大中華飯店 (已搬遷) 新店位置

尋晚假期，同朋友傾計傾到七、八點，突然話去大中華食晚飯，我心諗未必有位喎，打電話去訂位又係無人聽，唯有照去碰下運氣，唔知係我哋好彩，定係佢生意差左，我哋一去就即刻有位啦。好肚餓即刻嗱嗱聲睇餐牌寫餐單，愛人必食臘味煲仔飯，佢話一直都keep得住水準，都係咁好食；朋友就叫送酒buddy 貴洲豬腳仔，小麻辣冷盤，豬腳仔再切成一口大小，淋淋地又有咬口；小炒王，間間材料都唔同，我鍾意大中華呢一間，因為好多香口海味一齊炒，野味十足，尤其白飯魚仔，炸得通透，由頭食到尾都係脆，兼唔覺油。