大中華飯店 (已搬遷) 新店位置

今日難得我們一家人相聚，一定要食返啲呢一間店好出名嘅招牌菜，所以我嘅首選一定是(除非唔係）。前菜一定係豬腳仔，我真係未食過咁好食嘅豬腳仔呀，食落去少少碎骨都冇，證明佢刀功係好好㗎 ，而且啲豬腳仔皮薄爽脆，一啲肥膩感都冇，食多幾隻都冇罪惡感！佢加埋啲蒜蓉辣椒，真係好入味啊！送酒一流！另一推介又係豬腳，不過呢個豬腳係黑椒味嘅大豬腳，呢一個係好野未，因為佢嘅黑椒汁十分之香濃，感覺好麻甩佬，熱辣辣咁上枱，鐵板上嘅聲音咋渣聲，雖然有點熱氣但係真係好好味！我哋叫咗一個墨魚餅，食到有小小嘅墨魚粒，口感爽脆而有咬口，再配上甜酸汁10分開胃。