖啖墨魚肉，不過偏油膩，好炸嘅感覺。椒鹽鮮魷另一香口美食，炸得夠脆，而皮簿肉爽口。臘味煲仔飯，勁多蔥，油香四溢，不過實在太油，不能多吃，每人一小碗就夠了。

平時打波後夜媽媽班friend好鍾意黎呢度食野貪佢選擇多又算開得夜呢度d野食食過咁多次都係好有水準最鍾意一定係呢個黑椒鐵板豬手豬手d肉好淋好嫩完全唔會un或者痴牙個汁好重黑椒味但又唔會覺得好辣配合埋一齊係超級惹味 係每一次都一定要叫既餸❤️炸大腸本身係我只愛但有時喺外面食會有d整到好乾呢度既炸大腸就唔會啦食落唔會覺得d腸超級肥外皮好脆但完全唔會令你覺得乾係有d外脆內軟既感覺而且佢好有炸大腸既油香味配合埋佢酸酸甜甜既汁即刻覺得冇咁膩黃金鮮魷我都係大推平時椒鹽鮮魷就食得多但黃金鮮魷真係冇乜點見佢有好香既鹹蛋黃味比起椒鹽鮮魷會冇咁乾食落都覺得冇咁熱氣呢度冇咩飯麵既選擇通常我地都係叫黃鱔/臘味煲仔飯煲仔飯好香而且夠乾身我比較鍾意食臘味煲仔飯覺得臘味令到個飯更有鹹香另外我覺得佢既整絲瓜都好好食食得多濃味既小菜絕對可以叫返個中和下多人既話建議早d打電話留定檯先同埋可以預留土匪雞或者燒鵝如果唔係夜d就會冇曬

地方都幾大，幾有傳統特色的店舖。叫左一隻土匪雞同一隻乳豬。土匪雞原隻上，自己切開嚟分，注意，隻雞好熱好辣手，所以要小心切。隻雞燒得好靚，外皮脆，肉質鮮，但隻雞比較細隻。乳豬都唔錯，脆卜卜，叫哂兩樣，所以都夠食。另外，叫咗碟海蜇絲，質感麻麻，有別於傳統個啲口感，所以食唔慣。不過都算夠份量。而燒鵝都好值得推介！燒得好香，咬落去少少油脂大啖肉，唔會覺得好肥膩。最正係佢啲餸上得好快，又熱辣辣，客人食得好舒服，啲服務員又係附近，一叫就可以落單，唔洗等到嬲爆爆。菜單仲有好多小炒揀，有信心下次再嚟試！總括黎講，呢間多人食都係名副其實嘅。唔錯！

有朋友從外地回來，適逢清明節公眾假期，要搵間有水準又有位嘅食肆真唔容易，好彩朋友一早諗到去大中華計埋兩位㚈地朋友，我哋一共十二大一小，大中華安排左間房比我哋，方便大家聚舊傾計，大聲啲都唔驚嘈親隔離枱我哋叫左一湯十餸一甜品，樣樣都好食，完全沒有因為假日人多忙碌而失準，用心之作自己特別喜歡嗰隻土匪雞，上枱時熱辣辣，附上手套讓客人自己撕開隻雞，不單止外皮焗得咸香，雞肉也入味，但一向喜歡味濃嘅我當然沒有放過隨雞附上嘅醬料，我唔知其真正材料，只知道好惹味不是甜品控嘅我也很欣賞這碟炸芋蓉，真正的外脆內軟，而且不太甜，完全沒有膩的感覺，呢餐大満足

叫了四個餸，蠔餅，炸大腸，椒鹽骨及南乳吊燒鱔，蠔餅用料新鮮及較大隻，大腸和椒鹽骨都有水準，南乳鱔就炸漿太厚，麻麻地。場地安排都幾混亂，未去過要有心理準備，要主動d先有野食，太多枱，易漏單

喺長沙灣食晚飯，想食啲香口又夠鑊氣嘅小炒，所以嚟左大中華，之前嚟食過幾次，如果冇定抬好難有得食，唔知係咪好多人趁復活節假期外遊，今晚冇定枱居然即有枱坐，幾個人叫左唔係好多嘢，但食物依然保持水準，其中㷛仔糯米飯，依然非常出色好味道，飯夠乾身之餘仲粒粒飽滿而又沾有油脂的光澤，裡面材料非常充足，入口啖啖都係臘味丶葱花丶花生，真的好味道，另外叫左小炒皇，想講呢味餸同樣出色，材料同樣豐富，另外叫左煎墨魚餅，彈牙好味道。

