大中華飯店 (已搬遷) 新店位置

今日初十一，同R小姐和R 媽咪食晚飯。考慮左好耐，大家就決定去大中華！ （原因係因為他們兩個人可以去附近先行街；再食飯）這是我第一次在這裡食，果然係非常大的大排檔。但係提示就係一定要先call 訂位，不然沒有位置就係自己的問題。今日就點做一飯四餸！都好好味。詳細的形容都寫在相啦。一家餐廳可以營業那麼長時間是有原因的。食物一定要好！雖然需要自己寫菜單，但是在這裡吃飯可以說是食物味道好，服務快狠準。好滿足的一餐。還是要再提醒-一定要訂位！

一講開大中華飯店好多人都會食過佢嘅特色招牌菜夠晒火喉，咁次就同朋友去咗呢度開飯，好彩係平日去唔駛點等就有位坐，當然第一時間先寫好幾款招牌菜再交俾店員咁先有得食，等咗一陣先有香煎墨魚餅，表面煎得外脆內軟，食落爽滑又彈牙口感十足，點埋醬汁更好味另一款係呢度招牌必食菜黑椒鐵板豬手，上枱已聞到陣陣黑椒嘅香味，仲係熱辣辣一定要趁熱食就最好食，一切開已見豬手肉質鬆軟，肉質夠肥美入口滑溜味道香甜，越食越惹味緊接係蒜香骨，蒜粒炒得香濃，再來食件香骨入口肉質肥瘦適中，夠晒火喉最後當然係炒糯米飯，飯粒炒得乾身配上臘味再加上香蔥粒，雖然睇落買相簡單但入口又真係幾好入味，啱晒我呢D飯桶食完再食多碗冇食一排依舊保持水準，又食完一餐招牌菜

由地區，環境，衛生的角度看，是不可能咁爆場唯有從食物的質素出發，相信是大中華成功的原因我食瑟琶豆腐，是值得吃，不過到最後兩舊時，已感唔想吃了炸大腸拼椒鹽骨，炸大腸也很好，椒鹽骨就無乜特色至好的一定是鐵板黑椒豬手同臘味煲仔飯香口，又熱辣辣，值得回味

今日同朋友們提早食團年飯，大家就提議大中華，地點方便，野食又好味。十幾人一大圍枱，團年飯就緊係先黎一隻燒乳豬仔先啦，皮脆唔油膩，朋友們連豬頭都食埋就知真係好食今晚返風，黎個胡椒豬肚湯驅驅風，合時宜又好飲。炒蜆好好味，唯獨蜆肉細粒左少少脆鱔配南乳醬，簡直一流，記得要襯熱食至好食喔。白灼鮮魷就失色左少少，唔夠鮮味…反而個糯米飯由砂鍋而上，可以保持溫度，有少少飯焦好香口。其他小菜都好食，餸飯餸酒都得。甜品需要另外叫再埋單，夠薑湯圓好食，仲有芋圓喺裏面，正棉花冰多口味，我地叫左朱古力同抹茶，好好味喔。個黑糖桃膠燉雪梨，清潤又養聲。鐘意榴槤既朋友可以考慮試下榴槤口味既甜品，都幾多選擇，朋友揀左拿破倫，真係榴槤忘返

我地6個人，夜晚想食大排檔，就揀左長沙灣既大中華。大中華飯店同普通大排檔有少少分別，佢係以特色小菜做賣點。普通既煲仔菜唔算好多。好幸運地，我地8點鐘去到，即刻就有位。我地叫左土匪雞，南乳吊燒鱔，臘味煲仔飯，黑椒鐵板豬手，豉椒炒蜆，豉汁炒聖子同埋蒜蓉油麥菜。油麥菜略嫌太淡，下次唔用蒜蓉黎整。炒蜆同聖子好入味，南乳吊燒鱔外脆內軟，黑椒鐵板豬手熱辣辣好好味。最正就係個臘味煲仔飯，又香又好味。臘味飯係大中華入面係必定要食的。