尋晚假期，同朋友傾計傾到七、八點，突然話去大中華食晚飯，我心諗未必有位喎，打電話去訂位又係無人聽，唯有照去碰下運氣，唔知係我哋好彩，定係佢生意差左，我哋一去就即刻有位啦。好肚餓即刻嗱嗱聲睇餐牌寫餐單，愛人必食臘味煲仔飯，佢話一直都keep得住水準，都係咁好食；朋友就叫送酒buddy 貴洲豬腳仔，小麻辣冷盤，豬腳仔再切成一口大小，淋淋地又有咬口；小炒王，間間材料都唔同，我鍾意大中華呢一間，因為好多香口海味一齊炒，野味十足，尤其白飯魚仔，炸得通透，由頭食到尾都係脆，兼唔覺油。

今日難得我們一家人相聚，一定要食返啲呢一間店好出名嘅招牌菜，所以我嘅首選一定是(除非唔係）。前菜一定係豬腳仔，我真係未食過咁好食嘅豬腳仔呀，食落去少少碎骨都冇，證明佢刀功係好好㗎 ，而且啲豬腳仔皮薄爽脆，一啲肥膩感都冇，食多幾隻都冇罪惡感！佢加埋啲蒜蓉辣椒，真係好入味啊！送酒一流！另一推介又係豬腳，不過呢個豬腳係黑椒味嘅大豬腳，呢一個係好野未，因為佢嘅黑椒汁十分之香濃，感覺好麻甩佬，熱辣辣咁上枱，鐵板上嘅聲音咋渣聲，雖然有點熱氣但係真係好好味！我哋叫咗一個墨魚餅，食到有小小嘅墨魚粒，口感爽脆而有咬口，再配上甜酸汁10分開胃。

黃氏力場今日嚟到 長沙灣搵食， 兩個麻甩佬 梗係搵啲大件夾抵食又平嘅嘢㗎啦！ 一定諗起呢一間大中華 飯店， 因為佢符合曬我哋以上嘅條件！ 不過平時 十分多人， 很好我哋兩個今日早收工， 六點幾去食 話要八點鐘還枱 都ok！ 其實佢樣樣嘢都好食， 不過梗係叫一啲手工菜， 屋企個女人整唔到嗰啲啦！ 我今日推介大家 食南乳炸鱔， 佢啲鱔好新鮮， 彈牙可口， 冇腥味！ 配上南乳汁 十分香口， 炸得啱啱好！ 另一個餸叫做 皮蛋蝦， 我每次嚟都要食， 其實佢係用一啲嘅 蝦膠 包住隻皮蛋嚟炸， 佢啲 蝦膠 簡直一流， 十分鮮味彈牙， 皮蛋質素有好， 我唔知點形容，總之兩樣嘢配合一起吃十分 好食 簡直係天作之盒！ 最後最後 但是係最好食 嘅臘味煲仔飯， 必點嘅菜式， 我好欣賞佢有勁多香荽 同埋蔥， 仲有香口嘅飯焦， 好食到喊！

一行7人食晚飯，即日打去預約都有位1）個雞呃like影相一流，當然味道真係唔錯！2）個蒸鱔鮮甜！3）什菜煲又掂 ，多菜4）墨魚餅金黃香脆 ，我地當前菜食，配埋甜酸醬真係好夾5）雲吞雞個湯好好飲 唔想叫湯可以叫呢個夠5-8人飲。6）個蠟味煲仔飯夠曬痴底 蠟腸超多 多過飯雖然開頭張單掉轉左第二張檯，攪到d送掉錯曬， 攪左一輪先有人跟進，由於呢間鋪都明白好多人，所以等候時間比較長，但無漏單既！岩曬一大班人黎食晚飯 飲酒傾計 一齊麻甩下

大排檔好有風味，又適合gathering wo ,係長沙灣嘅大中華食店好出色。其中最鐘意，我覺得必食嘅有撈起，黑椒豬手，魚香茄子煲，炸九肚魚同蠔餅，樣樣餸味道好濃郁，但如果本身唔鍾意食重口味嘅人可能會覺得比較咸。暫時食過咁多次，每次都覺得好好味，值得黎試下！人均消費大概150蚊，價錢適中，推薦大家黎食！