人真係好化學! 早排返阿媽屋企做冬時，仲見到隔離單位的陳生好神氣和我打招呼，估唔到隔咗個幾禮拜，佢就中咗風，被送到明愛醫院深切治療病房。昨晚陪阿媽和家姐到醫院探佢，見佢插晒喉，昏迷不醒，周身仲駁晒儀器，我哋嘅心情當堂 down 到一個點。明明見佢平日肥獅大隻、聲如洪鐘，依家見佢郁都唔郁，我哋望住陳太都唔知講咩好，只好連聲安慰，祝陳生早日康復!離開醫院之後，家姐話要提振一下大家，就帶我哋行去福榮街這間賣點不是環境裝修靚、也不是招呼服務好，而是吃真材實料廣東小炒的一間老店。果然，門面唔多討好。店內裝修殘舊。食客多是大叔。家姐大派定心丸地話，識食嘅人先至會識來呢道。樓面阿姐粒聲唔出放低個菜牌、一壺水。一盤筷子、杯和碗，同埋一張空白的寫菜紙就行咗去。家姐對住我打個眼色，示意這裡的特色是要客人自己嚟，洗杯、洗碗、洗筷子、斟水，甚至連寫菜都是自己嚟。我心諗，如果啲客人唔識寫字咪唔使食，又或者寫錯字咪大件事! 之不過，規矩就係規矩，想食好嘢就要乖乖地就範，動手寫菜單。【白果豬肚湯 $90】: 阿姐又是粒聲唔出捧來一個奶白色的豬肚湯。白果、豬肚、腐竹、黑胡椒，好足料，超好味!【香煎墨魚餅 $100】:

三條麻甩佬敍下舊，食下大排檔小菜飲下啤酒簡簡單單一餐，揀左長沙灣呢間食肆，一入到去環境唔算太靚，枱凳都似舊式大排檔，但餸菜一黎到就夠香夠穫氣，價錢唔算太平，但呢個價錢的小菜同煲都份量都算幾大。呢個臘味煲仔飯個煲好大，飯都好夠香蒜蓉乾蝦蒸勝瓜保留左勝瓜的原有水份，乾蝦亦夠大隻，配合蒜蓉夠晒香琵琶豆腐外脆內軟，入面仲保留左原有豆腐味，醬汁酸酸甜甜，帶少少辣呢個魚香茄子煲個煲亦都夠晒大，入面都唔少料，一放上枱熱辣辣嗰刻就聞到香味

被譽為其中一間好有實力既大排檔，講真有啲失望，唔係大家講到咁好食。不過倒想介紹全晚最滿意既薑蔥蠔$130。一碟有八、九隻蠔，每隻都飽滿又大隻，而且煮得剛好，鐘意芡汁味道唔會太濃去掩蓋蠔既鮮味😊🙆 南乳吊燒鱔 $110字面理解係燒鱔，但正確黎講應該係炸鱔🙈鱔既油脂分佈好均勻，但脆漿調得太厚，而且亦炸過左火，完全唔鬆脆。一夾起，外皮同魚肉分離，魚肉亦一踫就散😩 旁邊既南乳醬加左檸檬汁/醋，配鱔食雖可解膩，但兩者係味道上唔係特別夾。老實講，呢個做法係幾有新意，但亦好難整得好，我自己覺得用最簡單傳統既豉汁蒸，係最好食，亦最食到魚既鮮味🙇

依間野平日唔洗等位，但係星期六日就可能要等一陣位，或者中午可以打過去留定台。咁就唔洗係出面係咁等。依間野既鐵板豬手相信係成個長沙灣深水埗食過最好味。我食過萬發同埋愛文生。依間野既黑椒可以話係最香。豬手最入味。第二樣野一定要食既就係撈起。 撈起可以解一解豬手既濟，清新得黎都幾新鮮。大家不妨一試

啱啱搬屋搬咗去長沙灣 地方不熟開OpenRice睇吓有咩食發現大中華都幾多食評都寫都唔錯就過嚟試吓 我係七點幾去到 人都幾多 要排隊我大約排20分鐘啦開始入座啦 環境就麻麻哋 不過大排檔都係咁㗎啦 服務態度真係唔係幾好 算啦 不過都有做到佢哋自己本分Menu 一個餸大概＄100左右啦我哋四個人叫咗五個餸（羊腩煲/ 上湯菜心苗/酥炸大腸/黑胡椒豬手/臘味飯） 埋單700蚊 我覺得OK啦 其實依家出嚟食餐飯都差唔多呢個價錢我覺得都幾抵食。

國內同事+朋友過來香港一天遊, 晚飯打算帶他們食一些香港風味好食的東西, 因為自己經常出差, 回到國內都是他們招待我到處找好東西食, 所以特別推介他們去試試大中華的大排檔味店雖然沒有華麗裝修, 也沒有古舊的東菇亭特色, 就是簡簡單單的小店, 他有幾個不同的鋪位, 有些會坐街邊, 每間鋪都只能坐 5-6 枱客, 因為大排檔通常說話比較大聲, 如果同時間一個地方坐到20枱以上的話, 肯定吵到上天了, 這天我們還能喝喝啤酒談天說地我們就按我們是主人家點了幾個小菜, 自己寫單, 慢慢點不用急招牌黑椒鐵板豬手幾乎每枱都會必叫的小菜, 上菜時那個鐵板配上醬汁出煙的感覺有點震撼, 食下時超軟的肉質, 一點也不肥膩.小炒王風味小菜, 韭菜, 炸蝦乾, 腰果, 蘿白乾, 送啤酒一流!豉椒炒花甲好有大排檔鑊氣, 花甲無砂, 很鮮味芥菜肉片鹹蛋湯一點都覺得有味精, 味道超濃, 食過這幾個菜再加上這個湯, 恰到好處, 很滿足.這個菜原來國內無的, 他們也很喜歡這個湯

好多人幫襯呢間，要排隊，要來呢間，預左等位。呢間臘味飯整得幾香，都幾乾身，份量就少d.如果用糯米飯來煮，就更好食。我地仲叫左黑椒豬手，擺上台的時候，好鬼香噴噴，肉質都好淋，好味，鐘意食濃味的豬手，一定要叫。豬皮好好食，我好鐘意。仲有個炸鱔，一般般。

老公提議到此品嚐臘味煲仔飯，趁我們放假就去一趟啦！傍晚六時到埗剛開鋪，不用等候已可坐低看餐牌點菜。當然點了臘味煲仔飯，還有鐵板黑椒豬手、冰鎮墨魚和東江豆腐煲。首先來了冰鎮墨魚，墨魚的新鮮度和彈牙程度中規中矩，付有2包青芥辣和一碟豉油，但我們只用豉油。個人覺得如果有麻油或熟油取代青芥辣更好，更加帶出味道。鐵板黑椒豬手亦很快上到，香味四溢，用餐刀已易把整隻豬手分解了，配上紫色洋蔥格外惹味。黑椒汁的調控得宜，不擅辣都能吃下去。臘味煲仔飯，用整個沙鍋盛上，飯粒挺乾身，臘味的分量亦豐富，還有焦香脆口的飯焦，老公吃的律律有味。吃過濃味的菜式，來個比較清淡些的東江豆腐煲沖淡下，肥膩感頓消了不少。分量比一些酒樓多，魚肉頗爽口，湯也不錯。最後飯後甜品叫了楊枝甘露棉花冰，因場內冷氣不太足夠，要來個冰涼的甜品降下溫。這甜品好吃的程度是我意料之外，為這餐劃上完美句號！吃過美味的一餐，背後隱藏着想不到的事情。就是回家途中已感口渴，返家後連續喝了幾杯水。

三人晚膳.....帶同老人家.....我想食小炒大排檔......選了間地方較企理的.......原本想清清地叫清蒸花甲....可惜冇貨......轉了豉椒炒聖子......聖子 size也不少......可惜不夠鮮.....好彩是炒得不韌.....好喜歡食小炒王......不是間間好味.....哩間處理得不錯.......炒得乾身不油, 材料豐富.....少少辣韭菜花夠嫩....沒渣......仲有韭黃.....銀魚仔.....蝦乾.....腰果.......菜脯.....魷魚.....哩度既燒味也吸引, 3個人也來了半隻燒鵝......除了梅子醬, 也跟埋燒鵝汁.......其實不點任何醬汁已夠味......鵝皮不是很脆......鵝肉夠嫩......仲叫了點肉......炸大腸拼排骨.......炸大腸外脆內軟.......炸排骨不乾......

和男朋友在附近行街，無意發現「大中華飯店」的招牌，白底紅字，簡簡單單，卻連續佔了好幾個鋪位，實在令人好奇這裝潢平平無奇的大排檔「有咩咁架勢堂」，於是我們決定走進去探個究竟。一走進巷弄便發現這裡熱鬧非常，左右兩旁都鋪滿了充滿港式味道的圓桌折椅，藍藍綠綠的啤酒空瓶放滿一地，耳邊不時傳來亢奮的聊天聲。我們坐了下來，點了兩道菜，畢竟只有兩個人嘛，而且我們發現這裡的菜都特別夠份量，很怕吃不完。果然，首先上來的鐵板黑椒豬手就幾乎把我們KO了。不過，不得不說的是這黑椒豬手的肉質很嫩滑，骨肉可以完全分離，吃起來香口惹味，非常不錯，值得推薦大家哦～除此之外，我們還點了一道南乳燒吊鱔。本來在糾結點招牌臘味煲仔飯還是南乳燒吊鱔，不過看到隔離桌上煲仔飯的大小就選擇放棄了⋯可是，這道菜卻沒有黑椒豬手來得那麼令人驚喜，主要是炸粉太多，加上不能做到外脆內嫩的效果，結果吃了一半就不想再吃⋯下次要找多點朋友來吃煲仔飯才對！果然大排檔還是適合一大班朋友來呢！即使如此，我們還是很享受在這裡進餐，也許是近年的大排檔真的是愈來愈少，難得可以在這裡找到香港的味道，所以下來我們還是會來的！